ការផុសឡើងនៃសិល្បៈចូលមកកាន់តែជិតខ្លួនអ្នក

នៅជុំវិញពិភពលោកនេះ ក្រុមអ្នកសិល្បៈ និងតន្រ្តីករទាំងឡាយមានបញ្ហាដូចៗគ្នា កើតឡើងដដែលៗ គឺថា តើពួកគេគួរតែសម្តែងនៅកន្លែងណា? កន្លែងធំៗដូចជា សារៈមន្ទី និងតាមវិចិត្រសាលនានា ត្រូវបានកក់ទុកសម្រាប់តែអ្នកដែលល្បីឈ្មោះ ហើយការជួលកន្លែងនេះទៀតសោត មិនបើកជួលឲ្យមនុស្សគ្រប់គ្នានោះទេ។ ការផុសឡើងនូវគំនិតសិល្បៈ គឺត្រូវភ្ជាប់រវាងអ្នកសិល្បៈ ទៅនឹងទីកន្លែងសម្តែង មិនថានៅតាមបន្ទប់ទទួលភ្ញៀវ ភោជនីយដ្ឋាន ការិយាល័យ ឬសូម្បីតែនៅលើទូក ការផុសឡើងនៃគំនិតសិល្បៈកំពុងតែនាំយកតន្រ្តី និងសិល្បៈ ទៅកន្លែងដែលយើងមិនបានរំពឹងទុក។ អ្នកស្រី Tina Trinh រាយការណ៍បន្ថែមពីទីក្រុង Stanford រដ្ឋ California។ អ្នកស្រី ស៊ូ ពេជ្រចិន្តា ជូនសេចក្តីប្រែសម្រួល៕