ប័ណ្ណសារ

    ពូជ​សត្វ​​​និង​រុក្ខជាតិ​ត្រូវ​បាន​រក​ឃើញ​ថ្មី​នៅ​តំបន់​ទន្លេ​មេគង្គ

    មន្ត្រី​ការពារសត្វ​ព្រៃ​ខ្មែរ​កំពុង​ពិនិត្យ​មើល​កាម៉េរ៉ា​ថត​សត្វ​កម្រ​នៅ​ឧទ្យាន​ជាតិ​វីរៈជ័យ​​កាល​ពី​ឆ្នាំ​១៩៩៩។ ដោយ​សារ​សង្គ្រាម​ជា​ច្រើន​ឆ្នាំ​នៅ​ក្នុង​ប្រទេស​​កម្ពុជា​និង​តំបន់​ទន្លេ​មេគង្គ អ្នក​អភិរក្ស​និង​ស្រាវជ្រាវ​សត្វ​ព្រៃ​​ទើប​តែ​មាន​ឱកាស​រក​ឃើញ​
    មន្ត្រី​ការពារសត្វ​ព្រៃ​ខ្មែរ​កំពុង​ពិនិត្យ​មើល​កាម៉េរ៉ា​ថត​សត្វ​កម្រ​នៅ​ឧទ្យាន​ជាតិ​វីរៈជ័យ​​កាល​ពី​ឆ្នាំ​១៩៩៩។ ដោយ​សារ​សង្គ្រាម​ជា​ច្រើន​ឆ្នាំ​នៅ​ក្នុង​ប្រទេស​​កម្ពុជា​និង​តំបន់​ទន្លេ​មេគង្គ អ្នក​អភិរក្ស​និង​ស្រាវជ្រាវ​សត្វ​ព្រៃ​​ទើប​តែ​មាន​ឱកាស​រក​ឃើញ​

    ពូជ​សត្វ​និង​រុក្ខជាតិ​ត្រូវ​បាន​រក​ឃើញ​ថ្មី​នៅ​ក្នុង​ប្រទេស​ចំនួន​៦ តាម​បណ្ដោយ​ទន្លេ​មេគង្គ។ អង្គការ​មូលនិធិ​សម្រាប់​អភិរក្ស​ធម្មជាតិ​ WWF​ បាន​ឲ្យដឹង​នៅ​ថ្ងៃពុធ​នេះ​ថា ​គេ​បាន​រក​ឃើញពូជ​រុក្ខជាតិ​ស៊ី​សត្វ​ល្អិត​ជា​អាហារ​ សត្វ​ត្រី​ដែល​មាន​ចង្កូម ​និង​បាន​រកឃើញ​កង្កែប​ចម្លែកដែលមានសម្លេង​យំ​ដូច​ចង្រិត​ ដែល​កំពុង​រស់​នៅ​ក្នុង​បណ្ដា​ប្រទេស​នៃ​មហា​តំបន់​ទន្លេ​មេគង្គ។ សត្វ និង​រុក្ខជាតិ​ទាំង​នេះ​ ទាម​ទារ​ឲ្យ​មាន​ការ​អភិរក្ស​ជា​បន្ទាន់​ដើម្បី​ចៀស​វាង​ការ​វិនាស​ផុត​ពូជ។

    សេចក្ដី​ប្រកាស​ព័ត៌មាន​របស់​អង្គការ ​WWF ​បញ្ជាក់​ថា ​សត្វ​និង​រុក្ខជាតិ​ទាំង​នេះ​ស្ថិត​ក្នុង​ចំណោម​សត្វ និង​រុក្ខជាតិ​ចំនួន​១៤៥ ​ដែល​បាន​រក​ឃើញ​ក្នុង​បណ្ដា​ប្រទេស​មហា​តំបន់​ទន្លេមេគង្គដែល​មាន​កម្ពុជា​ វៀតណាម​ ឡាវ ​ភូមា ​ថៃ​ និង​ខេត្ត​យូណាន​នៃ​ប្រទេស​ចិន​ កាលពី​ឆ្នាំ​ ២០០៩។ ​នៅ​ក្នុងនោះ​ដែរ ​គេ​បាន​រកឃើញប្រភេទ​រុក្ខជាតិ​ថ្មីៗ​ និង​ពពួក​ថនិកសត្វ ​ឬ​សត្វ​ចិញ្ចឹម​កូននឹង​ទឹកដោះ​ចំនួន​ប្រាំ​ប្រភេទ ​គឺ​ជ្រឹង​ចំនួន​ពីរ​ប្រភេទ​ និង​កណ្ដុរ​ចំនួន​បី​ប្រភេទ។ គេ​ក៏​បាន​រក​ឃើញពស់​មានពិស​មួយ​ប្រភេទនិងពស់​គ្មាន​ចង្កូម​មួយ​ប្រភេទ​ផង​ដែរ។

    លោក ស្ទូអ៊ើត ឆេបមែន​ នាយក​កម្មវិធី​អភិរក្ស​នៃ​អង្គការ ​WWF ​ប្រចាំ​មហា​តំបន់​ទន្លេ​មេគង្គ​ មានប្រសាសន៍​ក្នុង​សេចក្ដី​ប្រកាស​ព័ត៌មាន​ថា ​«អត្រា​នៃ​របក​គំហើញ​ទាំងនេះ ​គឺ​ជា​ភាពអស្ចារ្យមួយសម្រាប់​យុគសម័យ​បច្ចុប្បន្ន»។ លោក​បាន​បន្ថែម​ថា «​ជា​រៀងរាល់​ឆ្នាំ​ការរក​ឃើញ​សត្វ ​និង​រុក្ខជាតិថ្មីៗបាន​បន្ដ​កើន​ឡើង។ ហើយ​ទន្ទឹម​នឹង​នេះ ​វា​ទាមទារ​ឲ្យ​មាន​ការ​ទទួល​ខុស​ត្រូវ​ទៅ​លើ​ការ​ការពារថែម​ទៀត​ដែរ ដើម្បី​ធានា​ថា ​ធនធាន​ជីវចម្រុះ​ដ៏​សម្បូរ​បែប​នៅ​ក្នុង​តំបន់​មេគង្គ​ត្រូវ​បាន​អភិរក្ស»។ លោក​ ទេព ​អស្នារិទ្ធ ​មន្ដ្រី​ផ្នែក​ព័ត៌មាន​របស់​អង្គការ​ WWF ​ប្រចាំ​កម្ពុជា​បាន​បញ្ជាក់​ថា​ នៅ​ក្នុង​ចំណោម​របក​គំហើញ​ថ្មី​នោះ ​រុក្ខជាតិ​ចំនួន​បី​ប្រភេទត្រូវ​បាន​រក​ឃើញ​នៅ​កម្ពុជា។ រុក្ខជាតិ​ទាំង​នោះរួម​មាន​រុក្ខជាតិ​ស៊ីសត្វ​ល្អិត​ដែល​មាន​នៅ​លើភ្នំ​បូកគោ​ រុក្ខជាតិ​មួយ​ប្រភេទ​នៅ​ភាគ​ខាង​ជើង​ប្រទេស​កម្ពុជា​ជាប់​នឹង​ភាគ​ខាង​ត្បូង​នៃ​ប្រទេស​ថៃ ​និង​មួយ​ប្រភេទ​ទៀត​នៅ​ខេត្តរតនគិរី។ លោក​ថ្លែង​ដូច្នេះ​ថា៖

    «នៅ​ក្នុង​ស្រុកខ្មែរ​យើង​ មានតែ​បី​ប្រភេទ​ទេ ​ពិសេស​រុក្ខជាតិ​ថ្មី»។

    សូម​បញ្ជាក់​ថា​ របាយការណ៍​ស្ដីអំពី​របក​គំហើញ​សត្វ ​និង​រុក្ខជាតិ​ថ្មីៗ​នៅ​ក្នុង​បណ្ដា​ប្រទេស​នៃ​មហាតំបន់​ទន្លេ​មេគង្គត្រូវ​បាន​ចេញ​ផ្សាយ​១១​ថ្ងៃ​ប៉ុណ្ណោះ​ មុន​នឹង​ការ​បើក​កិច្ចប្រជុំ​ស្ដីអំពី​ជីវៈចម្រុះ​ដែល​នឹង​ត្រូវ​ធ្វើ​នៅ​ទីក្រុង​ណាហ្គោយ៉ា​ប្រទេស​ជប៉ុន។ អង្គការ ​WWF ​បាន​អំពាវ​នាវ​ឲ្យ​បណ្ដា​ប្រទេស​ដែល​នឹង​ចូល​រួម​កិច្ចប្រជុំនោះ ​គិតគូរ​អំពី​ការ​ផ្ដល់​មូលនិធិ​សម្រាប់​ទ្រទ្រង់​ការ​អភិរក្ស​សត្វនិង​រុក្ខជាតិ​ប្រភេទ​ថ្មី​ដែល​ត្រូវ​បានរកឃើញ​ទាំងនេះ៕

    វេទិកា​​​បញ្ចេញ​​​មតិ​​​នេះ​​​ត្រូវ​​​បាន​​​បិទ។
    មតិ
         
    មិន​​​មាន​​​មតិ​​​នៅ​​​ក្នុង​​​វេទិកា​​​បញ្ចេញ​​​មតិ​​​នេះ​​​ទេ។ សូម​​​បញ្ចេញ​​​មតិ​​​ឲ្យ​​​បាន​​​មុន​​​គេ។
    Your JavaScript is turned off or you have an old version of Adobe's Flash Player. Get the latest Flash player.
    បទសម្ភាសន៍​ VOA ជាមួយ​លោក ម៉េង គឹម​ឡុង៖ ការថតរូបនិងវីដេអូពីលើអាកាស ដោយយន្តហោះបញ្ជាដោយស្វ័យប្រវត្តិi
    X
    នូវ ពៅលក្ខិណា
    30 មេសា 2016
    ការថត​រូប​និង​វីដេអូ​ពី​លើ​អាកាស​ដោយ​យន្តហោះ​បញ្ជា​ drone (ដ្រូន) កំពុង​តែ​មាន​ការពេញ​និយម​នៅ​ទូទាំង​ពិភព​លោកដោយ​សារ​ drone នា​ពេល​បច្ចុប្បន្ន​មាន​តម្លៃ​សមរម្យ​ ។ ប៉ុន្តែ​ការប្រើប្រាស់ drone ក៏​មាន​ភាព​ចម្រូង​ចម្រាស​ផង​ដែរ​ ដោយ​សារ​វា​អាច​ប៉ះ​ពាល់​សិទ្ធិ​រស់នៅ​ជា​ឯកជន​របស់​ប្រជាពលរដ្ឋ​ទូទៅ​និង​សន្តិសុខ​សាធារណៈ​។
    Your JavaScript is turned off or you have an old version of Adobe's Flash Player. Get the latest Flash player.
    រាជធានី​ភ្នំពេញ​ផ្លាស់ប្តូរ​ក្នុង​ពេល​មួយ​ប៉ប្រិច​ភ្នែក​ដោយសារ​វិនិយោគ​បរទេសi
    X
    28 មេសា 2016
    អ្នក​វិនិយោគ​បរទេស​កំពុង​តែ​ប្រញាប់​ប្រញ៉ាល់​បណ្តាក់​ទុន​នៅ​ក្នុង​ទីផ្សារ​អចលនទ្រព្យ ដែល​ទើបតែ​ងើប​ឡើង​វិញ​នៅ​កម្ពុជា។ សំណង់​អាគារ​ខ្ពស់ៗ​ក្នុង​រាជធានី​ភ្នំពេញ​កំពុង​រីកលូត​លាស់​ក្នុង​រយៈ​ពេល​មួយ​ប៉ប្រិច​ភ្នែក ប៉ុន្តែ​ការ​លូតលាស់​យ៉ាង​លឿន​នេះ​កំពុង​តែ​ចោទ​ជា​សំណួរ​ជាច្រើន​អំពី​ ថា​តើ​វិនិយោគ​ទាំង​អស់​នេះ​មក​ពី​ណា​ និង​ថា​តើ​វា​ផ្តល់​ផល​ប៉ះពាល់​អ្វី​ខ្លះ​ដល់​ទីផ្សារ​ក្នុង​ស្រុក។​ លោក​ David Boyle រាយការណ៍​អំពី​រឿងនេះ​ពី​រាជធានី​ភ្នំពេញ។​ នាង​ ហុង​ ចិន្តា​ជូន​សេចក្តី​ប្រែ​សម្រួល៕

    អង់គ្លេស​ជាមួយ​ម៉ានី​និង​ម៉ូរី

    Your JavaScript is turned off or you have an old version of Adobe's Flash Player. Get the latest Flash player.
    Get Over It ឈប់​គិត​ពី​រឿង​នេះ​ទៅi
    X
    06 មេសា 2016
    ឃ្លា get over it ប្រើ​នៅ​ពេល​ណា​ដែល​យើង ចង់​ប្រាប់​នរណា​ម្នាក់ ឲ្យ​ឈប់​បារម្ភ ឈប់​ត្អូញត្អែរ ឈប់​វក់ ឬ​ក៏​ឈប់​ពិបាក​ចិត្ត​នឹង​អ្វី​មួយ។ ហើយ ឃ្លា​នេះ​ក៏​មាន​ន័យ​ថា ត្រូវតែ​ជម្នះ ពេល​ជួប​ការលំបាក​នោះ​ផងដែរ។ ដើម្បី​ឲ្យ​យល់​កាន់តែ​ច្បាស់​សូម​មើល​វីដេអូ​កម្មវិធី​រៀន​គ្រាម​ភាសា​អង់គ្លេស​ជាមួយ​ម៉ានី​និង​ម៉ូរី។ កម្មវិធី​នេះ ក៏​មាន​ដាក់​ផ្សាយ​ជូន​រាល់​ថ្ងៃសុក្រ​លើ​គេហទំព័រ Facebook https://www.facebook.com/voakhmer និង YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
    Your JavaScript is turned off or you have an old version of Adobe's Flash Player. Get the latest Flash player.
    ការកើន​ឡើង​យ៉ាង​ខ្លាំង​ផ្នែក​បច្ចេកវិទ្យា​ធ្វើ​ឲ្យ​តម្លៃ​ជួល​ផ្ទះ​នៅ​ទីក្រុង​សាន់ហ្រ្វាន់ស៊ីស្កូ​កើន​ឡើង​កប់​ពពកi
    X
    29 មេសា 2016
    តម្លៃ​ផ្ទះ​នៅ​ទីក្រុង​សាន់ហ្រ្វាន់ស៊ីស្កូ ឡើង​ខ្ពស់​កប់​ពពក​ ដោយ​សារ​តែ​ការលូតលាស់​នៃ​សេដ្ឋ​កិច្ច​និង​ការ​កើន​ឡើង​នៃ​ឧស្សាហកម្ម​បចេ្ចកវិទ្យា​ជាន់​ខ្ពស់។ បញ្ហា​នេះ​គឺ​មាន​នៅ​ទីក្រុង​រហូត​ដល់​ជាយ​ក្រុង​ ប៉ុន្តែ​លោក​ Mike O'Sullivan រាយការណ៍​មក​ថា​ តំបន់​ប្រវត្តិសាស្ត្រ​ Chinatown ឬ​ភូមិ​ចិន​នោះ​ តម្លៃ​អចលនទ្រព្យ​នៅ​ទី​នោះ​ខ្ពស់​កប់​ពពក​រាប់​ទសវត្សរ៍​មក​ហើយ។​ នាង​ ស្រេង​ លក្ខិណា​ ជូន​សេចក្តី​ប្រែ​សម្រួល៕