រូបភាពជុំវិញពិភពលោក ១៨ មេសា ២០១៦
រូបភាពបង្ហាញពីភ្នំភ្លើង Villarrica នាពេលរាត្រីដែលជាភ្នំភ្លើងសកម្មជាងគេបំផុតមួយនៅក្នុងប្រទេសឈឺលី។
ក្រុមសកម្មជនបរិស្ថាន Greenpeace បំពាក់ស្រោមមុខការពារឧស្ម័នទៅលើរូបសំណាក់ព្រះមហាក្សត្រី Victoria របស់ប្រទេសអង់គ្លេស ដែលស្ថិតនៅជិតវិមាន Buckingham Palace នៅក្រុងឡុងដិ៍។
ជនចំណាកស្រុកស្នើសុំជំនួយពីទូកពោងកៅស៊ូមួយ នៅស្របពេលដែលនាវាផ្តល់ជំនួយនៅតំបន់សមុទ្រមេឌីទែរ៉ានេ Aquarius បានចូលមកជិតពួកគេ នៅឯឆ្នេរកោះ Lampedusa ប្រទេសអ៊ីតាលី កាលពីថ្ងៃទី១៧ ខែមេសា ឆ្នាំ២០១៦។ ទីភ្នាក់ងារប្រចាំការតាមបណ្តោយព្រំដែនសហភាពអឺរ៉ុប និយាយថា ចំនួនជនចំណាកស្រុកឆ្លងសមុទ្រមេឌីទែរ៉ានេទៅកាន់ប្រទេសអ៊ីតាលីបានកើនឡើងច្រើនជាងទ្វេដងកាលពីឆ្នាំមុន។
លោក Marcel Hug មកពីប្រទេសស្វីស បានមកដល់ទីផ្តាច់ព្រ័ត្រមុនលោក Kurt Fearnley (កណ្តាល) មកពីប្រទេសអូស្រ្តាលី និងលោក Ernst Van Dyk មកពីប្រទេសអាហ្វ្រិកខាងត្បូង នៅក្នុងការប្រកួតផ្នែករទេះរុញនៃការប្រកួតម៉ារ៉ាតុងនៅក្រុង Boston លើកទី១២០។
លោក Alberto Lopez (ខាងស្តាំ) ជួយបណ្តើរភរិយារបស់លោកឈ្មោះ Glenda ឆ្លងកាត់ទឹកជំនន់ នៅស្របពេលដែលពួកគេជម្លៀសខ្លួនចេញពីតំបន់អគារស្នាក់នៅដែលរងការលិចទឹកនៅក្រុង Houston រដ្ឋ Texas។ ព្យុះនានាបានបង្កឲ្យមានការជន់លិចតំបន់មួយចំនួននៅក្រុង Houston និងបានបង្ខំឲ្យមានការបិទការិយាល័យរដ្ឋបាលក្រុង និងការផ្អាកប្រព័ន្ធដឹកជញ្ជូនសាធារណៈ។
កម្មករជនជាតិកូរ៉េខាងត្បូងសម្អាតរូបសំណាក់ឧត្តមនាវីឯកលោក Yi Sun-sin នៅមុនការមកដល់នូវនិទាយរដូវនៅ Gwanghwamun Plaza ក្នុងរដ្ឋធានីសេអ៊ូល។
បុរសម្នាក់សំដិលខ្លួននៅក្នុងទឹកអូរមួយនៅអំឡុងថ្ងៃដ៏សែនក្តៅមួយនៅរដ្ឋធានីអ៊ីស្លាម៉ាបាដ ប្រទេសប៉ាគីស្ថាន។
ផ្កា Wild Bluebells ដែលរីកឡើងនៅអំឡុងពេលពាក់កណ្តាលខែមេសា ដោយបានធ្វើឲ្យព្រៃឈើប្រែជាពណ៌ខៀវ បានបង្កើតជាកម្រាលមួយនៅក្នុងព្រៃ Hallerbos ដែលត្រូវបានស្គាល់តាមឈ្មោះថា «Blue Forest» ផងដែរនោះ នៅជិតក្រុង Halle ប្រទេសប៊ែលហ្ស៊ិក។
ជនចំណាកស្រុកម្នាក់កាន់បដាដែលសរសេរថា «ភាពស្ងប់ស្ងាត់របស់អ្នក គឺកំពុងតែសម្លាប់ពួកយើង» (Your silence killing us) នៅអំឡុងពេលបាតុកម្មមួយនៅលើផ្លូវរថភ្លើងនៅឯចំណុចព្រំដែនក្រុង Idomeni ភាគខាងជើងប្រទេសក្រិក។
រូបភាពនៃមជ្ឈមណ្ឌលពាណិជ្ជកម្មដែលរងការលិចទឹកមួយនៅក្រុងសាន់ត្យាហ្គោ ប្រទេសឈីលី កាលពីថ្ងៃទី១៧ ខែមេសា ឆ្នាំ២០១៦។
ក្រុមកុមារីសម្តែងក្បាច់លំហាត់ប្រាណយោហ្គានៅឯចម្ការតែមួយ ជាផ្នែកមួយនៃកម្មវិធីទូរទស្សន៍ ដែលជ្រើសរើសក្រុមសម្តែងស្រីនៅក្រុង Hangzhou ខេត្ត Zhejiang ប្រទេសចិន កាលពីថ្ងៃទី១៧ ខែមេសា ឆ្នាំ២០១៦។
ប្រេងកាតហូរចូលទៅក្នុងអូរ Polcerva ដែលភ្ជាប់កំពង់ផែ Genoa ទៅនឹង Po Valley ប្រទេសអ៊ីតាលី បន្ទាប់ពីបំពង់ប្រេងដែលជាកម្មសិទ្ធិរបស់រោងចក្រប្រេង «Iplolm» បានបែកធ្លាយ។
ទូកចំនួនពីរដេកនៅលើដីប្រេះក្រហែងនៅតំបន់រងភាពរាំងស្ងួតមួយនៅខេត្ត Ca Mau ប្រទេសវៀតណាម។ ប្រទេសវៀតណាមកំពុងតែប្រឈមជាមួយនឹងគ្រោះរាំងស្ងួតធ្ងន់ធ្ងរបំផុតមួយនៅក្នុងរយៈពេល ៩០ឆ្នាំចុងក្រោយនេះ បើយោងទៅតាមសេចក្តីថ្លែងការណ៍របស់ក្រសួងកសិកម្ម និងអភិវឌ្ឍជនបទ។
ភ្លើងរន្ទះបំភ្លឺស្បៃរាត្រីនៅអំឡុងពេលមានព្យុះមួយនៅក្រុង Guwahati ប្រទេសឥណ្ឌា។