បទសម្ភាសន៍VOA៖ និស្សិត Harpswell ថា ការងារស្ម័គ្រចិត្តផ្តល់អត្ថប្រយោជន៍ដល់ខ្លួនឯងនិងសង្គមទាំងមូល
កំណត់និពន្ធ៖ ការងារស្ម័គ្រចិត្តគឺជាការងារមួយដែលយុវជនមួយចំនួនយល់ថា ជាការងារឥតប្រយោជន៍និងខាតបង់ពេលវេលា។ ប៉ុន្តែសម្រាប់និស្សិតក្រោមអាហារូបករណ៍ Harpswell អៀង ម៉ាលីន ការងារស្ម័គ្រចិត្តផ្តល់អត្ថប្រយោជន៍យ៉ាងច្រើន មិនត្រឹមតែដល់ខ្លួនឯងប៉ុណ្ណោះទេ គឺថែមទាំងដល់សង្គមជាតិទាំងមូលថែមទៀតផង។ និស្សិតវ័យ២២ឆ្នាំរូបនេះ បច្ចុប្បន្នសិក្សានៅសាកលវិទ្យាល័យ Bowdoin College សហរដ្ឋអាមេរិក ក្រោមកម្មវិធីផ្លាស់ប្ដូរការសិក្សារយៈពេល១ឆ្នាំ លើជំនាញភាពជាអ្នកដឹកនាំនិងសេដ្ឋកិច្ច។ កញ្ញា ម៉ាលីន ដែលមានស្រុកកំណើតនៅខេត្តកំពង់ឆ្នាំង បានទទួលអាហារូបករណ៍ Harpswell តាំងពីកញ្ញាសិក្សាថ្នាក់បរិញ្ញាបត្រនៅកម្ពុជាផ្នែកហិរញ្ញវត្ថុនិងធនាគារម៉្លេះ។ កាលពីវិស្សមកាលរដូវរងា កញ្ញាបានអញ្ជើញមកដល់បន្ទប់ផ្សាយរបស់ VOA ក្នុងរដ្ឋធានី Washington ដើម្បីផ្តល់បទសម្ភាសន៍អំពីអត្ថប្រយោជន៍នៃការងារស្ម័គ្រចិត្ត។ សូមលោកអ្នកស្តាប់បទសម្ភាសន៍រវាង នាង ហុង ចិន្តា នៃ VOA ជាមួយនឹង កញ្ញា អៀង ម៉ាលីន នេះ ដូចតទៅ៖
