ភ្នំពេញ —
គណបក្សចំនួន៤ក្នុងចំណោមគណបក្សនយោបាយចំនួន៦ដែលមិនបានទទួលអាសនៈក្នុងសភាក្នុងការប្រកួតប្រជែងនៅក្នុងអាណត្តិទី៥នេះ បានសម្តែងការមិនពេញជាខ្លាំងចំពោះ ដំណើរការបោះឆ្នោតនេះ។ គណបក្សនយោបាយទាំងនោះបានចាត់ទុកថា ការបោះឆ្នោតនេះមានភាពអយុត្តិធម៌ និងមានភាពមិនប្រក្រតីជាច្រើន ដែលបានកើតឡើងដោយមានការរៀបចំទុកជាមុន។
ការបោះឆ្នោតជ្រើសរើសតំណាងរាស្ត្រអាណត្តិទី៥កាលពីថ្ងៃទី២៨កក្កដាកន្លងទៅថ្មីៗនេះមានគណបក្សនយោបាយចំនួន៨បានចូលរួមប្រកួតប្រជែង ក៏ប៉ុន្តែលទ្ធផលក្រៅផ្លូវការបង្ហាញថា មានគណបក្សចំនួនតែ២ប៉ុណ្ណោះដែលមានអាសនៈក្នុងរដ្ឋសភាគឺគណបក្សប្រជាជនកម្ពុជា និងគណបក្សសង្គ្រោះជាតិ។
លោកញ៉ឹក ប៊ុនឆៃ អគ្គលេខាធិការគណបក្សហ៊្វុនស៊ិនប៉ិច បានឲ្យដឹងថា បើតាមការបូកសរុបលទ្ធផលសំឡេងឆ្នោតពីសកម្មជនរបស់គណបក្ស បានឲ្យដឹងថា គណបក្សហ៊្វុនស៊ិនប៉ិចទទួលបានប្រហែលជា២៤១៨៦៦សំឡេងទូទាំងប្រទេសដែលចំនួននេះគឺជាចំនួនមួយដែលមិនអាចទទួលយកបាននោះទេ ពីព្រោះភាពមិនប្រក្រតីជាច្រើនបានកើតមាននៅមុន ក្រោយ និងពេលបោះឆ្នោត ដែលជាចេតនាមួយបង្កើតឡើងដោយមានផែនការច្បាស់លាស់។
លោកបានបញ្ជាក់ថា បើសិនជាភាពមិនប្រក្រតីទាំងនោះត្រូវបានដោះស្រាយឲ្យបានត្រឹមត្រូវ គណបក្សហ៊្វុនស៊ិនប៉ិច យ៉ាងហោចណាស់ ក៏ទទួលបានអាសនៈចំនួន៣ដែរ ក្នុងរដ្ឋសភា។
ហើយបើសិនជាភាពមិនប្រក្រតីមិនត្រូវបានដោះស្រាយឲ្យបានត្រឹមត្រូវទេនោះគណបក្សហ៊្វុនស៊ិនប៉ិចមិនទទួលយកលទ្ធផលនៃការបោះឆ្នោតនេះដាច់ខាត។
លោកនិយាយថា៖ «ទៅបោះឆ្នោតស្រាប់តែឈ្មោះនោះគេបោះរួចហើយ។ មានមេភូមិនោះ មានទឹកខ្មៅយកទៅឲ្យសមាជិកខាងខ្ញុំជ្រលក់ដៃ បានសេចក្តីថា គេទិញ ឲ្យលុយទៅ គេឲ្យជ្រលក់ដៃ។ ហើយអ្នកនោះអត់បានទៅបោះឆ្នោតទេ ពីព្រោះជ្រលក់ដៃរួចហើយ ចាប់បានទឹកខ្មៅទាំងដបយកមកទៀត។ លទ្ធផលរាប់សន្លឹកឆ្នោត ពេលមកដល់ SECវាខុសគ្នាពី CEC មកPEC។ ហើយ NEC វាមានខុសគ្នាថែមទៀត។ ហើយសរសេររលុបៗ កុំឲ្យសរសេច្បាស់។ តួលេខកាន់តែខុសទៅ»។
ជាមួយគ្នានោះដែរ លោកខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ បានឲ្យដឹងដែរថា គណបក្សរបស់លោកទូទាំងប្រទេសបានទទួលសំឡេងឆ្នោតជិត៧ម៉ឺនសំឡេង ក៏ប៉ុន្តែសំឡេងឆ្នោតនេះលោកមិនអាចទទួលយកបាននោះទេ ពីព្រោះមានភាពអយុត្តិធម៌ជាច្រើនបានកើតឡើងនៅពេលបោះឆ្នោត។
លោកមានប្រសាសន៍ថា៖ «ភាពមិនប្រក្រតីនោះមិនបាច់និយាយនោះទេ។ វាមានរាប់មិនអស់ទៅហើយ។ ក៏ប៉ុន្តែនៅក្រោយភាពមិនប្រក្រតីនោះសន្លឹកឆ្នោតរបស់យើងក៏មិនគួរធ្លាក់ដល់តិចជាងគណបក្សតូចៗ។ ក៏ប៉ុន្តែឲ្យយើងដឹង ថាតើវាមានបញ្ហាអី បានជាធ្លាក់ទៅជាអញ្ចឹង? យើអត់ដឹងទេ។ យើងរកមិនឃើញទេ។ រឿងតវ៉ា យើងអត់តវ៉ាទេ។ ក៏ប៉ុន្តែតែឲ្យទទួល យើងមិនទទួលទេ ពីព្រោះការតវ៉ាយើងយល់ថា សម្ពាធរបស់យើងទៅលើគណបក្សកាន់អំណាចនោះវាសម្ពាធតូច»។
ដំណើរការបោះឆ្នោត និងលទ្ធផលសន្លឹកឆ្នោតក្នុងអាណត្តិនេះធ្វើឲ្យគណបក្សនយោបាយភាគច្រើន ដែលបានចូលរួមក្នុងការប្រកួតប្រជែងនេះ កំពុងមានការមន្ទិលសង្ស័យ និងរិះគន់យ៉ាងធ្ងន់ៗទៅលើគណបក្សកាន់អំណាច និងគណៈកម្មាធិការជាតិរៀបចំការបោះឆ្នោត។
លោកក្រវ៉ាញ ដារ៉ន ប្រធានគណបក្សខ្មែរឈប់ក្រ បានឲ្យដឹងថា គណបក្សរបស់លោកទូទាំងប្រទេសទទួលសំឡេងឆ្នោតប្រហែលជា៤ម៉ឺនសំឡេងគឺជាសំឡេងឆ្នោតដែលលោកចាត់ទុកថា មិនមែនជាតួលេខពិតប្រាកដ ដែលប្រជាពលរដ្ឋបានបោះឆ្នោតជូនគណបក្សរបស់លោកនោះទេ។
លោកបានបញ្ជាក់ថា នៅថ្ងៃអាទិត្យសប្តាហ៍នេះ លោកនឹងធ្វើកូដកម្ម១នៅទីលានប្រជាធិបតេយ្យដើម្បីបង្ហាញប្រាប់សាធារណៈជនជាតិ និងអន្តរជាតិទាំងអស់អំពីភស្តុតាងជាច្រើនដែលកើតមានក្នុងដំណើរការបោះឆ្នោតនេះ។
លោកថ្លែងថា៖ «តាមខ្ញុំសង្កេតមើល លទ្ធផលដែលគេផ្សាយមកគឺការរៀបចំរបស់គេហើយមកស្រេចតែម្តង។ សន្លឹកឆ្នោតគឺគេឲ្យចំនួននេះ ចំនួននោះតែម្តង។ ហើយខ្ញុំមានភស្តុតាងទាំងអស់ គឺជារឿងអយុត្តិធម៌ណាស់ ដែលមិនអាចទទួលយក ថាមានការបោះឆ្នោតដោយសេរី យុត្តិធម៌បាននោះទេ។ ខ្ញុំគាំទ្រនូវគំនិតរបស់លោកសមរង្ស៊ីរកអង្គការសហប្រជាជាតិនោះមកត្រួតពិនិត្យ ស្រាវជ្រាវរក សន្លឹកឆ្នោតដើម្បីរកយុត្តិធម៌និងរកភាពត្រឹមត្រូវឲ្យគណបក្សទាំង៨ មិនមែនតែគណបក្សតែ២របស់លោកទេ»។
លោកចាន់ យ៉េត អនុប្រធានគណបក្សសាធារណរដ្ឋប្រជាធិបតេយ្យក៏បានឲ្យដឹងស្រដៀងទៅនឹងគណបក្សខាងលើដែរ។ លោកថ្លែងថា សំឡេងឆ្នោតគណបក្សរបស់លោកទទួលបានជាង៣ម៉ឺនសំឡេងទូទាំងប្រទេស ហើយសំឡេងឆ្នោតនេះលោកមិនអាចទទួលយកបាននោះទេ។ ក៏ប៉ុន្តែលោកក៏មិនមានការជំទាស់នឹងគណៈកម្មាធិការជាតិរៀចចំការបោះឆ្នោតដែរ។
លោកនិយាយថា៖ «តាមការណ៍ពិត យើងពិបាកនឹងទទួលយកដែរ។ យើងមិនអាចប្រកែកបានទេ ទោះបីជាយើងដាក់ពាក្យបណ្តឹងអំពីភាពមិនប្រក្រតី។ ទោះបីជាយើងដាក់យ៉ាងណា ក៏គេមិនព្រមទទួលស្គាល់យើងដែរ ពីព្រោះយើងបានចុះហត្ថលេខានិងប្រថាប់ត្រារួចហើយ នៅលើលិខិតដែលយើងបានដាក់ទៅក្រសួងមហាផ្ទៃ មុនពេលដែលយើងបោះឆ្នោត»។
ទោះបីជាគណបក្សនយោបាយចំនួន៤ខាងលើបានបដិសេធមិនព្រមទទួលយកលទ្ធផលសំឡេងឆ្នោតរបស់ខ្លួនយ៉ាងណាក៏ដោយ ក៏គណបក្សសញ្ជាតិកម្ពុជាដែលទទួលបានសំឡេងសរុបទូទាំងប្រទេសប្រហែលជាង៣ម៉ឺនសំឡេងមិនមានការតវ៉ាលទ្ធផលសំឡេងឆ្នោតនោះទេ។
លោកសេង សុខេង ប្រធានគណបក្សសញ្ជាតិកម្ពុជា បានឲ្យដឹងថា ទោះបីជាសំឡេងឆ្នោតរបស់គណបក្សរបស់លោកទទួលបានតិចជាងការរំពឹងទុកឆ្ងាយក៏ដោយ ក៏លោកមិនមានតវ៉ាអ្វីដែរ ពោលគឺគោរពទៅតាមឆន្ទៈរាស្ត្រ។
លោកឲ្យដឹងថា៖ «បើតាមសកម្មភាពខ្ញុំសង្ឈឹមច្រើន។ ប៉ុន្តែគ្រាន់តែថា យើងបានប៉ុណ្ណេះក៏ដោយ គណបក្សសញ្ជាតិកម្ពុជាគោរពទៅតាមឆន្ទៈរបស់បងប្អូនប្រជាពលរដ្ឋ ហើយយើងគោរពទៅតាមច្បាប់បោះឆ្នោតនិតិវិធីនៃការបោះឆ្នោតដែលមានស្ថាប័នគ.ជ.ប.ជាអ្នកអនុវត្ត»។
VOA សំឡេងសហរដ្ឋអាមេរិកបានព្យាយាមទាក់ទងសុំការអត្ថាធិប្បាយពីតំណាងគណបក្សខ្មែរអភិវឌ្ឍន៍សេដ្ឋកិច្ច តែមិនអាចទាក់ទងបាននោះទេ។
លោក ទេព នីថា អគ្គលេខាធិការគណៈកម្មាធិការជាតិរៀបចំការបោះឆ្នោត បានមានប្រសាសន៍ថា លោកមិនធ្វើអត្ថាធិប្បាយទៅលើការយល់ឃើញរបស់គណបក្សនយោបាយនោះទេ។
លោកបានមានប្រសាសន៍បញ្ជាក់ថា គណបក្សនយោបាយនីមួយៗមានសិទ្ធិប្តឹងទៅតាមនិតិវិធីច្បាប់ បើសិនជាមានបញ្ហាមែននោះ។
លោកបកស្រាយថា៖ «ការតវ៉ាផ្សេងៗទាក់ទងនឹងការបោះឆ្នោតនោះគឺយើងប្តឹងនៅការិយាល័យបោះឆ្នោតរាប់សន្លឹកឆ្នោត មកគណៈកម្មាធិការឃុំ សង្កាត់រៀបចំការបោះឆ្នោត គណៈកម្មាធិការខេត្ត មកដល់គ.ជ.ប.។ អញ្ជឹងទេ ការប្រកាសជាទូទៅរបៀបដូចជាសេចក្តីថ្លែងការណ៍ពុំមានទម្ងន់តាមច្បាប់ដើម្បីឲ្យយើងដោះស្រាយបញ្ហាទាំងអស់នោះទេ។ ការប្តឹង យើងកំណត់ពេលវេលាប្តឹង កំណត់ពេលវេលាដោះស្រាយច្បាស់លាស់ណាស់។ តាមច្បាប់រយៈពេលប្តឹងតាមផ្លូវការវាអស់ហើយ។ ខ្ញុំអត់ធ្វើការអត្ថាធិប្បាយលើការយល់ឃើញរបស់គាត់ទេ។ ខ្ញុំគ្រាន់តែនិយាយអ្វីទៅតាមផ្លូវច្បាប់ដែលគាត់អាចធ្វើបាន»។
គណបក្ស ដែលមិនបានទទួលអាសនៈទាំងនេះ បានធ្វើការប្រកាសច្រានចោលលទ្ធផលបោះឆ្នោតនេះ ស្របពេលដែលគណបក្សជាប់ឆ្នោតគឺគណបក្សប្រជាជនកម្ពុជា និងគណបក្សសង្គ្រោះជាតិកំពុងព្យាយាមសម្រុះសម្រួលគ្នាបង្កើតគណៈកម្មការចម្រុះមួយសម្រាប់ដោះស្រាយភាពមិនប្រក្រតីដែលកំពុងទទួលរងការរិះគន់និងការចោទប្រកាន់៕
ការបោះឆ្នោតជ្រើសរើសតំណាងរាស្ត្រអាណត្តិទី៥កាលពីថ្ងៃទី២៨កក្កដាកន្លងទៅថ្មីៗនេះមានគណបក្សនយោបាយចំនួន៨បានចូលរួមប្រកួតប្រជែង ក៏ប៉ុន្តែលទ្ធផលក្រៅផ្លូវការបង្ហាញថា មានគណបក្សចំនួនតែ២ប៉ុណ្ណោះដែលមានអាសនៈក្នុងរដ្ឋសភាគឺគណបក្សប្រជាជនកម្ពុជា និងគណបក្សសង្គ្រោះជាតិ។
លោកញ៉ឹក ប៊ុនឆៃ អគ្គលេខាធិការគណបក្សហ៊្វុនស៊ិនប៉ិច បានឲ្យដឹងថា បើតាមការបូកសរុបលទ្ធផលសំឡេងឆ្នោតពីសកម្មជនរបស់គណបក្ស បានឲ្យដឹងថា គណបក្សហ៊្វុនស៊ិនប៉ិចទទួលបានប្រហែលជា២៤១៨៦៦សំឡេងទូទាំងប្រទេសដែលចំនួននេះគឺជាចំនួនមួយដែលមិនអាចទទួលយកបាននោះទេ ពីព្រោះភាពមិនប្រក្រតីជាច្រើនបានកើតមាននៅមុន ក្រោយ និងពេលបោះឆ្នោត ដែលជាចេតនាមួយបង្កើតឡើងដោយមានផែនការច្បាស់លាស់។
លោកបានបញ្ជាក់ថា បើសិនជាភាពមិនប្រក្រតីទាំងនោះត្រូវបានដោះស្រាយឲ្យបានត្រឹមត្រូវ គណបក្សហ៊្វុនស៊ិនប៉ិច យ៉ាងហោចណាស់ ក៏ទទួលបានអាសនៈចំនួន៣ដែរ ក្នុងរដ្ឋសភា។
ហើយបើសិនជាភាពមិនប្រក្រតីមិនត្រូវបានដោះស្រាយឲ្យបានត្រឹមត្រូវទេនោះគណបក្សហ៊្វុនស៊ិនប៉ិចមិនទទួលយកលទ្ធផលនៃការបោះឆ្នោតនេះដាច់ខាត។
លោកនិយាយថា៖ «ទៅបោះឆ្នោតស្រាប់តែឈ្មោះនោះគេបោះរួចហើយ។ មានមេភូមិនោះ មានទឹកខ្មៅយកទៅឲ្យសមាជិកខាងខ្ញុំជ្រលក់ដៃ បានសេចក្តីថា គេទិញ ឲ្យលុយទៅ គេឲ្យជ្រលក់ដៃ។ ហើយអ្នកនោះអត់បានទៅបោះឆ្នោតទេ ពីព្រោះជ្រលក់ដៃរួចហើយ ចាប់បានទឹកខ្មៅទាំងដបយកមកទៀត។ លទ្ធផលរាប់សន្លឹកឆ្នោត ពេលមកដល់ SECវាខុសគ្នាពី CEC មកPEC។ ហើយ NEC វាមានខុសគ្នាថែមទៀត។ ហើយសរសេររលុបៗ កុំឲ្យសរសេច្បាស់។ តួលេខកាន់តែខុសទៅ»។
ជាមួយគ្នានោះដែរ លោកខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ បានឲ្យដឹងដែរថា គណបក្សរបស់លោកទូទាំងប្រទេសបានទទួលសំឡេងឆ្នោតជិត៧ម៉ឺនសំឡេង ក៏ប៉ុន្តែសំឡេងឆ្នោតនេះលោកមិនអាចទទួលយកបាននោះទេ ពីព្រោះមានភាពអយុត្តិធម៌ជាច្រើនបានកើតឡើងនៅពេលបោះឆ្នោត។
លោកមានប្រសាសន៍ថា៖ «ភាពមិនប្រក្រតីនោះមិនបាច់និយាយនោះទេ។ វាមានរាប់មិនអស់ទៅហើយ។ ក៏ប៉ុន្តែនៅក្រោយភាពមិនប្រក្រតីនោះសន្លឹកឆ្នោតរបស់យើងក៏មិនគួរធ្លាក់ដល់តិចជាងគណបក្សតូចៗ។ ក៏ប៉ុន្តែឲ្យយើងដឹង ថាតើវាមានបញ្ហាអី បានជាធ្លាក់ទៅជាអញ្ចឹង? យើអត់ដឹងទេ។ យើងរកមិនឃើញទេ។ រឿងតវ៉ា យើងអត់តវ៉ាទេ។ ក៏ប៉ុន្តែតែឲ្យទទួល យើងមិនទទួលទេ ពីព្រោះការតវ៉ាយើងយល់ថា សម្ពាធរបស់យើងទៅលើគណបក្សកាន់អំណាចនោះវាសម្ពាធតូច»។
ដំណើរការបោះឆ្នោត និងលទ្ធផលសន្លឹកឆ្នោតក្នុងអាណត្តិនេះធ្វើឲ្យគណបក្សនយោបាយភាគច្រើន ដែលបានចូលរួមក្នុងការប្រកួតប្រជែងនេះ កំពុងមានការមន្ទិលសង្ស័យ និងរិះគន់យ៉ាងធ្ងន់ៗទៅលើគណបក្សកាន់អំណាច និងគណៈកម្មាធិការជាតិរៀបចំការបោះឆ្នោត។
លោកក្រវ៉ាញ ដារ៉ន ប្រធានគណបក្សខ្មែរឈប់ក្រ បានឲ្យដឹងថា គណបក្សរបស់លោកទូទាំងប្រទេសទទួលសំឡេងឆ្នោតប្រហែលជា៤ម៉ឺនសំឡេងគឺជាសំឡេងឆ្នោតដែលលោកចាត់ទុកថា មិនមែនជាតួលេខពិតប្រាកដ ដែលប្រជាពលរដ្ឋបានបោះឆ្នោតជូនគណបក្សរបស់លោកនោះទេ។
លោកបានបញ្ជាក់ថា នៅថ្ងៃអាទិត្យសប្តាហ៍នេះ លោកនឹងធ្វើកូដកម្ម១នៅទីលានប្រជាធិបតេយ្យដើម្បីបង្ហាញប្រាប់សាធារណៈជនជាតិ និងអន្តរជាតិទាំងអស់អំពីភស្តុតាងជាច្រើនដែលកើតមានក្នុងដំណើរការបោះឆ្នោតនេះ។
លោកថ្លែងថា៖ «តាមខ្ញុំសង្កេតមើល លទ្ធផលដែលគេផ្សាយមកគឺការរៀបចំរបស់គេហើយមកស្រេចតែម្តង។ សន្លឹកឆ្នោតគឺគេឲ្យចំនួននេះ ចំនួននោះតែម្តង។ ហើយខ្ញុំមានភស្តុតាងទាំងអស់ គឺជារឿងអយុត្តិធម៌ណាស់ ដែលមិនអាចទទួលយក ថាមានការបោះឆ្នោតដោយសេរី យុត្តិធម៌បាននោះទេ។ ខ្ញុំគាំទ្រនូវគំនិតរបស់លោកសមរង្ស៊ីរកអង្គការសហប្រជាជាតិនោះមកត្រួតពិនិត្យ ស្រាវជ្រាវរក សន្លឹកឆ្នោតដើម្បីរកយុត្តិធម៌និងរកភាពត្រឹមត្រូវឲ្យគណបក្សទាំង៨ មិនមែនតែគណបក្សតែ២របស់លោកទេ»។
លោកចាន់ យ៉េត អនុប្រធានគណបក្សសាធារណរដ្ឋប្រជាធិបតេយ្យក៏បានឲ្យដឹងស្រដៀងទៅនឹងគណបក្សខាងលើដែរ។ លោកថ្លែងថា សំឡេងឆ្នោតគណបក្សរបស់លោកទទួលបានជាង៣ម៉ឺនសំឡេងទូទាំងប្រទេស ហើយសំឡេងឆ្នោតនេះលោកមិនអាចទទួលយកបាននោះទេ។ ក៏ប៉ុន្តែលោកក៏មិនមានការជំទាស់នឹងគណៈកម្មាធិការជាតិរៀចចំការបោះឆ្នោតដែរ។
លោកនិយាយថា៖ «តាមការណ៍ពិត យើងពិបាកនឹងទទួលយកដែរ។ យើងមិនអាចប្រកែកបានទេ ទោះបីជាយើងដាក់ពាក្យបណ្តឹងអំពីភាពមិនប្រក្រតី។ ទោះបីជាយើងដាក់យ៉ាងណា ក៏គេមិនព្រមទទួលស្គាល់យើងដែរ ពីព្រោះយើងបានចុះហត្ថលេខានិងប្រថាប់ត្រារួចហើយ នៅលើលិខិតដែលយើងបានដាក់ទៅក្រសួងមហាផ្ទៃ មុនពេលដែលយើងបោះឆ្នោត»។
ទោះបីជាគណបក្សនយោបាយចំនួន៤ខាងលើបានបដិសេធមិនព្រមទទួលយកលទ្ធផលសំឡេងឆ្នោតរបស់ខ្លួនយ៉ាងណាក៏ដោយ ក៏គណបក្សសញ្ជាតិកម្ពុជាដែលទទួលបានសំឡេងសរុបទូទាំងប្រទេសប្រហែលជាង៣ម៉ឺនសំឡេងមិនមានការតវ៉ាលទ្ធផលសំឡេងឆ្នោតនោះទេ។
លោកសេង សុខេង ប្រធានគណបក្សសញ្ជាតិកម្ពុជា បានឲ្យដឹងថា ទោះបីជាសំឡេងឆ្នោតរបស់គណបក្សរបស់លោកទទួលបានតិចជាងការរំពឹងទុកឆ្ងាយក៏ដោយ ក៏លោកមិនមានតវ៉ាអ្វីដែរ ពោលគឺគោរពទៅតាមឆន្ទៈរាស្ត្រ។
លោកឲ្យដឹងថា៖ «បើតាមសកម្មភាពខ្ញុំសង្ឈឹមច្រើន។ ប៉ុន្តែគ្រាន់តែថា យើងបានប៉ុណ្ណេះក៏ដោយ គណបក្សសញ្ជាតិកម្ពុជាគោរពទៅតាមឆន្ទៈរបស់បងប្អូនប្រជាពលរដ្ឋ ហើយយើងគោរពទៅតាមច្បាប់បោះឆ្នោតនិតិវិធីនៃការបោះឆ្នោតដែលមានស្ថាប័នគ.ជ.ប.ជាអ្នកអនុវត្ត»។
VOA សំឡេងសហរដ្ឋអាមេរិកបានព្យាយាមទាក់ទងសុំការអត្ថាធិប្បាយពីតំណាងគណបក្សខ្មែរអភិវឌ្ឍន៍សេដ្ឋកិច្ច តែមិនអាចទាក់ទងបាននោះទេ។
លោក ទេព នីថា អគ្គលេខាធិការគណៈកម្មាធិការជាតិរៀបចំការបោះឆ្នោត បានមានប្រសាសន៍ថា លោកមិនធ្វើអត្ថាធិប្បាយទៅលើការយល់ឃើញរបស់គណបក្សនយោបាយនោះទេ។
លោកបានមានប្រសាសន៍បញ្ជាក់ថា គណបក្សនយោបាយនីមួយៗមានសិទ្ធិប្តឹងទៅតាមនិតិវិធីច្បាប់ បើសិនជាមានបញ្ហាមែននោះ។
លោកបកស្រាយថា៖ «ការតវ៉ាផ្សេងៗទាក់ទងនឹងការបោះឆ្នោតនោះគឺយើងប្តឹងនៅការិយាល័យបោះឆ្នោតរាប់សន្លឹកឆ្នោត មកគណៈកម្មាធិការឃុំ សង្កាត់រៀបចំការបោះឆ្នោត គណៈកម្មាធិការខេត្ត មកដល់គ.ជ.ប.។ អញ្ជឹងទេ ការប្រកាសជាទូទៅរបៀបដូចជាសេចក្តីថ្លែងការណ៍ពុំមានទម្ងន់តាមច្បាប់ដើម្បីឲ្យយើងដោះស្រាយបញ្ហាទាំងអស់នោះទេ។ ការប្តឹង យើងកំណត់ពេលវេលាប្តឹង កំណត់ពេលវេលាដោះស្រាយច្បាស់លាស់ណាស់។ តាមច្បាប់រយៈពេលប្តឹងតាមផ្លូវការវាអស់ហើយ។ ខ្ញុំអត់ធ្វើការអត្ថាធិប្បាយលើការយល់ឃើញរបស់គាត់ទេ។ ខ្ញុំគ្រាន់តែនិយាយអ្វីទៅតាមផ្លូវច្បាប់ដែលគាត់អាចធ្វើបាន»។
គណបក្ស ដែលមិនបានទទួលអាសនៈទាំងនេះ បានធ្វើការប្រកាសច្រានចោលលទ្ធផលបោះឆ្នោតនេះ ស្របពេលដែលគណបក្សជាប់ឆ្នោតគឺគណបក្សប្រជាជនកម្ពុជា និងគណបក្សសង្គ្រោះជាតិកំពុងព្យាយាមសម្រុះសម្រួលគ្នាបង្កើតគណៈកម្មការចម្រុះមួយសម្រាប់ដោះស្រាយភាពមិនប្រក្រតីដែលកំពុងទទួលរងការរិះគន់និងការចោទប្រកាន់៕
