រូបភាពជុំវិញពិភពលោក ១៥ មេសា ២០១៨
សិល្បករសម្តែងនៅក្នុងពិធីបិទការប្រកួតកីឡា Gold Coast 2018 Commonwealth Games នៅស្តាត Carrara នៅក្នុងក្រុង Gold Coast ប្រទេសអូស្ត្រាលី។
លោក Alexander Bytschok មកពីក្រុង Kyiv ប្រទេសអ៊ុយក្រែន និងជាអ្នករួចផុតពីការស្លាប់នៅជំរំ Nazi ស្រែកយំនៅលើកន្លែងបញ្ចុះសពមួយនៅក្នុងខួបលើកទី៧៣នៃការរំដោះអតីតជំរំ Nazi ដែលមានឈ្មោះថា Buchenwald នៅក្បែរក្រុង Weimar ប្រទេសអាល្លឺម៉ង់។
នេះជារូបភាពនៃការបាញ់មីស៊ីលនៅពីលើក្រុង Damascus នៅពេលដែលសហរដ្ឋអាមេរិកបើកការវាយប្រហារទៅលើប្រទេសស៊ីរី ដោយទម្លាក់មីស៊ីលលើផ្នែកមួយចំនួនក្នុងក្រុង Damascus កាលពីថ្ងៃទី១៤ ខែមេសា ឆ្នាំ២០១៨។ រដ្ឋធានីរបស់ប្រទេសស៊ីរីមួយនេះបានរងការបំផ្ទុះជាច្រើន ខណៈដែលលោកប្រធានាធិបតីអាមេរិក ដូណាល់ ត្រាំ ប្រកាសពីការវាយប្រហារតាមអាកាសដើម្បីសងសឹកចំពោះការប្រើប្រាស់អាវុធគីមរបស់ប្រទេសនេះ។
មនុស្សម្នាក់ចូលរួមក្នុងបាតុកម្មប្រឆាំងនឹងករណីរំលោភដែលគេទើបតែរាយការណ៍នាពេលថ្មីៗនេះ នៅក្បែរសភា ក្នុងក្រុង New Delhi ប្រទេសឥណ្ឌា។
មនុស្សម្នាគប់ម្សៅពណ៌ នៅពេលពួកគេសាទរការរត់ចម្ងាយ៥គ.ម.របស់ពួកគេនៅក្នុងកម្មវិធី Color Run ២០១៨ នៅប៉ម Eiffel Tower ក្នុងក្រុងប៉ារីស ប្រទេសបារាំង។
កុមារី Mave Grace អាយុ១១ឆ្នាំ ដែលដាច់ដៃដោយសារតែទាហានបានកាត់ នៅពេលពួកគេវាយប្រហារភូមិ Tchee ឈរជាមួយប្អូនស្រីរបស់នាងឈ្មោះ Racahele-Ngabausi អាយុ២ឆ្នាំ នៅក្នុងជំរំជនភៀសខ្លួន ក្នុងក្រុង Bunia ខេត្ត Ituri សាធារណរដ្ឋកុងហ្គោ កាលពីថ្ងៃទី១៤ ខែមេសា ឆ្នាំ២០១៨។
មនុស្សម្នាចូលរួមនៅក្នុងបាតុកម្មមួយប្រឆាំងនឹងរដ្ឋាភិបាលរបស់លោក Viktor Orban នៅក្នុងក្រុង Budapest ប្រទេសហុងគ្រី កាលពីថ្ងៃទី១៤ ខែមេសា ឆ្នាំ២០១៨។
ផ្កា Azaleas រីកសុះសាយក្នុងឧទ្យាន Nagushiyama ក្នុងក្រុង Sasebo ខេត្ត Nagasaki ប្រទេសជប៉ុន។
ក្រុមអ្នកជិះកង់ជិះកង់រោងចក្រ Hubertus ក្នុងពេលប្រកួតការជិះកង់ Amstel Gold Race នៅក្នុងក្រុង Beek ប្រទេសហូឡង់។
ក្មេងប្រុសម្នាក់អង្គុយនៅលើរទេះមួយនៅពេលព្រះអាទិត្យលិចនៅលើឆ្នេរ Cenang កោះ Langkawi ប្រទេសម៉ាឡេស៊ី។
បុរសៗដែលជាជនជាតិភាគតិច Aboure សម្តែងរបាំរបស់អ្នកចម្បាំងក្នុងពិធីបុណ្យ POPO Carnival of Bonoua លើកទី៣៨ នៅក្នុងក្រុង Bonoua ប្រទេសកូតឌីវ័រ កាលពីថ្ងៃទី១៤ ខែមេសា ឆ្នាំ២០១៨។
ទង់ជាតិអង់គ្លេសគ្របមុខរបស់អ្នកគាំទ្រម្នាក់ មុនពេលប្រកួតបាល់ទាត់រវាងក្រុម Celtic និងក្រុម Rangers ក្នុងវគ្គពាក់កណ្តាលផ្តាច់ព្រ័ត្រ ដើម្បីដណ្តើមយកពាន Scottish Cup ក្នុងក្រុង Glasgow ប្រទេសអង់គ្លេស។
ត្រីម្យ៉ាងត្រូវបានគេប្រទះឃើញនៅតំបន់ជ្រមុជទឹក Table Top នៅឆ្នេរ Capo Greko ប្រទេសស៊ីប។