ព័ត៌មានពេលព្រឹក៖ ២ តុលា ២០២០

ព័ត៌មានសំខាន់ៗអំពីកម្ពុជាមានដូចជា មន្ត្រីរដ្ឋាភិបាលថា ពន្ធចំណេញមូលធន «មិនមែនសង្កត់ករាស្ត្រ» តែជាការជួយរដ្ឋពីអ្នកមានអចលនទ្រព្យច្រើន។ រដ្ឋាភិបាលប្រកាសបន្តជួយអ្នកពាក់ព័ន្ធក្នុងវិស័យសំខាន់ៗ និងជនក្រីក្រ ក្នុងវិបត្តិកូវីដ១៩។ កម្មករកាត់ដេរនៅកម្ពុជាត្រដាបត្រដួស បន្ទាប់ពីមានការដកឋានៈអនុគ្រោះពន្ធ EBA។ រីឯព័ត៌មានអន្តរជាតិវិញមានដូចជា អ្នកដាក់ពាក្យសុំជំនួយបាត់បង់ការងារនៅអាមេរិកនៅមានចំនួនច្រើន ខណៈក្រុមហ៊ុនធំៗខ្លះប្រកាសបញ្ឈប់បុគ្គលិក។ អេស្ប៉ាញដាក់វិធានការបិទសកម្មភាពថ្មី ក្នុងរដ្ឋធានី Madrid ដោយសារការកើនឡើងនៃករណីឆ្លងជំងឺកូវីដ១៩។ មេដឹកនាំបក្សប្រឆាំងរុស្ស៊ី Navalny ប្រាប់ទស្សនាវដ្តីអាល្លឺម៉ង់មួយថា លោក Putin នៅពីក្រោយការដាក់ថ្នាំបំពុលលោក។ សមាជិកសភាអាមេរិកព្រមានថា សហរដ្ឋអាមេរិកបរាជ័យមិនបានចាត់វិធានការលើការគំរាមកំហែងពីចិន។ រដ្ឋបាលលោក Trump ស្នើទទួលជនភៀសខ្លួនតែ ១៥.០០០នាក់ប៉ុណ្ណោះ ក្នុងឆ្នាំ២០២១៕