សុខភាព

    ស្រ្តី​ខ្មែរ​រងគ្រោះ​ដោយ​ជំងឺ​មហារីក​មាត់​ស្បូន​មាន​ច្រើន

    នាយិកា​សមាគម​ថែទាំ​សុខភាព​គ្រួសារ​កម្ពុជា​ហៅកាត់​ថា​រ៉ាក់​ បាន​ឱ្យ​ដឹង​ថា​ចំនួន​អ្នក​កើត​ជំងឺ​មហារីក​មាត់ស្បូន​នៅ​ប្រទេស​កម្ពុជា​គឺជា​ចំនួន​មួយ​គួរ​ឱ្យ​ព្រួយបារម្ភ​។

    យ៉ាងហោចណាស់​មាន​ស្ត្រី​កម្ពុជា​ប្រមាណ​ជា​៤០០០នាក់​បានកើត​ជំងឺ​មហារីក​មាត់ស្បូន​ជា​រៀងរាល់​ឆ្នាំ។ យ៉ាងហោចណាស់​មាន​ស្ត្រី​កម្ពុជា​ប្រមាណ​ជា​៤០០០នាក់​បានកើត​ជំងឺ​មហារីក​មាត់ស្បូន​ជា​រៀងរាល់​ឆ្នាំ។
    x
    យ៉ាងហោចណាស់​មាន​ស្ត្រី​កម្ពុជា​ប្រមាណ​ជា​៤០០០នាក់​បានកើត​ជំងឺ​មហារីក​មាត់ស្បូន​ជា​រៀងរាល់​ឆ្នាំ។
    យ៉ាងហោចណាស់​មាន​ស្ត្រី​កម្ពុជា​ប្រមាណ​ជា​៤០០០នាក់​បានកើត​ជំងឺ​មហារីក​មាត់ស្បូន​ជា​រៀងរាល់​ឆ្នាំ។
    ធីតា វីន
    ភ្នំពេញ៖ យ៉ាងហោចណាស់​មាន​ស្ត្រី​កម្ពុជា​ប្រមាណ​ជា​៤០០០នាក់​បានកើត​ជំងឺ​មហារីក​មាត់ស្បូន​ជា​រៀងរាល់​ឆ្នាំ។ ជំងឺ​នេះ​កំពុង​ឈរ​នៅ​លំដាប់​ថ្នាក់​ខ្ពស់​បំផុត​ក្នុង​ចំណោម​ជំងឺ​មហារីក​ដទៃ​ទៀត​ក្នុង​ប្រទេស។

    លោក​វេជ្ជបណ្ឌិត​ អ៊ាវ សុខា ​ប្រធាន​ផ្នែក​ជំងឺ​មហារីក​នៃ​មន្ទីរពេទ្យ​កាល់ម៉ែត​មាន​ប្រសាសន៍​ថា​ជា​រៀងរាល់ថ្ងៃ​មាន​អ្នកជំងឺ​មហារីក​៣០នាក់​មក​ទទួល​ការពិនិត្យ​ព្យាបាល​ក្នុង​មន្ទីរពេទ្យ​ក្នុង​នោះ​ប្រហែល​ជា​៨​នាក់​ជា​អ្នកជំងឺ​មហារីក​មាត់ស្បូន។

    លោក​បាន​ឱ្យ​ដឹង​បន្ត​ថា​ស្ថានភាព​ជំងឺ​នេះ​មិនមាន​លក្ខណៈ​ល្អ​ប្រសើរ​ឡើយ​ចាប់​តាំង​ពី​ជាង​១០​ឆ្នាំ​មុន​មក​ហើយ​មានប្រហែល​៤០០០​ករណី​ក្នុង​១​ឆ្នាំៗ

    «មហារីក​មាត់ស្បូន​នៅតែ​ជា​ជំងឺ​មហារីក​ដែល​ជួប​ប្រទះ​ញឹកញាប់​ជាងគេ​១០ឆ្នាំ​ជាង​ហើយ​ខ្ញុំ​ឃើញ​ថា​ទំនោរ​ហ្នឹង​អត់​ទាន់​ឃើញ​ល្អ​ជាង​មុន​សោះ​ពីព្រោះ​អី​ប្រជាជន​យើង​មក​ដល់​មន្ទីរពេទ្យ​ច្រើន​នៅ​ដំណាក់កាល​ធ្ងន់ធ្ងរ​ដែល​ការព្យាបាល​ឱ្យ​ជាសះស្បើយ​មិនអាច​ធ្វើ​ទៅ​បាន»។

    លោក​វេជ្ជបណ្ឌិត​ អ៊ាវ សុខា ​បាន​ឱ្យ​ដឹង​បន្ថែម​ថា​អ្នកជំងឺ​មហារីក​មាត់ស្បូន​ចំនួន​៧២ ​ភាគរយ​មក​មន្ទីរពេទ្យ​នៅ​ដំណាក់កាល​ទី៣​និង​ទី៤​ដែល​ជា​ដំណាក់កាល​ឈាន​ដល់​ភាព​ធ្ងន់ធ្ងរ​និង​ពិបាក​ក្នុង​ការព្យាបាល។

    ជាមួយគ្នា​នោះ​ដែរ​លោក​វេជ្ជបណ្ឌិត​ គួយ សំណាង ​ប្រធាន​ផ្នែក​ជំងឺ​មហារីក​នៃ​មន្ទីរពេទ្យ​មិត្តភាព​ខ្មែរ សូវៀត​បាន​ឱ្យ​ដឹង​ដែរ​ថា​ភាគច្រើន​អ្នកកើត​ជំងឺ​មហារីក​មាត់ស្បូន​ក្នុង​ប្រទេស​កម្ពុជា​ស្ថិត​នៅ​ក្នុង​វ័យ​ក្មេង។

    «ប្រទេស​គេ​គឺ​គិតពី​៣៥​ទៅ​៤០​ហើយ​ដល់​ប្រទេស​យើង​តាម​ការសិក្សា​ថ្មីៗ​ដែល​យើង​ធ្វើទៅ​មាន​ពី​អាយុ​២៨​ឆ្នាំ។ ​ធម្មតា​ទេ​ក្មេង​បែបនេះ​កំពុង​តែមាន​សកម្មភាព​នៅ​ក្នុង​សង្គម​សម្រាប់​រកលុយ​តែ​បែរ​ជា​ឈឺ​វិញ​មាន​ពេល​ឯណា​រកលុយ​មិនមាន​ត្រឹមតែ​មិនបាន​រកលុយ​ទេ​អស់​លុយ​ទៀត​ខាង​ពេទ្យ​រដ្ឋ​ក៏​ត្រូវ​ចំណាយ​លើក្មេងៗ​នេះ​ដែរ»។

    យោង​តាម​របាយការណ៍​របស់​ក្រសួង​សុខាភិបាល​ដែល​បាន​ផ្សព្វផ្សាយ​កាលពី​ឆ្នាំ២០០៨​
    បង្ហាញ​ឱ្យ​ដឹង​ថា​ជំងឺ​មហារីក​មាត់ស្បូន​មាន​អត្រា​ច្រើន​ជាងគេ​បំផុត​ក្នុង​ចំណោម​ជំងឺ​មហារីក​ដែល​កើត​មាន​លើ​ស្ត្រី​នៅ​កម្ពុជា។ របាយការណ៍​បន្ថែម​ថា​ស្ត្រី​ដែល​មាន​ជំងឺ​ស្ទើរ​ទាំងអស់​បាន​ស្លាប់​ក្នុង​វ័យ​ក្មេង។

    លោកស្រី​វេជ្ជបណ្ឌិត ​ពឹង ជុតិមា ​នាយិកា​សមាគម​ថែទាំ​សុខភាព​គ្រួសារ​កម្ពុជា​ហៅកាត់​ថា​រ៉ាក់​បាន​ឱ្យ​ដឹង​ថា​ចំនួន​អ្នក​កើត​ជំងឺ​មហារីក​មាត់ស្បូន​នៅ​ប្រទេស​កម្ពុជា​គឺជា​ចំនួន​មួយ​គួរ​ឱ្យ​ព្រួយបារម្ភ​និង​ត្រូវ​មាន​វិធានការ​ឱ្យ​មាន​ប្រសិទ្ធភាព​ក្នុងការ​ទប់​ស្តា​ត់​ជំងឺ​នេះ។
    «ចាត់ទុកថា​វា​ជា​បញ្ហា​មួយ​ដែល​យើង​គួរ​កង្វល់​ពីព្រោះ​ដោយសារតែ​ជំងឺ​មហារីក​បើសិន​យើង​បាន​ធ្វើការ​ស្រាវជ្រាវ​វា​នៅ​ដំណាក់កាល​ទាន់ពេល​វេលា​គឺ​អ្នកនោះ​មិនមាន​ជំងឺ​មហារីក​ទេ​ពីព្រោះ​យើង​ទៅ​ព្យាបាល​បាន​ហើយ»។

    លោកស្រី​វេជ្ជបណ្ឌិត​ ប្រាក់ ពិសិដ្ឋ​រង្សី ​ប្រធាន​នាយកដ្ឋាន​ការពារ​សុខភាព​នៃ​ក្រសួង​សុខាភិបាល​បាន​មាន​ប្រសាសន៍​ថា​មូលហេតុ​ដែលនាំ​ឱ្យ​ស្ត្រី​កម្ពុជា​ប្រឈមមុខ​នឹង​គ្រោះថ្នាក់​នៃ​ការកើត​មហារីក​មាត់ស្បូន​ច្រើន​បែបនេះ​កត្តា​សំខាន់​គឺ​កង្វះ​អនាម័យ ​កង្វះ​ព័ត៌មាន ​ការយល់ដឹង ​និង​ភាព​អៀនខ្មាស់​របស់​ស្ត្រី​ខ្មែរ។

    «អត្ត​ចរិក​របស់​ស្ត្រី​យើង​វិញ​គឺ​គាត់​មិន​ចង់ទៅ​ឱ្យ​គេ​បើក​មាត់ស្បូន​គាត់​មើល​ទេ ​ហេតុ ​ដូច្នេះ​ទោះបី​ជា​យើង​ខំ​ផ្សព្វផ្សាយ​យ៉ាងណា​ក៏ដោយ​ក៏​ជួនកាល​ទៅ​គាត់​មាន​ការ​ខ្មាស់អៀន​ច្រើន​គាត់​មិន​បាន​មក​តាម​ការផ្សព្វផ្សាយ​របស់​យើង​ទេ​ហើយ​ក្រសួង​សុខាភិបាល​ក៏​ចេះតែ​ខិតខំ​ប្រឹងប្រែង​តាម​គ្រប់​រូបភាព​ទាំងអស់។ ​បច្ចុប្បន្ន​កាល​នេះ​គឺ​យើង​ចង់​ឱ្យ​ស្ត្រី​ទាំងអស់​ដែល​ចាប់ពី​អាយុ​៣០​ដល់​៤៩ឆ្នាំ​ឱ្យ​គាត់​អញ្ជើញ​មក​មន្ទីរពេទ្យ​ដើម្បី​ធ្វើការ​ស្រាវជ្រាវ​រក​ជំងឺ​មហារីក​មាត់ស្បូន​នេះ»។

    លោកស្រី​វេជ្ជបណ្ឌិត​មាន​ប្រសាសន៍​ថា​ដើម្បី​កាត់បន្ថយ​ជំងឺ​មហារីក​មាត់ស្បូន​នេះ ​ក្រសួង​ បាន​ធ្វើការ​បណ្តុះ​បណ្តាល​មន្ត្រី​ជំនាញ​តាម​មន្ទីរពេទ្យ​ឱ្យ​ចេះ​ស្វែងរក​ជំងឺ​នេះ​ទាន់ពេល​វេលា​មាន​ការ​ចុះ​ អប់រំ​ស្ត្រី​នៅតាម​ភូមិ ​និង​តាម​មន្ទីរពេទ្យ ​ពេល​ស្ត្រី​មក​ទទួលយក​សេវា​ផ្សេង។ ម្យ៉ាង​វិញ​ទៀត​លោកស្រី​វេជ្ជបណ្ឌិត​បាន​ទទួល​ស្គាល់​ថា​ការផ្សព្វផ្សាយ​អំពី​ជំងឺ​នេះ​នៅមាន​កម្រិត​នៅឡើយ​ពីព្រោះ​ថវិកា​ក្នុង​ការចំណាយ​នៅមាន​ការខ្វះខាត​ជាច្រើន។

    យោងតាម​របាយការណ៍​របស់​ក្រសួង​សុខាភិបាល​ដដែល​បាន​ឱ្យ​ដឹង​បន្ថែម​ថា​នៅ​លើ​សាកលលោក​ក្នុង​១ឆ្នាំ​ស្រី្ត​ច្រើន​ជាង​៤៦ម៉ឺន​នាក់​បាន​កើត​ជំងឺ​នេះ​ដែល​ក្នុង​នោះ​ជាង​២៣​ម៉ឺន​នាក់​បាន​ស្លាប់​ហើយ​ជិត​៩៥​ភាគរយ​កើត​នៅក្នុង​ប្រទេស​កំពុងអភិវឌ្ឍន៍​ដូចជា​ប្រទេស​កម្ពុជា​ជាដើម។

    ក្រុម​គ្រូពេទ្យ​ជំនាញ​បានផ្តល់​ដំបូន្មាន​ថា​ជាទូទៅ​ស្ត្រី​ដែល​ធ្លាប់​ឆ្លងកាត់​ការរួម​ភេទ​រួច​ហើយ​ត្រូវ​ពិនិត្យ​រក​ជំងឺ​មហារីក​មាត់ស្បូន​ឱ្យ​បាន​ម្តង​ក្នុង១ឆ្នាំ៕

    អ្នក​ប្រហែល​ចូលចិត្ត​ព័ត៌មាន​ទាំង​នេះ​

    អង្គភាព​ប្រឆាំង​អំពើ​ពុក​រលួយ​សម្រេច​ឃាត់​ខ្លួន​មន្ត្រី​អាដហុក​៤​នាក់

    ប្រធាន​អង្គភាព​ប្រឆាំង​អំពើ​ពុករលួយ​​បាន​ប្រាប់​អ្នក​យក​ព័ត៌មាន​នៅ​ថ្ងៃ​សុក្រ​នេះ​ថា ​​ក្នុង​ចំណោម​មនុស្ស​៨​នាក់​ ដែល​រួមមាន​​ប្រធាន​អង្គការ​ មន្ត្រី​សិទ្ធិ​មនុស្ស​ក្នុង​ស្រុក​ ​មន្ត្រី​សិទ្ធិ​មនុស្ស​អ.ស.ប.​ និង​មន្ត្រី​គណៈកម្មាធិការ​ជាតិ​រៀបចំ​ការ​បោះ​ឆ្នោត​នោះ​ មាន​៥នាក់​ត្រូវ​បាន​អង្គភាព​របស់​លោក​សម្រេច​ឃាត់​ខ្លួន​ពី​បទ​​ពាក់ព័ន្ធ​នឹង​អំពើ​ពុករលួយ។ ពត៌មាន​លម្អិត

    គណបក្ស​សង្គ្រោះ​ជាតិ​ស្នើ​សុំ​ព្រះរាជ​អន្តរាគមន៍ ​ចំពោះ​ការ​«ឡើង​កម្ដៅ​នយោបាយ»

    បើ​តាម​ការ​ឲ្យ​ដឹង​របស់​លោក​ យឹម សុវណ្ណ អ្នក​នាំ​ពាក្យ​គណបក្ស​ជំទាស់​ មកទល់​ពេល​នេះ​ មិន​ទាន់​មាន​ការ​ឆ្លើយ​តប​ណា​មួយ​ពី​ស្ថាប័ន​មហាក្សត្រ​នៅឡើយ​នោះ​ទេ។​ ពត៌មាន​លម្អិត

    ស្ថាបត្យកម្ម​របស់​លោកស្រី Zaha Hadid អាច​ជះ​ឥទ្ធិពល​ដល់​ស្ថាបត្យករ​ខ្មែរ​វ័យ​ក្មេង​

    និស្សិត​របស់​លោក​ប្រមាណ​៥០​នាក់​ បាន​ទទួល​ឱកាស​ដ៏​កម្រ​មួយ​ដើម្បី​រៀន​សូត្រ​ពី​ស្នាដៃ​ស្ថាបត្យកម្ម​របស់​លោកស្រី Zaha Hadid ពត៌មាន​លម្អិត

    Your JavaScript is turned off or you have an old version of Adobe's Flash Player. Get the latest Flash player.
    រាជធានី​ភ្នំពេញ​ផ្លាស់ប្តូរ​ក្នុង​ពេល​មួយ​ប៉ប្រិច​ភ្នែក​ដោយសារ​វិនិយោគ​បរទេសi
    X
    28 មេសា 2016
    អ្នក​វិនិយោគ​បរទេស​កំពុង​តែ​ប្រញាប់​ប្រញ៉ាល់​បណ្តាក់​ទុន​នៅ​ក្នុង​ទីផ្សារ​អចលនទ្រព្យ ដែល​ទើបតែ​ងើប​ឡើង​វិញ​នៅ​កម្ពុជា។ សំណង់​អាគារ​ខ្ពស់ៗ​ក្នុង​រាជធានី​ភ្នំពេញ​កំពុង​រីកលូត​លាស់​ក្នុង​រយៈ​ពេល​មួយ​ប៉ប្រិច​ភ្នែក ប៉ុន្តែ​ការ​លូតលាស់​យ៉ាង​លឿន​នេះ​កំពុង​តែ​ចោទ​ជា​សំណួរ​ជាច្រើន​អំពី​ ថា​តើ​វិនិយោគ​ទាំង​អស់​នេះ​មក​ពី​ណា​ និង​ថា​តើ​វា​ផ្តល់​ផល​ប៉ះពាល់​អ្វី​ខ្លះ​ដល់​ទីផ្សារ​ក្នុង​ស្រុក។​ លោក​ David Boyle រាយការណ៍​អំពី​រឿងនេះ​ពី​រាជធានី​ភ្នំពេញ។​ នាង​ ហុង​ ចិន្តា​ជូន​សេចក្តី​ប្រែ​សម្រួល៕
    Your JavaScript is turned off or you have an old version of Adobe's Flash Player. Get the latest Flash player.
    អង្គការ​សិទ្ធិ​មនុស្ស​​អាដហុក​​បដិសេធ​ការ​ចោទ​ប្រកាន់​របស់​នាង​ខុម ចាន់តារ៉ាទី​i
    X
    26 មេសា 2016
    ក្រុម​អង្គការ​សិទ្ធិ​មនុស្ស​បាន​ធ្វើ​សន្និសីទ​បដិសេធ​ការ​ចោទ​ប្រកាន់​របស់​នាង​ខុម ចាន់តារ៉ាទី​ដែល​ថា ​ចម្លើយ​របស់​នាង​ប្រាប់​អង្គការ​សិទ្ធិ​មនុស្ស​​អាដហុក​នោះ​គឺ​​​ធ្វើ​តាម​​​ការ​ណែនាំ​របស់​បុគ្គលិក​អង្គការ​សិទ្ធិ​មនុស្ស​នេះ។ ​សន្និសីទ​នេះ​ធ្វើឡើង​ក្រោយ​ពេល​អង្គភាព​ប្រឆាំង​អំពើ​ពុក​រលួយ​កោះ​ហៅ​បុគ្គលិក​៥​នាក់​របស់​អង្គការ​អាដហុក។​ ​​​​​​លោក​ពិន​ ស៊ីសុវណ្ណ​រាយ​ការណ៍​ពី​ភ្នំពេញ៕

    អង់គ្លេស​ជាមួយ​ម៉ានី​និង​ម៉ូរី

    Your JavaScript is turned off or you have an old version of Adobe's Flash Player. Get the latest Flash player.
    Get Over It ឈប់​គិត​ពី​រឿង​នេះ​ទៅi
    X
    06 មេសា 2016
    ឃ្លា get over it ប្រើ​នៅ​ពេល​ណា​ដែល​យើង ចង់​ប្រាប់​នរណា​ម្នាក់ ឲ្យ​ឈប់​បារម្ភ ឈប់​ត្អូញត្អែរ ឈប់​វក់ ឬ​ក៏​ឈប់​ពិបាក​ចិត្ត​នឹង​អ្វី​មួយ។ ហើយ ឃ្លា​នេះ​ក៏​មាន​ន័យ​ថា ត្រូវតែ​ជម្នះ ពេល​ជួប​ការលំបាក​នោះ​ផងដែរ។ ដើម្បី​ឲ្យ​យល់​កាន់តែ​ច្បាស់​សូម​មើល​វីដេអូ​កម្មវិធី​រៀន​គ្រាម​ភាសា​អង់គ្លេស​ជាមួយ​ម៉ានី​និង​ម៉ូរី។ កម្មវិធី​នេះ ក៏​មាន​ដាក់​ផ្សាយ​ជូន​រាល់​ថ្ងៃសុក្រ​លើ​គេហទំព័រ Facebook https://www.facebook.com/voakhmer និង YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
    Your JavaScript is turned off or you have an old version of Adobe's Flash Player. Get the latest Flash player.
    ការផ្លាស់ប្តូរ​ទៅ​រក​បច្ចេកវិទ្យា​ឌីជីថល​បាន​ភ្ជាប់​កសិករ​ទៅ​នឹង​មនុស្ស​ដែល​ចូលចិត្ត​បរិភោគ​ម្ហូប​អាហារi
    X
    28 មេសា 2016
    អាជីវកម្ម​មួយ​បែប​ដែល​អនុញ្ញាតិ​ឲ្យ​អតិថិជន​ដឹង​ពី​ដំណើរការ​របស់​ម្ហូប​អាហារ​តាំង​ពី​ចម្ការ​ដល់​តុ​បាយ ដែល​ជា​អាជីវកម្ម​មួយ​កំពុង​រីករាលដាល នឹង​បង្កើត​ឡើង​សម្រាប់​តម្រូវ​ចិត្ត​ក្រុម​អតិថិជន​ដែល​ចូលចិត្ត​បរិភោគ​ម្ហូប​អាហារ​​នៅ​ស្រស់ៗ ដាំ​នៅ​ក្នុង​តំបន់​របស់​ពួកគេ ហើយ​មាន​ការ​ទទួល​ខុស​ត្រូវ។ ក្រុម​កសិករ​បាន​ជំរុញ​ខ្លួន​ពួកគេ​ឲ្យ​ដើរ​ទាន់​សម័យ​ទំនើប ដោយ​មាន​ការ​ជួយ​ជ្រោម​ជ្រែង​ឲ្យ​បើក​អាជីវកម្ម​លក់​ម្ហូប​អាហារ។​​ អ្នកស្រី Tina Trinh បាន​ជួប​ក្រុម​អ្នកកែច្នៃ​ម្ហូប​អាហារ​ដើម្បី​ផ្លាស់ប្តូរ​ទម្លាប់​បរិភោគ ហើយ​រាយការណ៍​ពី​ទីក្រុង​ញូយ៉ក។ អ្នកស្រី ស៊ូ ពេជ្រ​ចិន្តា ជូន​សេចក្តី​ប្រែ​សម្រួល៕