រូបភាពជុំវិញពិភពលោក ១៣ សីហា ២០២០
រថយន្តមួយគ្រឿងកំពុងឆេះ នៅខណៈពេលដែលខ្យល់កំពុងបក់នាំយករងើកភ្លើងពីដើមឈើដែលឆេះនៅពេលមានភ្លើងឆេះព្រៃនៅ Lake Hughes ក្នុងតំបន់អភិរក្សព្រៃឈើឧទ្យានជាតិ Angeles នៅខាងជើងក្រុង Santa Clarita រដ្ឋកាលីហ្វ័រញ៉ា សហរដ្ឋអាមេរិក។
មន្ត្រីប៉ូលិសពាក់ម៉ាស់ ចូលរួមក្នុងការហាត់សមដើម្បីប្រារព្ធទិវាឯករាជ្យជាតិរបស់ប្រទេសឥណ្ឌា នៅឯបន្ទាយប្រវត្តិសាស្ត្រ Red Fort ក្នុងទីក្រុងដែលី ប្រទេសឥណ្ឌា។
ទាហានមកពីកងកម្លាំងប្រដាប់អាវុធប្រេស៊ីល កំពុងបាញ់ថ្នាំសម្លាប់មេរោគនៅឯរូបចម្លាក់ The Redeemer នៅភ្នំ Corcovado មុនពេលបើកដំណើរការឡើងវិញទីន្លែងទាក់ទាញទេសចរណ៍មួយនេះ នៅទីក្រុង Rio de Janeiro ប្រទេសប្រេស៊ីល។
ស្ត្រីម្នាក់ពាក់ម៉ាស់ដើម្បីចូលរួមការពារការរាលដាលនៃវីរុសកូរ៉ូណា កំពុងដើរនៅឯបឹងមួយដែលមានផ្កាឈូក នៅក្រោមកម្ដៅថ្ងៃ ក្នុងទីក្រុងតូក្យូ ប្រទេសជប៉ុន។
បុគ្គលិកសុខាភិបាលម្នាក់យកសំណាកដើម្បីធ្វើតេស្តរកមើលជំងឺកូវីដ១៩ នៅទីក្រុង Gauhati ប្រទេសឥណ្ឌា។
មនុស្សកំពុងគ្រវីផ្កានៅពេលពួកគេប្រមូលផ្ដុំគ្នាដើម្បីធ្វើបាតុកម្មប្រឆាំងនឹងលទ្ធផលនៃការបោះឆ្នោតប្រធានាធិបតី នៅទីក្រុងមីនស្តិ៍ ប្រទេសបេឡារុស។
អ្នកភូមិកំពុងឈរមើលការផ្ទុះនៃភ្នំភ្លើង Mount Sinabung មើលចេញពីក្រុង Karo ខេត្តសូម៉ាត្រាខាងជើង ប្រទេសឥណ្ឌូនេស៊ី។
ប៉ូលិសចាប់ខ្លួនបាតុករម្នាក់ក្នុងពេលតវ៉ាប្រឆាំងនឹងការរសម្រេចរបស់ប្រធានាធិបតី Alassane Ouattara ក្នុងការឈរឈ្មោះសម្រាប់តំណែងប្រធានាធិបតីជាលើកទី៣ នៅទីក្រុង Abidjan ប្រទេសកូតឌីវ័រ។
កីឡាករ Jos Buttler នៃប្រទេសអង់គ្លេសកំពុងផ្ដោតទៅលើកូនបាល់ក្នុងពេលដែលកីឡា cricket បានចាប់ផ្ដើមឡើងវិញដោយមិនអនុញ្ញាតឲ្យមានមនុស្សចូលទស្សនា បន្ទាប់ពីមានការផ្ទុះឡើងនៃជំងឺបណ្ដាលមកពីវីរុសកូរ៉ូណា នៅក្រុង Ageas Bowl ទីក្រុង Southampton ចក្រភពអង់គ្លេស៕