Hello VOA សុខភាព៖ មហារីកមាត់ស្បូនដំណាក់ដំបូងអាចព្យាបាលជាសះស្បើយ ហើយវិធីបង្ការប្រសិទ្ធភាពគឺចាក់វ៉ាក់សុំាង HPVចំនួន៣ដង
Your browser doesn’t support HTML5
អ្នកជំនាញវេជ្ជសាស្ត្រគឺ លោក តាំង តេកហុង វេជ្ជបណ្ឌិតខ្មែរនៅទីក្រុង Jacksonville រដ្ឋ Florida សហរដ្ឋអាមេរិក ថ្លែថា ការចាក់ថ្នាំវ៉ាក់ស៊ាំងបង្ការមេរោគ HPV ចាប់ពីអាយុ៩ឆ្នាំដល់អាយុ២៦ឆ្នាំ អាចទប់ស្កាត់ជំងឺមហារីកមាត់ស្បូនបាន។ ការចាក់ថ្នាំវ៉ាក់ស៊ាំង HPV នេះ ត្រូវចាក់ចំនួនបីដងទើបអាចបង្ការបានមួយជីវិត។ បន្ទាប់ការធ្វើតេស្ត Pap Test រកឃើញថាមានកោសិកាមហារីក នោះអ្នកជំងឺត្រូវប្រញាប់ទៅជួបគ្រូពេទ្យជំនាញដើម្បីឆាប់បានទទួលការព្យាបាល។ ការព្យាបាលនៅពេលរកឃើញថាមានកោសិកាមហារីកនៅដំណាក់ដំបូង គឺអាចព្យាបាលជា និងមិនចាំបាច់វះកាត់យកស្បូនចេញទេ និងអាចឆាប់ជាសះស្បើយ។ (ស៊ូ ពេជ្យចិន្តា, Hello VOA Health, វ៉ាស៊ីនតោន, ១៧ វិច្ឆិកា ២០១៦)