ភ្នំពេញ —
តំណាងអង្គការសង្គមស៊ីវិលក្នុងស្រុកចំនួនជិត២០០នៅថ្ងៃព្រហស្បតិ៍នេះបានបន្តដាក់ញត្តិទៅកាន់ស្ថានទូតបរទេសសំខាន់ៗមួយចំនួនទៀតបើទោះបីជាកាលពីពីរថ្ងៃមុនកងកម្លាំងមានសមត្ថកិច្ចរបស់រដ្ឋាភិបាលបានចាប់ខ្លួនប្រធានសហជីពនិងសកម្មជនដីធ្លីនៅតំបន់បឹងកក់ចំនួន១១នាក់យកទៅឃុំឃាំងមួយរយៈពេលខ្លីដោយសារតែការខិតខំដាក់ញត្តិក្នុងបុព្វហេតុដូចគ្នានេះក៏ដោយ។
នៅក្នុងញត្តិដែលមានចុះហត្ថលេខារបស់អង្គការក្រៅរដ្ឋាភិបាលចំនួន១៨៤ដែលមានខ្លឹមសារតែមួយគឺទាមទារឱ្យបណ្តាស្ថានទូតបរទេសសំខាន់ៗនៅក្នុងប្រទេសកម្ពុជាឱ្យជួយដោះលែងសកម្មជនសហជីពនិងក្រុមកម្មករចំនួន២៣នាក់ដែលកំពុងជាប់ឃុំឱ្យមានសេរីភាពវិញ។
ក្បួនដង្ហែរដាក់ញត្តិរបស់ក្រុមអង្គការសង្គមស៊ីវិលនៅថ្ងៃព្រហស្បតិ៍នេះមិនមានការរារាំងណាមួយពីកងកម្លាំងមានសមត្ថកិច្ចដូចពីពេលមុនទេ គឺពួកគេបានដើរហែរក្បួនដោយសន្តិវិធីតាមផ្លូវនានាទៅកាន់ស្ថានទូតបរទេស ក៏ប៉ុន្តែក្រុមមានសមត្ថកិច្ចខ្លះមិនអនុញ្ញាតឱ្យក្បួនដង្ហែរដើរតាមផ្លូវព្រះនរោត្តមឆ្ពោះទៅគេហដ្ឋានរបស់លោកនាយករដ្ឋមន្ត្រី ហ៊ុន សែននាវិមានឯករាជ្យទេ។
ក្រុមអ្នកចូលរួមបានកាន់ផ្ទាំងរូបថតធំៗដែលមានរូបថតលោក វន់ ពៅ ប្រធានសមាគមអ្នកប្រជាធិបតេយ្យនៃសេដ្ឋកិច្ចក្រៅប្រព័ន្ធ សកម្មជនសហជីព សកម្មជនដីធ្លីនៅតំបន់បឹងកក់ ដោយសរសេរទាមទារដោះលែងពួកគេនិងកម្មករទាំង២៣មកវិញ។
អ្នកស្រី ធីតា ឃឹស នាយិការអង្គការសីលកាបានប្រាប់ក្រុមអ្នកសារព័តមាននៅពេលដែលក្បួនដង្ហែរបានមកដល់ស្ថានទូតកូរ៉េខាងត្បូងថាសង្គមស៊ីវិលបានមើលឃើញថាការប្រើប្រាស់អំពើហិង្សានិងការចាប់ឃុំខ្លួនក្រុមកម្មករមិនមានយុត្តិធម៌ទេនិងមិនបានអនុវត្តទៅតាមច្បាប់របស់ប្រទេសកម្ពុជាទេ។
អ្នកស្រីនិយាយថា៖ «សង្ឃឹមថា ស្ថានទូត៩០% ធ្វើការដោះស្រាយជាមួយឬក៏បាននិយាយទាក់ទងជាមួយរដ្ឋាភិបាលហើយរដ្ឋាភិបាលធ្វើឬមួយក៏មិនធ្វើនោះគឺយើងមានសង្ឃឹម៦៥% ចុះទុក៣៥%ថាតើនឹងមានអ្វីទៀត?»។
ស្ថានទូតកូរ៉េខាងត្បូង ជប៉ុន អូស្ត្រាលី ថៃ និង ប្រ៊ុយណេមិនបានធ្វើអត្ថាធិប្បាយជាមួយនឹងអ្នកកាសែតទេគឺមានតែស្ថានទូតស៊ុយអែតតែប៉ុណ្ណោះដែលមានមន្ត្រីម្នាក់ចេញមកទទួលនិងបាននិយាយថា អ្នកស្រីនិងនាំយកញត្តិនេះទៅដាក់ជូនឯកអគ្គរដ្ឋទូតជាអ្នកសម្រេច។
អ្នកស្រី Kristina Kühnel បានបញ្ជាក់ថា៖ «យើងបានទទួលញត្តិដែលបានប្រគល់ឱ្យនេះហើយ ហើយយើងនឹងប្រគល់ញត្តិនេះទៅជូនឯកអគ្គរដ្ឋទូត»។
នៅតាមផ្លូវនានាក្នុងទីក្រុងភ្នំពេញមិនមានកងកម្លាំងមានសមត្ថកិច្ចដាក់ពង្រាយច្រើនក្រាស់ក្រែលដូចពេលមុនៗទេគឺមានចំនួនតិចតួចប៉ុណ្ណោះ។
ក្រុមអ្នកចូលរួមខ្លះបានស្រែកតាមផ្លូវឱ្យដោះលែងក្រុមសកម្មជនសហជីពនិងកម្មករទាំង២៣នាក់ដែលកំពុងជាប់ឃុំជាបន្ទាន់។
ស្រ្តីម្នាក់ឈ្មោះ ខៀវ ឡៃ បាននិយាយថា៖ «នាងខ្ញុំខៀវ ឡៃ សុំឱ្យដោះលែង សុំឱ្យអាជ្ញាធរ សុំឱ្យរដ្ឋាភិបាលកុំធ្វើរបៀបនេះទៀត។ សុំដោះលែងគាត់ជាបន្ទាន់ តុលាការត្រូវតែឯករាជ្យ ខៀវ ឡៃមិនសុខចិត្តត្រូវតែដើររហូតដល់អ្នកទាំង២៣នាក់ដោះលែងជាបន្ទាន់»។
លោក វន់ ពៅ ប្រធានសមាគមអ្នកប្រជាធិបតេយ្យនៃសេដ្ឋកិច្ចក្រៅប្រព័ន្ធ ព្រមទាំងសកម្មជនបឹងកក់និងកម្មករចំនួន២២នាក់ផ្សេងទៀតត្រូវបានកងកម្លាំងមានសមត្ថកិច្ចរបស់រដ្ឋាភិបាលបានចាប់ខ្លួនកាលពីដើមខែមករានេះ។
យ៉ាងតិចមានក្រុមកម្មករចំនួន៥នាក់ត្រូវបានកងកម្លាំងមានសមត្ថកិច្ចបាញ់ស្លាប់ និង បាញ់ឱ្យរបួសចំនួន៤០ ព្រមទាំងចាប់ខ្លួន២៣នាក់នៅក្នុងព្រឹត្តិការណ៍បង្ក្រាបដោយហិង្សាមួយទៅលើក្រុមកម្មករនៅរោងចក្រយ៉ាក ជីង និងសួនឧស្សាហកម្មកាណាឌីយ៉ាក្រុងភ្នំពេញ៕
នៅក្នុងញត្តិដែលមានចុះហត្ថលេខារបស់អង្គការក្រៅរដ្ឋាភិបាលចំនួន១៨៤ដែលមានខ្លឹមសារតែមួយគឺទាមទារឱ្យបណ្តាស្ថានទូតបរទេសសំខាន់ៗនៅក្នុងប្រទេសកម្ពុជាឱ្យជួយដោះលែងសកម្មជនសហជីពនិងក្រុមកម្មករចំនួន២៣នាក់ដែលកំពុងជាប់ឃុំឱ្យមានសេរីភាពវិញ។
ក្បួនដង្ហែរដាក់ញត្តិរបស់ក្រុមអង្គការសង្គមស៊ីវិលនៅថ្ងៃព្រហស្បតិ៍នេះមិនមានការរារាំងណាមួយពីកងកម្លាំងមានសមត្ថកិច្ចដូចពីពេលមុនទេ គឺពួកគេបានដើរហែរក្បួនដោយសន្តិវិធីតាមផ្លូវនានាទៅកាន់ស្ថានទូតបរទេស ក៏ប៉ុន្តែក្រុមមានសមត្ថកិច្ចខ្លះមិនអនុញ្ញាតឱ្យក្បួនដង្ហែរដើរតាមផ្លូវព្រះនរោត្តមឆ្ពោះទៅគេហដ្ឋានរបស់លោកនាយករដ្ឋមន្ត្រី ហ៊ុន សែននាវិមានឯករាជ្យទេ។
ក្រុមអ្នកចូលរួមបានកាន់ផ្ទាំងរូបថតធំៗដែលមានរូបថតលោក វន់ ពៅ ប្រធានសមាគមអ្នកប្រជាធិបតេយ្យនៃសេដ្ឋកិច្ចក្រៅប្រព័ន្ធ សកម្មជនសហជីព សកម្មជនដីធ្លីនៅតំបន់បឹងកក់ ដោយសរសេរទាមទារដោះលែងពួកគេនិងកម្មករទាំង២៣មកវិញ។
អ្នកស្រី ធីតា ឃឹស នាយិការអង្គការសីលកាបានប្រាប់ក្រុមអ្នកសារព័តមាននៅពេលដែលក្បួនដង្ហែរបានមកដល់ស្ថានទូតកូរ៉េខាងត្បូងថាសង្គមស៊ីវិលបានមើលឃើញថាការប្រើប្រាស់អំពើហិង្សានិងការចាប់ឃុំខ្លួនក្រុមកម្មករមិនមានយុត្តិធម៌ទេនិងមិនបានអនុវត្តទៅតាមច្បាប់របស់ប្រទេសកម្ពុជាទេ។
អ្នកស្រីនិយាយថា៖ «សង្ឃឹមថា ស្ថានទូត៩០% ធ្វើការដោះស្រាយជាមួយឬក៏បាននិយាយទាក់ទងជាមួយរដ្ឋាភិបាលហើយរដ្ឋាភិបាលធ្វើឬមួយក៏មិនធ្វើនោះគឺយើងមានសង្ឃឹម៦៥% ចុះទុក៣៥%ថាតើនឹងមានអ្វីទៀត?»។
ស្ថានទូតកូរ៉េខាងត្បូង ជប៉ុន អូស្ត្រាលី ថៃ និង ប្រ៊ុយណេមិនបានធ្វើអត្ថាធិប្បាយជាមួយនឹងអ្នកកាសែតទេគឺមានតែស្ថានទូតស៊ុយអែតតែប៉ុណ្ណោះដែលមានមន្ត្រីម្នាក់ចេញមកទទួលនិងបាននិយាយថា អ្នកស្រីនិងនាំយកញត្តិនេះទៅដាក់ជូនឯកអគ្គរដ្ឋទូតជាអ្នកសម្រេច។
អ្នកស្រី Kristina Kühnel បានបញ្ជាក់ថា៖ «យើងបានទទួលញត្តិដែលបានប្រគល់ឱ្យនេះហើយ ហើយយើងនឹងប្រគល់ញត្តិនេះទៅជូនឯកអគ្គរដ្ឋទូត»។
នៅតាមផ្លូវនានាក្នុងទីក្រុងភ្នំពេញមិនមានកងកម្លាំងមានសមត្ថកិច្ចដាក់ពង្រាយច្រើនក្រាស់ក្រែលដូចពេលមុនៗទេគឺមានចំនួនតិចតួចប៉ុណ្ណោះ។
ក្រុមអ្នកចូលរួមខ្លះបានស្រែកតាមផ្លូវឱ្យដោះលែងក្រុមសកម្មជនសហជីពនិងកម្មករទាំង២៣នាក់ដែលកំពុងជាប់ឃុំជាបន្ទាន់។
ស្រ្តីម្នាក់ឈ្មោះ ខៀវ ឡៃ បាននិយាយថា៖ «នាងខ្ញុំខៀវ ឡៃ សុំឱ្យដោះលែង សុំឱ្យអាជ្ញាធរ សុំឱ្យរដ្ឋាភិបាលកុំធ្វើរបៀបនេះទៀត។ សុំដោះលែងគាត់ជាបន្ទាន់ តុលាការត្រូវតែឯករាជ្យ ខៀវ ឡៃមិនសុខចិត្តត្រូវតែដើររហូតដល់អ្នកទាំង២៣នាក់ដោះលែងជាបន្ទាន់»។
លោក វន់ ពៅ ប្រធានសមាគមអ្នកប្រជាធិបតេយ្យនៃសេដ្ឋកិច្ចក្រៅប្រព័ន្ធ ព្រមទាំងសកម្មជនបឹងកក់និងកម្មករចំនួន២២នាក់ផ្សេងទៀតត្រូវបានកងកម្លាំងមានសមត្ថកិច្ចរបស់រដ្ឋាភិបាលបានចាប់ខ្លួនកាលពីដើមខែមករានេះ។
យ៉ាងតិចមានក្រុមកម្មករចំនួន៥នាក់ត្រូវបានកងកម្លាំងមានសមត្ថកិច្ចបាញ់ស្លាប់ និង បាញ់ឱ្យរបួសចំនួន៤០ ព្រមទាំងចាប់ខ្លួន២៣នាក់នៅក្នុងព្រឹត្តិការណ៍បង្ក្រាបដោយហិង្សាមួយទៅលើក្រុមកម្មករនៅរោងចក្រយ៉ាក ជីង និងសួនឧស្សាហកម្មកាណាឌីយ៉ាក្រុងភ្នំពេញ៕
