រូបភាពជុំវិញពិភពលោក ១៣ សីហា ២០១៧
មនុស្សម្នា រួមមានទាំងប៉ូលិស និងយោធា ចូលរួមនៅក្នុងក្រុងការរាំរបាំប្រពៃណី Saman ដែលមានដើមកំណើតចេញពីក្រុមកុលសម្ព័ន្ធ Gayo នៅក្នុងស្រុក Gayo Lues ខេត្ត Aceh ប្រទេសឥណ្ឌូនេស៊ី។
កីឡាករ Yohann Diniz មកពីបារាំងសប្បាយចិត្តបន្ទាប់ពីរត់កាត់ខ្សែចុងក្រោយ ដើម្បីទទួលបានមេដាយរត់ប្រណាំងក្នុងការប្រកួតដណ្តើមពានរង្វាន់ World Athletics Championships ក្នុងក្រុងឡុងដ៍។
មនុស្សម្នាទទួលបានជំនួយសង្គ្រោះបឋមបន្ទាប់ពីមានរថយន្តបុកទៅលើហ្វូងបាតុករនៅក្នុងក្រុង Charlottesville រដ្ឋ Virginia សហរដ្ឋអាមេរិក កាលពីថ្ងៃទី១២ ខែសីហា ឆ្នាំ២០១៧។ មានហ្វូងបាតុករជាតិនិយមស្បែកសមួយក្រុមប្រឈមមុខនឹងក្រុមបាតុករប្រឆាំងនឹងក្រុមនេះ។
ក្រុម Roscosmos ជិះយន្តហោះរបស់ខ្លួនក្នុងពេលប្រកួត Red Bull Flugtag របស់រុស្ស៊ីក្នុងឆ្នាំ២០១៧ នៅក្នុងក្រុងមូស្គូ។
លោក Raila Odinga មេដឹកនាំក្រុមប្រឆាំងកេនយ៉ាថ្លែងទៅកាន់អ្នកគាំទ្ររាប់ពាន់នាក់ដែលប្រមូលផ្តុំនៅក្នុងតំបន់ Mathare នៃក្រុងណៃរ៉ូប៊ី។ លោក Odinga ថ្កោលទោសប៉ូលិសដែលបានសម្លាប់កុបករក្នុងពេលធ្វើបាតុកម្មបន្ទាប់ពីមានការបោះឆ្នោតដ៏ចម្រូងចម្រាសរបស់ប្រទេសនេះ និងកំពុងលើកទឹកចិត្តឲ្យអ្នកគាំទ្រផ្អាកធ្វើការនៅថ្ងៃចន្ទ។
បុរសម្នាក់ចូលរួមក្នុងការប្រកួតញ៉ាំម្ទេសនៅក្នុងក្រុង Ningxiang ខេត្ត Hunan ប្រទេសចិន កាលពីថ្ងៃទី១២ ខែសីហា ឆ្នាំ២០១៧។
សិល្បករ Abdelrahman al-Habrouk រៀបរូបរបស់តារាសម្តែង Johnny Depp ដោយប្រើថ្នាំជក់នៅក្នុងក្រុង Alexandria ប្រទេសអេហ្ស៊ីប។
គូស្នេហ៍មួយគូមើលអាចម៍ផ្កាយ Perseid នៅក្បែរក្រុង Comillas ភាគខាងជើងនៃប្រទេសអេស្ប៉ាញ កាលពីថ្ងៃទី១២ ខែសីហា ឆ្នាំ២០១៧។
មនុស្សម្នាដេកហាលថ្ងៃនៅលើឆ្នេរ Llaman នៅក្បែរក្រុង Himare ប្រទេសអាល់បានី។
មនុស្សម្នាក់ចូលរួមនៅក្នុងការប្រកួតរាំ Highland Country Dancing នៅក្នុងឧទ្យាន Glasgow Green ដែលជាផ្នែកមួយនៃពានរង្វាន់ World Pipe Band Championships ក្នុងក្រុង Glasgow ប្រទេសស្កុតលែន កាលពីថ្ងៃទី១២ ខែសីហា ឆ្នាំ២០១៧។
ភ្លើងឆេះព្រៃឆាបឆេះនៅក្បែរបង្គោលភ្លើងនៅក្បែរក្រុង Othello សហរដ្ឋអាមេរិក។