Hello VOA៖ លោក រ៉ុង ឈុនថា EBA និង GSP នៅរក្សាបានឬមិនបានគឺស្ថិតលើអ្នកនយោបាយ
Your browser doesn’t support HTML5
ថ្លែងប្រាប់កម្មវិធី Hello VOA ក្នុងឋានៈជាវាគ្មិនកាលពីថ្ងៃពុធលោករ៉ុង ឈុន ប្រធានសហភាពសហជីពកម្ពុជា បានថ្លែងថា អ្នកនយោបាយកម្ពុជា ជាអ្នកទទួលខុសត្រូវរឿងប្រព័ន្ធអនុគ្រោះពន្ធ EBA និង GSP សម្រាប់ការនាំទំនិញ ចូលទីផ្សារអឺរ៉ុប និងអាមេរិក ដោយមិនបង់ពន្ធគឺស្ថិតនៅលើអ្នកនយោបាយ ជាពិសេសលោកថា កូនសោគឺស្ថិតនៅលើគណបក្សគ្រប់គ្រងប្រទេសដែលដឹកនាំរដ្ឋាភិបាល។ លោកថាអ្នកនយោបាយត្រូវនិយាយគ្នា និងរកដំណោះស្រាយនយោបាយលើរឿងស្តារស្ថានការណ៍ឡើងវិញ។ សហភាពអឺរ៉ុបនិងអាមេរិកទាមទារឲ្យមានការស្តារឡើងវិញផ្នែកសិទ្ធិមនុស្ស និងប្រជាធិបតេយ្យជាថ្នូរនឹងការរក្សាទុកប្រព័ន្ធអនុគ្រោះពន្ធគ្រប់ទំនិញលើកលែងតែអាវុធនាំចូលទីផ្សារអឺរ៉ុបនិងទំនិញនាំចូលសហរដ្ឋអាមេរិក៕ (លោកសុខ ខេមរា, Hello VOA, វ៉ាស៊ីនតោន, ១៣ មីនា ២០១៩)