ខ្មែរ​ក្រហម

    ស្ថានភាព​សុខភាព​របស់​អៀង ធីរិទ្ធ​នៅ​តែ​ធ្ងន់​ធ្ងរ

    អៀង ធីរិទ្ធ អតីត​រដ្ឋ​មន្ត្រី​ក្រសួង​សង្គមកិច្ច​នៅ​សម័យ​ខ្មែរ​ក្រហម ឆ្នាំ​នេះ​អាយុ៨២​ឆ្នាំ ​ក្នុង​រូបថត​នេះ​ស្រក់​ទឹក​ភ្នែក​នៅ​ក្នុង​ពិធី​បញ្ចុះ​​សព​ស្វាមី​គឺ អៀង សារី នៅ​ស្រុក​ម៉ាឡៃ​ខេត្ត​បាត់ដំបង​កាល​ពី​ថ្ងៃ​ទី​២១ ខែ​មីនា ឆ្នាំ​២០១៣។
    អៀង ធីរិទ្ធ អតីត​រដ្ឋ​មន្ត្រី​ក្រសួង​សង្គមកិច្ច​នៅ​សម័យ​ខ្មែរ​ក្រហម ឆ្នាំ​នេះ​អាយុ៨២​ឆ្នាំ ​ក្នុង​រូបថត​នេះ​ស្រក់​ទឹក​ភ្នែក​នៅ​ក្នុង​ពិធី​បញ្ចុះ​​សព​ស្វាមី​គឺ អៀង សារី នៅ​ស្រុក​ម៉ាឡៃ​ខេត្ត​បាត់ដំបង​កាល​ពី​ថ្ងៃ​ទី​២១ ខែ​មីនា ឆ្នាំ​២០១៣។
    គង់ សុឋានរិទ្ធ
    សមាជិក​គ្រួសារ​និង​មេធាវី​របស់​ជនជាប់​ចោទ អៀង ធីរិទ្ធ បាន​ឲ្យ​ដឹង​ថា​ អៀង ធីរិទ្ធ ដែល​កំពុង​ស្ថិត​នៅ​ក្រៅ​ការ​ឃុំឃាំង​បណ្តោះ​អាសន្ន នៅ​តែមាន​សភាព​ធ្ងន់ធ្ងរ​និង​មិន​អាច​បរិភោគ​អាហារ​បាន។

    លោក អៀង វុធ អភិបាល​រង​ខេត្ត​ប៉ៃលិន និង​ជា​កូន​ប្រុស​បង្កើត​របស់ អៀង ធីរិទ្ធ មាន​ប្រសាសន៍​តាម​ទូរសព្ទ​ថា ម្តាយ​របស់​លោកដាច់​បាយ​និង​បាត់​បង់​ស្មារតីដែល​មិន​អាច​និយាយ​រក​កូន​ចៅ​បាន។

    «គាត់​នៅ​ស្ថាន​ភាព​ដដែល​ហើយ​គេ​ដាក់​ម៉ាស៊ីន​អុក​ស៊ីសែន​សម្រាប់​ជួយ​ដល់​ការ​ដក​ដង្ហើម។ ហើយ​ម្ហូប​អាហារ ដូចជា​ទឹក​ដោះ​គោ​គេ​ដាក់​បញ្ចូល​ទៅ​ក្រពះ​តាម​ទុយោ»។

    អៀង ធីរិទ្ធ ត្រូវ​បញ្ជូន​ទៅ​កាន់​មន្ទីរ​ពេទ្យ​មួយ​ក្នុង​ប្រទេស​ថៃ​ចាប់​តាំង​ពី​ខែ​មីនា។

    លោក​អៀង វុធ បញ្ជាក់​ថា ម្តាយ​របស់​លោក​មាន​សភាព​ទ្រុឌទ្រោម​ខ្លាំង​ហើយ​ក្រុម​គ្រូពេទ្យ​មិន​ទាន់​អាច​បញ្ជាក់​បាន​ថា​តើ​ម្តាយ​របស់​លោក​អាច​ចាក​ចេញ​ពី​មន្ទីរ​ពេទ្យ​បាន​នៅ​ពេល​ណា​នោះ​ទេ។

    «គាត់​មាន​ទឹក​នៅ​ក្នុង​សួត តម្រង​នោម​មិន​សូវ​ដំណើរការ បេះដូង​ដើរ​មិន​ត្រូវ​សង្វាក់ និង​មាន​ឈាម​ចេញ​តាម​អញ្ចាញ​ធ្មេញ។ ពិបាក​សន្និដ្ឋាន​ណាស់​ព្រោះ​គាត់​មាន​វ័យ​ចំណាស់​ណាស់​ហើយ។ យើង​មាន​ការ​ព្រួយ​បារម្ភ​ច្រើន»។

    អៀង ធីរិទ្ធ អតីត​រដ្ឋ​មន្ត្រី​ក្រសួង​សង្គមកិច្ច​នៅ​សម័យ​ខ្មែរ​ក្រហម ឆ្នាំ​នេះ​អាយុ៨២​ឆ្នាំ។ ​គាត់​ត្រូវ​ចាប់​ខ្លួន​ដោយ​សាលា​ក្តីខ្មែរក្រហម​នៅ​ឆ្នាំ​២០០៧​ក្នុង​ចំណោម​អតីត​មេដឹក​នាំ​កំពូល​ខ្មែរ​ក្រហម​ចំនួនបី​នាក់​ផ្សេង​ទៀត​ដែល​ក្នុង​នោះ​មានស្វាមី​របស់​គាត់​ដែរ​គឺ​ អៀង សារី។ ជនជាប់​ចោទ អៀង សារី ដែល​បាន​ស្លាប់​កាល​ពី​ឆ្នាំ​មុន​នៅ​មន្ទីរ​ពេទ្យ​ក្នុង​ទីក្រុង​ភ្នំពេញ។

    ជន​ជាប់​ចោទ​ទាំង​បួន​បាន​ត្រូវ​ចោទ​ប្រកាន់​ពី​ឧក្រិដ្ឋកម្ម​ប្រល័យ​ពូជសាសន៍ ឧក្រិដ្ឋកម្ម​សង្គ្រាម​និង​ឧក្រិដ្ឋ​កម្ម​ប្រឆាំង​មនុស្សជាតិ ទាក់​ទង​នឹង​ការ​ស្លាប់និង​ការ​សម្លាប់​ប្រជាពលរដ្ឋ​ខ្មែរ​យ៉ាង​តិច​១,៧លាន​នាក់​ចន្លោះ​ពី​ឆ្នាំ​១៩៧៥​ដល់​ឆ្នាំ១៩៧៩។

    អៀង ធីរិទ្ធ ត្រូវ​ដោះ​លែង​ឲ្យ​ស្ថិត​នៅ​ក្រៅ​ឃុំ​ក្រោម​ការ​តាម​ឃ្លាំ​មើល​របស់​តុលាការ​កាល​ពី​ខែ​កញ្ញា ឆ្នាំ​២០១២ ដោយសារ​ជំងឺ​វង្វេង​វង្វាន់​ធ្ងន់​ធ្ងរ។

    លោក​ផាត់ ពៅស៊ាង សហមេធាវី​កម្ពុជា​របស់​អៀង ធីរិទ្ធ អះអាង​ថា លោក​ទើប​នឹង​បាន​ទូរសព្ទ​ទៅ​កាន់​កូនៗ​របស់​កូន​ក្តី​លោក។ លោក​បាន​ទទួល​ដំណឹង​ថា សុខភាព​កូន​ក្តី​របស់​លោក​មិន​បាន​ប្រសើរ​នោះ​ទេ។

    «ស្ថានភាព​ហ្នឹង​គឺ​នៅ​ដដែល»។

    លោក នេត្រ ភក្ត្រា អ្នក​នាំ​ពាក្យ​សាលាក្តី​ខ្មែរ​ក្រហមបញ្ជាក់​ថា តុលាការ​កូន​កាត់​នេះ​បាន​តាម​ដាន​សភាព​ជំងឺ​របស់​ជនជាប់​ចោទ ប៉ុន្តែ​មិន​ទាន់​មាន​គម្រោង​ក្នុង​ការ​បញ្ជូន​ក្រុម​អ្នក​ជំនាញ​ទៅ​អង្កេត​ផ្ទាល់​នៅមន្ទីរពេទ្យ​របស់​ជនជាប់​ចោទអៀង ធីរិទ្ធ នោះទេ។

    លោក​បញ្ជាក់​ថា របាយការណ៍​ជំងឺ​ពី​មន្ទីរពេទ្យ​ដែល​សាលាក្តី​ខ្មែរក្រហម​ទទួល​បាននោះ​គឺជា​ការ​សម្ងាត់៕

    អ្នក​ប្រហែល​ចូលចិត្ត​ព័ត៌មាន​ទាំង​នេះ​

    សំណុំរឿងមន្ត្រីអាដហុក និងលោក នី ចរិយា ទៅដល់ដៃតុលាការ

    មន្ត្រី​ជាន់​ខ្ពស់​ផ្នែក​ស៊ើប​អង្កេត​របស់​សមាគម​សិទ្ធិ​មនុស្ស​អាដ​ហុក​ចំនួន​៤រូប និង​លោក នី ចរិយា ត្រូវ​បាន​បញ្ជូន​ទៅ​បង្ហាញ​ខ្លួន​នៅ​ចំពោះ​​មុខ​​ស្ថាប័ន​​អយ្យការ​​នៃ​​សាលា​ដំបូង​រាជធានី​ភ្នំពេញ នៅ​ល្ងាច​ថ្ងៃ​សៅរ៍ ទី៣០ ខែមេសា ឆ្នាំ​២០១៦​នេះ។ ពត៌មាន​លម្អិត

    វីដេអូ បទសម្ភាសន៍​ VOA ជាមួយ​លោក ម៉េង គឹម​ឡុង៖ ការថតរូបនិងវីដេអូពីលើអាកាស ដោយយន្តហោះបញ្ជាដោយស្វ័យប្រវត្តិ

    ការថត​រូប​និង​វីដេអូ​ពី​លើ​អាកាស​ដោយ​យន្តហោះ​បញ្ជា​ drone (ដ្រូន) កំពុង​តែ​មាន​ការពេញ​និយម​នៅ​ទូទាំង​ពិភព​លោក។ ប៉ុន្តែ​ការប្រើប្រាស់ drone ក៏​មាន​ភាព​ចម្រូង​ចម្រាស​ផង​ដែរ​ ដោយ​សារ​វា​អាច​ប៉ះ​ពាល់​សិទ្ធិ​រស់នៅ​ជា​ឯកជន​របស់​ប្រជាពលរដ្ឋ​ទូទៅ​និង​សន្តិសុខ​សាធារណៈ​។ ពត៌មាន​លម្អិត

    បទ​សម្ភាសន៍ VOA៖ លោក​សុន ឆ័យ​ថា​គណបក្ស​សង្គ្រោះ​ជាតិ​កំពុង​ពង្រឹង​សមត្ថភាព​ផ្ទៃ​ក្នុង​ ទោះ​បី​មេដឹកនាំ​កំពុង​រង​បញ្ហា​នយោបាយ​ក៏​ដោយ

    លោក ​ស៊ុន ឆ័យ​ ប្រធាន​ក្រុម​តំណាងរាស្ត្រ​របស់​គណបក្ស​សង្គ្រោះ​ជាតិ​និយាយ​ថា​ លោក​និង​ក្រុម​ការងារ​របស់​លោក​កំពុង​តែ​ខិត​ខំ​ធ្វើ​ការ​ដើម្បី​ពង្រឹង​សមត្ថភាព​របស់​សមាជិក​គណបក្ស​សង្គ្រោះ​ជាតិ​សម្រាប់​ការ​បោះ​ឆ្នោត​ឃុំ​សង្កាត់​និង​ការ​បោះ​ឆ្នោត​ជ្រើសរើស​តំណាងរាស្ត្រ​សម្រាប់​នីតិកាល​ទី​៦​នៃ​រដ្ឋសភា។ ពត៌មាន​លម្អិត

    Your JavaScript is turned off or you have an old version of Adobe's Flash Player. Get the latest Flash player.
    បទសម្ភាសន៍​ VOA ជាមួយ​លោក ម៉េង គឹម​ឡុង៖ ការថតរូបនិងវីដេអូពីលើអាកាស ដោយយន្តហោះបញ្ជាដោយស្វ័យប្រវត្តិi
    X
    នូវ ពៅលក្ខិណា
    30 មេសា 2016
    ការថត​រូប​និង​វីដេអូ​ពី​លើ​អាកាស​ដោយ​យន្តហោះ​បញ្ជា​ drone (ដ្រូន) កំពុង​តែ​មាន​ការពេញ​និយម​នៅ​ទូទាំង​ពិភព​លោកដោយ​សារ​ drone នា​ពេល​បច្ចុប្បន្ន​មាន​តម្លៃ​សមរម្យ​ ។ ប៉ុន្តែ​ការប្រើប្រាស់ drone ក៏​មាន​ភាព​ចម្រូង​ចម្រាស​ផង​ដែរ​ ដោយ​សារ​វា​អាច​ប៉ះ​ពាល់​សិទ្ធិ​រស់នៅ​ជា​ឯកជន​របស់​ប្រជាពលរដ្ឋ​ទូទៅ​និង​សន្តិសុខ​សាធារណៈ​។
    Your JavaScript is turned off or you have an old version of Adobe's Flash Player. Get the latest Flash player.
    រាជធានី​ភ្នំពេញ​ផ្លាស់ប្តូរ​ក្នុង​ពេល​មួយ​ប៉ប្រិច​ភ្នែក​ដោយសារ​វិនិយោគ​បរទេសi
    X
    28 មេសា 2016
    អ្នក​វិនិយោគ​បរទេស​កំពុង​តែ​ប្រញាប់​ប្រញ៉ាល់​បណ្តាក់​ទុន​នៅ​ក្នុង​ទីផ្សារ​អចលនទ្រព្យ ដែល​ទើបតែ​ងើប​ឡើង​វិញ​នៅ​កម្ពុជា។ សំណង់​អាគារ​ខ្ពស់ៗ​ក្នុង​រាជធានី​ភ្នំពេញ​កំពុង​រីកលូត​លាស់​ក្នុង​រយៈ​ពេល​មួយ​ប៉ប្រិច​ភ្នែក ប៉ុន្តែ​ការ​លូតលាស់​យ៉ាង​លឿន​នេះ​កំពុង​តែ​ចោទ​ជា​សំណួរ​ជាច្រើន​អំពី​ ថា​តើ​វិនិយោគ​ទាំង​អស់​នេះ​មក​ពី​ណា​ និង​ថា​តើ​វា​ផ្តល់​ផល​ប៉ះពាល់​អ្វី​ខ្លះ​ដល់​ទីផ្សារ​ក្នុង​ស្រុក។​ លោក​ David Boyle រាយការណ៍​អំពី​រឿងនេះ​ពី​រាជធានី​ភ្នំពេញ។​ នាង​ ហុង​ ចិន្តា​ជូន​សេចក្តី​ប្រែ​សម្រួល៕

    អង់គ្លេស​ជាមួយ​ម៉ានី​និង​ម៉ូរី

    Your JavaScript is turned off or you have an old version of Adobe's Flash Player. Get the latest Flash player.
    Get Over It ឈប់​គិត​ពី​រឿង​នេះ​ទៅi
    X
    06 មេសា 2016
    ឃ្លា get over it ប្រើ​នៅ​ពេល​ណា​ដែល​យើង ចង់​ប្រាប់​នរណា​ម្នាក់ ឲ្យ​ឈប់​បារម្ភ ឈប់​ត្អូញត្អែរ ឈប់​វក់ ឬ​ក៏​ឈប់​ពិបាក​ចិត្ត​នឹង​អ្វី​មួយ។ ហើយ ឃ្លា​នេះ​ក៏​មាន​ន័យ​ថា ត្រូវតែ​ជម្នះ ពេល​ជួប​ការលំបាក​នោះ​ផងដែរ។ ដើម្បី​ឲ្យ​យល់​កាន់តែ​ច្បាស់​សូម​មើល​វីដេអូ​កម្មវិធី​រៀន​គ្រាម​ភាសា​អង់គ្លេស​ជាមួយ​ម៉ានី​និង​ម៉ូរី។ កម្មវិធី​នេះ ក៏​មាន​ដាក់​ផ្សាយ​ជូន​រាល់​ថ្ងៃសុក្រ​លើ​គេហទំព័រ Facebook https://www.facebook.com/voakhmer និង YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
    Your JavaScript is turned off or you have an old version of Adobe's Flash Player. Get the latest Flash player.
    ការកើន​ឡើង​យ៉ាង​ខ្លាំង​ផ្នែក​បច្ចេកវិទ្យា​ធ្វើ​ឲ្យ​តម្លៃ​ជួល​ផ្ទះ​នៅ​ទីក្រុង​សាន់ហ្រ្វាន់ស៊ីស្កូ​កើន​ឡើង​កប់​ពពកi
    X
    29 មេសា 2016
    តម្លៃ​ផ្ទះ​នៅ​ទីក្រុង​សាន់ហ្រ្វាន់ស៊ីស្កូ ឡើង​ខ្ពស់​កប់​ពពក​ ដោយ​សារ​តែ​ការលូតលាស់​នៃ​សេដ្ឋ​កិច្ច​និង​ការ​កើន​ឡើង​នៃ​ឧស្សាហកម្ម​បចេ្ចកវិទ្យា​ជាន់​ខ្ពស់។ បញ្ហា​នេះ​គឺ​មាន​នៅ​ទីក្រុង​រហូត​ដល់​ជាយ​ក្រុង​ ប៉ុន្តែ​លោក​ Mike O'Sullivan រាយការណ៍​មក​ថា​ តំបន់​ប្រវត្តិសាស្ត្រ​ Chinatown ឬ​ភូមិ​ចិន​នោះ​ តម្លៃ​អចលនទ្រព្យ​នៅ​ទី​នោះ​ខ្ពស់​កប់​ពពក​រាប់​ទសវត្សរ៍​មក​ហើយ។​ នាង​ ស្រេង​ លក្ខិណា​ ជូន​សេចក្តី​ប្រែ​សម្រួល៕