រូបភាពជុំវិញពិភពលោក ២២ មេសា ២០១៨
បុរសម្នាក់ប្រមូលវត្ថុដែលអាចប្រើប្រាស់ឡើងវិញបាន នៅកន្លែងដុតសំរាមមួយនៅក្នុងក្រុង Kolkata ប្រទេសឥណ្ឌា។
មនុស្សម្នាចូលរួមនៅក្នុងការរត់ម៉ារ៉ាតុន Vienna City Marathon នៅក្នុងក្រុង Vienna ប្រទេសអូទ្រីស។
កីឡាការនី Petra Kvitova មកពីសាធារណរដ្ឋឆែកវាយគ្រាប់បាល់ទៅឲ្យកីឡាការនី Angelique Kerber មកពីអាល្លឺម៉ង់ នៅក្នុងការប្រកួតវគ្គពាក់កណ្តាលផ្តាច់ព្រ័ត្រ Fed Cup រវាងប្រទេសអាល្លឺម៉ង់ និងសាធារណរដ្ឋឆែក នៅទីលាន Porsche នៅក្នុងក្រុង Stuttgart ប្រទេសអាល្លឺម៉ង់។
បព្វជិតថ្មីដេកផ្កាប់មុខនៅលើកម្រាលព្រំ ក្នុងពិធីមួយដែលចូលរួមជាអធិបតីពីសម្តេចប៉ាប Francis នៅក្នុងព្រះវិហារ St. Peter's Basilica នៅបុរីវ៉ាទីកង់។
ឪពុករបស់សមាជិកសហគមន៍ Hazara ម្នាក់ដែលត្រូវបានគេសម្លាប់រួមជាមួយនឹងអ្នកផ្សេងទៀត ដោយខ្មាន់កាំភ្លើងដែលគេមិនស្គាល់អត្តសញ្ញាណ បានស្រែកយំ ដោយសារតែការស្លាប់របស់កូនលោក នៅមន្ទីរពេទ្យមួយនៅក្នុងក្រុង Quetta ប្រទេសប៉ាគីស្ថាន។
ពលរដ្ឋអេមីរ៉ាតអារ៉ាប់រួមចូលរួមប្រកួតជិះទូកក្តោងដែលមានឈ្មោះថា Marwah Traditional Dhow Sailing ដែលនេះជាផ្នែកមួយនៃពិធីបុណ្យ Al-Dhafra Water នៅឆ្នេរ al-Mirfa កាលពីថ្ងៃទី២១ ខែមេសា ឆ្នាំ២០១៨។
កីឡាករ Rafael Nadal មកពីអេស្ប៉ាញកាន់ពាន នៅពេលលោកសាទរចំពោះជ័យជម្នះក្នុងវគ្គផ្តាច់ព្រ័ត្រនៃការប្រកួត Monte Carlo Tennis Masters ទល់នឹងកីឡាករ Kei Nishikori មកពីជប៉ុន នៅប្រទេសម៉ូណាកូ។
បាតុករចូលរួមនៅក្នុងបាតុកម្មប្រឆាំងនឹងរដ្ឋាភិបាលមួយនៅក្នុងក្រុង Budapest ប្រទេសហុងគ្រី កាលពីថ្ងៃទី២១ ខែមេសា ឆ្នាំ២០១៨។ ពលរដ្ឋហុងគ្រីរាប់ពាន់នាក់ចូលរួមបាតុកម្មនៅតាមផ្លូវនៅក្នុងក្រុង Budapest នៅថ្ងៃសៅរ៍ពីរអាទិត្យជាប់គ្នា ដើម្បីប្រឆាំងនឹងលោកនាយករដ្ឋមន្ត្រី Viktor Orban ដែលទើបជាប់ឆ្នោតថ្មី។
ពលរដ្ឋឥណ្ឌាដើរកាត់ទឹកកខ្វក់មួយកន្លែងដែលហូរចេញពីរោងចក្រឧស្សាហកម្មមួយនៅក្នុងក្រុង Jammu ប្រទេសឥណ្ឌា។
បុរសម្នាក់ដើរនៅលើបង្គោលមួយនៅក្នុងការប្រកួតឡើងសសរ ដែលជាផ្នែកមួយនៃពិធីបុណ្យ Sinhala ដែលជាការប្រារព្ធពិធីចូលឆ្នាំថ្មីហិណ្ឌូ និងតាមិល នៅក្នុងក្រុង Bandaragama ប្រទេសស្រីលង្កា កាលពីថ្ងៃទី២១ ខែមេសា ឆ្នាំ២០១៨។