Hello VOA៖ អង្គការ Greenpeace សុំឱ្យបញ្ឈប់ការរំលោភសិទ្ធិអ្នកនេសាទលើទូកថៃ

សកម្មជនការពារសិទ្ធិមនុស្សប្តេជ្ញាថានឹងប្រើយុទ្ធសាស្ត្រសុំឱ្យអ្នកបរិភោគផលិតផលគ្រឿងសមុទ្រថៃដាក់សម្ពាធមកលើឧស្សាកម្មនេសាទថៃឱ្យបញ្ឈប់ការកេងប្រវ័ញ្ចលើអ្នកនេសាទសមុទ្រ បន្ទាប់ពីអង្គការGreenpeace បានចេញផ្សាយរបាយការណ៍មួយបង្ហាញពីការរំលោភសិទ្ធិកម្មករនេសាទយ៉ាងធ្ងន់ធ្ងរដោយ ថៅកែទូកនេសាទខុសច្បាប់ថៃហើយ មិនមានការរាយការណ៍និងចុះបញ្ជី។ លោកមឿន តុលា នាយកប្រតិបត្តិនៃមជ្ឈមណ្ឌលសម្ព័ន្ធភាពការងារ និងសិទ្ធិមនុស្សហៅកាត់ថាសង់ត្រាល់បានបញ្ជាក់ក្នុងកម្មវិធីHello VOA ថាមានជនរងគ្រោះជាពលរដ្ឋខ្មែរជាច្រើនដែលធ្វើការនៅលើទូកនេសាទថៃទាំងនេះ។ (ម៉ែន គឹមសេង, Hello VOA, វ៉ាស៊ីនតោន, ២២ ធ្នូ ២០១៦)