ការសិក្សាស្រាវជ្រាវស្វែងរកវិធីសាស្រ្តថ្មីក្នុងការធ្វើរោគវិនិច្ឆ័យ និងព្យាបាលការរងគ្រោះដោយសារការប៉ះទង្គិចក្បាល

ការសិក្សាស្រាវជ្រាវមួយមានគោលបំណងស្វែងរកវិធីសាស្រ្តថ្មី ក្នុងការធ្វើរោគវិនិច្ឆ័យ និងព្យាបាលការរងគ្រោះដោយសារការប៉ះទង្គិចក្បាល។ យោងតាមការសិក្សាមួយនាពេលថ្មីៗនេះបានឲ្យដឹងថា តាមរយៈការវះកាត់ត្រួតពិនិត្យខួរក្បាលរបស់កីឡាករបាល់អោបអាមេរិកាំងឬ American Football ចំនួន១១១នាក់ ដែលបានស្លាប់ បានបង្ហាញថា ពួកគេ១១០នាក់មានជំងឺខូចខួរក្បាល ដែលត្រូវបានគេជឿថា បណ្តាលមកពីមានការប៉ះទង្គិចក្បាលជាញឹកញយ។ ក្រុមអ្នកវិទ្យាសាស្រ្តនិយាយថា ទោះបីជាវាមើលទៅហាក់ដូចជាជំងឺស្រាល ក៏ប៉ុន្តែការប៉ះទង្គិចក្បាលនេះអាចបង្កឲ្យមានផលប៉ះពាល់ធ្ងន់ធ្ងរ ដូច្នេះហើយការធ្វើរោគវិនិច្ឆ័យភ្លាមៗ និងការព្យាបាលឲ្យបានឆាប់រហ័សគឺមានសារៈសំខាន់ខ្លាំងណាស់។ លោក George Putic នៃVOA បាននិយាយជាមួយគ្រូពេទ្យវះកាត់ខួរក្បាល ដែលធ្លាប់បានព្យាបាលអ្នកជំងឺរងគ្រោះដោយសារការប៉ះទង្គិចក្បាលជាច្រើន ហើយរាយការណ៍អំពីរឿងនេះ។ អ្នកស្រី ស៊ូ ពេជ្រចិន្តា ជូនសេចក្តីប្រែសម្រួល៕