សិទ្ធិ​មនុស្ស

លោក​ហ៊ុន សែន​បដិសេធ​មិន​ចុះ​ចេញ​ពី​អំណាច​និង​បោះឆ្នោត​ឡើង​វិញ

លោក​នាយក​រដ្ឋមន្ត្រី​ ហ៊ុន សែន​បាន​អះអាង​ទៀត​ថា​បើ​បាតុកម្ម​ណា​មួយ​ពាក់​ព័ន្ធ​ដល់​សន្តិសុខ​ជាតិ​លោក​សុំ​ឱ្យ​​ប្រុង​ប្រយ័ត្ន​ចំពោះ​បាតដៃ​ទី​បី។លោក​នាយក​រដ្ឋមន្ត្រី​ ហ៊ុន សែន​បាន​អះអាង​ទៀត​ថា​បើ​បាតុកម្ម​ណា​មួយ​ពាក់​ព័ន្ធ​ដល់​សន្តិសុខ​ជាតិ​លោក​សុំ​ឱ្យ​​ប្រុង​ប្រយ័ត្ន​ចំពោះ​បាតដៃ​ទី​បី។
x
លោក​នាយក​រដ្ឋមន្ត្រី​ ហ៊ុន សែន​បាន​អះអាង​ទៀត​ថា​បើ​បាតុកម្ម​ណា​មួយ​ពាក់​ព័ន្ធ​ដល់​សន្តិសុខ​ជាតិ​លោក​សុំ​ឱ្យ​​ប្រុង​ប្រយ័ត្ន​ចំពោះ​បាតដៃ​ទី​បី។
លោក​នាយក​រដ្ឋមន្ត្រី​ ហ៊ុន សែន​បាន​អះអាង​ទៀត​ថា​បើ​បាតុកម្ម​ណា​មួយ​ពាក់​ព័ន្ធ​ដល់​សន្តិសុខ​ជាតិ​លោក​សុំ​ឱ្យ​​ប្រុង​ប្រយ័ត្ន​ចំពោះ​បាតដៃ​ទី​បី។
ហេង រស្មី
ភ្នំពេញ៖ លោក​នាយក​រដ្ឋ​មន្ត្រី​ហ៊ុន សែន​ ដែល​បាន​ត្រួតត្រា​ប្រទេស​កម្ពុជា​អស់​រយៈ​ពេល​ជិត​៣០​ឆ្នាំ​នៅ​ថ្ងៃ​សុក្រ​នេះ​បាន​បដិសេធ​ថា​លោកនឹង​មិន​ចុះ​ចេញ​ពី​មុខ​តំណែង​និង​រៀបចំ​ការបោះ​ឆ្នោត​ឡើង​វិញ​ទេ​ដោយ​សារ​ផ្ទុយ​នឹង​ច្បាប់​រដ្ឋធម្មនុញ្ញ។

ការ​អះអាង​ជាលើក​ដំបូង​របស់​លោក​នាយក​រដ្ឋ​មន្ត្រី​ហ៊ុន​ សែន​ បាន​កើត​មាន​ឡើង​ក្រោយ​ពី​ក្រុម​បាតុករ​ជាច្រើន​ពាន់​នាក់​ដែលដឹក​នាំ​ដោយ​គណបក្ស​សង្គ្រោះ​ជាតិ​បាន​ដឹក​នាំ​ធ្វើ​មហា​បាតុកម្ម​អស់​រយៈ​ពេល​ជិត​មួយ​សប្តាហ៍​ហើយ​ដើម្បី​ដាក់​សម្ពាធ​ឱ្យលោក​ ហ៊ុន សែន​ ចុះ​ចេញ​ពី​មុខ​តំណែង​និង​ទាម​ទារ​ឱ្យរៀប​ចំបោះ​ឆ្នោត​ឡើង​វិញ។

ក្រុម​បាតុករ​បាន​ជួប​ប្រជុំ​គ្នា​ជារៀង​រាល់​ថ្ងៃ​នៅ​ទីលាន​ប្រជាធិបតេយ្យ​និង​បាន​ដើរ​ក្បួន​ដង្ហែរ​ពាស​ពេញ​ទីក្រុង​ភ្នំពេញ​ដើម្បី​ប្រកាស​ពី​ការទាមទារ​របស់​ខ្លួន។

​កាល​ពី​ម្ស៊ិល​មិញ​នេះ​មេដឹក​នាំ​គណបក្ស​សង្គ្រោះ​ជាតិ​បាន​ប្រកាស​ថា​នឹង​បិទ​ផ្លូវជាតិ​សំខាន់ៗ​បើ​រដ្ឋាភិបាល​ពុំ​ព្រម​ធ្វើ​តាម​ការ​ដែល​ខ្លួន​ចង់បាន​ទេ។

មាន​ប្រសាសន៍​ប្រាប់​ក្រុម​អ្នក​កាសែត​នៅ​ឯមន្ទីរ​រដ្ឋសភា​ជាតិលោក​នាយក​រដ្ឋ​មន្ត្រី​ហ៊ុន សែន​បាន​បញ្ជាក់​ថា​នៅ​កម្ពុជា​មាន​រដ្ឋ​ធម្មនុញ្ញ​មួយ​ដែល​បាន​កំណត់​ខុស​ពី​ប្រទេស​ដទៃ​ដែលនាយករដ្ឋ​មន្ត្រី​អាចប្រកាស​រំលាយ​រដ្ឋសភា។ ​ប៉ុន្តែ​នៅ​ប្រទេស​កម្ពុជា​វិញ​នៅ​ក្នុង​រដ្ឋធម្មនុញ្ញ​មាត្រា​ទី៧៨ ​បាន​កំណត់​ថា​សភា​ មាននីតិកាល​រយៈពេល​៥​ឆ្នាំសភាមិន​អាចរំលាយមុន​ អណត្តិបាន​ទេ​ លើកលែងតែរាជរដ្ឋាភិបាល​ ត្រូវរំលាយ​ ​២ដងក្នុងរយៈ​ពេល១២​ខែ។​

លោក​បាន​បញ្ជាក់​ថា​នាយករដ្ឋមន្ត្រី​ក៏គ្មាន​សិទ្ធិ ​រំលាយសភា ​ព្រះមហាក្សត្រ ​ក៏គ្មាន​សិទ្ធិ​រំលាយ​សភា ហើយ​សភា​ខ្លួនឯង​ក៏គ្មាន​សិទ្ធិ​រំលាយសភា ​ដូច្នេះ​តើ ​អ្នក​ណាមួយ​មាន​សិទ្ធិ​រំលាយ​សភា​ ដើម្បី​ធ្វើការ​បោះ​ឆ្នោត​ឡើងវិញ​ដូច្នេះ​សូមអ្នក​តវ៉ា​មើលឲ្យច្បាស់​គ្មាន​អ្នក​ណាមាន​សិទ្ធិ​ទាំង​អស់។

លោក​និយាយ​ថា៖​«​ ឥឡូវ​និយាយ​រឿង​ដល់​បាតុកម្ម​បិទ​ផ្លូវ ​ខ្ញុំ​គ្រាន់​តែ​បញ្ជាក់​ថា​បិទ​ផ្លូវ​តើ​វា​ប៉ះពាល់​ដល់​អ្វី​?​មិន​មែន​ប៉ះពាល់​ត្រឹម​រដ្ឋាភិបាល​ ត្រឹម​ស្ថាប័ន​របស់​រដ្ឋ​មួយ​ចំនួន​ទេ​ ប៉ះពាល់​ដល់​ប្រជាជន​ជា​ទង្វើ​ខុស​ច្បាប់។ខ្ញុំ​សូម​ស្នើ​ ទាំង​នេះ​គឺ​ជា​វិធាន​ការ​ដែល​រាជរដ្ឋាភិបាល​និង​ឆ្លើយ​តប​តាម​ផ្លូវ​ច្បាប់។​វាគ្មាន​ជម្រើស​ណា​ផ្សេង​ក្រៅ​ពី​នោះទេ»។

លោក​នាយក​រដ្ឋមន្ត្រី​ ហ៊ុន សែន​បាន​អះអាង​ទៀត​ថា​បើ​បាតុកម្ម​ណា​មួយ​ពាក់​ព័ន្ធ​ដល់​សន្តិសុខ​ជាតិ​លោក​សុំ​ឱ្យប្រុង​ប្រយ័ត្ន​ចំពោះ​បាតដៃ​ទី​បី។

លោក​ កឹម សុខា​ អនុប្រធាន​គណបក្ស​សង្គ្រោះ​ជាតិ​មិន​អើពើ​និង​ការ​ព្រមាន​របស់​លោក​នាយក​រដ្ឋ​មន្ត្រី​ហ៊ុន សែន​ទេ។

លោក​បាន​អះអាង​ដោយ​ចំអក​ថា​ក្រុម​បាតុករ​នឹង​ដឹកនាំ​ធ្វើ​មហា​បាតុកម្ម​បន្ត​ទៀត​រហូត​ទាល់​តែ​ការទាមទារ​របស់​ខ្លួន​ដើម្បី​ឱ្យលោក​នាយក​រដ្ឋ​មន្ត្រី​ហ៊ុន សែន​ចុះ​ចេញពី​មុខ​តំណែង​និង​បោះ​ឆ្នោត​ឡើង​វិញទទួល​បាន​ជោគជ័យ។

លោក​និយាយ​ថា៖​«កាលណា​មេដឹក​នាំ​ប្តេជ្ញា​ការព្រមាន​ហើយ​យើង​ក៏ត្រូវតែ​គិត​គូរ​ដែរ​ប៉ុន្តែ​យើង​គិត​ថា​តើ​យើង​គួរ​ខ្លាច​អ្វី​ជាង​។​យើង​ខ្លាច​បាត់​បង់​អាយុជីវិត​ គ្នា​យើង​ម្នាក់​ពីរ​នាក់​ឬក៏​ខ្លាច​គេ​ចាប់​យក​ដាក់​គុក​ឬ​យើង​ខ្លាច​បាត់​ជាតិ​នេះ​យើង​ត្រូវ​ពិចារណា​ស្អី​ដែល​យើង​ត្រូវ​ខ្លាច»។

លោក​ធន សារាយ​ ប្រធាន​សមាគម​សិទ្ធិ​មនុស្ស​អាដហុក​មាន​ប្រសាសន៍​ថា​មេដឹក​នាំទាំង​ពីរ​គួរ​តែ​រក​ចំណុច​កណ្តាល​មួយ​ដើម្បី​ជជែក​គ្នា​ប្រសិន​បើ​នៅ​ប្រកាន់​តឹង​រៀងៗ​ខ្លួន​នៅ​ប្រទេស​ជាតិ​និង​ជួប​វិបត្តិ។

លោក​និយាយ​ថា​៖«​អ្នក​ដឹកនាំ​នយោ​បាយ​មាន​ការ​អត់​ធ្មត់​ហើយ​មាន​ការ​ពិចារណា​អំពី​ការ​រក​ដំណោះ​ស្រាយ។​ហើយ​ដំណោះ​ស្រាយ​ខ្ញុំ​គិត​ថា​គួរ​តែជជែក​គ្នា​ បើមិន​ជជែក​គ្នាទេ​ចេះតែ​បំប៉ោង​ការ​សម្លុត​គ្នាទៅ​វិញ​ទៅ​មក​គំរាម​គ្នា​ទៅ​វិញ​ទៅ​មក​អញ្ចឹង​វាមិន​ល្អទេ​ហើយ​វាអាច​ឈាន​ទៅ​ដល់​ការ​ផ្ទះ​ហិង្សា​ហើយ។​ហើយ​ដូច​ខ្ញុំ​បញ្ជាក់​អម្បាញ់​មិញ​បើ​មាន​ហិង្សា​ទាំង​សង​ខាង​អត់​ចំណេញ​ទេ។ ​កាល​ណា​ប៉ះគ្នា​អាច​បង្កើត​បញ្ហា​មិន​ល្អមួយ​ក្នុង​សង្គម»។

លោកស ខេង​ រដ្ឋមន្ត្រី​ក្រសួង​មហា​ផ្ទៃ​បាន​បញ្ជាក់​ប្រាប់​ក្រុម​អ្នក​កាសែត​នៅ​មន្ទីរ​រដ្ឋសភា​ជាតិ​នៅ​ថ្ងៃ​សុក្រ​នេះ​ថា​បើ​ការ​តវ៉ា​របស់​គណបក្ស​សង្គ្រោះ​ជាតិ​ដោយ​សន្តិវិធី​យើង​និង​គោរព​ប៉ុន្តែ​បើ​មាន​សកម្មភាព​អ្វី​មួយ​មិន​គោរព​ច្បាប់​គណបក្ស​នោះ​ត្រូវ​មាន​ការ​ទទួល​ខុសត្រូវ។

លោក​និយាយ​ថា៖​«​ទាំង​អស់​គ្នា​ត្រូវទទួល​ខុស​ត្រូវ​ចំពោះ​មុខ​ច្បាប់​ខ្ញុំ​អត់​និយាយ​រឿង​បង្ក្រាប​មិន​បង្ក្រាប​ទេ​ ត្រូវ​តែ​គោរព​ច្បាប់​ត្រូវ​តែ​អនុវត្ត​ច្បាប់»។

មហា​បាតុកម្ម​គ្មាន​ការកំណត់​របស់​គណបក្ស​សង្គ្រោះ​ជាតិ​បាន​ឈាន​ដល់​ថ្ងៃ​ជិត​មួយ​សប្តាហ៍​ហើយ។ ក៏ប៉ុន្តែ មន្ត្រី​ឃ្លាំ​មើល​សិទ្ធិ​មនុស្ស​បាន​បញ្ជាក់​ថា គ្មាន​អំពើ​ហិង្សា​ណា​មួយ​បាន​កើត​ឡើង​រវាង​ក្រុម​បាតុករ​និង​កង​កម្លាំង​មាន​សមត្ថកិច្ច​របស់​រដ្ឋាភិបាល​នៅ​ឡើយ​ទេ៕
Your JavaScript is turned off or you have an old version of Adobe's Flash Player. Get the latest Flash player.
មន្ត្រី​ថ្នាក់​មូលដ្ឋាន​ត្អូញត្អែរ​ពី​កា​ររើសអើង​បើទោះបី​ជា​មាន​វប្បធម៌​សន្ទនាi
X
02 សីហា 2015
ការ​រើសអើង​នយោបាយ​នៅ​តែកើត​មាន​ឡើង​ដដែល​​នៅ​ថ្នាក់​មូលដ្ឋាន ​ប៉ុន្តែ​វប្បធម៌​សន្ទនា​ដែល​ថ្នាក់​ដឹកនាំ​នៃ​គណបក្ស​ប្រជាជន​កម្ពុជា​ និង​គណបក្ស​សង្គ្រោះ​ជាតិ​កំពុង​តែ​អនុវត្ត​បាន​ជួយ​សម្រួល​ដល់​ការងារ​របស់​ថ្នាក់​រដ្ឋបាល​មូលដ្ឋាន​បាន​មួយ​ចំនួន​ដែរ។​ សូមលោក​អ្នក​ស្តាប់​​បទសម្ភាសន៍​រវាង​លោក​ម៉ែន គឹមសេង​នៃវីអូអេ​ជាមួយ​នឹង​កញ្ញា​​ស៊ិន រ៉ូហ្សេត​ ចៅសង្កាត់​រង​ទីពីរ​នៃ​សង្កាត់​អូចារ​ ក្រុង​បាត់​ដំបង​ដូច​ត​ទៅ៖
Your JavaScript is turned off or you have an old version of Adobe's Flash Player. Get the latest Flash player.
ព្រឹទ្ធ​សភា​បាន​អនុុម័ត​ច្បាប់​អង្គការ​ថ្វីបើ​មាន​ពហិការ​​និង​បាតុកម្ម​​​i
X
24 កក្កដា 2015
ព្រឹទ្ធសភានៅព្រឹក​ថ្ងៃ​សុក្រនេះ​ បាន​អនុម័ត​សេចក្តី​ព្រាងច្បាប់​ស្តីពីសមាគម​ និង​អង្គការ​មិន​មែន​​រដ្ឋាភិបាល​ដ៏ចម្រូងចម្រាស់​ ទោះបី​ជាក្រុម​អង្គការ​សង្គមស៊ីវិល​ក្នុងស្រុក ​និង​អន្តរជាតិ​អំពាវ​នាវ​ឲ្យ​ច្រាន​ចោល​សេក្តី​ព្រាងច្បាប់​នេះ​យ៉ាង​ណាក៏ដោយ។ ​លោកហ៊ុល រស្មី​នៃ​វីអូអេ​ជូន​សេចក្តី​រាយ​ការណ៍​ពីរាជធានី​ភ្នំពេញ៕​​

អង់គ្លេស​ជាមួយ​ម៉ានី​និង​ម៉ូរី

No records found for this widget:5692

Your JavaScript is turned off or you have an old version of Adobe's Flash Player. Get the latest Flash player.
Your JavaScript is turned off or you have an old version of Adobe's Flash Player. Get the latest Flash player.
លោក Donald Trump លេច​មុខ​ក្នុង​ចំណោម​ អ្នកឈរ​ឈ្មោះ​ជា​ប្រធានាធិបតី​ខាង​គណបក្ស​សាធារណរដ្ឋi
X
27 កក្កដា 2015
ការស្ទង់​មតិ​មួយ​កាលពី​ពេល​ថ្មីៗ​នេះ បាន​បង្ហាញ​ថា មហា​សេដ្ឋី​ខាង​អចលនទ្រព្យ​មួយ​រូប គឺ​លោក Donald Trump បាន​ឈាន​ចូល​ក្នុង​លំដាប់​កំពូល​ក្នុង​ចំណោម​អ្នកឈរ​ឈ្មោះ​ជា​ប្រធានាធិបតី​ខាង​គណបក្ស​សាធារណរដ្ឋ នេះ​មួយ​ផ្នែក​ធំ គឺ​ដោយសារ​តែ​ការនិយាយ​មិន​សំចៃ​មាត់​របស់​លោក​ប្រឆាំង​នឹង​ជន​អន្តោប្រវេសន្ត៍​ខុស​ច្បាប់។ តើ​មូលហេតុ​អ្វី បាន​ជា​លោក Trump ក្លាយជា​ផ្នែក​ដ៏​សំខាន់​មួយ​នៅក្នុង​ការប្រកួត​ប្រជែង​តំណែង​ប្រធានាធិបតី​អាមេរិក? ហើយ​តើ​លោក នឹង​អាច​ទទួល​ការតែងតាំង​ជា​បេក្ខជន​ប្រធានាធិបតី​ពី​គណបក្ស​សាធារណរដ្ឋ​ដែរ​ឬ​ទេ? លោក Jim Malone អ្នកឆ្លើយឆ្លង​ព័ត៌មាន​ជាតិ​របស់ VOA នឹង​មាន​ចម្លើយ​ខ្លះ​ចំពោះ​សំណួរ​ទាំងនេះ ហើយ​លោក ជឹង ប៉ូជីន ប្រែសម្រួល​ជូន​៕