រូបភាពជុំវិញពិភពលោក ១៤ សីហា ២០២០
មនុស្សកំពុងឈរនៅជិតឡានដែលលិចទៅក្នុងភក់បន្ទាប់ពីមានទឹកជំនន់បង្កដោយភ្លៀងធ្លាក់យ៉ាងខ្លាំងនៅទីក្រុង Jaipur ប្រទេសឥណ្ឌា។
អ្នកបោសសម្អាតតាមផ្លូវកំពុងឆែកមើលទូរស័ព្ទរបស់ខ្លួន នៅពេលលោកសម្រាកនៅក្បែរផ្ទាំងគំនូរស្ដីអំពីជំងឹកូវីដ១៩ នៅទីក្រុងហ្សាការតា ប្រទេសឥណ្ឌូនេស៊ី។
អ្នកចូលរួមកាន់ម៉ាស់ធ្វើពីក្រដាសដែលបង្ហាញរូបប្រធានាធិបតីបេឡារុស លោក Alexander Lukashenko ក្នុងពេលបាតុកម្មគាំទ្របក្សប្រឆាំងនៃប្រទេសបេឡារុស នៅមុខស្ថានទូតបេឡារុស នៅទីក្រុងកៀវ ប្រទេសអ៊ុយក្រែន។
ប៉ូលិសឥណ្ឌាម្នាក់សម្អាតឈាមដែលប្រឡាក់នៅលើផ្លូវដោយប្រើមេគឈើ បន្ទាប់ពីជនសង្ស័យជាពួកឧទ្ទាមបានវាយប្រហារលើប៉ូលិសនៅជាយក្រុង Srinagar ក្នុងតំបន់កាស្មៀរដែលឥណ្ឌាគ្រប់គ្រង។
អតិថិជនម្នាក់ដើរនៅក្បែរហាងលក់របស់ជជុះឈ្មោះ Nochmall ដែលជារបស់ក្រុមហ៊ុនកែច្នៃសំរាម BSR។ ហាងនេះលក់ផលិតផលដែលអតិថិជនខ្លះគិតថាជាសំរាម តែវាជាទ្រព្យសម្រាប់អតិថិជនផ្សេងទៀត នៅទីក្រុងប៊ែឡាំង ប្រទេសអាល្លឺម៉ង់។
ជនប៉ាឡេស្ទីនដុតរូបប្រធានាធិបតីសហរដ្ឋអាមេរិក ដូណាល់ ត្រាំ និងព្រះអង្គម្ចាស់ស្នងរាជ្យ Mohammed bin Zayed al-Nahyan នៃប្រទេសអេមីរ៉ាតអារ៉ាប់រួម និងនាយករដ្ឋមន្ត្រីអ៊ីស្រាអែល Benjamin Netanyahu ក្នុងពេលបាតុកម្មនៅទីក្រុង Nablus នៅតំបន់ West Bank ដែលអ៊ីស្រាអែលកាន់កាប់។
អណ្ដាតភ្លើងនៃភ្លើងឆេះព្រៃនៅ Ranch Fire ដែលកំពុងឆេះកូនភ្នំ Azusa រដ្ឋកាលីហ្វ័រញ៉ា សហរដ្ឋអាមេរិក ស្ថិតនៅចម្ងាយប្រមាណ ៤០គីឡូម៉ែត្រពីទីក្រុងឡូសអែនជឺឡែស (Angeles)។
រូបម្ដាយនិងកូនដែលពាក់ម៉ាស់ ឆ្លុះទៅនឹងទឹក នៅពេលពួកគេដើរនៅក្នុងស្រុក Docklands នៃទីក្រុង Melbourne ប្រទេសអូស្ត្រាលី នៅពេលដែលទីក្រុងនេះកំពុងប្រឈមនឹងការផ្ទុះឡើងនៃជំងឺកូវីដ១៩ ដែលបណ្ដាលមកពីវីរុសកូរ៉ូណា។