ដើម្បីស្តាប់ព័ត៌មាននេះ
ថវិកាជាតិឆ្នាំ២០១០ ដែលមានទឹកប្រាក់ជិត២.០០០លានដុល្លារអាមេរិក
ត្រូវ
បានអនុម័ត ប៉ុន្តែក្រុមសមាជិកសភាគណបក្សប្រឆាំងបានរិះគន់ការចំណាយ
ច្រើនលើវិស័យការពារជាតិ
និងសន្តិសុខ ច្រើនជាងវិស័យសង្គមកិច្ច។
លោកជន សក្តា សូមជូនព័ត៌មាននេះ។
រដ្ឋសភាកម្ពុជា
នៅថ្ងៃអង្គារ៍នេះ
បានអនុម័តកញ្ចប់ថវិកាជិត២.០០០
លាន
ដុល្លារអាមេរិកសម្រាប់ការចំណាយនៅក្នុងឆ្នាំ២០១០
ដោយបង្កើនការចំណាយ
លើវិស័យការពារជាតិនិងសន្តិសុខរហូតដល់២៨,៤%
ច្រើនលើសវិស័យសង្គម
កិច្ច។
សមាជិកសភាចំនួន ៨១រូបនៃសមាជិកសភាមានវត្តមានចំនួន ១០៣រូប
បាន
បោះឆ្នោតអនុម័តច្បាប់ថវិកាជាតិឆ្នាំ២០១០ ដែលមានទឹកប្រាក់ ១៩៩៣លាន
ដុល្លារអាមេរិក គឺ មានជាង១០០លានដុល្លារអាមេរិក
កើនលើសថវិកាជាតិឆ្នាំ
២០០៩។
នៅក្នុងថវិកាជាតិឆ្នាំ២០១០នេះ
ការចំណាយសម្រាប់វិស័យការពារជាតិ
និង
សន្តិសុខ មានចំនួនជាង ២៧៦លានដុល្លារ
គឺកើនពីចំនួន ២២៣លានដុល្លារ
នៅក្នុងឆ្នាំ២០០៩ ។ ក្រសួងសុខាភិបាលទទួលបានទឹកប្រាក់ជាង ១៤៤លាន
ដុល្លារ
ដែលកើនឡើង ១៩,១%លើសកញ្ចប់ថវិកាឆ្នាំ ២០០៩
ក្រសួងអប់រំ
ជាង១៩៨លានដុល្លារ
ដែលកើនឡើង១១,១%លើសកញ្ចប់ថវិកាឆ្នាំ ២០០៩
ក្រសួងកសិកម្មជាង ២១លានដុល្លារ
ដែលកើនឡើង១៣,៦%
លើសកញ្ចប់
ថវិកាឆ្នាំ២០០៩
ក្រសួងអភិវឌ្ឍន៍ជនបទជិត២០លានដុល្លារ
ដែលកើនឡើង
៣០,៤%លើសកញ្ចប់ថវិកាឆ្នាំ២០០៩ និង ក្រសួងធនធានទឹកជាង៨,៨លាន
ដុល្លារ
ដែលកើនឡើង១៧,៣%
លើសកញ្ចប់ថវិកាឆ្នាំ២០០៩។
លោកគាត ឈន់
រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ
បានថ្លែងអំណរគុណ
យ៉ាងជ្រាលជ្រៅចំពោះរដ្ឋសភា
ដែលបានអនុម័តច្បាប់ថវិកាជាតិឆ្នាំ២០១០នេះ
ដែលជាឧបករណ៍សម្រាប់អនុវត្តកម្មវិធីនយោបាយរបស់រដ្ឋាភិបាលឱ្យសម្រេច
បានតាមគោលដៅទាំងឡាយ
ជាពិសេសគោលនយោបាយចតុកោណរបស់
លោកនាយករដ្ឋមន្ត្រី
ហ៊ុន សែន។
"រដ្ឋាភិបាលនៅតែប្រកាន់នូវមហិច្ឆិតាខ្ពស់ដែលចង់បានកំណើនសេដ្ឋកិច្ចកម្ពុជា
ចំនួន៧%ក្នុង១ឆ្នាំនិងកាត់បន្ថយភាពក្រីក្រយ៉ាងតិច១%ក្នុង១ឆ្នាំ"។
លោកកឹម សុខា
ប្រធានគណបក្សសិទ្ធិមនុស្ស
បានបញ្ជាក់ថា តំណាងរាស្ត្រ
៣រូបរបស់យើងមិនបោះឆ្នោតគាំទ្រច្បាប់ថវិកាជាតិឆ្នាំ២០១០នេះទេ។
"រដ្ឋាភិបាលយើងមិនឃើញបង្កើនការចំណាយឱ្យសមស្របតាមអ្វីដែលជាបញ្ហា
ជាក់ស្តែង ដូចជាលើវិស័យសុខាភិបាល
អប់រំ និង កសិកម្ម មានការបង្កើនតិច
តួចពេក ។
យើងអត់ពេញចិត្តនឹងច្បាប់នេះទេ
ដោយសាររដ្ឋាភិបាលមិនត្រឹម
តែសម្រាលទុក្ខរបស់ប្រជាពលរដ្ឋ
ថែមទាំងដាក់បន្ទុកទៅលើប្រជាពលរដ្ឋ"។
លោក យឹម សុវណ្ណ
តំណាងរាស្ត្រគណបក្សសម រង្ស៊ី
បានថ្លែងថា យើងមិន
អាចទទួលបាននូវច្បាប់ថវិកាជាតិឆ្នាំ២០១០
ដែលគ្មានតម្លាភាព
និងការបង្ខំឱ្យ
ប្រជាពលរដ្ឋបង់ពន្ធលើអចលនទ្រព្យ
និងយានជំនិះគ្រប់ប្រភេទ។
"ច្បាប់ថវិកាជាតិឆ្នាំ២០១០នេះបង្ខំឱ្យប្រជាពលរដ្ឋបង់ពន្ធ
ហើយការបង់ពន្ធ
បន្ថែមនេះមិនអាចធ្វើបានទេនៅក្នុងប្រទេសកម្ពុជា ដែលកំពុងជួបវិបត្តិសេដ្ឋ
កិច្ច
ហើយអត់អាចជួយប្រជាពលរដ្ឋ។
ធម្មតាការបង្ខំឱ្យប្រជាពលរដ្ឋបង់ពន្ធ
មានន័យថា បង្ខំឱ្យប្រជាពលរដ្ឋទទួលនូវបន្ទុកថែមមួយទៀត
ពីអ្វីដែលវិបត្តិ
សេដ្ឋកិច្ចដាក់លើប្រជាពលរដ្ឋហើយ។ឥឡូវនេះទាំងអ្នកមានទាំងអ្នកក្រជួប
វិបត្តិទាំងអស់នៅក្នុងប្រទេសកម្ពុជា"។
ក្រុមសមាជិកសភាគណបក្សប្រជាជនកម្ពុជាបានបញ្ជាក់ថា ច្បាប់ថវិកាជាតិ
ឆ្នាំ ២០១០នេះ
បានឆ្លុះបញ្ជាំងនូវការប្តេជ្ញាចិត្តរបស់រដ្ឋាភិបាល ដើម្បីធានា
កំណើនសេដ្ឋកិច្ច
និងការកាត់បន្ថយភាពក្រីក្រ
ព្រមទាំងធានាការពារបូរណ
ភាពទឹកដី
និងអធិបតេយ្យភាពជាតិ
ពីការឈ្លានពានរបស់ប្រទេសថៃ។
ពីរាជធានីភ្នំពេញ ខ្ញុំ ជន សក្តា VOA សម្លេងស.រ.អា.៕