រូបភាពជុំវិញពិភពលោក ១២ មេសា ២០១៨
ក្មេងប្រុសម្នាក់លេងទឹកនៅក្នុងការប្រារពពិធីសង្ក្រានអបអរឆ្នាំថ្មីប្រពៃណីថៃ នៅទីក្រុងបាងកក ប្រទេសថៃ។
នាង Jazmin Sawyers កីឡាការនីរបស់អង់គ្លេសប្រកួតក្នុងវិញ្ញាសារលោតចម្ងាយផ្នែកនារី ក្នុងការប្រកួតកីឡា Commonwealth នៅទីក្រុងមាត់សមុទ្រ Gold Coast ប្រទេសអូស្ត្រាលី។
សេះឈ្មោះ Brain Power ដែលជិះដោយលោក Nico de Boinville បានដួលនៅក្នុងការប្រកួតមួយនៅទីក្រុង Liverpool ចក្រភពអង់គ្លេស។
បាតុករម្នាក់ដែលពាក់មាសមានរូបអតីតកីឡាករ cricket របស់ប៉ាគីស្ថាន គឺកីឡាករ Shahid Afridi ចូលរួមធ្វើបាតុកម្មប្រឆាំងនឹងការសម្លាប់នានាថ្មីៗនេះ នៅតំបន់កាស្មៀ ក្នុងទីក្រុង Srinagar។
បុរសម្នាក់កំពុងច្របាច់យកទឹកដោះពពែនៅក្នុងភូមិ Jalore ប្រទេសឥណ្ឌា។
ស្ត្រី២នាក់អង្គុយមើលថ្ងៃលិច នៅលើបំពង់ដែកនៃស្ពានមួយក្នុងទីក្រុងមុយនិច នៅភាគខាងត្បូងនៃប្រទេសអាល្លឺម៉ង់។
ប៉ូលិសឥណ្ឌាបាញ់គ្រាប់បែកបង្ហូរទឹកភ្នែកទៅលើក្រុមបាតុករនៅតំបន់កាស្មៀ ទីក្រុង Srinagar ប្រទេសឥណ្ឌា។
កីឡាករ Kurtis Marschall របស់អូស្ត្រាលីដែលទទួលបានមេដាយមាស ប្រកួតក្នុងវិញ្ញាសារលោតចម្ងាយប្រើរបាឈើវែងក្នុងវគ្គចុងក្រោយ នៅកីឡដ្ឋាន Carrara ក្នុងការប្រកួតកីឡា Commonwealth ទីក្រុងមាត់សមុទ្រ Gold Coast ប្រទេសអូស្ត្រាលី។
ពលរដ្ឋអ៊ីរ៉ង់ដើរនៅជិតស្ពានឈ្មោះ Si-o-Se Pol ឬស្ពាន 33 Arches នៅលើទន្លេ Zayandeh Rud នៅក្រុង Isfahan ដែលកំពុងជួបគ្រោះរាំងស្ងួតដោយសារតែទឹកស្រកខ្លាំង។
ក្រុមអ្នកកាន់សាសនាឥស្លាមនិកាយ Shiite កំពុងលើករបស់តំណាងឲ្យមឈូស នៅពេលពួកគេប្រមូលផ្តុំគ្នានៅព្រះវិហារឥស្លាម Imam Musa al-Kadhim នៅស្រុក Kadhimiya ស្ថិតនៅរដ្ឋធានីរបស់អ៊ីរ៉ាក់។ ពួកគេកំពុងធ្វើពិធីរំឭកដល់មរណៈភាពរបស់ Imam កាលពីសតវត្សរ៍ទី៨។