វិទ្យុ / ហេឡូ​វីអូអេ

«ហេឡូវីអូអេ» ជា​កម្ម​វិធី​​ដែល​​ប្រិយ​​មិត្ត​​វីអូអេ​មាន​​​ឱកាស​សាក​​សួរ​ភ្ញៀវ​​របស់​​​យើង​ដែល​​ជា​​អ្នក​​ជំនាញ​​ លើ​​ប្រធាន​​បទ​​ផ្សេងៗ​​ ដូច​​ជា​​ នយោ​​បាយ​​ សុខ​ភាព​​ និង​ ​សិទ្ធិ​​មនុស្ស​​ ជា​ដើម។​
 
ប្រិយមិត្ត​​​អាច​​ទូរស័ព្ទ​​ចូល​​រួម​ផ្ទាល់​​ក្នុង​​ការ​​ផ្សាយ​​របស់​​យើងខ្ញុំ។ ហេឡូ​​វីអូអេ​មាន​​ផ្សាយ​ពីរ​​ដង​​ក្នុង​​មួយ​​សប្តាហ៍​​គឺ​​ថ្ងៃ​​ច័ន្ទ ​និង​​ថ្ងៃ​​ព្រហស្បតិ៍​វេលា​ម៉ោង​៨:៥០​​យប់​  ហើយ​​មាន​​រយៈ​ពេល​​៣០​នាទី។
 
សូម​ប្រិយមិត្ត​ទូរស័ព្ទ​ផ្ទាល់​មក​លេខ​ (៨៥៥) ១២ ៥១ ៥១ ៩៤ នៅ​ទី​ក្រុង​ភ្នំពេញ​ប្រទេស​កម្ពុជា។
 
ប្រិយមិត្ត​ក៏​អាច​ផ្ញើ​ជា​សំណួរ​និង​យោបល់​មក​តាម​សារ​អេឡិចត្រូនិក (អ៊ីម៉េល) មក​កាន់​អាស័យដ្ឋាន hellovoa@voanews.com ឬ​តាម​បណ្ដាយ​សង្គម Facebook


វិច្ឆិកា 25, 2014

តួនាទី​បណ្តាញ​សង្គម​ក្នុង​ការ​លើក​កម្ពស់​អភិបាលកិច្ច​ល្អ

លោក ឱក សេរីសុភ័ក្រ អ្នក​ឯកទេស​អភិបាលកិច្ច​ថ្លែង​ថា បណ្តាញ​សង្គម​ផ្តល់​ព័ត៌មាន​ដល់​អ្នក​ប្រើប្រាស់​ច្រើន​ បើ​ទោះ​បី​មាន​ការ​ផ្សាយ​អត្ថាធិប្បាយ​អវិជ្ជមាន​មួយ​ចំនួន​​តូច​ក៏​ដោយ ហើយ​បាន​ស្នើ​ថា​ ការ​ធ្វើ​ច្បាប់​ណា​មួយ​គ្រប់គ្រង​គួរ​ប្រយ័ត្ន​ប្រយែង​ដើម្បី​កុំ​ឱ្យ​មាន​ការ​បកស្រាយ​ច្រឡំ​និង​នាំ​ឱ្យ​ខាត​ប្រយោជន៍​ដល់​សង្គម​ជាតិ។ (ម៉ែន គឹមសេង, ហេឡូវីអូអេ, វ៉ាស៊ីនតោន/ភ្នំពេញ, ២៤ វិច្ឆិកា ២០១៤)


វិច្ឆិកា 21, 2014

ការ​ចាប់ខ្លួន​សកម្មជន​ជា​បន្តបន្ទាប់​និង​ផល​ប៉ះពាល់​មក​លើ​សេរីភាព​នៃ​ការ​បញ្ចេញ​មតិ

ព្រះតេជគុណ លួន សុវ៉ាត ជ័យលាភី​រង្វាន់​សិទ្ធិ​មនុស្ស​និង​លោក​ អំ សំអាត​ ប្រធាន​បច្ចេកទេស​ស៊ើប​អង្កេត​នៃ​អង្គការ​លីកាដូ ថ្លែង​ថា ការ​ចាប់​​ឃុំឃាំង​សកម្មជន​គណបក្ស​នយោយបាយ​និងការ​​កាត់​ទោស​សកម្មជន​សិទ្ធិ​លំនៅដ្ឋាន​ដាក់​ពន្ធនាគារ​យ៉ាង​ប្រញ៉ាប់​ប្រញាល់​ក្នុង​ពេល​ថ្មីៗ​នេះ​ជា​សញ្ញា​បង្ហាញ​ពី​ស្ថានភាព​សិទ្ធិ​មនុស្ស​វិល​ត្រឡប់​ទៅ​ស្ថានការណ៍​មុន​ពេល​ដែល​គណបក្ស​នយោបាយ​ទាំងពីរ​សម្រេច​កិច្ច​ព្រមព្រៀង​បញ្ចប់​វិបត្តិ។ (ម៉ែន គឹមសេង, ហេឡូវីអូអេ, វ៉ាស៊ីនតោន/ភ្នំពេញ, ២០ វិច្ឆិកា ២០១៤)


វិច្ឆិកា 14, 2014

ការកាត់បន្ថយ​បញ្ហា​គ្រួសារ​និង​បក្សពួក​និយម​នៅ​កម្ពុជា

លោក ព្រាប កុល ថ្លែង​ថា បច្ចុប្បន្ន​ ​កម្ពុជា​មិន​ទាន់​មាន​ច្បាប់ប្រឆាំង​នឹងអំពើ​បក្ស​ពួកនិយម ឬ​គ្រួសារ​និយម​​ទេ តែ​បើ​គិត​អំពី​អភិបាលកិច្ច​ល្អ​នោះ ការប្រព្រឹត្ត​អំពើ​បក្ស​ពួកនិយម ឬ​គ្រួសារ​និយមនេះ ជា​រឿង​ដែល​មិន​អាច​ទទួល​បាន​ឡើយ។ (សាយ មុន្នី, ហេឡូវីអូអេ, ភ្នំពេញ, ១៣ វិច្ឆិកា ២០១៤)


វិច្ឆិកា 11, 2014

បញ្ហា​ប្រឈម ឱកាស និង​ការត្រៀម​ខ្លួន​របស់​យុវជន​ខ្មែរ​ក្នុង​សមាហរណកម្ម​អាស៊ាន

លោក ហេង ភក្តី បាន​ថ្លែង​ថា នៅ​ក្នុង​សមាហរណកម្ម​អាស៊ាន យុវជន​ខ្មែរ អាច​ប្រឈមនឹង​ការប្រកួត​ប្រជែង​ពី​សំណាក់​យុវជន​ដទៃទៀត​នៅ​ក្នុង​បណ្តា​ប្រទេស​អាស៊ាន​ជាពិសេស​ផ្នែក​ការសិក្សា​អប់រំ​ដោយសារតែ​ការអប់រំ​នៅ​ប្រទេស​កម្ពុជា​នៅ​មិនទាន់​មាន​ភាពប្រសើរ​ឡើង​នៅ​ឡើយ​ទេ ហើយ​ជំនាញ​ផ្នែក​ភាសា​អង់គ្លេស​របស់​យុវជន​ខ្មែរ​មួយ​ចំនួន​ក៏​នៅ​មាន​កម្រិត​ដែរ៕ (សាយ មុន្នី, សំឡេង​យុវជន/ហេឡូវីអូអេ, ភ្នំពេញ, ១០ វិច្ឆិកា ២០១៤)


វិច្ឆិកា 07, 2014

ការ​ប្រឈម​និង​ការ​កែលម្អ​ទីផ្សារ​ភាពយន្ត​នៅ​កម្ពុជា

លោក គាំ ចន្ធី ចាងហ្វាង​ផលិតកម្ម​ FCI Production ថ្លែង​ថា ក្រៅ​ពីខ្វះ​ធនធានសម្រាប់​​វិនិយោគ​ក្នុង​ឧស្សាហកម្ម​ភាព​យន្ត​ និង​ខ្វះ​ប្រសិទ្ធិភាព​នៃ​ការ​អនុវត្ត​ច្បាប់​សិទ្ធិ​បញ្ញា បញ្ហា​ដែល​ឧស្សាហកម្ម​ភាព​យន្ត​ប្រឈម​ធំបំផុត​នោះ​គឺ​ធនធាន​មនុស្ស​ក្នុង​វិស័យ​ភាពយន្ត​នេះ។ (អ៊ឹម សុធារិទ្ធ, ហេឡូវីអូអេ, វ៉ាស៊ីនតោន, ៦ វិច្ឆិកា ២០១៤)


វិច្ឆិកា 04, 2014

ការ​ធានា​បរិយាកាស​នយោបាយ​ពហុបក្ស​និង​លទ្ធិប្រជាធិបតេយ្យ​នៅ​កម្ពុជា

លោក អ៊ូ វីរៈ ប្រធាន​ក្រុមប្រឹក្សាភិបាល​នៃ​មជ្ឈមណ្ឌល​សិទ្ធិ​មនុស្ស​កម្ពុជា​ មើល​ឃើញ​ថា​គណបក្ស​នយោបាយ​ដែល​មិន​កាន់​អំណាច​ច្រើន​តែ​ប្រើប្រាស់​សារ​នយោបាយ​ជាន់​គ្នា​ដែល​នាំ​ឱ្យ​បែក​សំឡេង​គាំទ្រ​ក្នុង​ខណៈ​ពេល​ដែល​ការ​ស្រាវជ្រាវ​នានា​បង្ហាញ​ថា​មាន​បញ្ហា​សំខាន់ៗ​មួយ​ចំនួន​ដែល​ជា​ក្តី​កង្វល់​របស់​អ្នក​បោះឆ្នោត​ហើយ​អាច​ទាញ​សំឡេង​ពី​គណបក្ស​កាន់​អំណាច​បាន​ប៉ុន្តែ​ពួកគេ​មិន​បាន​យក​ចិត្ត​ទុកដាក់​ដល់។ (ម៉ែន គឹមសេង, ហេឡូវីអូអេ, វ៉ាស៊ីនតោន/ភ្នំពេញ, ៣ វិច្ឆិកា ២០១៤)


តុលា 31, 2014

ដំណើរការ​កែទម្រង់​បោះឆ្នោត​និង​សំណើ​ខុស​គ្នា​រវាង​គណបក្ស​នយោបាយ

លោក ពុទ្ធា ហង្ស នាយកប្រតិបត្តិ​នៃ​អង្គការ​នីកហ្វិក និង​លោក គល់ បញ្ញា​ នាយក​អង្គការ​ខុមហ្វ្រែល ថ្លែង​ថា ​ក្រុម​ការងារ​គណបក្ស​នយោបាយ​ទាំង​ពីរ​នៅ​មាន​ចំណុច​ខ្វែង​គំនិង​គ្នា​ចំនួន​១០​ចំណុច​ទាក់ទង​នឹង​កំណែ​ទម្រង់​ការ​បោះឆ្នោត​ ដែល​តម្រូវ​ឲ្យ​មេដឹកនាំ​កំពូល​សម្រេច។ (សុខ ខេមរា, ហេឡូវីអូអេ, វ៉ាស៊ីនតោន/ភ្នំពេញ, ៣០ តុលា ២០១៤)


តុលា 28, 2014

អភិបាលកិច្ច​ល្អ៖ ការ​ពិនិត្យ​មើល​កំណែទម្រង់​ដី​ធ្លី​ និង​ការ​គ្រប់គ្រង​ធនធាន​ធម្មជាតិ

លោក ​ឱក សេរីសុភ័ក្រ​​អ្នក​ឯកទេស​ខាង​ផ្នែក​អភិបាល​កិច្ច​មើល​ឃើញ​ថា​រដ្ឋាភិបាល​កំពុង​ខិត​ខំ​ធ្វើ​តាម​ការ​សន្យា​កែទម្រង់​ដីធ្លី​និង​ការ​គ្រប់​គ្រង​ធនធាន​ធម្មជាតិ​ ប៉ុន្តែ​លោក​ព្រមាន​ថា​ កិច្ច​ការ​នេះ​មិន​មែន​ជា​ការងារ​ស្រួល​ដែល​អាច​បញ្ចប់​ក្នុង​ពេល​ឆាប់ៗ​នេះ​ទេ។ លោក​ក៏​បាន​ស្នើ​ឱ្យ​មាន​ការ​កែសម្រួល​គោល​នយោបាយ​ផ្តល់​ដី​សម្បទាន​សេដ្ឋកិច្ច​ដែល​បច្ចុប្បន្ន​មាន​​៩៩​ឆ្នាំ​ឱ្យ​មាន​នៅ​ត្រឹម​ជាង​៣០​ឬ​៤០​ឆ្នាំ​វិញ។ (ម៉ែន គឹមសេង, ហេឡូវីអូអេ, វ៉ាស៊ីនតោន/ភ្នំពេញ, ២៧ តុលា ២០១៤)


តុលា 23, 2014

សមិទ្ធិផល​កិច្ច​ព្រមព្រៀង​ក្រុង​ប៉ារីស

លោក ធន សារ៉ាយ ប្រធាន​អង្គការ​សិទ្ធិ​មនុស្ស​អាដហុក​ថ្លែង​ថា​ប្រទេស​ហត្ថលេខី​នៃ​សន្ធិសញ្ញា​ទី​ក្រុង​ប៉ារីស​​មិន​បាន​បោះបង់​កម្ពុជា​ចោល ហើយ​នៅ​បន្ត​តាមដាន​ស្ថានភាព​នយោបាយ​នៅ​ក្នុង​ប្រទេស​កម្ពុជា។ (សុខ ខេមរា, ហេឡូវីអូអេ,​ វ៉ាស៊ីនតោន/ភ្នំពេញ, ២៣ តុលា ២០១៤)


តុលា 17, 2014

អំពី​ជំងឺ​អ៊ីបូឡា (Ebola)

លោក​វេជ្ជបណ្ឌិត​ តាំង តេកហុង​ នៅ​ក្រុង Jacksonville រដ្ឋ​ Florida​ សហរដ្ឋ​អាមេរិក​ ថ្លែង​ថា​ប្រជាពលរដ្ឋ​ខ្មែរ​ត្រូវ​យល់​ដឹង​និង​តាមដាន​អំពី​ជំងឺ​អ៊ីបូឡា​ដែល​កំពុង​រាលដាល​ខ្លាំង​និង​សម្លាប់​មនុស្ស​ជា​ច្រើន​នៅ​ទ្វីប​អាហ្វ្រិក​ខាង​លិច។ (នុច សារីតា, ហេឡូវីអូអេ, វ៉ាស៊ីនតោន/ផ្លរីដា, ១៦ តុលា ២០១៤)


តុលា 16, 2014

មេដាយ​មាស​ដំបូង​របស់​កម្ពុជា​ពី​កីឡា​អាស៊ី

កញ្ញា​ ស៊ន សៀវម៉ី ម្ចាស់​មេដាយ​មាស​កីឡា​តៃក្វាន់ដូ​ពី​កីឡា​អាស៊ី​​ត្រូវ​​គណៈកម្មាធិការ​ជាតិ​អូឡាំពិក​​ទំនុក​បម្រុង​និង​បង្ហាត់​ដើម្បី​ត្រៀម​ទៅ​ប្រកួត​កីឡា​អូឡាំពិក​នៅ​ទីក្រុង​រីយ៉ូដឺហ្សាណេរ៉ូ​ Rio de Janeiro ប្រទេស​ប្រេស៊ីល​ក្នុង​ឆ្នាំ​២០១៦។ មាន​អ្នក​គាំទ្រ​ខ្លះ​មិន​ចង់​ឱ្យ​នាង​ផ្សាយ​ពាណិជ្ជកម្ម​គ្រឿង​ស្រវឹង​និង​បារី​ទេ​ហើយ​កញ្ញា​បញ្ជាក់​ថា​នឹង​មិន​ធ្វើ​ឱ្យ​ពួក​គេ​ខក​ចិត្ត​ទេ។ (ម៉ែន គឹមសេង, ហេឡូវីអូអេ​ពិសេស, វ៉ាស៊ីនតោន/ភ្នំពេញ, ១៥ តុលា ២០១៤)


តុលា 13, 2014

មេរៀន​ដែល​ទទួល​បាន​ពី​ការ​ប្រឡង​បាក់ឌុប​ឆ្នាំ​២០១៤

កញ្ញា កាំង ម៉េងហ៊ុន មន្ត្រី​កម្មវិធី​នៃ​មូលនិធិ​អាស៊ី​ថ្លែង​ថា វិធានការ​រឹត​បន្តឹង​លើ​ការ​ប្រឡង​របស់​ក្រសួង​អប់រំ​មិន​ទាន់​គ្រប់គ្រាន់​នៅ​ឡើយ​ទេ ដោយ​ត្រូវ​ធ្វើ​កំណែ​ទម្រង់​ស៊ី​ជម្រៅ​ជាង​នេះ​ទៀត ដូច​ជា​ការ​បង្កើន​ប្រាក់ខែ​គ្រូ​បង្រៀន​និង​ការ​ចាប់​ផ្តើម​កែ​ទម្រង់​តាំង​ពី​បឋមសិក្សា​ឡើង​ទៅ។ (សាយ មុន្នី, សំឡេង​យុវជន/ហេឡូវីអូអេ, ភ្នំពេញ, ១៣ តុលា ២០១៤)


តុលា 10, 2014

អំពើ​ពុករលួយ​នៅ​ក្នុង​ស្ថាប័ន​យុត្តិធម៌​និង​ស្ថាប័ន​អនុវត្ត​ច្បាប់

លោក ព្រាប កុល នាយកប្រតិបត្តិ​នៃ​អង្គការ​តម្លាភាព​កម្ពុជា​ថ្លែង​ថា ការ​ប្រឆាំង​អំពើ​ពុករលួយ​ត្រូវ​ធ្វើ​ដោយ​សន្សឹមៗ​មិន​អាច​ធ្វើ​ដោយ​គំហុក​បាន​ទេ​ដោយ​សារ​ទំហំ​នៃ​អំពី​ពុក​រលួយ​នៅ​ក្នុង​ប្រទេស​កម្ពុជា។ (សាយ មុន្នី, ហេឡូវីអូអេ, ភ្នំពេញ, ៩ តុលា ២០១៤)


តុលា 07, 2014

ការ​វិវត្តន៍​នៃ​កិច្ច​ព្រមព្រៀង​ថ្ងៃ​២២​កក្កដា​ដើម្បី​បញ្ចប់​វិបត្តិ​នយោបាយ

លោក អ៊ូ វីរៈ ប្រធាន​ក្រុមប្រឹក្សាភិបាល​នៃ​មជ្ឈមណ្ឌល​សិទ្ធិ​មនុស្ស​កម្ពុជា យល់​ថា​កិច្ច​ព្រម​ព្រៀង​ថ្ងៃ​ទី​២២​កក្កដា​រវាង​គណបក្ស​ទាំង​ពីរ​បាន​សម្រេច​លទ្ធផល​តិចតួច​ប៉ុន្តែ​ក៏​ឃើញ​មាន​សញ្ញា​ដើរ​ថយក្រោយដោយ​សារ​តែ​សារាចរ​របស់​ប្រធាន​សភា​ដែល​នឹង​កំហិត​សិទ្ធិ​របស់​ប្រធាន​គណៈកម្មការ​ដែល​គ្រប់​គ្រង​ដោយ​បក្ស​ប្រឆាំង។ (ម៉ែន គឹមសេង, ហេឡូវីអូអេ, វ៉ាស៊ីនតោន/ភ្នំពេញ, ៦ តុលា ២០១៤)


កញ្ញា 30, 2014

សិទ្ធិ​ជន​ភៀសខ្លួន​និង​ការ​ព្រមព្រៀង​ទទួល​យក​ជន​ភៀស​ខ្លួន​ពី​អូស្ត្រាលី

លោក ធន សារាយ ប្រធាន​អង្គការ​សិទ្ធិ​មនុស្ស​អាដហុក ថ្លែង​ថា កម្ពុជា​គោរព​តាម​កាតព្វកិច្ច​អន្តរជាតិ​ជា​ការ​ល្អ​ ប៉ុន្តែ​ត្រូវ​គិត​ពី​សមត្ថភាព​របស់​ខ្លួន​ក្នុង​ការ​ទទួល​ជន​ភៀសខ្លួន​និង​មិន​ត្រូវ​រើស​អើង​ដូច​ករណី​ជនជាតិ​ Uighurដែល​កម្ពុជា​បាន​បញ្ជូន​ទៅ ​ចិន​វិញ។ (ម៉ែន គឹមសេង, ហេឡូវីអូអេ, វ៉ាស៊ីនតោន/ភ្នំពេញ, ២៩ កញ្ញា ២០១៤)


កញ្ញា 26, 2014

ការ​ដោះស្រាយ​ប្រាក់ខែ​គោល​ជូន​កម្មករ​និង​ការ​តវ៉ា​បន្ត

អ្នកស្រី ឆន សុខា មន្ត្រី​កម្មវិធី​សិទ្ធិ​ការងារ​នៃ​មជ្ឈមណ្ឌល​អប់រំ​ច្បាប់​សម្រាប់​ សហគមន៍​និង​លោក រ៉ុង ឈុន ប្រធាន​សហភាព​សហជីព​កម្ពុជា​ថ្លែង​ថា កម្មករ​ទាំង​អស់​កំពុង​តែ​រង់​ចាំ​ដំណោះស្រាយ​ចំពោះ​ការ​ទាមទារ​ប្រាក់ខែ​គោល​១៧៧​ដុល្លារ។ (សុខ ខេមរា, ហេឡូវីអូអេ, វ៉ាស៊ីនតោន/ភ្នំពេញ, ២៥ កញ្ញា ២០១៤)


កញ្ញា 23, 2014

អភិបាលកិច្ច​ល្អ៖ ការ​ទទួល​ខុសត្រូវ​របស់​ពលរដ្ឋ​ក្នុង​ការ​បង្កើត​បរិយាកាស​អភិបាលកិច្ច​ល្អ

លោក​ ឱក សេរីសុភ័ក្រ ​អ្នក​ឯកទេស​អភិបាល​កិច្ច​បាន​បញ្ជាក់​ក្នុង​កម្មវិធី​ហេឡូ​វីអូអេ​ថា ​ក្នុង​ចន្លោះ​ពេល​បោះឆ្នោត​ ពលរដ្ឋ​ម្ចាស់​ឆ្នោត​មាន​ភារៈកិច្ច​តាម​ដាន​ការ​អនុវត្ត​ការងារ​របស់​រាជរដ្ឋាភិបាល​ដើម្បី​ជា​ការ​រំលឹក​ដល់​ថ្នាក់​ដឹកនាំ​ពី​ការ​សន្យា​ក្នុង​ពេល​ឃោសនា​ហើយ​អាច​ជួយ​ពួក​គេ​សម្រេច​ចិត្ត​បោះឆ្នោត​បាន​ត្រឹម​ត្រូវ​នៅ​ពេល​ក្រោយ។ (ម៉ែន គឹមសេង, ហេឡូវីអូអេ, វ៉ាស៊ីនតោន/ភ្នំពេញ, ២២ កញ្ញា ២០១៤)


កញ្ញា 19, 2014

រោគ​មាន​ជាតិ​ទឹក​ក្នុង​លលាដ៍​ក្បាល​

លោក​វេជ្ជបណ្ឌិត តាំង តិកហុង វេជ្ជបណ្ឌិត​ខ្មែរ​នៅ​ក្រុង Jacksonville រដ្ឋ​ Florida សហរដ្ឋ​អាមេរិក​ថ្លែង​ថា ជំងឺ​​មាន​ជាតិ​ទឹក​ក្នុង​លលាដ៍​ក្បាល​​នេះ​អាច​ការពារ​ជា​មុន​បាន។​ (នុច សារីតា, ហេឡូវីអូអេ, វ៉ាស៊ីនតោន/ផ្លរីដា, ១៨​ កញ្ញា ២០១៤)


កញ្ញា 12, 2014

ទំនួល​ខុសត្រូវ​របស់​បុគ្គលិក​និង​នយោជិត​ក្នុង​ការ​រាយការណ៍​អំពី​អំពើ​ពុករលួយ​ក្នុង​កន្លែង​ធ្វើការ

លោក សឿង សារឿន នាយក​ប្រតិបត្តិ​នៃ​គណៈកម្មាធិការ​សហប្រតិបត្តិការ​ដើម្បី​កម្ពុជា ថ្លែង​ថា​វប្បធម៌​នៃ​ការ​ប្រឆាំង​អំពើ​ពុករលួយ​នៅ​កន្លែង​ធ្វើ​ការ​មិន​ទាន់​ត្រូវ​បណ្តុះ​នៅ​ឡើយ​នៅ​ក្នុង​សង្គម​ខ្មែរ។ (សាយ មុន្នី, ហេឡូវីអូអេ, ភ្នំពេញ, ១១ កញ្ញា ២០១៤)


កញ្ញា 10, 2014

អ្នកស្រាវជ្រាវ៖ អំពើ​ឧក្រិដ្ឋកម្ម​របស់​ខ្មែរក្រហម​លើ​ជន​ជាតិ​ចាម​ជា​ចេតនា​បំបាត់​ជាតិ​សាសន៍

កញ្ញា សូ ហ្វារីណា ​ថ្លែង​ថា តាម​ការស្រាវជ្រាវ​បាន​បង្ហាញ​ថា អំពើ​ឧក្រិដ្ឋកម្ម​ដ៏ធ្ងន់ធ្ងរ​លើ​ជន​ជាតិ​ចាម​មិនមែន​គ្រាន់តែ​ជា​ឧក្រិដ្ឋកម្ម​ប្រឆាំង​មនុស្សជាតិ​ទេ តែ​ជា​ឧក្រិដ្ឋកម្ម​ប្រល័យ​ពូជ​សាសន៍​ដែល​នាំ​ទៅ​រក​ការបំបាត់​ពូជសាសន៍​ចាម។ (សុខ ខេមរា, ហេឡូវីអូអេ​ពិសេស, វ៉ាស៊ីនតោន/ភ្នំពេញ, ០៩ កញ្ញា ២០១៤)

 

«ហេឡូវីអូអេ» ជា​កម្ម​វិធី​​ដែល​​ប្រិយ​​មិត្ត​​វីអូអេ​មាន​​​ឱកាស​សាក​​សួរ​ភ្ញៀវ​​របស់​​​យើង​ដែល​​ជា​​អ្នក​​ជំនាញ​​ លើ​​ប្រធាន​​បទ​​ផ្សេងៗ​​ ដូច​​ជា​​ នយោ​​បាយ​​ សុខ​ភាព​​ និង​ ​សិទ្ធិ​​មនុស្ស​​ ជា​ដើម។​
 
ប្រិយមិត្ត​​​អាច​​ទូរស័ព្ទ​​ចូល​​រួម​ផ្ទាល់​​ក្នុង​​ការ​​ផ្សាយ​​របស់​​យើងខ្ញុំ។ ហេឡូ​​វីអូអេ​មាន​​ផ្សាយ​ពីរ​​ដង​​ក្នុង​​មួយ​​សប្តាហ៍​​គឺ​​ថ្ងៃ​​ច័ន្ទ ​និង​​ថ្ងៃ​​ព្រហស្បតិ៍​វេលា​ម៉ោង​៨:៥០​យប់​  ហើយ​​មាន​​រយៈ​ពេល​​៣០​នាទី។
 
សូម​ប្រិយមិត្ត​ទូរស័ព្ទ​ផ្ទាល់​មក​លេខ​ (៨៥៥) ១២ ៥១ ៥១ ៩៤ នៅ​ទី​ក្រុង​ភ្នំពេញ​ប្រទេស​កម្ពុជា។
 
ប្រិយមិត្ត​ក៏​អាច​ផ្ញើ​ជា​សំណួរ​និង​យោបល់​មក​តាម​សារ​អេឡិចត្រូនិក (អ៊ីម៉េល) មក​កាន់​អាស័យដ្ឋាន hellovoa@voanews.com ឬ​តាម​បណ្ដាយ​សង្គម Facebook

Your JavaScript is turned off or you have an old version of Adobe's Flash Player. Get the latest Flash player.
គម្រោង​សាក​ល្បង ដើម្បី​បង្កើន​អាហារ​បំប៉ន​សម្រាប់​កម្មករ​រោងចក្រ​នៅ​កម្ពុជាi
X
20 វិច្ឆិកា 2014
ការសិក្សា​របស់​អង្គការ​ពលកម្ម​អន្តរជាតិ ហៅ​កាត់​ថា (ILO) បង្ហាញ​ថា កម្មករ​រោងចក្រ​កម្ពុជា​ភាគច្រើន​មិន​បាន​ទទួល​ទាន​អាហារ​បំប៉ន​ មាន​ជីវជាតិ​គ្រប់គ្រាន់​ទេ ហើយ​ជា​លទ្ធផល កម្មករ​ជាច្រើន​មាន​ជំងឺ​ស្លេកស្លាំង​ និង​ខ្វះ​ទំងន់។ ឥឡូវ​នេះ គម្រោង​សាកល្បង​មួយ​នឹង​ផ្តល់​អាហារ​បំប៉ន​មួយ​ពេល​ ដល់​កម្មករ​របស់​រោងចក្រ​ចំនួន​៥​កន្លែង ដោយ​មិន​យក​ប្រាក់​កម្រៃ​រហូត​ដល់​ឆ្នាំ​ក្រោយ ដើម្បី​បញ្ចុះបញ្ចូល​រោងចក្រ​នានា និង​រដ្ឋាភិបាល​កម្ពុជា​ឲ្យ​ជឿ​លើ​ផល ប្រយោជន៍​សេដ្ឋកិច្ច​ទទួល​បាន​ពី​ការផ្តល់​អាហារ​បំប៉ន​ដល់​កម្មករ​ដោយ​មិន​យក​ប្រាក់​កម្រៃ។ នាង ទែន សុខស្រីនិត ជូន​សេចក្តី​រាយការណ៍​របស់​លោក Robert Carmichael ដែល​រាយការណ៍​ឲ្យ​វីអូអេ​ពី​ទីក្រុង​ភ្នំពេញ ដូច​តទៅ៖
  ទាញ​យក​កម្មវិធី VOA App ថ្មី!
Your JavaScript is turned off or you have an old version of Adobe's Flash Player. Get the latest Flash player.
តួនាទី​ព្រះពុទ្ធ​សាសនា​អប់រំ​សីលធម៌​សង្គម​និង​អភិវឌ្ឍ​សង្គមi
X
20 វិច្ឆិកា 2014
ព្រះពុទ្ធ​សាសនា​មានតួនាទីសំខាន់​ក្នុងសង្គម​ ទាំង​ខាង​ការអប់រំ​ ខាង​សីលធម៌ ​និង​ការ​អភិវឌ្ឍ​សង្គម។ ​ក្នុងបទ​សម្ភាសន៍​ជាមួយ​លោក​អុឹម សុធារិទ្ធ​នៃ​វីអូអេ​ ព្រះ​តេជ​ព្រះ​គុណ​​ប៉ូ ពិសិដ្ឋ​​ពន្យល់អំពី​ប្រវត្តិ​ និង​សារៈសំខាន់​នៃ​ពិធីបុណ្យតាម​ព្រះពុទ្ធ​សាសនា​ដែល​មាន​ប្រវត្តិ​យូរ​លង់ណាស់​មក​ហើយ។​ សូម​អញ្ជើញ​តាម​ទស្សនា​បទ​សម្ភាសន៍​នេះ​ដូច​ត​ទៅ៖

អង់គ្លេស​ជាមួយ​ម៉ានី​និង​ម៉ូរី

Your JavaScript is turned off or you have an old version of Adobe's Flash Player. Get the latest Flash player.
All Thumbs ដៃ​ភ្លើង​ជើង​មាន់i
X
24 វិច្ឆិកា 2014
ឃ្លា all thumbs មាន​ន័យ​ដូច​ឃ្លា​មួយ​នៅ​ភាសា​ខ្មែរ​ដែរ គឺ​«ដៃ​ភ្លើង​ជើង​មាន់»។ ជាពិសេស គឺ​ពេល​ប្រើ​ដៃ គឺ​កាន់​អី​ខូច​ហ្នឹង ឬ​ធ្វើ​មិន​ទំនង​ជាដើម។ កម្មវិធី​នេះ ក៏​មាន​ដាក់​ផ្សាយ​ជូន​រាល់​ថ្ងលើ​គេហទំព័រ Facebook https://www.facebook.com/voakhmer និង YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
Your JavaScript is turned off or you have an old version of Adobe's Flash Player. Get the latest Flash player.
បច្ចេកវិទ្យា​ទំនើប​ជួយ​ព្យាករណ៍​អាកាសធាតុi
X
24 វិច្ឆិកា 2014
ព្យុះ​យ៉ាង​ខ្លាំង​ដែល​បណ្តាល​ឲ្យ​មាន​ការខូចខាត​យ៉ាង​ធ្ងន់ធ្ងរ​នៅ​ទូទាំង​ពិភពលោក ជា​ការដាស់តឿន​មួយ​ថា តើ​មាន​សារៈ​សំខាន់​យ៉ាង​ដូចម្តេច​ដែល​អាច​ព្យាករណ៍​អាកាសធាតុ​នោះ។ ការតាំង​ពិពណ៌​ឧតុនិយម​នៅ​ក្នុង​ទីក្រុង Brussels នៅ​ដើម​ខែ​នេះ បាន​ពណ៌នា​បច្ចេកវិទ្យា​ថ្មីៗ​ដែល​ជួយ​ធ្វើ​ឲ្យ​ប្រសើរ​ឡើង​នូវ​លទ្ធភាព​ព្យាករណ៍​អាកាសធាតុ​ហើយ​នឹង​ប្រុងប្រៀប​ឲ្យ​បាន​ប្រសើរ​ឡើង​​ចំពោះ​ផល​ប៉ះ​ពាល់​របស់​វានេះ។ លោក ជឹង ​ប៉ូជីន ជូន​សេចក្តី​រាយការណ៍​របស់​លោក George Putic អ្នក​ឆ្លើយឆ្លង​ព័ត៌មាន​នៃ​វីអូអេ៕