រូបភាពជុំវិញពិភពលោក ២១ មេសា ២០១៧
ប្រហោងគ្រាប់កាំភ្លើងត្រូវបានគេថតនៅបង្អួចហាងមួយនៅវិថី Champs Elysees ក្នុងទីក្រុងប៉ារីស។ កាលពីថ្ងៃសុក្រ ប្រទេសបារាំងប្តេជ្ញាម្តងទៀតប្រឆាំងនឹងក្រុមរដ្ឋឥស្លាម នៅក្រោយមានការបាញ់ប្រហារដែលគេអះអាងថាធ្វើឡើងដោយក្រុមរដ្ឋឥស្លាម។
កុមារបាត់បង់ទីជម្រកដែលគេចខ្លួនមកជាមួយគ្រួសារ ពីក្រុមរដ្ឋឥស្លាមក្នុងទីក្រុងម៉ូស៊ុល កំពុងលេងនៅជំរំ Khazer ប្រទេសអ៊ីរ៉ាក់។
ក្រុមសមាជិកនៃទាហានកាំភ្លើងធំរបស់ព្រះមហាក្សត្រ ចូលរួមក្នុងពិធីបាញ់កាំភ្លើងលើកទី៤១ ដើម្បីប្រារពថ្ងៃខួបកំណើតទី៩១ នៃព្រះមហាក្សត្រិយានីអង់គ្លេស Elizabeth II នៅក្នុងឧទ្យាន Hyde Park កណ្តាលទីក្រុងឡុងដ៍ ប្រទេសអង់គ្លេស។
បុរសម្នាក់មកពីប្រទេសហូឡង់ បង្ហាញរូបសាក់នៅលើខ្នងនិងក្បាលរបស់គាត់ នៅថ្ងៃដំបូងនៃកម្មវិធីបង្ហាញរូបសាក់នៅទីក្រុង Frankfurt ប្រទេសអាល្លឺម៉ង់។
ក្រុមការងារកំពុងរៀបចំកន្លែងបោះឆ្នោតនៅក្នុងការិយាល័យបោះឆ្នោតក្នុងទីក្រុង Lambersart ភាគខាងជើងនៃប្រទេសបារាំង។ ការបោះឆ្នោតប្រធានាធិបតីដែលមានពីរដំណាក់កាល នឹងចាប់នៅថ្ងៃទី២៣ ខែមេសា និងថ្ងៃទី៧ ខែឧសភា។
អ្នករាំរបាំ Whirling dervishes ចូលរួមក្នុងកម្មវិធីបុណ្យអន្តរជាតិសម្រាប់ស្គរ និងសិល្បៈវប្បធម៌ នៅវិថី El-Moez ក្នុងទីក្រុងគែរ ប្រទេសអេហ្ស៊ីប។ អេហ្ស៊ីបទទួលធ្វើជាម្ចាស់ផ្ទះសម្រាប់ប្រទេសចំនួន២៣ ដែលបានលើកឡើងនូវពាក្យស្លោក «សន្ទនាស្គរសម្រាប់សន្តិភាព» ក្នុងគោលបំណងផ្សព្វផ្សាយការអត់ធ្មត់និងការយល់ដឹងពីវប្បធម៌។
មនុស្សកំពុងដើរនៅលើផ្លូវមួយជិតទីក្រុងសារ៉ាយ៉េវ៉ូ ប្រទេសបូស្ន៊ី។ នៅទីនេះ អាកាសធាតុធ្លាក់ដល់សូន្យ នៅពេលយប់។
ឡានម៉ាក Beetles របស់ក្រុមហ៊ុន Volkswagen ត្រូវបានដាក់បង្ហាញក្នុងពិធីប្រមូលផ្តុំគ្នាប្រចាំរបស់ក្លឹបអ្នកប្រើប្រាស់ឡាន Beetle ក្នុងទីក្រុង Yakum ប្រទេសអ៊ីស្រាអែល។ ក្លឹមនេះមានសមាជិក៥០០នាក់ ហើយពួកគេជួបជុំគ្នាជារៀងរាល់ឆ្នាំ។
កសិករអាហ្វហ្គានីស្ថានកំពុងច្រូតកាត់ដើមអាភៀនពីចម្ការអាភៀនក្នុងស្រុក Surkh Rod ខេត្ត Nangarhar ប្រទេសអាហ្វហ្គានីស្ថាន។ រដ្ឋាភិបាលអាមេរិកបានចំណាយប្រាក់រាប់លានដុល្លារដើម្បីលប់បំបាត់គ្រឿងញៀនដែលចេញពីប្រទេសអាហ្វហ្គានីស្ថាន។
បុរសម្នាក់កំពុងដើរកាត់ផ្ទាំងគំនូរនៅមុនពេលមកដល់នៃ«ទិវាភពផែនដី» ក្នុងទីក្រុង Philadelphia សហរដ្ឋអាមេរិក។
អ្នកជិះសេះប្រណាំងប៉ាគីស្ថានកំពុងឆ្ពោះទៅកាន់គោលដៅក្នុងការប្រកួតដែលរៀបចំដោយសមាគម Pakistan Tent Pegging Association ក្នុងទីក្រុងអ៊ីស្លាម៉ាបាដ ប្រទេសប៉ាគីស្ថាន។
បុរសជនជាតិឥណ្ឌាម្នាក់កំពុងពិសារទឹកដួសចេញពីក្អម ដែលគេបានដាក់នៅតាមដងផ្លូវក្នុងពេលដែលមានធាតុអាកាសក្តៅហួតហែងក្នុងទីក្រុង Ahmadabad ប្រទេសឥណ្ឌា។ ទីក្រុងមួយចំនួនក្នុងប្រទេសឥណ្ឌាជួបប្រទះរលកកំដៅ ដែលមានកម្រិតលើសពី៤០អង្សារ។
កីឡាករអេស្ប៉ាញ Rafael Nadal កំពុងវាយបកទៅកាន់កីឡាករ Diego Schwartzman របស់ប្រទេសអាហ្សង់ទីន ក្នុងការប្រកួតជុំ១ភាគ៨ នៃការប្រកួតតិន្នីស Monte Carlo Tennis Masters ក្នុងទីក្រុង Monaco
បុគ្គលិកក្រុមហ៊ុន Sotheby ម្នាក់កំពុងសម្លឹងមើលទៅកាន់គំនូរ «ឆ្ពោះទៅកាន់មេឃ» របស់វិចិត្រករស្ត្រីជនជាតិតួកគី Fahrelnissa Zeid ដែលជាផ្នែកមួយនៃការលក់ដេញថ្លៃឈ្មោះថា «សិល្បៈពីបស្ចិមប្រទេស» នៅសាលតាំងពិព័រណ៍របស់ក្រុមហ៊ុន Sotheby ក្នុងទីក្រុងឡុងដ៍ ប្រទេសអង់គ្លេស។
សត្វក្ងានកំពុងហែលទឹកត្រពាំងមួយនៅសួនច្បារ Nymphenburg ក្នុងទីក្រុងមុយនិច នៅភាគខាងត្បូងនៃប្រទេសអាល្លឺម៉ង់។