ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កម្ពុជា​ស្វែង​រក​អន្តរាគមន៍​ពី​អ.ស.ប.​ក្រោយ​ពី​មាន​ការ​ប្រយុទ្ធ​នៅ​ព្រំដែន​កម្ពុជា​ថៃ


一位华裔马来西亚人抵达科伦坡郊外的一座被称为“蛇庙“的寺庙,人们将在这里举行中国新年的庆祝活动。
一位华裔马来西亚人抵达科伦坡郊外的一座被称为“蛇庙“的寺庙,人们将在这里举行中国新年的庆祝活动。

កម្ពុជា​បាន​ប្តឹង​ទៅ​ក្រុម​ប្រឹក្សា​សន្តិសុខ​អង្គការ​សហប្រជាជាតិ​អំពី​ការឈ្លានពាន​របស់​ថៃ​ចូល​មក​ក្នុង​ទឹកដី​កម្ពុជា​នៅក្បែរ​ប្រាសាទ​ព្រះវិហារ​ចាប់តាំង​ពីថ្ងៃ​សុក្រ​មក។ កង​ទ័ពកម្ពុជានិង​ថៃ​បាន​វាយ​ប្រយុទ្ធគ្នា​យ៉ាង​ខ្លាំង ឈាន​ចូល​ដល់ថ្ងៃទីបួន​ ហើយ​នៅ​ថ្ងៃច័ន្ទ​នេះ។

នៅ​ថ្ងៃ​ច័ន្ទនេះ​ លោក​នាយក​រដ្ឋមន្ត្រីហ៊ុន​ សែន បាន​ស្នើ​ក្រុម​ប្រឹក្សា​សន្តិសុខ​អង្គការ​សហប្រជា​ ជាតិ​ឱ្យ​កោះ​ប្រជុំ​ជា​បន្ទាន់​ដើម្បី​បញ្ឈប់​ការ​ឈ្លាន​ពាន​របស់​ថៃ​ចូល​មក​ក្នុង​ទឹក​ដី​កម្ពុជា​នៅ​ក្នុង​តំបន់​ជម្លោះ​ព្រំដែន​ក្បែរ​ប្រាសាទ​ព្រះវិហារ។ លោក​នាយក​រដ្ឋមន្ត្រី​ហ៊ុន សែន ​បាន​ថ្លែង​នៅក្នុង​ពិធី​ចែក​សញ្ញាប័ត្រ​នៅ​សាកលវិទ្យាល័យ​មួយ​នា​រាជធានី​ភ្នំពេញ​យ៉ាង​ដូច្នេះថា៖

«យើង​ទើប​នឹង​ធ្វើ​លិខិតថ្មីៗ​យប់ម៉ិញ​នេះ​ទៅក្រុម​ប្រឹក្សា​សន្តិសុខ​អង្គការ​សហប្រជាជាតិ​ឱ្យ​កោះ​ប្រជុំជា​បន្ទាន់។ ផែនការ​របស់គេ​ (ប្រទេសថៃ) ​នៅ​ពេល​នេះ​មាន​ចេតនា​ដ៏​ច្បាស់​លាស់​ ដើម្បី​វាយ​យក​តំបន់៤,៦​គីឡូម៉ែត្រ​ទាំងអស់​ដោយ​ចាប់ផ្តើម​ពី​ ចាក់ច្រែង ​តាសឹម ​ វាលឥន្ទ្រីយ៍​ ភ្នំទ្រព្យ។​ យើង​អាច​ហៅថា​ការ​ប៉ះទង្គិច​ទ្រង់ទ្រាយ​ធំ​ ឬ​ក៏​សង្គ្រាម​តូច​នៅ​តាម​ព្រំដែន​កម្ពុជា​-ថែ​ ដែល​វាយ​លាត​សន្ធឹង​លើ​តំបន់ ៤,៦ ​គីឡូម៉ែត្រ​ការ៉េ»។

លោកនាយ​រដ្ឋ​មន្ត្រី​បន្ត​ទៀត​ថា៖

«បើ​យន្តហោះ​ថៃ​ឆ្លងចូល​ដែន​អាកាស​កម្ពុជា ​អ្នកឯង​ (ថៃ) ​ឈ្លានពាន​ពេញបន្ទុក​ និង​បង្ហាញ​ពិភពលោក​ ហើយ​ក្រុមប្រឹក្សា​សន្តិសុខ​ត្រូវ​ធ្វើ​សកម្មភាព។ នេះ​មិនមែន​ជាការ​គំរាមកំហែង​ត្រឹមតែ​កម្ពុជា​ទេ តែ​វាគំរាមកំហែង​សន្តិសុខ​តំបន់​ហើយ»។

លោក​នាយក​រដ្ឋមន្ត្រី​ហ៊ុន សែន ​បាន​ថ្លែងទៀត​ថា រដ្ឋាភិបាល​របស់​លោក​ស្នើ​សុំ​អង្គការ​សហប្រជាជាតិ​បញ្ជូន​កងកម្លាំង​មក​កាន់​តំបន់​ជម្លោះ​នៅ​ក្បែរ​ប្រាសាទ​ព្រះវិហារ​របស់​កម្ពុជា។

លោក​ហោ ណាំហុង​ រដ្ឋមន្ត្រី​ការ​បរទេស​កម្ពុជា​បាន​ជួប​ដាច់​ដោយឡែក​ជាមួយ​តំណាង​អង្គទូត​បរទេស​នៅ​ក្នុង​ទីក្រុង​ភ្នំពេញ​ ដើម្បី​ជម្រាប​ប្រាប់​អំពី​ការ​ឈ្លានពាន​របស់​ថៃ​ចូល​មក​ក្នុង​ទឹក​ដី​កម្ពុជា​ និង អំពី​សំណើ​របស់​កម្ពុជា​ឱ្យ​មាន​កិច្ច​ប្រជុំ​ក្រុម​ប្រឹក្សា​សន្តិសុខ​អង្គការ​សហប្រជាជាតិ។

លោក​ហោ ណាំហុង​ បាន​បញ្ជាក់​ថា នៅ​យប់​ថ្ងៃ​ច័ន្ទ​នេះ​ ក្រុម​ប្រឹក្សា​សន្តិសុខ​អង្គការ​សហប្រជាជាតិ​នឹង​ធ្វើការ​ប្រជុំ​ផ្ទៃ​ក្នុង​អំពី​ការ​វាយ​ប្រយុទ្ធ​គ្នារ​វាង​កម្ពុជា ​និង​ថៃ​នៅ​តំបន់​ជម្លោះ​តាម​បណ្តោយ​ព្រំដែន​ ហើយ​លោក​នឹង​ធ្វើ​ដំណើរ​ទៅ​កាន់​ទី​ក្រុង​ញូវយ៉ក​ ដើម្បី​រាយការណ៍​ជូន​ក្រុម​ប្រឹក្សា​សន្តិសុខ​អង្គការ​សហប្រជាជាតិ​អំពី​ការ​ឈ្លាន​ពាន​របស់ថៃ។

លោក​ ផាន់នីតាន់ វ៉ាថាណាយ៉ាកន (Panitan Watanayagorn) អ្នក​នាំ​ពាក្យ​រដ្ឋាភិបាល​ថៃ​ បាន​ថ្លែង​ប្រាប់​វីអូអេ​ថា​ ប្រទេស​ថៃ​នឹង​ផ្ញើ​លិខិត​ទៅ​ក្រុម​ប្រឹក្សា​សន្តិសុខ​អង្គការ​សហប្រជាជាតិ​ និង​សហគមន៍​អន្តរជាតិ​អំពី​ឧប្បទ្ទវហេតុរ​វាង​កង​ទ័ព​កម្ពុជា​ និង​ថៃ​ ហើយ​ថៃ​មិន​ទទួល​ខុស​ត្រូវ​ចំពោះ​ការ​ខូចខាត​ប្រាសាទ​ព្រះវិហារនោះ​ទេ។

លោក​ ម៉ារទី ណាតាឡេហ្កាវ៉ា (Marty Natalegawa) រដ្ឋមន្ត្រី​ការ​បរទេស​ឥណ្ឌូនេស៊ី ​ដែល​បាន​ជួប​ជាមួយ​លោក​ ហោ ណាំហុង​ បាន​បញ្ជាក់​ថា ​គោលបំណង​ទស្សនកិច្ច​របស់​លោក​មក​កម្ពុជា​ គឺ​ដើម្បី​ស្តាប់​ភាគី​កម្ពុជា​អំពី​ការវាយ​ប្រយុទ្ធ​គ្នា​ជាមួយ​ភាគី​ថៃ​នៅ​តំបន់​ព្រំដែន​ ហើយ​នៅ​ថ្ងៃ​ស្អែក លោក​នឹង​ ជួប​ជា​មួយ​លោក កាស៊ីត ភីរម្យ (Kasit Pirumya) រដ្ឋមន្ត្រី​ការ​បរទេស​ថៃ។

លោក​ ណាតាឡេហ្កាវ៉ា បាន​បញ្ជាក់​ថា លោក​ចង់​ឃើញ​ភាគី​ទាំងពីរ​ដោះស្រាយ​បញ្ហា​ជម្លោះ​ដោយ​សន្តិវិធី៕

XS
SM
MD
LG