រូបភាពជុំវិញពិភពលោក ១០ មេសា ២០១៦
មនុស្សម្នាស្តាប់លោកស្រី Hillary Clinton នៅពេលដែលលោកស្រីថ្លែងក្នុងព្រឹត្តិការណ៍យុទ្ធនាការនៅតំបន់ប្រជុំជន Queens របស់បុរីញូវយ៉ក សហរដ្ឋអាមេរិក។
លោកប្រធានាធិបតី Andrzej Duda (រូបឆ្វេង) ដាក់កម្រងផ្កានៅកន្លែងបញ្ចុះសពរបស់ជនរងគ្រោះនៃការធ្លាក់យន្តហោះរបស់ប្រធានាធិបតី ក្នុងពិធីបុណ្យដើម្បីរំលឹកខួបទី៦នៃការធ្លាក់យន្តហោះនោះ នៅកន្លែងបញ្ចុះសពយោធា Powazki នៅក្នុងក្រុងវ៉ាសូរី ប្រទេសប៉ូឡូញ។ លោកប្រធានាធិបតី Lech Kaczynski ភរិយារបស់លោកឈ្មោះ Maria Kaczynska និងមនុស្ស៩៤នាក់ផ្សេងទៀតបានស្លាប់ កាលពីថ្ងៃទី១០ ខែមេសា ឆ្នាំ២០១០ នៅពេលដែលយន្តហោះរបស់ប្រធានាធិបតីប៉ូឡូញបានធ្លាក់នៅក្នុងក្រុង Smolensk ប្រទេសរុស្ស៊ី។
បុរសទេសន្តរប្រវេសន៍ម្នាក់គប់កំប៉ុងឧស្ម័នទឹកភ្នែកត្រឡប់ទៅប៉ូលិសម៉ាសេដ្ឋានវិញ ក្នុងពេលបាតុកម្មនៅភូមិ Idomeni ប្រទេសក្រិក។
ស្រ្តីជនជាតិភាគតិច Quechua ទៅបោះឆ្នោតក្នុងការបោះឆ្នោតសកលនៅក្នុងក្រុង Iquicha ប្រទេសប៉េរូ។
មនុស្សម្នាក់ដែលស្រដៀងអ្នកចម្បាំងស៊ាំមូរ៉ៃកំពុងឈរឲ្យគេថតរូបជាមួយតាមសំណូមពរ នៅក្បែរខ្លោងទ្វារឈើដែលបែកបាក់នៅទីសក្ការបូជា Itsukushima Shrine មុនរដ្ឋមន្រ្តី G7 ទៅទស្សនាកន្លែងនេះនៅលើកោះ Miyajima ក្នុងក្រុង Hatsukaichi ប្រទេសជប៉ុន។
ព្រះនាង Kate របស់អង់គ្លេសលេងកីឡាម្យ៉ាង នៅពេលដែលលោក Dilip Vengsarkar ដែលជាប្រធានក្រុមកីឡាប្រភេទនោះរបស់ឥណ្ឌា មើលព្រះនាងលេង នៅឧទ្យាន Oval Maidan ក្រុង Mumbai ប្រទេសឥណ្ឌា។
សិល្បករឥណ្ឌាសម្តែងរបាំប្រពៃណីនៅក្នុងវាលស្រែ ក្នុងពិធីបុណ្យ Baisakhi នៅក្នុងក្រុង Suchetgarh ប្រទេសឥណ្ឌា។
នេះជាទិដ្ឋភាពទូទៅនៃសង្វៀនប្រណាំងសេះ Real Maestranza ក្នុងការតាំងពិព័រណ៍រទេះសេះ និងសត្វសេះប្រពៃណីក្នុងក្រុង Seville ប្រទេសអេស្ប៉ាញ។
អ្នកប្រកួតម្នាក់ដែលស្លៀកសំពត់គិល និងឈរនៅលើធុងមួយ គប់ដុំប៊ូលីង ក្នុងពេលប្រកួត Brigaball នៅក្នុងពិធីជួបជុំ Bundanoon Highland ប្រចាំឆ្នាំ។ នេះជាការបង្ហាញពីព្រឹត្តិការណ៍ប្រពៃណីរបស់ស្កុតលែន ដែលត្រូវបានធ្វើឡើងនៅក្នុងក្រុង Bundanoon ប្រទេសអូស្រ្តាលី កាលពីថ្ងៃទី៩ ខែមេសា ឆ្នាំ២០១៦។
អ្នករាំរបាំបាឡេសម្តែងរបាំនៅខាងក្រៅ ដែលនេះជាផ្នែកមួយនៃខែរបាំ នៅក្នុងក្រុង San Sebastian ប្រទេសអេស្ប៉ាញ។
អ្នកចូលរួមម្នាក់ព្យាយាមបង្វិលចំបើងមួយដុំពីកន្លែងមួយទៅកន្លែងមួយ ឲ្យលឿនតាមតែអាចធ្វើទៅបាន នៅក្នុងព្រឹត្តិការណ៍ Straw Bale Olympics នៅក្នុងក្រុង Ludwigsburg ប្រទេសអាល្លឺម៉ង់។
អ្នកស្ម័គ្រចិត្តផាត់ពណ៌ជញ្ជាំងព្រំដែនរវាងសហរដ្ឋអាមេរិក និងប្រទេសម៉ិកស៊ិក ដើម្បីបង្ហាញពីតម្លាភាព ក្នុងពេលនៃគម្រោង Erasing the Border Art នៅក្នុងក្រុង Mexicali ប្រទេសម៉ិកស៊ិក កាលពីថ្ងៃទី៩ ខែមេសា ឆ្នាំ២០១៦។
អ្នករត់ប្រណាំងរាប់ពាន់នាក់រត់ឆ្លងស្ពាន Reichsbrucke ដ៏វែង នៅលើទន្លេ Danube ក្នុងពេលរត់ប្រណាំងម៉ារ៉ាតុន Vienna City ក្នុងប្រទេសអូទ្រីស។