រូបភាពជុំវិញពិភពលោក ១៦ មេសា ២០២០
ក្មេងម្នាក់កំពុងអង្គុយនៅលើសាឡុងនៅលើដងផ្លូវ ដែលខូចខាតដោយសារការវាយប្រហារតាមអាកាសដោយកងកម្លាំងគាំទ្រដោយរដ្ឋាភិបាលស៊ីរី នៅទីក្រុង Ariha ខេត្ត Idlib ប្រទេសស៊ីរី។
ស្ត្រីជនជាតិសូម៉ាលីម្នាក់លក់ផ្លែឈើដល់អតិថិជនដែលឈរក្នុងលក្ខណៈរក្សាចម្ងាយសង្គម នៅឯស្រុក Hamarweyne ទីក្រុងម៉ូហ្គាឌីស្យូ ប្រទេសសូម៉ាលី។
ក្មេងៗប៉ាឡេស្ទីន ថតរូបពាក់ម៉ាសធ្វើពីស្លឹកឈើ នៅតំបន់ Beit Lahia នៅភាគខាងជើងនៃទីក្រុង Gaza Strip នៅពេលជំងឺកូវីដ១៩ នៅតែបន្តរាតត្បាត។
បុគ្គលិកអង្គការឯកជន កំពុងបាញ់ថ្នាំនិងសម្លាប់មេរោគនៅលើដងផ្លូវ និងតូបលក់អីវ៉ាន់ នៅទីផ្សារក្នុងទីក្រុង Parklands City Park ប្រទេសកេនយ៉ា ដើម្បីទប់ការចម្លងនៃវីរុសកូរ៉ូណា កាលពីថ្ងៃទី១៥ មេសា ២០២០។
សម្ភារៈរបស់ជនភៀសខ្លួនរ៉ូហ៊ីងយ៉ា កំពុងនៅរាយប៉ាយនៅសមុទ្រ ចំណែកកប៉ាល់ដែលដឹកពួកគេត្រូវបានគេចតនៅសមុទ្រ Teknaf ប្រទេសបង់ក្លាដែស។ ៣ ភាគ ៤ នៃជនរ៉ូហ៊ីងយ៉ា បានស្លាប់នៅលើកប៉ាល់នេសាទដែលផ្ទុកមនុស្សយ៉ាងច្រើន ហើយបានជាប់នៅក្នុងឈូងសមុទ្របេងហ្គាល (Bengal) កាលពី២ខែមុន ខណៈដែលមនុស្សរាប់រយនាក់ត្រូវបានជួយសង្គ្រោះពីកប៉ាល់នោះ។
បុរសម្នាក់បង្ហាញអារម្មណ៍នៅពេលបុគ្គលិកសុខាភិបាលយកសំណាកសម្រាប់ធ្វើតេស្ត នៅទីក្រុងវូហាន ខេត្ត Hubei ប្រទេសចិន។
ក្រុមបាតុករស្ពាយកាំភ្លើងនៅជិតជណ្ដើរអាគារសភារដ្ឋ Michigan នៅទីក្រុង Lansing កាលពីថ្ងៃទី១៥ មេសា។ ក្រុមបាតុករគ្រវីទង់ជាតិ និងស្រែកកញ្ជៀវនៅពេលបើកបរកាត់មុខអាគាររដ្ឋសភារដ្ឋ Michigan ដើម្បីបង្ហាញការមិនពេញចិត្តនឹងបទបញ្ជារបស់លោកអភិបាលក្រុង Gretchen Whitmer ដែលបន្តឲ្យពលរដ្ឋនៅផ្ទះ ហើយមុខជំនួញផ្សេងៗត្រូវបានបិទ ក្នុងពេលមានការរាតត្បាតជំងឺកូវីដ១៩។
តោសមុទ្រត្រូវបានគេឃើញនៅលើផ្លូវនៅកំពង់ផែ Mar del Plata ក្នុងពេលតំបន់នេះត្រូវបានបិទ ដោយសារតែការរាតត្បាតសាកលនៃជំងឺកូវីដ១៩ នៅទីក្រុង Mar del Plata ស្ថិតនៅប្រមាណ ៤០០ គ.ម. ខាងត្បូងរដ្ឋធានី ប៊ុយណូស៊ែ ប្រទេសអាហ្សង់ទីន។
បុរសម្នាក់បើកឡានបើកដំបូល នៅលើផ្លូវជុំវិញចម្ការទំពាំងបាយជូ នៅជិតក្រុង Schinznach-Dorf ប្រទេសស្វ៊ីស។
បុរសម្នាក់បង្ហោះខ្លែង ក្នុងពេលដែលមានខ្យល់បកខ្លាំង នៅឆ្នេរសមុទ្រ Riga ប្រទេសឡេតូនី។
ផ្កា Bluebell ឬគេហៅម្យ៉ាងទៀតថា Hyacinth កំពុងរីកនៅក្នុងព្រៃ Hallerbos ក្នុងទីក្រុង Halle ប្រទេសបែលហ្ស៊ិក។
ពលករម្នាក់កំពុងរើសស្វាយខ្ចី នៅឯផ្សារលក់ផ្លែឈើ Gaddiannaram ក្នុងពេលដែលប្រទេសឥណ្ឌាកំពុងស្ថិតក្នុងការបិទប្រទេស ដើម្បីទប់ស្កាត់ការចម្លងកូវីដ១៩ នៅជាយក្រុង Hyderabad។