រូបភាពជុំវិញពិភពលោក ០៩ សីហា ២០១៨
ស្ត្រីម្នាក់ចូលរួមក្នុងការធ្វើបាតុកម្មដើម្បីគាំទ្រដល់ការដកការរំលូតកូនចេញពីច្បាប់ព្រហ្មទណ្ឌ នៅខាងក្រៅស្ថានទូតអាហ្សង់ទីន ក្នុងទីក្រុងគីតូ ប្រទេសអេក្វាទ័រ។
សត្វតោពីរក្បាលដែលមានអាយុ៤ខែ កំពុងលេងជាមួយគ្នានៅក្នុងទ្រុងក្នុងសួនសត្វ Altiplano នៅទីក្រុង Tlaxcala ប្រទេសម៉ិកស៊ិក។
ហ្មដំរីកំពុងលាងសម្អាតដំរីរបស់ខ្លួននៅក្នុងទីក្រុងកូឡុំបូ ប្រទេសស្រីលង្កា។
ជនចំណាកស្រុកដែលត្រូវបានជួយសង្គ្រោះដោយទូករបស់អង្គការ Proactiva Open Arms ក្នុងសមុទ្រមេឌីទែរ៉ានេ កំពុងឈរនៅលើក្បាលទូកនៅពេលមកដល់កំពង់ផែ Algeciras ក្នុងក្រុង San Roque នៅភាគខាងត្បូងនៃប្រទេសអេស្ប៉ាញ។
ក្មេងប្រុសជនភៀសខ្លួនរ៉ូហ៊ីងយ៉ា កំពុងឈរស្ទូចត្រីនៅលើទូកនៅជំរំ Shamlapur នៅតំបន់ Teknaf នៃស្រុក Cox's Bazar ប្រទេសបង់ក្លាដែស។
នាវាដឹកទំនិញកំពុងបើកបរកាត់ប៉ម Kalyazin Bell ដ៏ល្បីល្បាញ។ ប៉មនេះជាផ្នែកមួយនៃវិហារគ្រិស្តសាសនា St. Nicholas ក្នុងទីក្រុង Kalyazin ស្ថិតនៅក្នុងទន្លេ Volga ជិតទីក្រុងមូស្គូ ប្រទេសរុស្ស៊ី។
ស្ត្រីម្នាក់គប់ដបទៅប៉ូលិស នៅខាងក្រៅអាគារសភាជាតិក្នុងទីក្រុងប៊ុយណូស៊ែ ប្រទេសអាហ្សង់ទីន ក្រោយពេលព្រឹទ្ធសភាបានបដិសេធមិនអនុម័តច្បាប់ដែលផ្ដល់ភាពស្របច្បាប់សម្រាប់ការរំលូតកូន។
ក្មេងស្រីម្នាក់ដើរកាត់ទឹកនៅពេលនាងមើលទៅកាន់ភ្លើងព្រៃដែលកំពុងឆេះនៅព្រៃ Cleveland National Forest ក្នុងតំបន់ Elsinore រដ្ឋកាលីហ្វ័រញ៉ា។
បុរសម្នាក់កំពុងដឹកសេះឡើងទៅលើទូកដែលនឹងដឹកវាទៅកាន់ទីទួល ក្រោយពេលមានរញ្ជួយដីនៅ Gili Trawangan កោះ Lombok ប្រទេសឥណ្ឌូនេស៊ី។
ក្មេងប្រុសជនជាតិរ៉ូហ៊ីងយ៉ាម្នាក់កំពុងចាក់ទឹកលើក្បាលក្នុងពេលដែលមានអាកាសធាតុក្ដៅខ្លាំង នៅជំរំ Kutupalong នៅ Ukhia ស្រុក Cox's Bazar ប្រទេសបង់ក្លាដែស។
បុរសម្នាក់កំពុងដើរនៅលើផ្លូវ នៅពេលដែលភ្លើងឆេះព្រៃកំពុងខិតមកជិតតំបន់នេះ ក្នុងទីក្រុង Silves ប្រទេសព័រទុយហ្គាល់។
នាង Dola Banu ជនជាតិរ៉ូហ៊ីងយ៉ា និងកូនប្រុសរបស់នាង ថតរូបនៅច្រកចូលទៅកាន់ជម្រករបស់នាង នៅជំរំជនភៀសខ្លួន Thangkhali ក្បែរស្រុក Cox's Bazar ប្រទេសបង់ក្លាដែស។