រូបភាពជុំវិញពិភពលោក ២៤ មេសា ២០២០
លោក Pitrik van der Lubbe លើកដៃគ្រវីពីគ្រឿងចក្រក្រែន ទៅកាន់ឪពុកឈ្មោះ Henk អាយុ ៨៨ ឆ្នាំ នៅឯផ្ទះសម្រាកព្យាបាលមួយនៅទីក្រុង Gouda ប្រទេសហូឡង់។ គ្រឿងចក្រក្រែនត្រូវបានផ្ដល់ដោយឥតគិតថ្លៃដោយក្រុមហ៊ុនមួយ ដើម្បីឲ្យក្រុមគ្រួសារអាចសួរសុខទុក្ខអ្នកជាទីស្រឡាញ់របស់ពួកគេ ដែលនៅដាច់ដោយឡែកដោយសារតែវីរុសកូរ៉ូណា។
កម្មករកាន់សាសនាឥស្លាមកំពុងបួងសួង នៅពេលឈរនៅក្រោមសរសៃនំបញ្ចុក ដែលគេដាក់ហាលឲ្យស្ងួតដើម្បីប្រើជាបង្អែមប្រពៃណី ដែលពេញនិយមសម្រាប់ពិធីរ៉ាម៉ាដន (Ramadan) ក្នុងពេលដែលប្រទេសឥណ្ឌាទាំងមូលកំពុងស្ថិតក្នុងការបិទប្រទេស។
កៅអីចំនួន ៨០ ត្រូវបានដាក់នៅមុខខ្លោងទ្វារ Brandenburg ដើម្បីទាក់ទាញការចាប់អារម្មណ៍ទៅលើស្ថានភាពលំបាកនៃម្ចាស់សណ្ឋាគារ និងភោជនីយដ្ឋាន នៅខណៈដែលជំងឺកូរ៉ូណា ឬ កូវីដ១៩ បន្តរាលដាល នៅទីក្រុងប៊ែឡាំង ប្រទេសអាល្លឺម៉ង់។
ក្មេងកាន់សាសនាឥស្លាមពាក់ម៉ាស់ កំពុងមើលទៅផ្ទះរបស់គេ នៅជិតព្រះវិហារឥស្លាមដែលបិទទ្វារ នៅថ្ងៃទី១ នៃពិធីរ៉ាម៉ាដន នៃសាសនាឥស្លាម នៅទីក្រុងបាងកក ប្រទេសថៃ។
ក្រុមអ្នកជាប់ពន្ធនាគារដែលធ្វើកូតកម្ម កំពុងតវ៉ាថា អាជ្ញាធរមិនបានធ្វើអ្វីៗគ្រប់គ្រាន់ដើម្បីទប់ស្កាត់ការរាលដាលនៃជំងឺកូវីដ១៩ នៅពន្ធនាគារ Villa Devoto រដ្ឋធានីប៊ុយណូស៊ែ ប្រទេសអាហ្សង់ទីន។
នាង Iman Avdic កីឡាការិនីហែលទឹកជាតិដែលធ្លាប់បានពានពីមុន កំពុងហ្វឹកហាត់នៅក្នុងអាងហែលទឹកតូចមួយធ្វើពីផ្លាស្ទីក នៅក្នុងផ្ទះបៃតងនៅក្នុងសួនច្បារនៃជីតារបស់នាង នៅទីក្រុង Doboj ប្រទេសបូស្ន៊ី កាលពីថ្ងៃទី២៣ មេសា ២០២០។
រូបថតពីទីភ្នាក់ងារអវកាសអឺរ៉ុប បង្ហាញឧទាហរណ៍មួយនៃផ្ទៃខាងក្រៅនៃអវកាស ដែលថតបានដោយកែវយឹត NASA/ESA Hubble Space Telescope ក្នុងចម្ងាយ ៣០ឆ្នាំពន្លឺ។
មនុស្សពាក់ម៉ាស់ដើរនៅក្រោមគោមរូបត្រី ដែលជាគោមខ្យល់ប្រពៃណីជប៉ុន ដែលគេចងនៅប្រទេសជប៉ុន ពីខែមេសា ដល់ដើមខែឧសភា ដើម្បីជូនពរសុខភាពល្អសម្រាប់ក្មេងៗ បន្ទាប់ពីមានការផ្ទុះឡើងនៃជំងឺកូវីដ១៩ នៅទីក្រុងតូក្យូ ប្រទេសជប៉ុន។
ទិដ្ឋភាពពីលើអាកាសទៅលើព្រះវិហារឥស្លាម Grand Mosque និងប៉ម Mecca Tower នៅទីក្រុងពិសិដ្ឋនៃប្រទេសអារ៉ាប៊ីសាអូឌីត នៅថ្ងៃទីនៃពិធីសាសនា រ៉ាម៉ាដន ក្នុងពេលដែលមានការរាតត្បាតនៃជំងឺកូវីដ១៩។
រូបបុរសម្នាក់នៅក្នុងកញ្ចក់ឡាន ដែលតែងខ្លួនធ្វើជាព្រះនៃសេចក្ដីស្លាប់ Yamaraj នៃសាសនាហិណ្ឌូ ដើម្បីលើកកម្ពស់ការយល់ដឹងអំពីវីរុសកូរ៉ូណា នៅទីក្រុង Kolkata ប្រទេសឥណ្ឌា ខណៈប្រទេសនេះបន្តការបិទប្រទេស។
បុរសម្នាក់កំពុងរៀបចំរបស់របរនៅក្នុងហាងមួយ មុនពេលបើកលក់នៅទីក្រុងប្រាក សាធារណរដ្ឋឆែក។
ក្មេងប្រុសម្នាក់ដើរនៅលើដីស្ងួតប្រេះក្រហែង នៅក្នុងអាងស្តុកទឹកក្នុងវត្តមួយ នៅទីក្រុង Chennai ប្រទេសឥណ្ឌា។