សិទ្ធិ​មនុស្ស

    ព្រះសង្ឃ​ខ្មែរ​កម្ពុជា​ក្រោម​មួយអង្គ​ត្រូវផ្សឹក​នៅ​ប្រទេស​វៀត​ណាម​

    ព្រះសង្ឃ​ខ្មែរកម្ពុជា​ក្រោមព្រះសង្ឃ​ខ្មែរកម្ពុជា​ក្រោម
    x
    ព្រះសង្ឃ​ខ្មែរកម្ពុជា​ក្រោម
    ព្រះសង្ឃ​ខ្មែរកម្ពុជា​ក្រោម
    វ៉ាស៊ីនតោន​៖ ព្រះសង្ឃ​ខ្មែរកម្ពុជា​ក្រោមមួយអង្គ​ព្រះនាម​ ថាច់ ធឿន​ (Thach Thuon) ​ គង់នៅ​វត្ត​មួយ​ក្នុង​ទឹកដី​កម្ពុជាក្រោម​ត្រូវ​អាជ្ញាធរ​វៀតណាម​បញ្ជា​ឲ្យ​ចាប់ផ្សឹក​ក្នុង​រយៈ​ពេល​បីថ្ងៃ ​ក្រោមបទ​ចោទ​ប្រកាន់​ថា​ បាន​រំលោភ​ច្បាប់​ប្រទេស​វៀតណាម។​ ប៉ុន្តែ ព្រះ​សង្ឃ​រង​គ្រោះ​និង​ក្រុម​សកម្មជន​បាន​បញ្ជាក់​ថា​ នេះ​ជាការ​រំលោភ​លើ​សិទ្ធិ​ ជំនឿ​សាសនា​ និង​សិទ្ធិ​មនុស្ស។​

    ព្រះ​តេជគុណ​ថាច់ ធឿន​ ព្រះជន្ម​២៥វស្សា​ បួស​៧​ព្រះវស្សា​នៅវត្ត​សិរីតាសេក​ ភូមិ​តាសេក​ ឃុំតាសេក​ ស្រុក​ជ្រោយញរ​ (Vinhchau)​ ខេត្តឃ្លាំង​ (Soc Trang)​ ត្រូវ​អាជ្ញាធរ​វៀតណាម​ចោទ​ប្រកាន់​ពីបទ​លួច​ទាក់ទង​ជា​មួយ​សហ​ព័ន្ធខ្មែរ​កម្ពុជា ក្រោម​ដែល​មាន​មូលដ្ឋាន​នៅ​ស.រ.អា.​ និង​បាន​បង្រៀន​ប្រវត្តិសាស្ត្រ​ខ្មែរ​ដល់​ព្រះ​សង្ឃ​ដទៃ​ គឺ​ខុសច្បាប់​វៀតណាម​ ដោយ​មិនមែន​បង្រៀន​ធម៌​វិន័យ​ពុទ្ធសាសនា​ទេ​ នេះ​បើតាមដីការ​ផ្សឹក​រយៈ​ពេល​បីថ្ងៃ​ដែល​បញ្ជូន​ចេញ​តាំង​ពីថ្ងៃ​២៨​កក្កដា។ ​

    មាន​សង្ឃដីការ​ប្រាប់​វីអូអេ​តាម​ប្រព័ន្ធ​អេឡិចត្រូនិច​ពី​ប្រទេស​វៀតណាម​ ព្រះ​តេជគុណថាច់ ធឿន​អះអាង​ថា​ ព្រះតេជ​គុណ​ពុំបាន​ធ្វើអ្វី​ខុស​ជាមួយ​នឹងច្បាប់​សាសនា​និង​ច្បាប់​រដ្ឋវៀតណាម​ទេ។ ​

    «អត់ទទួល​បាន​ទេ។​ អត់ទទួល​នូវ​ដីការ​ដែលគេ​ចេញ​មក​ឲ្យ​អាត្មា​សិក​ហ្នឹង​ទេ។​ អាត្មា​មិន​ទទួលស្គាល់​ ហើយ​អាត្មា​មិន​សិក​ដាច់ខាត​ ព្រោះអាត្មា​មិន​បាន​ធ្វើអ្វី​ខុស​នឹង​ច្បាប់​ទាំង​ពីរ​នេះ»។​

    តាម​ដីការ​ ឬ​បទបញ្ជា​មួយ​ចេញដោយ​គណៈសង្ឃ​ខេត្តឃ្លាំង​ ដែល​វីអូអេ​ទទួល​បាន ​អាជ្ញាធរ​វៀតណាម​បាន​បង្ខំ​ឲ្យ​ព្រះ​តេជ​គុណ​ថាច់ ធឿន សិក​នៅថ្ងៃទី៣១​ខែ​ កក្កដា​នេះ។​

    ព្រះ​តេជ​គុណថាច់ ធឿន​បាន​អះអាង​ដែរ​ថា ​អាជ្ញាធរ​វៀតណាម​បាន​ជូន​ដំណឹង​ ដល់​វត្តខ្មែរកម្ពុជា​ក្រោម​ជាង​៧០​វត្ត​ឲ្យ​បាន​ដឹង​ពីការ​ផ្សឹក​ដើម្បី​ឲ្យ​វត្ត​ផ្សេងៗ​ទៀត​ឈប់​ទទួល​ស្គាល់​ព្រះ​តេជគុណ​ថាច់ ធឿន។​

    ពលរដ្ឋ​ខ្មែរកម្ពុជា​ក្រោម​ដែល​រស់នៅ​ក្នុងអតីតទឹកដី​កម្ពុជា​ក្រោម​តែត្រូវ​វៀតណាម​កាន់​កាប់​នោះ​ ត្រូវ​គេ​រាយ​ការណ៍​មកថា​ មាន​ការ​រិតត្បិត​ជំនឿ​សាសនា​ រៀនសូត្រ​ ពី​ប្រវត្តិសាស្ត្រ​ខ្មែរ​ អក្សរសាស្ត្រ​ ប្រពៃណី ​ទំនៀម​ទម្លាប់​ខ្មែរ​ជាដើម។ ​ហើយ​ប្រទេស​វៀតណាម​បាន​ក្លាយ​ជា​ប្រទេស​មាន​ប្រវត្តិ​មិន​ល្អ​ខាង​ការ​រំលោភ​សិទ្ធិ​មនុស្ស​និង​សេរីភាព​សាសនា​ជាដើម។​ ប្រទេស​វៀតណាម​បដិសេធ​ជារឿយៗ​ ដោយ​ចាត់ទុក​ថា ​ជាការ​មួល​បង្កាច់។​

    លោក​ថាច់ ង៉ុកថាច់ ​ប្រធាន​សហព័ន្ធ​ខ្មែរកម្ពុជា​ក្រោម​នៅស.រ.អា.​ បាន​អះអាង​ថា​ ការ​បញ្ជា​ឲ្យផ្សឹក​ព្រះ​សង្ឃ​ខ្មែរកម្ពុជា​ក្រោម​ ព្រះតេជគុណ​ថាច់ ធឿន​នេះ​ ជា​ការ​រំលោភ​បំពាន​ថ្មី​ទៀត​លើ​សេរីភាព​សាសនា​សម្រាប់​បង​ប្អូន​ខ្មែរ​កម្ពុជាក្រោម​ដែល​កំពុង​រស់នៅ​លើ​ទឹក​ដីខ្មែរ​កម្ពុជា​ក្រោម​ដែល​វៀតណាម​កាន់កាប់។​

    «មាន​ការ​រំលោភ​ជា​បន្តបន្ទាប់។​ នៅ​ពេល​នេះ​នៅវត្ត​សិរីតាសេក​ ខេត្ត​ឃ្លាំង​ហ្នឹង គឺ​ថា​ គេដាក់​គំនាប​ ចង់​បំបែក​បំបាក់​ដល់​ស្មារតី​ព្រះសង្ឃ​ ដល់ស្មារតី​បងប្អូន​ខ្មែរ យើង​ ហើយ​ចោទ​ថា​ វត្តហ្នឹង​ជាវត្ត​ដែល​មានការ​ប្រឆាំង​ជំទាស់​ជា​ហូរហែរ​ជា​មួយ​នឹង​រដ្ឋាភិបាល​(វៀតណាម)»។​

    លោក​ថាច់ ង៉ុកថាច់​បាន​ចេញ​សេចក្តី​ថ្លែងការណ៍​រិះគន់​អាជ្ញាធរ​វៀតណាម​ ដោយ​បាន​ទាមទារ​ឲ្យ​មាន​ការ​បញ្ឈប់ការ​ផ្សឹក​ព្រះសង្ឃ​ខ្មែរ​កម្ពុជា​ក្រោម។​ លោក​បាន​ថ្លែង​ថា៖​

    «នៅក្នុង​បរិបទ​នេះ​ យើង​សូម​ជំរុញ​ដល់​ស្ថានទូត​បរទេស​នានា​ក្នុង​ប្រទេស​វៀតណាម​និង​អង្គការ​សង្គមស៊ីវិល​ក្នុង​ពិភព ​លោក​ឲ្យ​ជំរុញ​ដល់​វៀតណាម​ ឲ្យ​បោះបង់​ចោល​ការ​ផ្សឹក​ព្រះតេជ​គុណថាច់ ធឿន​ដោយ​ឥត​លក្ខខណ្ឌ​ និង​រំឭក​ដល់​វៀតណាម​ថា​ សរីភាព​សាសនា​ជា​សិទ្ធិ​ មិនមែន​ជា​ឯក​សិទ្ធិ​ ដែល​ត្រូវ​ផ្តល់​ឲ្យដោយ​រដ្ឋាភិបាល​វៀតណាម​ទេ»។​

    មន្ត្រី​វៀតណាម​នៅខេត្ត​ឃ្លាំង​និង​មន្ត្រី​អ្នក​នាំពាក្យ​រដ្ឋាភិបាល​ពុំអាចទាក់ទង​បាន​ ដើម្បី​អត្ថាធិប្បាយ​បំភ្លឺ​បាន​ទេ​នៅ​ថ្ងៃអង្គារ​នេះ។​

    ព្រះ​សង្ឃ​ខ្មែរកម្ពុជា​ក្រោម​ជាច្រើន​អង្គ​ ដូចជា​ព្រះតេជ​គុណគឹម មឿន​ ព្រះតេជ​គុណ​លី សូល​ត្រូវ​ចាប់ដាក់គុក​ ចាប់​ផ្សឹក​ជា​បន្តបន្ទាប់​តាំងពីឆ្នាំ​២០០៧​មក​ ដោយ​សារតែការ​សម្តែង​មតិ​ និង​សកម្មភាព​នានា​ជំទាស់ទៅនឹង​បម្រាម​របស់​អាជ្ញាធរ​វៀតណាម​ក្នុង​ការ​លើក​ស្ទួយ​សាសនា៕​

    អ្នក​ប្រហែល​ចូលចិត្ត​ព័ត៌មាន​ទាំង​នេះ​

    សំណុំរឿងមន្ត្រីអាដហុក និងលោក នី ចរិយា ទៅដល់ដៃតុលាការ

    មន្ត្រី​ជាន់​ខ្ពស់​ផ្នែក​ស៊ើប​អង្កេត​របស់​សមាគម​សិទ្ធិ​មនុស្ស​អាដ​ហុក​ចំនួន​៤រូប និង​លោក នី ចរិយា ត្រូវ​បាន​បញ្ជូន​ទៅ​បង្ហាញ​ខ្លួន​នៅ​ចំពោះ​​មុខ​​ស្ថាប័ន​​អយ្យការ​​នៃ​​សាលា​ដំបូង​រាជធានី​ភ្នំពេញ នៅ​ល្ងាច​ថ្ងៃ​សៅរ៍ ទី៣០ ខែមេសា ឆ្នាំ​២០១៦​នេះ។ ពត៌មាន​លម្អិត

    វីដេអូ បទសម្ភាសន៍​ VOA ជាមួយ​លោក ម៉េង គឹម​ឡុង៖ ការថតរូបនិងវីដេអូពីលើអាកាស ដោយយន្តហោះបញ្ជាដោយស្វ័យប្រវត្តិ

    ការថត​រូប​និង​វីដេអូ​ពី​លើ​អាកាស​ដោយ​យន្តហោះ​បញ្ជា​ drone (ដ្រូន) កំពុង​តែ​មាន​ការពេញ​និយម​នៅ​ទូទាំង​ពិភព​លោក។ ប៉ុន្តែ​ការប្រើប្រាស់ drone ក៏​មាន​ភាព​ចម្រូង​ចម្រាស​ផង​ដែរ​ ដោយ​សារ​វា​អាច​ប៉ះ​ពាល់​សិទ្ធិ​រស់នៅ​ជា​ឯកជន​របស់​ប្រជាពលរដ្ឋ​ទូទៅ​និង​សន្តិសុខ​សាធារណៈ​។ ពត៌មាន​លម្អិត

    បទ​សម្ភាសន៍ VOA៖ លោក​សុន ឆ័យ​ថា​គណបក្ស​សង្គ្រោះ​ជាតិ​កំពុង​ពង្រឹង​សមត្ថភាព​ផ្ទៃ​ក្នុង​ ទោះ​បី​មេដឹកនាំ​កំពុង​រង​បញ្ហា​នយោបាយ​ក៏​ដោយ

    លោក ​ស៊ុន ឆ័យ​ ប្រធាន​ក្រុម​តំណាងរាស្ត្រ​របស់​គណបក្ស​សង្គ្រោះ​ជាតិ​និយាយ​ថា​ លោក​និង​ក្រុម​ការងារ​របស់​លោក​កំពុង​តែ​ខិត​ខំ​ធ្វើ​ការ​ដើម្បី​ពង្រឹង​សមត្ថភាព​របស់​សមាជិក​គណបក្ស​សង្គ្រោះ​ជាតិ​សម្រាប់​ការ​បោះ​ឆ្នោត​ឃុំ​សង្កាត់​និង​ការ​បោះ​ឆ្នោត​ជ្រើសរើស​តំណាងរាស្ត្រ​សម្រាប់​នីតិកាល​ទី​៦​នៃ​រដ្ឋសភា។ ពត៌មាន​លម្អិត

    Your JavaScript is turned off or you have an old version of Adobe's Flash Player. Get the latest Flash player.
    បទសម្ភាសន៍​ VOA ជាមួយ​លោក ម៉េង គឹម​ឡុង៖ ការថតរូបនិងវីដេអូពីលើអាកាស ដោយយន្តហោះបញ្ជាដោយស្វ័យប្រវត្តិi
    X
    នូវ ពៅលក្ខិណា
    30 មេសា 2016
    ការថត​រូប​និង​វីដេអូ​ពី​លើ​អាកាស​ដោយ​យន្តហោះ​បញ្ជា​ drone (ដ្រូន) កំពុង​តែ​មាន​ការពេញ​និយម​នៅ​ទូទាំង​ពិភព​លោកដោយ​សារ​ drone នា​ពេល​បច្ចុប្បន្ន​មាន​តម្លៃ​សមរម្យ​ ។ ប៉ុន្តែ​ការប្រើប្រាស់ drone ក៏​មាន​ភាព​ចម្រូង​ចម្រាស​ផង​ដែរ​ ដោយ​សារ​វា​អាច​ប៉ះ​ពាល់​សិទ្ធិ​រស់នៅ​ជា​ឯកជន​របស់​ប្រជាពលរដ្ឋ​ទូទៅ​និង​សន្តិសុខ​សាធារណៈ​។
    Your JavaScript is turned off or you have an old version of Adobe's Flash Player. Get the latest Flash player.
    រាជធានី​ភ្នំពេញ​ផ្លាស់ប្តូរ​ក្នុង​ពេល​មួយ​ប៉ប្រិច​ភ្នែក​ដោយសារ​វិនិយោគ​បរទេសi
    X
    28 មេសា 2016
    អ្នក​វិនិយោគ​បរទេស​កំពុង​តែ​ប្រញាប់​ប្រញ៉ាល់​បណ្តាក់​ទុន​នៅ​ក្នុង​ទីផ្សារ​អចលនទ្រព្យ ដែល​ទើបតែ​ងើប​ឡើង​វិញ​នៅ​កម្ពុជា។ សំណង់​អាគារ​ខ្ពស់ៗ​ក្នុង​រាជធានី​ភ្នំពេញ​កំពុង​រីកលូត​លាស់​ក្នុង​រយៈ​ពេល​មួយ​ប៉ប្រិច​ភ្នែក ប៉ុន្តែ​ការ​លូតលាស់​យ៉ាង​លឿន​នេះ​កំពុង​តែ​ចោទ​ជា​សំណួរ​ជាច្រើន​អំពី​ ថា​តើ​វិនិយោគ​ទាំង​អស់​នេះ​មក​ពី​ណា​ និង​ថា​តើ​វា​ផ្តល់​ផល​ប៉ះពាល់​អ្វី​ខ្លះ​ដល់​ទីផ្សារ​ក្នុង​ស្រុក។​ លោក​ David Boyle រាយការណ៍​អំពី​រឿងនេះ​ពី​រាជធានី​ភ្នំពេញ។​ នាង​ ហុង​ ចិន្តា​ជូន​សេចក្តី​ប្រែ​សម្រួល៕

    អង់គ្លេស​ជាមួយ​ម៉ានី​និង​ម៉ូរី

    Your JavaScript is turned off or you have an old version of Adobe's Flash Player. Get the latest Flash player.
    Get Over It ឈប់​គិត​ពី​រឿង​នេះ​ទៅi
    X
    06 មេសា 2016
    ឃ្លា get over it ប្រើ​នៅ​ពេល​ណា​ដែល​យើង ចង់​ប្រាប់​នរណា​ម្នាក់ ឲ្យ​ឈប់​បារម្ភ ឈប់​ត្អូញត្អែរ ឈប់​វក់ ឬ​ក៏​ឈប់​ពិបាក​ចិត្ត​នឹង​អ្វី​មួយ។ ហើយ ឃ្លា​នេះ​ក៏​មាន​ន័យ​ថា ត្រូវតែ​ជម្នះ ពេល​ជួប​ការលំបាក​នោះ​ផងដែរ។ ដើម្បី​ឲ្យ​យល់​កាន់តែ​ច្បាស់​សូម​មើល​វីដេអូ​កម្មវិធី​រៀន​គ្រាម​ភាសា​អង់គ្លេស​ជាមួយ​ម៉ានី​និង​ម៉ូរី។ កម្មវិធី​នេះ ក៏​មាន​ដាក់​ផ្សាយ​ជូន​រាល់​ថ្ងៃសុក្រ​លើ​គេហទំព័រ Facebook https://www.facebook.com/voakhmer និង YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
    Your JavaScript is turned off or you have an old version of Adobe's Flash Player. Get the latest Flash player.
    ការកើន​ឡើង​យ៉ាង​ខ្លាំង​ផ្នែក​បច្ចេកវិទ្យា​ធ្វើ​ឲ្យ​តម្លៃ​ជួល​ផ្ទះ​នៅ​ទីក្រុង​សាន់ហ្រ្វាន់ស៊ីស្កូ​កើន​ឡើង​កប់​ពពកi
    X
    29 មេសា 2016
    តម្លៃ​ផ្ទះ​នៅ​ទីក្រុង​សាន់ហ្រ្វាន់ស៊ីស្កូ ឡើង​ខ្ពស់​កប់​ពពក​ ដោយ​សារ​តែ​ការលូតលាស់​នៃ​សេដ្ឋ​កិច្ច​និង​ការ​កើន​ឡើង​នៃ​ឧស្សាហកម្ម​បចេ្ចកវិទ្យា​ជាន់​ខ្ពស់។ បញ្ហា​នេះ​គឺ​មាន​នៅ​ទីក្រុង​រហូត​ដល់​ជាយ​ក្រុង​ ប៉ុន្តែ​លោក​ Mike O'Sullivan រាយការណ៍​មក​ថា​ តំបន់​ប្រវត្តិសាស្ត្រ​ Chinatown ឬ​ភូមិ​ចិន​នោះ​ តម្លៃ​អចលនទ្រព្យ​នៅ​ទី​នោះ​ខ្ពស់​កប់​ពពក​រាប់​ទសវត្សរ៍​មក​ហើយ។​ នាង​ ស្រេង​ លក្ខិណា​ ជូន​សេចក្តី​ប្រែ​សម្រួល៕