រូបភាពជុំវិញពិភពលោក ២៣ មេសា ២០១៧
ជនជាតិអ៊ីរ៉ាក់មូស្លីម Shi'ite សែងក្តាមឈូសតំណាងរបស់បព្វជិត Imam Musa al-Kadhim ក្នុងពេលដង្ហែសព នៅថ្ងៃខួបនៃមរណភាពរបស់លោកនៅក្នុងស្រុក Kadhimiya ភាគខាងជើងនៃក្រុងបាកដាដ។
អ្នកស្ម័គ្រចិត្តម្នាក់លើកប្រអប់ឆ្នោតរត់ចេញពីស្ថានអគ្គកុងស៊ុលនៃប្រទេសបារាំង បន្ទាប់ពីប៉ូលិសញូវយ៉កបានសង្ស័យរថយន្តមួយដែលចតចោលនៅខាងក្រៅច្រកចូលនៅក្នុងសង្កាត់ Manhattan ក្រុងញូវយ៉ក។
អ្នករត់ប្រណាំងរត់បានពាក់កណ្តាលផ្លូវនៅតាមស្ពាន Tower Bridge ក្នុងពេលប្រកួតរត់ប្រណាំង London Marathon។
ចៀមប្រភេទ Racka ត្រូវបានគេថតបានក្នុងពេលចាប់ផ្តើមនៃការដុះស្មៅនៅវាល Great Hungarian Plain នៅក្នុងក្រុង Hortobagy ប្រទេសហុងគ្រី។
សមាជិកនៃក្រុម Gruppo Storico Romano តុបតែងជាអ្នករបាំ Ninfe Nereidi ធ្វើការសម្តែងនៅទីលាន Circus Maximus នៅពេលពួកគេប្រារព្ធខួបនៃការបង្កើតក្រុងរ៉ូម ប្រទេសអ៊ីតាលី កាលពីថ្ងៃទី២៣ ខែមេសា ឆ្នាំ២០១៧។
ស្ត្រីម្នាក់ដែលមានសក់វែងម្នាក់ឈរថតរូបនៅក្នុងក្រុង Weihai ខេត្ត Shandong ប្រទេសចិន កាលពីថ្ងៃទី២២ ខែមេសា ឆ្នាំ២០១៧។
សំរាមអណ្តែតនៅលើប្រឡាយទឹក El Claro នៅទិវាភពផែនដី (Earth Day) នៅក្នុងក្រុង Tigre ប្រទេសអាហ្សង់ទីន កាលពីថ្ងៃទី២២ ខែមេសា ឆ្នា២០១៧។
បុរសម្នាក់ចាក់អាវុធបុរាណចូលទៅក្នុងបំពង់ករបស់គាត់ ក្នុងពិធីបុណ្យសាសនាហិណ្ឌូ Ngerebong ដែលជាប្រពៃណីមួយនៃភូមិ Kesiman កោះបាលី ប្រទេសឥណ្ឌូនេស៊ី។
គ្រាប់ពូជមួយនៅជាប់នឹងបង្អួច នៅពេលមានភ្លៀង នៅក្នុងរដ្ឋធានីវ៉ាស៊ីនតោន កាលពីថ្ងៃទី២២ ខែមេសា ឆ្នាំ២០១៧។
ស្ត្រីលីបង់អង្គុយនៅលើបង់មួយក្បែររ៉ូបសម្រាប់អាពាហ៍ពិពាហ៍ ដែលរចនាឡើងដោយសិល្បករ និងអង្គការក្រៅរដ្ឋាភិបាល Abaad នៅតាមផ្លូវ Corniche នៃក្រុងបេរូត កាលពីថ្ងៃទី២២ ខែមេសា ឆ្នាំ២០១៧។ រ៉ូបទាំងនេះត្រូវបានព្យួរឡើងដើម្បីរិះគន់មាត្រា៥២២នៃក្រមព្រហ្មទណ្ឌរបស់ប្រទេសនេះ។ មាត្រានេះអនុញ្ញាតឲ្យជនដៃដល់នៃបទល្មើសរំលោភដែលបានរៀបអាពាហ៍ពិពាហ៍ជាមួយជនរងគ្រោះអាចរួចខ្លួនពីការផ្តន្ទាទោសបាន។ សំណើដើម្បីលុបចោលមាត្រានេះត្រូវបានគេស្នើឡើងកាលពីឆ្នាំមុន និងត្រូវបានគណៈកម្មាធិការសភាអនុម័តយល់ព្រមកាលពីខែកុម្ភៈ ប៉ុន្តែត្រូវការការបោះឆ្នោតដោយសម័យប្រជុំពេញអង្គរបស់សភា។