ខ្មែរ​ក្រហម

    ប៉ុល ពត មាន​ផែនការ​បណ្តេញ​ប្រជា​ពលរដ្ឋ​ពីទីក្រុង​

    ផ្នូរ​របស់​ប៉ុលពត​ដែល​ស្ថិត​នៅ​​អន្លង់វែង​។​​
    ផ្នូរ​របស់​ប៉ុលពត​ដែល​ស្ថិត​នៅ​​អន្លង់វែង​។​​
    គង់ សុឋានរិទ្ធ
    មេដឹកនាំ​ប្រវតិ្តសាស្ដ្រ​នៃ​របប​ខ្មែរក្រហម​គឺ​ប៉ុល ពត ​ទំនង​ជា​បាន​ដាក់​ផែនការ​បណ្ដេញ​ប្រជា​ពលរដ្ឋ​កម្ពុជា​ចេញ​ពី​ទី​ក្រុង​ភ្នំពេញ​ហើយ​ផែនការ​នេះ​ត្រូវបាន​គាំទ្រ​ដោយ​ជនជាប់​ចោទ​នួន ជា ​និង​ខៀវ សំផន។ 
     
    មូលហេតុ​នៃ​ការបណ្ដេញ​ប្រជាពលរដ្ឋ​ចេញ​ពី​ទីក្រុង​គឺ​ដោយសារ​តែ​ពួក​ខ្មែរក្រហម​ព្រួយបារម្ភ​ពី​ការ​គ្រប់គ្រង​ស្ថានភាព​ប្រជាពលរដ្ឋ និង​ការវាយប្រហារ​របស់​ចារកម្ម​ជាពិសេស​ចារកម្ម​ ស៊ីអាយអេ (CIA) របស់​អាមេរិក និង​ ខេជីប៊ី (KGB) របស់​រុស្ស៊ី។ នេះ​បើ​ផ្អែក​តាម​ការបំភ្លឺ​របស់​សក្សី​នៅ​ថ្ងៃ​ព្រហស្បតិ៍​នេះ។
     
    ពួក​កុម្មុយនិស្ត​ឯកសណ្ឋាន​ខ្មៅ​ខ្មែរក្រហម​បាន​ដណ្តើម​អំណាច​ដោយ​ចុងកាំភ្លើង​ពី​របប​លោក​សេនា​ប្រមុខ​លន់ ណុល​ ទាំងស្រុង​នៅ​ថ្ងៃទី​១៧ ​មេសា ​ឆ្នាំ​១៩៧៥។ នៅ​ពេលនោះ​ប្រជាពលរដ្ឋ​ក្នុង​ក្រុង​ភ្នំពេញ និង​នៅតាម​ទី​ប្រជុំជន​ដទៃទៀត​ត្រូវ​បណ្ដេញ​ឲ្យ​ទៅ​រស់នៅ​សហករ​នៅ​តាម​ទី​ជនបទ។
     
    លោក ​រចឹម​ ទន់​ អតីត​អ្នក​នាំសារ​របស់​ប៉ុល​ ពត​ និង​របស់​អៀង​ សារី ​ផ្តល់​សក្ខីកម្ម​ក្នុង​សវនាការ​នៃ​អង្គ​ជំនុំជម្រះ​សាលា​ដំបូង​របស់​សាលាក្ដី​ខ្មែរក្រហម​នៅ​ថ្ងៃ​ព្រហស្បតិ៍​ថា ​ប៉ុល​ ពត ​បាន​លើក​ផែនការ​ពី​ការ​បណ្ដេញ​ប្រជាពលរដ្ឋ​ចេញ​ពី​ទីក្រុង​ក្នុង​កិច្ចប្រជុំ​មួយ​នៅ​ទី​បញ្ជាការដ្ឋាន​របស់​ខ្មែរក្រហម​គឺ​មន្ទីរ ​ប៥​ក្នុង​ភូមិ​តាំងគោក​ ស្រុក​កំពង់​ត្រឡាច ​ខេត្ត​កំពង់ឆ្នាំង​នៅ​ពេល​ដែល​ខ្មែរក្រហម​ហៀប​នឹង​ទទួល​ជ័យជម្នះ​ទាំង​ស្រុង។ លោក​រចឹម​ ទន់​ រៀបរាប់​ថា ផែនការ​ជម្លៀស​ដំបូង​គឺ​សម្រាប់​រយៈពេល​មួយ​សប្ដាហ៍​តែ​ប៉ុណ្ណោះ។
     
    «គេ​រាយការណ៍​ទៅ ​អ៊ំ​ទី​១​គាត់​សរុប​យោបល់ ​ហើយ​គាត់​បាន​លើក​វិធានការ​ទាំង​យោធា​ទាំង ​វិធានការ​ជម្លៀស​ប្រជាជន​ចេញ។ ឯ​អ៊ុំ​ទី​២ ​គឺ​អ៊ុំ​នួន​ ជា ​គាត់​ឯកភាព។ អ៊ុំ​ខៀវ ​សំផន​ ក៏​ឯកភាព។ ហើយ​អង្គភាព​គ្រប់​សមរភូមិ​ឯកភាព និង​ទះដៃ»។
    សក្សី​រូប​នេះ​បាន​ឆ្លើយ​សំណួរ​របស់​លោក​ ដេល លីសាក (Dale ​Lysak) ជំនួយការ​សហ​ព្រះរាជអជ្ញា។
    មាន​ដើម​កំណើត​ជា​ជនជាតិ​ចារ៉ាយ​ នៅ​ខេត្ត​រតនគីរី ​លោក ​រចឹម ​ទន់ ​លើក​ឡើង​ថា​ មួយ​ខែ​បន្ទាប់​ពី​ឡើង​កាន់​អំណាច​ក្រុម​មេដឹកនាំ​ខ្មែរក្រហម​បាន​បើក​កិច្ច​ប្រជុំ​ធំ​មួយ​នៅ​ប្រាសាទ​ព្រះកែវមរត​ក្នុង​ព្រះ​បរម​រាជវាំង។ កិច្ច​ប្រជុំ​រយៈ​ពេល​១០​ថ្ងៃ​ ដែល​ត្រូវ​បាន​ចូល​រួម​ដោយ​ជនជាប់ចោទ​អៀង​ សារី ​ខៀវ ​សំផង​ និង​នួន ជា​ រួមទាំង​មេទ័ព​ខ្មែរក្រហម​ដទៃ​ទៀត​ក្រោម​ការដឹកនាំ​ប្រជុំ​ដោយ​ប៉ុល ពត ​និង​នួន ​ជា។
     
    សក្សី​ដដែល​បញ្ជាក់​ថា ​កិច្ច​ប្រជុំ​នោះ​បាន​កំណត់​គោលដៅ​នៃ​របប​ដឹកនាំ។
     
    «សរុប​សភាពការណ៍​គឺ​ថា​យើង​បាន​វាយ​រំដោះ​ទីក្រុង​ភ្នំពេញ​រួចរាល់​អស់​ហើយ ដូច្នេះ​យើង​ត្រូវ​រៀបចំ​ទិស​របស់​យើង​គឺ​ថា ​ក្រោយពី​ប្រជុំ​ឃើញ​ឯកសារ​ថា យើង​ត្រូវ​ធ្វើ​បដិវត្តន៍​សង្គមនិយម​ហើយ​ដើម្បី​ឈាន​ទៅ​កុម្មុយនិស្ដ​និយម។ ​
     
    លោក​រចឹម​ ទន់​ អាយុ ​៦៥​ ឆ្នាំ​បាន​ក្លាយ​ជា​ប្រធាន​មន្ទីរ​ប១​ ឬ​មន្ទីរ​ពិធីការ​របស់​ក្រសួង​ការបរទេស​ដែល​ត្រូវ​បាន​កាន់​កាប់​ដោយ​អៀង ​សារី។ គាត់​មាន​ឱកាស​ជូន​គណៈប្រតិភូ​ពី​ក្រៅ​ប្រទេស​ទៅ​ទស្សនា​តាម​ទី​ជនបទ និង​អម​ដំណើរ​អៀង ​សារី ​ដែល​ជា​បងធំ​ទី​៣​នៃ​របប​ខ្មែរក្រហម។ លោក​បាន​ឃើញ​ទុក្ខវេទនា​នៃ​ប្រជាពលរដ្ឋ​ខ្មែរ​ពេល​ធ្វើ​ដំណើរ​ជាមួយ​ប្រតិភូ​នោះ។
     
    «តាម​បណ្តោយ​ផ្លូវ​ដែល​យើង​ទៅ​ហ្នឹង​ប្រជាជន​មិន​សូវ​ជា​រីករាយ​ប៉ុន្មាន​ទេ។ ហើយ​ធ្វើការ​ហត់​ ជីក​ប្រឡាយ​ផង លើក​ទំនប់​ផង​លើក​ភ្លឺស្រែ​ផង​ហើយ​កន្លែង​ខ្លះ​ហូប​បបរ​ទៀត។​ ខ្ញុំឃើញ​ថា​វេទនា​ណាស់​ដែរ»។
     
    អង្គ​ជំនុំជម្រះ​សាលាដំបូង​បាន​ផ្អាកការ​សួរ​ដេញដោល​សក្សី​ លោក ​រចឹម​ ទន់ ​នៅ​ថ្ងៃ​សុក្រ​ស្អែក​នេះ ហើយ​នឹង​ចាប់ផ្តើម​ការសួរ​ដេញដោល​ឡើងវិញ​នៅ​ថ្ងៃ​ចន្ទសប្ដាហ៍​ក្រោយ៕
     

    អ្នក​ប្រហែល​ចូលចិត្ត​ព័ត៌មាន​ទាំង​នេះ​

    ការ​ស្លាប់​របស់​នាយ​ទាហាន​បង្ហាញ​ពី​អំណាច​ខ្លាំងក្លា​របស់​ក្រុម​ជួញ​ដូរ​គ្រឿង​ញៀន

    លោក​នាយក​ឧត្តមសេនីយ៍ ខៀវ សុភ័គ ​អ្នក​នាំ​ពាក្យ​ក្រសួង​មហាផ្ទៃ​បាន​ប្រាប់ VOA ​នៅ​ថ្ងៃ​ច័ន្ទ​នេះ​ថា ​រថយន្ត​ពាក់​ស្លាក​លេខ​នគរបាល​នោះ​ ត្រូវ​បាន​ឧត្តម​សេនីយ៍​ទោ​ម្នាក់​ឈ្មោះ​ រស់ ​ឧស្សាហ៍ ​លក់​ទៅ​ឲ្យ​ភរិយា​របស់​ក្រុម​អ្នក​ជួញដូរ​ថ្នាំ​ញៀន​ម្នាក់។​ ពត៌មាន​លម្អិត

    អ្នក​សារព័ត៌មាន​ខ្មែរ​មួយ​ក្រុម នឹង​ត្រូវ​ជ្រើសរើស​ឲ្យ​ធ្វើ​ទស្សនកិច្ច​​សិក្សា​នៅ​សហរដ្ឋ​អាមេរិក

    វគ្គ​បណ្ដុះបណ្ដាល​សម្រាប់​អ្នក​កាសែត​ខ្មែរ​នេះ គឺ​ជា​កម្មវិធី​តាម​បណ្ដាញ​អ៊ីនធឺណិត ជា​ភាសា​ខ្មែរ ដែល​នឹង​រួមបញ្ចូល​ការ​បង្រៀន​តាម​បណ្ដាញ​អ៊ីនធឺណិត​សម្រាប់​សិក្ខាកាម​ម្នាក់ៗ និង​ការ​បំពេញ​ទស្សនកិច្ច​សិក្សា​នៅ​ក្នុង​សហរដ្ឋ​អាមេរិក​ សម្រាប់​សិក្ខា​កាម​ចំនួន​១៥​នាក់ ​ដែល​នឹង​ត្រូវ​ជ្រើសរើស​ចេញ​ពី​អ្នក​ចូល​រួម​ទាំង​អស់។ ពត៌មាន​លម្អិត

    លោកអ៊ូ វីរៈ៖ ​គ្រប់​គ្នា​ខ្លាច​គុក​ តែ​ប្រទេស​ប្រេះឆា ​និង​ជូរចត់​ក៏​គួរ​ឱ្យ​ខ្លាច​ដែរ

    លោក អ៊ូ វីរៈ ​បាន​សម្តែង​ការ​សោកស្តាយ​ និង​ខក​ចិត្ត​ចំពោះ​កម្តៅ​នយោបាយ​ ដែល​ចេះ​តែ​កើនឡើង​នៅ​ក្នុង​ប្រទេស​កម្ពុជា។ ប៉ុន្តែ​ លោក​ថា មិនមាន​ការ​ភ្ញាក់ផ្អើល​ទាំងស្រុង​ទេ​ ដោយ​សារ​វា​ជា​យុទ្ធសាស្រ្ត​ដែល​គណបក្ស​នយោបាយ​ប្រើ​ប្រាស់​ដើម្បី​យក​ប្រៀបលើ​គ្នា ​នៅ​មុន​ពេល​ការ​បោះឆ្នោត​ជិត​មក​ដល់​ក្នុង​ពេល​ខាងមុខ​ប៉ុណ្ណោះ។ ពត៌មាន​លម្អិត

    Your JavaScript is turned off or you have an old version of Adobe's Flash Player. Get the latest Flash player.
    បទសម្ភាសន៍​ VOA ជាមួយ​លោក ម៉េង គឹម​ឡុង៖ ការថតរូបនិងវីដេអូពីលើអាកាស ដោយយន្តហោះបញ្ជាដោយស្វ័យប្រវត្តិi
    X
    នូវ ពៅលក្ខិណា
    30 មេសា 2016
    ការថត​រូប​និង​វីដេអូ​ពី​លើ​អាកាស​ដោយ​យន្តហោះ​បញ្ជា​ drone (ដ្រូន) កំពុង​តែ​មាន​ការពេញ​និយម​នៅ​ទូទាំង​ពិភព​លោកដោយ​សារ​ drone នា​ពេល​បច្ចុប្បន្ន​មាន​តម្លៃ​សមរម្យ​ ។ ប៉ុន្តែ​ការប្រើប្រាស់ drone ក៏​មាន​ភាព​ចម្រូង​ចម្រាស​ផង​ដែរ​ ដោយ​សារ​វា​អាច​ប៉ះ​ពាល់​សិទ្ធិ​រស់នៅ​ជា​ឯកជន​របស់​ប្រជាពលរដ្ឋ​ទូទៅ​និង​សន្តិសុខ​សាធារណៈ​។
    Your JavaScript is turned off or you have an old version of Adobe's Flash Player. Get the latest Flash player.
    រាជធានី​ភ្នំពេញ​ផ្លាស់ប្តូរ​ក្នុង​ពេល​មួយ​ប៉ប្រិច​ភ្នែក​ដោយសារ​វិនិយោគ​បរទេសi
    X
    28 មេសា 2016
    អ្នក​វិនិយោគ​បរទេស​កំពុង​តែ​ប្រញាប់​ប្រញ៉ាល់​បណ្តាក់​ទុន​នៅ​ក្នុង​ទីផ្សារ​អចលនទ្រព្យ ដែល​ទើបតែ​ងើប​ឡើង​វិញ​នៅ​កម្ពុជា។ សំណង់​អាគារ​ខ្ពស់ៗ​ក្នុង​រាជធានី​ភ្នំពេញ​កំពុង​រីកលូត​លាស់​ក្នុង​រយៈ​ពេល​មួយ​ប៉ប្រិច​ភ្នែក ប៉ុន្តែ​ការ​លូតលាស់​យ៉ាង​លឿន​នេះ​កំពុង​តែ​ចោទ​ជា​សំណួរ​ជាច្រើន​អំពី​ ថា​តើ​វិនិយោគ​ទាំង​អស់​នេះ​មក​ពី​ណា​ និង​ថា​តើ​វា​ផ្តល់​ផល​ប៉ះពាល់​អ្វី​ខ្លះ​ដល់​ទីផ្សារ​ក្នុង​ស្រុក។​ លោក​ David Boyle រាយការណ៍​អំពី​រឿងនេះ​ពី​រាជធានី​ភ្នំពេញ។​ នាង​ ហុង​ ចិន្តា​ជូន​សេចក្តី​ប្រែ​សម្រួល៕

    អង់គ្លេស​ជាមួយ​ម៉ានី​និង​ម៉ូរី

    Your JavaScript is turned off or you have an old version of Adobe's Flash Player. Get the latest Flash player.
    Get Over It ឈប់​គិត​ពី​រឿង​នេះ​ទៅi
    X
    06 មេសា 2016
    ឃ្លា get over it ប្រើ​នៅ​ពេល​ណា​ដែល​យើង ចង់​ប្រាប់​នរណា​ម្នាក់ ឲ្យ​ឈប់​បារម្ភ ឈប់​ត្អូញត្អែរ ឈប់​វក់ ឬ​ក៏​ឈប់​ពិបាក​ចិត្ត​នឹង​អ្វី​មួយ។ ហើយ ឃ្លា​នេះ​ក៏​មាន​ន័យ​ថា ត្រូវតែ​ជម្នះ ពេល​ជួប​ការលំបាក​នោះ​ផងដែរ។ ដើម្បី​ឲ្យ​យល់​កាន់តែ​ច្បាស់​សូម​មើល​វីដេអូ​កម្មវិធី​រៀន​គ្រាម​ភាសា​អង់គ្លេស​ជាមួយ​ម៉ានី​និង​ម៉ូរី។ កម្មវិធី​នេះ ក៏​មាន​ដាក់​ផ្សាយ​ជូន​រាល់​ថ្ងៃសុក្រ​លើ​គេហទំព័រ Facebook https://www.facebook.com/voakhmer និង YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
    Your JavaScript is turned off or you have an old version of Adobe's Flash Player. Get the latest Flash player.
    ការកើន​ឡើង​យ៉ាង​ខ្លាំង​ផ្នែក​បច្ចេកវិទ្យា​ធ្វើ​ឲ្យ​តម្លៃ​ជួល​ផ្ទះ​នៅ​ទីក្រុង​សាន់ហ្រ្វាន់ស៊ីស្កូ​កើន​ឡើង​កប់​ពពកi
    X
    29 មេសា 2016
    តម្លៃ​ផ្ទះ​នៅ​ទីក្រុង​សាន់ហ្រ្វាន់ស៊ីស្កូ ឡើង​ខ្ពស់​កប់​ពពក​ ដោយ​សារ​តែ​ការលូតលាស់​នៃ​សេដ្ឋ​កិច្ច​និង​ការ​កើន​ឡើង​នៃ​ឧស្សាហកម្ម​បចេ្ចកវិទ្យា​ជាន់​ខ្ពស់។ បញ្ហា​នេះ​គឺ​មាន​នៅ​ទីក្រុង​រហូត​ដល់​ជាយ​ក្រុង​ ប៉ុន្តែ​លោក​ Mike O'Sullivan រាយការណ៍​មក​ថា​ តំបន់​ប្រវត្តិសាស្ត្រ​ Chinatown ឬ​ភូមិ​ចិន​នោះ​ តម្លៃ​អចលនទ្រព្យ​នៅ​ទី​នោះ​ខ្ពស់​កប់​ពពក​រាប់​ទសវត្សរ៍​មក​ហើយ។​ នាង​ ស្រេង​ លក្ខិណា​ ជូន​សេចក្តី​ប្រែ​សម្រួល៕