ព័ត៌មានពេលរាត្រី៖ ១ តុលា ២០២១
Your browser doesn’t support HTML5
ព័ត៌មានអំពីកម្ពុជាមាន បុគ្គលិកក្នុងកាស៊ីណូសេនជូរី អំពាវនាវសុំចេញមកក្រៅ ក្រោយមានករណីស្លាប់បុគ្គលិកម្នាក់។ អង្គការសិទ្ធិមនុស្សអាមេរិក រិះគន់រដ្ឋាភិបាលកម្ពុជាខ្លាំងៗ ចំពោះការដាក់ទោសអ្នកកាសែតម្នាក់នៅខេត្តកោះកុង។ ក្រោយសវនាការ សង្គមស៊ីវិលអំពាវនាវឲ្យទម្លាក់បទចោទប្រកាន់ប្រឆាំងនឹងកុមារកាក់ សុវណ្ណច្ឆ័យ។ លោក សម រង្ស៊ី រំឭកអ្នកគាំទ្រពីគ្រោះថ្នាក់នៃប្រទេសចិនចំពោះកម្ពុជានិងតំបន់។ រដ្ឋាភិបាលការពារការដំឡើងប្រាក់ឈ្នួល២ដុល្លារ ខណៈសហជីពនិងកម្មកររិះគន់ថា តិចពេក។ រីឯព័ត៌មានអន្តរជាតិវិញមានដូចជា រដ្ឋសភាសហរដ្ឋអាមេរិកអនុម័តថវិកាដើម្បីបន្តដំណើរការរដ្ឋាភិបាល។ កូរ៉េខាងជើង សាកមីស៊ីល៤លើកក្នុងខែកញ្ញា។ ទីក្រុងហូជីមិញ បានដំណើរការឡើងវិញបន្ទាប់ពីរាំងខ្ទប់រយៈពេល៣ខែ។ ប្រទេសលីទុយអានីឱ្យអ្នកប្រើប្រាស់បោះចោលទូរសព្ទទំនើបរបស់ចិនដែលមានគ្រឿង«បិទសិទ្ធ» និងព័ត៌មានផ្សេងទៀត៕