អង្កការលើកលែងទោសអន្តរជាតិ៖ ការរំលោភផ្លូវភេទនៅកម្ពុជាកើនឡើង

ដើម្បីស្តាប់ព័ត៌មាននេះ

អង្គការលើកលែងទោសអន្តរជាតិ នៅថ្ងៃច័ន្ទនេះ បាននិយាយនៅក្នុងសេចក្តី
ថ្លែងការណ៍របស់ខ្លួនថា ជនរងគ្រោះពីការរំលោភសេពសន្ថវៈនៅកម្ពុជាប្រឈម
មុខនឹងការទទួលបាននូវយុត្តិធម៌ សេវាព្យាបាល វេជ្ជសាស្រ្ត និង ការប្រឹក្សា
ពិគ្រោះយោយល់តិចតូច នៅពេលដែលអំពើរំលោភផ្លូវភេទមកលើស្រ្តីនិងកុមារី
កំពុងកើនឡើង។

នៅក្នុងសេចក្តីប្រកាសព័ត៌មានរបស់អង្គការលើកលែងទោសអន្តរជាតិដែលមាន
ចេញរបាយការណ៍ជាសម្ងាត់មួយបាននិយាយថា អំពើហិង្សាផ្លូវភេទនៅកម្ពុជា
ដែលបានចេញផ្សាយដើម្បីអបអរសាទរទិវាអន្តរជាតិនេះ បានបង្ហាញជាសាធា-
រណៈអំពីរបៀបនៃអំពើពុករលួយ និងការរើសអើងនៅក្នុងជួរនរគរបាលនិងតុលា
ការរារាំងជនរងគ្រោះនៃអំពើរំលោភសេពសន្ថវៈមិនឲ្យទទួលបានយុត្តិធម៌ និង
ជំនួយដែលចាំបាច់នៅក្នុងអំឡុងពេលដែលជនល្មើសភាគច្រើនរួចពីទោសទណ្ឌ
កម្ម។

លោកស្រី ដូនណា ហ្គេស (Donna Guest ) នាយករងអង្គការលើកលែងទោស
អន្តរជាតិ បាននិយាយថា ជនរងគ្រោះរាប់សិបនាក់បាននិយាយប្រាប់យើងថា
ពួកគេប្រឈមមុខនិងការជម្រិតទារប្រាក់ ការមិនអើពើ និងការបំបាត់ជំនឿទុក
ចិត្តពីមន្រ្តីដែលមានតួនាទីក្នុងការជួយការពារសិទ្ធិជនរងគ្រោះទាំងនោះ ។

លោកស្រីបានមានប្រសាសន៍ទៀតថា ជនរងគ្រោះពីការរំលោភសេពសន្ថវៈភាគ
ច្រើនយល់ឃើញថា ការស្វែងរកយុត្តិធម៌និងការគាំពារផ្នែកព្យាបាលវេជ្ជសាស្រ្ត
កាន់តែធ្វើឲ្យពួកគេទទួលទុក្ខធ្ងន់ធ្ងរថែមទៀត ។

លោកស្រីស៊ី ឌីហ្វីន រដ្ឋលេខាធិការក្រសួងកិច្ចការនារី បានជំទាស់នឹងការលើក
ឡើងនេះ។លោកស្រីបានមានប្រសាសន៍ថា វាជាការលំបាកមួយក្នុងការរកទិន្ន
ន័យដែលបង្ហាញឲ្យឃើញពីការរំលោភសេពសន្ថវៈនៅកម្ពុជាមានការកើនឡើង
នោះ ។

«យើងបានបណ្តុះបណ្តាលជាច្រើន ហើយក៏មានការអប់រំផ្សព្វផ្សាយដល់ប្រជា
ពលរដ្ឋជាច្រើនឲ្យលោកយល់ថា ត្រូវធ្វើយ៉ាងម៉េច បើមានជួបនៅបញ្ហាត្រូវចេះ
រត់ទៅរកទីកន្លែងណាមួយដែលនៅជិតបំផុត ដែលជួយខ្លួន»។

លោកស្រី ពុង ឈីវកេក នាយិការអង្គការសិទ្ធិមនុស្សLICADHO បានមានប្រសា-
សន៍ថា វិធីដែលអាចជួយជនរងគ្រោះឲ្យជៀសផុតពីការរំលោភសេពសន្ថវៈរដ្ឋា
ភិបាលត្រូវតែបង្កើតកម្មវិធីឲ្យបានច្រើនដើម្បីជួយជនរងគ្រោះនៅក្នុងពេលដែល
មានការរំលោភសេពសន្ថវៈនោះ ។

«រដ្ឋាភិបាលលោកមានជំហរដើម្បីជួយជនរងគ្រោះ ហើយបើកកម្មបង្រៀនវិជ្ជា
ជីវៈ ចង់ឲ្យមានគ្រូពេទ្យបច្ចេកទេសខាងព្យាបាលផ្លូវចិត្តជនរងគ្រោះ ដោយសារ
អំពើរំលោភសេពសន្ថវៈមានបញ្ហាផ្លូវចិត្តច្រើនណាស់»។

លោកស្រីរស់ សុភាព នាយិការប្រតិបត្តិអង្គការយេនឌ័រនិងអភិវឌ្ឍន៍ដើម្បីកម្ពុជា
បាននិយាយឲ្យដឹងថា នៅក្នុងប្រទេសកម្ពុជាវប្បធម៌ស្រីប្រកាន់ប្រុសប្រកែក វា
គឺជារបាំងមួយដែលធ្វើឲ្យជនរងគ្រោះតែងទទួលបាននូវការរំលោភសេពសន្ថវៈ
ជាបន្តបន្ទាប់។

«ការរួចទោសរបស់ជនប្រព្រឹត្តបទល្មើសហ្នឹង គឺជាកត្តាសំខាន់ ហើយមួយទៀត
កត្តាដែលហៅថា បាត់បង់កិត្តិយសដល់គ្រួសារអ្នករងគ្រោះគឺជាបញ្ហាមួយទៀត
ដោយសារថា គាត់មិនហ៊ានទៅប្រាប់គេ ឬក៏សុខចិត្តខូចខាតដោយស្ងាត់ៗ»។

អង្គការលើកលែងទោសអន្តរជាតិ នៅក្នុងរបាយការណ៍របស់ខ្លួនចំនួន៦០ទំព័រ
បានជំរុញឲ្យរដ្ឋាភិបាលកម្ពុជា ធ្វើការហ្វឹកហ្វឺន និង បំពាក់គ្រឿងបរិក្ខាដល់មន្រ្តី
នគរបាលប្រើប្រាស់ជាស្រ្តី និង រំលែកថវិកា ដែលចាំបាច់សម្រាប់ធ្វើការស៊ើប
អង្កេតរាល់ការចោទប្រកាន់ពីបទឧក្រិដ្ឋជាបន្ទាន់ ប្រកបទៅដោយវិជ្ជាជីវៈ និង
សេចក្តីអាណិតអាសូរដល់ជនរងគ្រោះ៕