យោធានៃប្រទេសថៃបានប្រកាសច្បាប់អាជ្ញាសឹក ដោយនិយាយថា ខ្លួនធ្វើដូច្នេះដើម្បីរក្សាសន្តិភាពនិងសណ្តាប់ធ្នាប់បន្ទាប់ពីការតវ៉ាប្រឆាំងរដ្ឋាភិបាលដោយហិង្សាអស់រយៈពេលជាច្រើនខែមក។
នៅក្នុងការប្រកាសតាមទូរទស្សន៍នៅព្រឹកថ្ងៃអង្គារនេះ លោកឧត្តមសេនីយ៍ Prayuth Chan-Ocha បានការពារចំណាត់ការនេះថា ជាការចាំបាច់ដើម្បីដោះស្រាយវិបត្តិខាងនយោបាយនៅក្នុងប្រទេស។
លោកថ្លែងថា៖ «យោធាថៃមានគោលបំណងធ្វើឲ្យមានសន្តិភាពនិងសណ្តាប់ធ្នាប់ឡើងវិញដល់ប្រទេសជាទីស្រឡាញ់របស់ប្រជារាស្រ្តថៃគ្រប់រូបឲ្យបានឆាប់រហ័សទៅតាមលទ្ធភាពដែលអាចធ្វើបាន។ ដូច្នេះយើងសុំឲ្យភាគីទាំងអស់បញ្ឈប់ចលនារបស់ខ្លួនដើម្បីចូលរួមក្នុងដំណើរការហើយនឹងដោះស្រាយបញ្ហារបស់ប្រទេសជាតិឲ្យបានឆាប់រហ័ស។ បទបញ្ញតិច្បាប់អាជ្ញាសឹកឆ្នាំ១៩១៤ នឹងត្រូវប្រកាសឲ្យប្រើប្រាស់។ យើងកំពុងសុំឲ្យសាធារណជនទូទៅកុំស្លន់ស្លោហើយបំពេញកិច្ចការរបស់ខ្លួនជាធម្មតា»។
យោធាដែលបានធ្វើរដ្ឋប្រហារ១១ដងនៅក្នុងរយៈពេល៨០ឆ្នាំចុងក្រោយនេះ បានបដិសេធថាខ្លួនមិនមែនកំពុងធ្វើរដ្ឋប្រហារទេ។ ពួកមន្រ្តីជាច្រើនបានបដិសេធយ៉ាងខ្លាំងថា មានរដ្ឋប្រហារកើតមានឡើងនោះ។
រដ្ឋមន្រ្តីក្រសួងមហាផ្ទៃ Chaikasem Nitisiri បានប្រាប់ពួកអ្នកយកព័ត៌មានថា រដ្ឋាភិបាលអន្តរកាលនៅតែដឹកនាំប្រទេសនៅឡើយ ហើយលោកបាននិយាយយ៉ាងទទូចថា ចំណាត់ការរបស់កងទ័ពពាក់ព័ន្ធនឹងសន្តិសុខតែប៉ុណ្ណោះ។
ក៏ប៉ុន្តែ គេមិនទាន់ដឹងច្បាស់នៅឡើយថា តើរដ្ឋាភិបាលអន្តរកាលបានពិភាក្សាដើម្បីសម្រេចអនុវត្តច្បាប់អាជ្ញាសឹកនេះដែរឬទេ។
នៅក្នុងសេចក្តីថ្លែងការណ៍ លោកស្រី Jen Psaki អ្នកនាំពាក្យក្រសួងការបរទេសអាមេរិកនិយាយថា សហរដ្ឋអាមេរិកមានការព្រួយកង្វល់យ៉ាងខ្លាំងហើយកំពុងឃ្លាំមើលស្ថានភាពនេះ។ លោកស្រីនិយាយបន្តទៀតថា សហរដ្ឋអាមេរិករំពឹងថា កងទ័ពថៃគោរពការសន្យារបស់ខ្លួនដើម្បីអនុវត្តច្បាប់អាជ្ញាសឹកជាបណ្តោះអាសន្នដើម្បីបង្ការអំពើហិង្សា ហើយមិនធ្វើឲ្យអន្តរាយដល់ស្ថាប័នលទ្ធិប្រជាធិបតេយ្យទេ។
មនុស្សជិត៣០នាក់ បានស្លាប់ចាប់តាំងពីខែវិច្ឆិកាមក នៅពេលដែលការតវ៉ាប្រឆាំងបានផ្ទុះឡើងដើម្បីប៉ុនប៉ងបង្ខំឲ្យលោកស្រីនាយករដ្ឋមន្រ្តី Yingluck Shinawatra ចុះចេញពីដំណែង។ ការតវ៉ាប្រឆាំងមិនបានជោគជ័យ ក៏ប៉ុន្តែ លោកស្រី Yingluck និងសមាជិកខ្លះរបស់គណរដ្ឋមន្រ្តីរបស់លោកស្រី បានត្រូវបណ្តេញចេញពីតំណែងនៅខែនេះដោយតុលាការរដ្ឋធម្មនុញ្ញពីបទប្រើអំណាចខុសច្បាប់៕
នៅក្នុងការប្រកាសតាមទូរទស្សន៍នៅព្រឹកថ្ងៃអង្គារនេះ លោកឧត្តមសេនីយ៍ Prayuth Chan-Ocha បានការពារចំណាត់ការនេះថា ជាការចាំបាច់ដើម្បីដោះស្រាយវិបត្តិខាងនយោបាយនៅក្នុងប្រទេស។
លោកថ្លែងថា៖ «យោធាថៃមានគោលបំណងធ្វើឲ្យមានសន្តិភាពនិងសណ្តាប់ធ្នាប់ឡើងវិញដល់ប្រទេសជាទីស្រឡាញ់របស់ប្រជារាស្រ្តថៃគ្រប់រូបឲ្យបានឆាប់រហ័សទៅតាមលទ្ធភាពដែលអាចធ្វើបាន។ ដូច្នេះយើងសុំឲ្យភាគីទាំងអស់បញ្ឈប់ចលនារបស់ខ្លួនដើម្បីចូលរួមក្នុងដំណើរការហើយនឹងដោះស្រាយបញ្ហារបស់ប្រទេសជាតិឲ្យបានឆាប់រហ័ស។ បទបញ្ញតិច្បាប់អាជ្ញាសឹកឆ្នាំ១៩១៤ នឹងត្រូវប្រកាសឲ្យប្រើប្រាស់។ យើងកំពុងសុំឲ្យសាធារណជនទូទៅកុំស្លន់ស្លោហើយបំពេញកិច្ចការរបស់ខ្លួនជាធម្មតា»។
យោធាដែលបានធ្វើរដ្ឋប្រហារ១១ដងនៅក្នុងរយៈពេល៨០ឆ្នាំចុងក្រោយនេះ បានបដិសេធថាខ្លួនមិនមែនកំពុងធ្វើរដ្ឋប្រហារទេ។ ពួកមន្រ្តីជាច្រើនបានបដិសេធយ៉ាងខ្លាំងថា មានរដ្ឋប្រហារកើតមានឡើងនោះ។
រដ្ឋមន្រ្តីក្រសួងមហាផ្ទៃ Chaikasem Nitisiri បានប្រាប់ពួកអ្នកយកព័ត៌មានថា រដ្ឋាភិបាលអន្តរកាលនៅតែដឹកនាំប្រទេសនៅឡើយ ហើយលោកបាននិយាយយ៉ាងទទូចថា ចំណាត់ការរបស់កងទ័ពពាក់ព័ន្ធនឹងសន្តិសុខតែប៉ុណ្ណោះ។
ក៏ប៉ុន្តែ គេមិនទាន់ដឹងច្បាស់នៅឡើយថា តើរដ្ឋាភិបាលអន្តរកាលបានពិភាក្សាដើម្បីសម្រេចអនុវត្តច្បាប់អាជ្ញាសឹកនេះដែរឬទេ។
នៅក្នុងសេចក្តីថ្លែងការណ៍ លោកស្រី Jen Psaki អ្នកនាំពាក្យក្រសួងការបរទេសអាមេរិកនិយាយថា សហរដ្ឋអាមេរិកមានការព្រួយកង្វល់យ៉ាងខ្លាំងហើយកំពុងឃ្លាំមើលស្ថានភាពនេះ។ លោកស្រីនិយាយបន្តទៀតថា សហរដ្ឋអាមេរិករំពឹងថា កងទ័ពថៃគោរពការសន្យារបស់ខ្លួនដើម្បីអនុវត្តច្បាប់អាជ្ញាសឹកជាបណ្តោះអាសន្នដើម្បីបង្ការអំពើហិង្សា ហើយមិនធ្វើឲ្យអន្តរាយដល់ស្ថាប័នលទ្ធិប្រជាធិបតេយ្យទេ។
មនុស្សជិត៣០នាក់ បានស្លាប់ចាប់តាំងពីខែវិច្ឆិកាមក នៅពេលដែលការតវ៉ាប្រឆាំងបានផ្ទុះឡើងដើម្បីប៉ុនប៉ងបង្ខំឲ្យលោកស្រីនាយករដ្ឋមន្រ្តី Yingluck Shinawatra ចុះចេញពីដំណែង។ ការតវ៉ាប្រឆាំងមិនបានជោគជ័យ ក៏ប៉ុន្តែ លោកស្រី Yingluck និងសមាជិកខ្លះរបស់គណរដ្ឋមន្រ្តីរបស់លោកស្រី បានត្រូវបណ្តេញចេញពីតំណែងនៅខែនេះដោយតុលាការរដ្ឋធម្មនុញ្ញពីបទប្រើអំណាចខុសច្បាប់៕
