លោក Donald Trump ធ្វើឲ្យអ្នកបោះឆ្នោតដែលចេះភាសារុស្ស៊ីនៅសង្កាត់ Brooklyn ចាប់អារម្មណ៍

ភាគច្រើននៃពលរដ្ឋអាមេរិកាំងដែលចេះភាសារុស្ស៊ី នៅក្នុងតំបន់ Brighton Beach ក្នុងសង្កាត់ Brooklyn ក្រុង New York និយាយថា ពួកគេនឹងបោះឆ្នោតឲ្យលោក Donald Trump ដែលជាបេក្ខជនប្រធានាធិបតីមកពីគណបក្សសាធារណរដ្ឋ នៅក្នុងការបោះឆ្នោតនៅខែវិច្ឆិកាខាងមុខនេះ។ ពួកគេបញ្ជាក់ថា ពួកគេចាប់អារម្មណ៍លើលោក Donald Trump។ ពួកគេចាត់ទុកគុណសម្បត្តិរបស់លោក Donald Trump ដែលអ្នកប្រឆាំងនឹងលោកហៅថា «ការគំរាមកំហែងដល់សន្តិសុខជាតិ» នោះ ថាមានភាពស្មោះត្រង់ និងក្លាហាន។ អ្នកយកព័ត៌មាន VOA ភាសារុស្ស៊ី អ្នកស្រី Victoria Kupchinetsky និងលោក Michael Gutkin រាយការណ៍អំពីរឿងនេះពីតំបន់ Brighton Beach ក្រុង New York ហើយលោក ភី សុភាដា ជូនសេចក្ដីប្រែសម្រួល៕