ភ្នំពេញ៖ មន្ត្រីជាន់ខ្ពស់គណបក្សសង្គ្រោះជាតិនៅថ្ងៃព្រហស្បតិ៍នេះ បានទាមទារឱ្យអាជ្ញាធរមានសមត្ថកិច្ច បើកការស៊ើបអង្កេតចំពោះការផ្ញើសារគំរាមកំហែងសម្លាប់លោកកឹម សុខា តាមរយៈបណ្តាញសង្គមហ្វេសប៊ុក។
កាលពីថ្ងៃពុធ ជនអនាមិកម្នាក់ដោយប្រើប្រាស់គណនីយបណ្តាញសង្គមហ្វេសប៊ុកឈ្មោះ ផែង វណ្ណៈ បានផ្ញើសារសរសេរជាអក្សរខ្មែរដោយភ្ជាប់ជាមួយនឹងរូបភាពកាំភ្លើងខ្លីនិងគ្រាប់ចំនួន៧គ្រាប់។
នៅក្នុងបណ្តាញគណនីយសង្គមហ្វេសប៊ុកដែលមានឈ្មោះ ផែង វណ្ណៈ បានសរសេរថា ទុក៧គ្រាប់ឱ្យលោកកឹម សុខា។ គ្រាប់ទី១បាញ់ចំដៃឆ្វេង គ្រាប់ទី២បាញ់ចំដៃស្តាំ គ្រាប់ទី៣បាញ់ចំជើងឆ្វេង គ្រាប់ទី៤បាញ់ចំជើងស្តាំ គ្រាប់ទី៥បាញ់ចំពោះ គ្រាប់ទី៦បាញ់ចំបេះដូងនិងគ្រាប់ទី៧បាញ់ចំក្បាលលោក កឹម សុខា។
លោក យឹម សុវណ្ណ អ្នកនាំពាក្យគណបក្សសង្គ្រោះជាតិបានចាត់ទុកថា នេះជាសារគំរាមកំហែងដល់សុវត្ថិភាពលោក កឹម សុខា ហើយលោកទាមទារឱ្យអាជ្ញាធរមានសមត្ថកិច្ចត្រូវតែបើកការស៊ើបអង្កេត ដើម្បីនាំជនសង្ស័យទៅផ្តន្ទាទោសតាមច្បាប់។
លោកនិយាយថា៖
«ខ្ញុំយល់ឃើញថាអាជ្ញាធរមានសមត្ថកិច្ចត្រូវតែធ្វើការស៊ើបអង្កេតដើម្បីកុំឱ្យមានបទឧក្រិដ្ឋរបៀបហ្នឹងចំពោះអ្នកនយោបាយ»។
សារគំរាមកំហែងលោក កឹម សុខា អនុប្រធានគណបក្សសង្គ្រោះជាតិត្រូវបានចែកផ្សាយតាមបណ្តាញសង្គមហ្វេសប៊ុក និងបានផ្សព្វផ្សាយលើទំព័រការសែតក្នុងស្រុកផងដែរ។
លោក កឹម សុខា មិនអាចស្នើសុំដើម្បីទំនាក់ទំនងបានទេ ដោយសារលោកកំពុងជាប់រវល់នៅឯសហរដ្ឋអាមេរិក។
លោក ផែង វណ្ណៈ ដែលមានរហ័សនាមហៅថាទិវា០៣ អតីតនាយរងការិយាល័យព្រហ្មទណ្ឌកម្រិតស្រាលនៃស្នងការនគរបាលក្រុងភ្នំពេញ ដែលមានគណនីយបណ្តាញសង្គមហ្វេសប៊ុកដែលត្រូវបានគេជឿជាក់ថា បានប្រើជាសារគំរាមកំហែងដល់លោកកឹម សុខា បានបដិសេធនឹងការចោទប្រកាន់នេះ។
លោកបាននិយាយថា មានជនទី៣បានយកគណនីយដែលមានឈ្មោះដូចគ្នាទៅផ្ញើសារទៅគំរាមលោក កឹម សុខា។
លោកនិយាយថា៖
«ការគំរាមកំហែងលោក កឹម សុខា លោកស្អីតាមហ្វេសប៊ុកហ្នឹងខ្ញុំបដិសេធខ្ញុំអត់មានទេ... ចង់ជម្រាបបងថា ខ្ញុំអ្នករៀនចេះដឹងមួយដែរហើយជាអ្នកអនុវត្តច្បាប់ផងខ្ញុំក៏ល្ងង់ម៉េ្លះដែលយកឈ្មោះខ្លួនឯង រូបខ្លួនឯង Account ខ្លួនឯងទៅគំរាមគាត់ហ្នឹង។ ខ្វះអ្វីបងAccount ក្លែងក្លាយច្រើនណាស់យើងចង់បង្កើតចង់គំរាមអ្នកណា យកAccountក្លែងក្លាយប្រើទៅចាំបាច់យកមកប្រើខ្លួនឯង?»។
លោក ឧត្តមសេនីយ៍ឯក ខៀវ សុភ័គ អ្នកនាំពាក្យក្រសួងមហាផ្ទៃនិងលោក គៀត ច័ន្ទថារិទ្ធអ្នកនាំពាក្យអគ្គស្នងការនគរបាលជាតិ មិនអាចស្នើសុំដើម្បីទំនាក់ទំនងបានទេ។
លោកឧត្តមសេនីយ៍ឯក ជួន សុវណ្ណ ស្នងការនគរបាលក្រុងភ្នំពេញត្រូវបានអ្នកលើកទូរស័ព្ទដែលមានសំឡេងដូចគ្នាបេះបិតនឹងលោកជួន សុវណ្ណនិយាយថា លោកជាអ្នកជំនួយការទៅវិញហើយបានប្រាប់ថាលោកជួន សុវណ្ណកំពុងជាប់រវល់។
«ខ្ញុំមិនមែនស្នងការទេ។ ខ្ញុំជំនួយការ គាត់កំពុងជាប់ប្រជុំ។ គាត់ទុកទូរស័ព្ទខ្ញុំនៅខាងក្រៅ»។
លោក ចាន់ សូវ៉េត អនុប្រធានផ្នែកស៊ើបអង្កេតសមាគមសិទ្ធិមនុស្សអាដហុកបានបញ្ជាក់ថា ការគំរាមកំហែងនេះ អាជ្ញាធរមានសមត្ថកិច្ចត្រូវតែធ្វើការស៊ើបអង្កេតដើម្បីបញ្ចប់មន្ទិលសង្ស័យថា គេមានចេតនាធ្វើឃាតលោក កឹម សុខា ឬក៏យ៉ាងណា។
លោកនិយាយថា៖
«បើសិនជាមិនមានការស៊ើបអង្កេតស្រាវជ្រាវរកឱ្យឃើញដើម្បីផ្តទ្ទាទោសជនល្មើសទេ វាធ្វើឱ្យជនដទៃផ្សេងទៀតនៅតែមានឱកាសក្នុងការគំរាមកំហែងដោយគ្មានការភ័យខ្លាច»។
កាលពីខែមុនអាជ្ញាធរមានសមត្ថកិច្ចបានចាប់ខ្លួនបុរសម្នាក់នៅក្នុងខេត្តស្ទឹងត្រែង ក្រោយពីបានផ្ញើសារបរិហារកេរ្តិ៍កងកម្លាំងមានសមត្ថកិច្ចតាមរយៈបណ្តាញសង្គមហ្វេសប៊ុកតែក្រោយមកបានដោះលែងវិញ៕
កាលពីថ្ងៃពុធ ជនអនាមិកម្នាក់ដោយប្រើប្រាស់គណនីយបណ្តាញសង្គមហ្វេសប៊ុកឈ្មោះ ផែង វណ្ណៈ បានផ្ញើសារសរសេរជាអក្សរខ្មែរដោយភ្ជាប់ជាមួយនឹងរូបភាពកាំភ្លើងខ្លីនិងគ្រាប់ចំនួន៧គ្រាប់។
នៅក្នុងបណ្តាញគណនីយសង្គមហ្វេសប៊ុកដែលមានឈ្មោះ ផែង វណ្ណៈ បានសរសេរថា ទុក៧គ្រាប់ឱ្យលោកកឹម សុខា។ គ្រាប់ទី១បាញ់ចំដៃឆ្វេង គ្រាប់ទី២បាញ់ចំដៃស្តាំ គ្រាប់ទី៣បាញ់ចំជើងឆ្វេង គ្រាប់ទី៤បាញ់ចំជើងស្តាំ គ្រាប់ទី៥បាញ់ចំពោះ គ្រាប់ទី៦បាញ់ចំបេះដូងនិងគ្រាប់ទី៧បាញ់ចំក្បាលលោក កឹម សុខា។
លោក យឹម សុវណ្ណ អ្នកនាំពាក្យគណបក្សសង្គ្រោះជាតិបានចាត់ទុកថា នេះជាសារគំរាមកំហែងដល់សុវត្ថិភាពលោក កឹម សុខា ហើយលោកទាមទារឱ្យអាជ្ញាធរមានសមត្ថកិច្ចត្រូវតែបើកការស៊ើបអង្កេត ដើម្បីនាំជនសង្ស័យទៅផ្តន្ទាទោសតាមច្បាប់។
លោកនិយាយថា៖
«ខ្ញុំយល់ឃើញថាអាជ្ញាធរមានសមត្ថកិច្ចត្រូវតែធ្វើការស៊ើបអង្កេតដើម្បីកុំឱ្យមានបទឧក្រិដ្ឋរបៀបហ្នឹងចំពោះអ្នកនយោបាយ»។
សារគំរាមកំហែងលោក កឹម សុខា អនុប្រធានគណបក្សសង្គ្រោះជាតិត្រូវបានចែកផ្សាយតាមបណ្តាញសង្គមហ្វេសប៊ុក និងបានផ្សព្វផ្សាយលើទំព័រការសែតក្នុងស្រុកផងដែរ។
លោក កឹម សុខា មិនអាចស្នើសុំដើម្បីទំនាក់ទំនងបានទេ ដោយសារលោកកំពុងជាប់រវល់នៅឯសហរដ្ឋអាមេរិក។
លោក ផែង វណ្ណៈ ដែលមានរហ័សនាមហៅថាទិវា០៣ អតីតនាយរងការិយាល័យព្រហ្មទណ្ឌកម្រិតស្រាលនៃស្នងការនគរបាលក្រុងភ្នំពេញ ដែលមានគណនីយបណ្តាញសង្គមហ្វេសប៊ុកដែលត្រូវបានគេជឿជាក់ថា បានប្រើជាសារគំរាមកំហែងដល់លោកកឹម សុខា បានបដិសេធនឹងការចោទប្រកាន់នេះ។
លោកបាននិយាយថា មានជនទី៣បានយកគណនីយដែលមានឈ្មោះដូចគ្នាទៅផ្ញើសារទៅគំរាមលោក កឹម សុខា។
លោកនិយាយថា៖
«ការគំរាមកំហែងលោក កឹម សុខា លោកស្អីតាមហ្វេសប៊ុកហ្នឹងខ្ញុំបដិសេធខ្ញុំអត់មានទេ... ចង់ជម្រាបបងថា ខ្ញុំអ្នករៀនចេះដឹងមួយដែរហើយជាអ្នកអនុវត្តច្បាប់ផងខ្ញុំក៏ល្ងង់ម៉េ្លះដែលយកឈ្មោះខ្លួនឯង រូបខ្លួនឯង Account ខ្លួនឯងទៅគំរាមគាត់ហ្នឹង។ ខ្វះអ្វីបងAccount ក្លែងក្លាយច្រើនណាស់យើងចង់បង្កើតចង់គំរាមអ្នកណា យកAccountក្លែងក្លាយប្រើទៅចាំបាច់យកមកប្រើខ្លួនឯង?»។
លោក ឧត្តមសេនីយ៍ឯក ខៀវ សុភ័គ អ្នកនាំពាក្យក្រសួងមហាផ្ទៃនិងលោក គៀត ច័ន្ទថារិទ្ធអ្នកនាំពាក្យអគ្គស្នងការនគរបាលជាតិ មិនអាចស្នើសុំដើម្បីទំនាក់ទំនងបានទេ។
លោកឧត្តមសេនីយ៍ឯក ជួន សុវណ្ណ ស្នងការនគរបាលក្រុងភ្នំពេញត្រូវបានអ្នកលើកទូរស័ព្ទដែលមានសំឡេងដូចគ្នាបេះបិតនឹងលោកជួន សុវណ្ណនិយាយថា លោកជាអ្នកជំនួយការទៅវិញហើយបានប្រាប់ថាលោកជួន សុវណ្ណកំពុងជាប់រវល់។
«ខ្ញុំមិនមែនស្នងការទេ។ ខ្ញុំជំនួយការ គាត់កំពុងជាប់ប្រជុំ។ គាត់ទុកទូរស័ព្ទខ្ញុំនៅខាងក្រៅ»។
លោក ចាន់ សូវ៉េត អនុប្រធានផ្នែកស៊ើបអង្កេតសមាគមសិទ្ធិមនុស្សអាដហុកបានបញ្ជាក់ថា ការគំរាមកំហែងនេះ អាជ្ញាធរមានសមត្ថកិច្ចត្រូវតែធ្វើការស៊ើបអង្កេតដើម្បីបញ្ចប់មន្ទិលសង្ស័យថា គេមានចេតនាធ្វើឃាតលោក កឹម សុខា ឬក៏យ៉ាងណា។
លោកនិយាយថា៖
«បើសិនជាមិនមានការស៊ើបអង្កេតស្រាវជ្រាវរកឱ្យឃើញដើម្បីផ្តទ្ទាទោសជនល្មើសទេ វាធ្វើឱ្យជនដទៃផ្សេងទៀតនៅតែមានឱកាសក្នុងការគំរាមកំហែងដោយគ្មានការភ័យខ្លាច»។
កាលពីខែមុនអាជ្ញាធរមានសមត្ថកិច្ចបានចាប់ខ្លួនបុរសម្នាក់នៅក្នុងខេត្តស្ទឹងត្រែង ក្រោយពីបានផ្ញើសារបរិហារកេរ្តិ៍កងកម្លាំងមានសមត្ថកិច្ចតាមរយៈបណ្តាញសង្គមហ្វេសប៊ុកតែក្រោយមកបានដោះលែងវិញ៕
