រូបភាពជុំវិញពិភពលោក ២៨ មេសា ២០១៦
ស្រ្តីរងរបួសមួយរូបបញ្ចេញប្រតិកម្មនៅកន្លែងដែលរងការវាយប្រហារតាមអាកាសនៅតំបន់គ្រប់គ្រងដោយក្រុមប្រឆាំងក្នុងក្រុង Old Aleppo ប្រទេសស៊ីរី។
ប្រជាជនដើរកាត់គំនរកម្ទេចអគារដែលរងការបែកបាក់ បន្ទាប់ពីការវាយប្រហារតាមអាកាសដែលត្រូវបានរាយការណ៍មួយនៅតំបន់ al-Kalasa គ្រប់គ្រងដោយក្រុមប្រឆាំងនៅក្រុង Aleppo ភាគខាងជើងប្រទេសស៊ីរី។
ឆ្មាំមួយរូបមកពីអង្គការ Keyna Wildlife Service (KWS) ឈរល្បាតនៅជិតគំនរភ្លុកនៅឧទ្យានជាតិក្រុងណៃរ៉ូប៊ី។ អង្គការ Wildlife Service ប្រមូលបានភ្លុកដំរីចំនួន ១៦.០០០ ដែលមានទម្ងន់សរុប ១០៥ តោន ជាមួយនឹងក្នាយរមាសមួយតោន នៅជុំវិញប្រទេសកេនយ៉ា នៅក្នុងការរៀបចំដើម្បីដុតបំផ្លាញចោលនៅថ្ងៃទី៣០ ខែមេសា ឆ្នាំ២០១៦ ដើម្បីជំរុញកិច្ចប្រឹងប្រែងទូទាំងពិភពលោកក្នុងការបញ្ឈប់ការប្រមាញ់ដំរី និងរមាស។
កុមារាម្នាក់បណ្តែតខ្លួននៅក្នុងស្រះមួយដើម្បីឲ្យត្រជាក់ខ្លួននៅថ្ងៃដ៏ក្តៅមួយនៅជាយក្រុង Kolkata ប្រទេសឥណ្ឌា។
ក្រុមអ្នកប្រមូលសំរាមមើលទៅលើក្រុមជួយសង្រ្គោះ (មិនបានបង្ហាញក្នុងរូប) ដែលកំពុងធ្វើការនៅទីដែលមានការបាក់ធ្លាក់គំនរសំរាមនៅទីលានចាក់សំរាមមួយនៅក្រុងក្វាតេម៉ាឡា ប្រទេសក្វាតេម៉ាឡា កាលពីថ្ងៃទី២៧ ខែមេសា ឆ្នាំ២០១៦។
ទៀនការពារកំណកត្រូវបានដុតឡើងនៅក្នុងចំការទំពាំងបាយជូរនៅក្រុង Flaesch ប្រទេសស្វីស។ ដោយសារតែសីតុណ្ហភាពទាបខុសរដូវ កសិករដាំទំពាំងបាយជូរព្យាយាមការពារដំណាំរបស់ពួកគេជាមួយនឹងកំដៅបន្ថែមពីទៀនការពារកំណក។
ក្រុមស្រ្តីប្រារព្ធពិធីសាសនាមួយដុតភ្លើងនៅជិតផ្នូរក្នុងភូមិ Copaciu ភាគខាងជើងប្រទេសរ៉ូមានី នៅមុនថ្ងៃបុណ្យ Orthodox Easter ដែលនឹងធ្វើឡើងនៅថ្ងៃទី០១ ខែឧសភា។
ពិព័រណ៌កាំរស្មីឡាស៊ែរ «Global Rainbow- Peace Will Win» ដោយសិល្បករដើមកំណើតព័រតូរីកូ Yvette Mattern បង្ហាញនូវកាំរស្មីប្រាំពីរពណ៌ដូចឥន្ធនូលេចឡើងកាត់សសរ «Siegessaeule» នៅក្រុងប៊ែរឡាំង ប្រទេសអាល្លឺម៉ង់ កាលពីថ្ងៃទី២៧ ខែមេសា ឆ្នាំ២០១៦។
រថយន្តរបស់ក្រុមហ៊ុន Volkswagen ត្រូវបានដាក់បង្ហាញបណ្តាញផ្សព្វផ្សាយនៅខាងក្នុងអគារដឹកជញ្ជូនមួយមុនពេលសន្និសីទសារព័ត៌មានប្រចាំឆ្នាំរបស់ក្រុមហ៊ុននេះនៅក្រុង Wolfsburg ប្រទេសអាល្លឺម៉ង់។
កូនស្វាប្រភេទ Hamadryas Baboon ដែលមានអាយុ ២៣ថ្ងៃ លេងជាមួយនឹងតុក្កតានៅឯសួនសត្វ Sri Chamarajendra នៅក្រុង Mysuru ភាគខាងត្បូងប្រទេសឥណ្ឌា។ កូនស្វាមួយនេះត្រូវបានម៉ែវាបោះបង់ចោលបន្ទាប់ពីកើតនៅថ្ងៃទី០៤ ខែមេសា នេះបើយោងទៅតាមពេទ្យសត្វប្រចាំសួន។
បុរសម្នាក់កំពុងបញ្ជាគ្រឿងម៉ាស៊ីនដាក់គ្រឿងផ្សំដើម្បីធ្វើជីកំប៉ុស នៅឯកសិដ្ឋានផ្សិត Highline ដែលជាកសិដ្ឋានដាំផ្សិតធំជាងគេបំផុតនៅប្រទេសកាណាដានៅក្រុង Leamington រដ្ឋ Ontario។
សកម្មភាពការប្រណំាងកង់នៅដំណាក់កាលទីពីរ ដែលមានចម្ងាយ ១៧៣,៩ គីឡូម៉ែត្ររវាងក្រុង Moudon និងMorgins នៅអំឡុងការប្រកូតប្រណាំងកង់ Tour de Romandie UCI ProTour លើកទី៧០ នៅក្រុង Morgins ប្រទេសស្វីស។
សមាជិកក្រុមរបាំបាឡេអូស្រ្តាលីធ្វើការសម្តែងឈុត «ក្លិននៃសេចក្តីស្នេហា» នៅអំឡុងពេលហាត់សមមួយសម្រាប់ការសម្តែង Symphony in C ថ្នាក់ជាតិ ដែលរួមមានឈុតរបាំបាឡេប្រាំខុសគ្នានៅឯ Opera House ក្នុងរដ្ឋធានីស៊ីដនី។
រ៉ូកែត Soyuz 2.1 របស់រុស្ស៊ី ដែលដឹកផ្កាយរណប Lomonosov ផ្កាយរណប Aist-2D និងផ្កាយរណប Samsat-218 ធ្វើការហោះចេញពីស្ថានីយ Vostochny ជាយក្រុង Uglegorsk ដែលមានចម្ងាយប្រមាណ ២០០ គីឡូម៉ែត្រពីក្រុង Blagoveshchensk នៅជាយភាគខាងកើតតំបន់ Amur ប្រទេសរុស្ស៊ី។