វិទ្យុ / ហេឡូ​វីអូអេ

«ហេឡូវីអូអេ» ជា​កម្ម​វិធី​​ដែល​​ប្រិយ​​មិត្ត​​វីអូអេ​មាន​​​ឱកាស​សាក​​សួរ​ភ្ញៀវ​​របស់​​​យើង​ដែល​​ជា​​អ្នក​​ជំនាញ​​ លើ​​ប្រធាន​​បទ​​ផ្សេងៗ​​ ដូច​​ជា​​ នយោ​​បាយ​​ សុខ​ភាព​​ និង​ ​សិទ្ធិ​​មនុស្ស​​ ជា​ដើម។​
 
ប្រិយមិត្ត​​​អាច​​ទូរស័ព្ទ​​ចូល​​រួម​ផ្ទាល់​​ក្នុង​​ការ​​ផ្សាយ​​របស់​​យើងខ្ញុំ។ ហេឡូ​​វីអូអេ​មាន​​ផ្សាយ​ពីរ​​ដង​​ក្នុង​​មួយ​​សប្តាហ៍​​គឺ​​ថ្ងៃ​​ច័ន្ទ ​និង​​ថ្ងៃ​​ព្រហស្បតិ៍​វេលា​ម៉ោង​៨:៥០​​យប់​  ហើយ​​មាន​​រយៈ​ពេល​​៣០​នាទី។
 
សូម​ប្រិយមិត្ត​ទូរស័ព្ទ​ផ្ទាល់​មក​លេខ​ (៨៥៥) ១២ ៥១ ៥១ ៩៤ នៅ​ទី​ក្រុង​ភ្នំពេញ​ប្រទេស​កម្ពុជា។
 
ប្រិយមិត្ត​ក៏​អាច​ផ្ញើ​ជា​សំណួរ​និង​យោបល់​មក​តាម​សារ​អេឡិចត្រូនិក (អ៊ីម៉េល) មក​កាន់​អាស័យដ្ឋាន hellovoa@voanews.com ឬ​តាម​បណ្ដាយ​សង្គម Facebook


មិនា 31, 2015

ពលករ​ចំណាកស្រុក​កម្ពុជា​និង​ផល​ប៉ះ​ពាល់​លើ​សិទ្ធិ​កម្មករ​និង​សេដ្ឋកិច្ច​កម្ពុជា

លោកស្រី មូរ សុខហួរ​អ្នក​តំណាង​រាស្រ្ត​នៃ​គណបក្ស​សង្គ្រោះជាតិ ថ្លែង​ថា ពលរដ្ឋ​កម្ពុជា​ពេញ​កម្លាំង​ពលកម្ម​ដែល​បាន​ធ្វើ​ចំណាក​ស្រុក​ទៅ​ធ្វើការ​នៅ​ប្រទេស​ជិតខាង​ក្នុង​តំបន់​បាន​នាំ​មក​នូវ​ទឹក​ប្រាក់​ដែល​រក​បាន​មួយ​ចំនួន​ដើម្បី​ចូលរួម​ចំណែក​ដល់​សេដ្ឋកិច្ច​កម្ពុជា​ ប៉ុន្តែ​ក៏​មាន​ផល​ប៉ះពាល់​ដល់​ ការ​ធ្វើ​កសិកម្ម​ក្នុង​ស្រុក​ផង​ដែរ។ (ម៉ែន គឹមសេង, Hello VOA, វ៉ាស៊ីនតោន/ភ្នំពេញ, ៣០ មីនា ២០១៥)


មិនា 27, 2015

ការ​ចាក់​ថ្នាំ​បង្ការ​រោគ​សម្រាប់​មនុស្ស​ពេញ​វ័យ​និង​មនុស្ស​ចាស់

លោក​វេជ្ជបណ្ឌិត​ តាំង តេកហុង​ វេជ្ជបណ្ឌិត​ខ្មែរ​នៅ​ក្រុង​ Jacksonville​ រដ្ឋ​ Florida​ សហរដ្ឋ​អាមេរិក​ ថ្លែង​ថា ការ​ចាក់​ថ្នាំ​ការពារ​រោគ​សម្រាប់​មនុស្ស​ពេញ​វ័យ​និង​មនុស្ស​ចាស់​មាន​សារៈ​សំខាន់​ព្រោះ​ មនុស្ស​គ្រប់​រូប​ដែល​ពេល​ចូល​វ័យ​​ចាស់​ មាន​អង្គ​បដិបក្ខ​ការពារ​រាង​កាយ​ចុះ​ខ្សោយ។​ (នុច សារីតា, Hello VOA, វ៉ាស៊ីនតោន/ផ្លរីដា, ២៦ មីនា ២០១៥)


មិនា 24, 2015

អភិបាលកិច្ច​ក្នុង​វិស័យ​អប់រំ​កម្ពុជា​និង​ការជំរុញ​សិស្ស​ស្រី​ឱ្យ​បាន​សិក្សា​ខ្ពង់ខ្ពស់‍

លោក​ឱក សេរីសុភ័ក្រ អ្នក​ឯកទេស​ខាង​ផ្នែក​អភិបាលកិច្ច​មើល​ឃើញ​ថា ផល​ចម្រើន​ពី​សេដ្ឋកិច្ច​នៅ​មិន​ទាន់​បែងចែក​ស្មើគ្នា​ដល់​ពលរដ្ឋ​នៅ​ជន​បទ​ដែល​ជា​ហេតុ​មួយ​ធ្វើ​ឱ្យ​សិស្ស​ស្រី​មួយ​ចំនួន​បាត់​បង់​ឱកាស​សិក្សា​ដោយ​សារ​តែ​ត្រូវ​មក​ជួយ​កិច្ចការ​គ្រួសារ។ ទន្ទឹម​គ្នា​នេះ​ដែរ​ហេដ្ឋារចនាសម្ព័ន្ធ​និង​អភិបាល​កិច្ច​មិន​ទាន់​ល្អ​ឡើយ នៅ​ក្នុង​វិស័យ​អប់រំ​មិន​ទាន់​ជា​កត្តា​ទាក់​ទាញ​ឱ្យ​មាតា​បិតា​សិស្ស​ស្រី​ខ្លះ​សម្រេច​ឱ្យ​កូន​បាន​នៅ​រៀនសូត្រ​ខ្ពង់​ខ្ពស់​ទេ។ (ម៉ែន គឹមសេង, Hello VOA, វ៉ាស៊ីនតោន/ភ្នំពេញ,២៣ មីនា ២០១៥)


មិនា 19, 2015

ដំណើរ​ទស្សនកិច្ច​របស់​លោកស្រី Michelle Obama និង​សារៈសំខាន់​នៃ​ការអប់រំ​សម្រាប់​ស្ត្រី

អ្នក​ជំនាញ​ខាង​ការអប់រំ​នៅ​កម្ពុជា​មើល​ឃើញ​ថា គំនិត​ផ្តួចផ្តើម​របស់​លោកស្រី Michelle Obama ក្នុង​ការផ្តល់​ឱកាស​ឱ្យ​ស្រ្តី​បាន​សិក្សា​ឱ្យ​បាន​ខ្ពស់ នឹង​ជួយ​ជំរុញ​ឱ្យ​ស្ត្រី​កាន់​តែ​មាន​ឱកាស​ក្នុង​ការ​សិក្សា​ថែម​ទៀត។ លោក​បណ្ឌិត សុខ ទូច សាកល​វិទ្យាធិការ​នៃ​សាកល​វិទ្យាល័យ​ខេមរៈ​​យល់​ថា រនាំង​ខណ្ឌ​ចែក​រវាង​បុរស​និង​ស្រី្ត​នៅ​កម្ពុជា​លែង​មាន​ទៀត​ហើយ។


មិនា 16, 2015

ឥទ្ធិពល​ធនាគារ​អភិវឌ្ឍន៍​ថ្មី​ AIIB របស់​ចិន​ទៅ​លើ​ការ​អភិវឌ្ឍ​នៅ​កម្ពុជា​និង​តំបន់​អាស៊ាន‍

និស្សិត​អាហារូបករណ៍ Fulbright សុខ វណ្ណសិកា​ ក្នុង​កម្មវិធី​អនុបណ្ឌិត​ច្បាប់​នៅ​សាលកវិទ្យាល័យ Georgetown ថ្លែង​ថា ​ធនាគារ​ថ្មី​របស់​ចិន​ជា​ឱកាស​សម្រាប់​រដ្ឋាភិបាល​កម្ពុជា​ក្នុង​ការ​រៀនសូត្រ​ពី​ការ​រិះគន់​កន្លង​មក និង​ប្រើប្រាស់​ជំនួយ​បរទេស​ឲ្យ​មាន​ប្រសិទ្ធភាព​ជាង​មុន។ (សឹង សុផាត, សំឡេង​ជំនាន់​ថ្មី, ១៦ មីនា ២០១៥)


មិនា 12, 2015

ដំណើរ​ទស្សនកិច្ច​របស់​លោកស្រី Michelle Obama ក្នុង​ការ​លើក​កម្ពស់​សារៈសំខាន់​នៃ​ការ​អប់រំ​សម្រាប់​ស្ត្រី‍

លោកស្រី មូ សុខហួរ អ្នក​តំណាងរាស្រ្ត​គណបក្ស​សង្គ្រោះ​ជាតិ​និង​ជា​អតីត​រដ្ឋមន្ត្រី​ក្រសួង​កិច្ចការ​នារី​មើល​ឃើញ​ថា ​ដំណើរ​ទស្សនកិច្ច​របស់​លោក​ស្រី​ទី​មួយ​ Michelle Obama នឹង​ផ្តោត​ចំ​លើ​ការ​អប់រំ​សិស្ស​ស្រី​ដែល​នៅ​មិន​ទាន់​ទទួល​បាន​អាទិភាព​ ដូច​កូន​ប្រុស​ហើយ​លោកស្រី​ប្តេជ្ញា​ថា ​នឹង​តស៊ូ​ដើម្បី​សុំ​ឱ្យ​រដ្ឋាភិបាល​ បន្ថែម​ថវិកា​លើ​វិស័យ​អប់រំ។ ទន្ទឹម​គ្នា​នេះ​ដែរ​លោកស្រី​យល់​ថា​ គុណភាព​អប់រំ​ត្រូវ​តែ​បង្កើន​និង​ដល់​ពេល​ដែល​ត្រូវ​បំបាត់​អំពើ​ពុករលួយ​ក្នុង​ប្រព័ន្ធ​អប់រំ​ហើយ​ដើម្បី​ឱ្យ​សិស្ស​ស្រី​មាន​ឱកាស​សិក្សា​កាន់​តែ​ច្រើន​ជាង​ពេល​បច្ចុប្បន្ន។ (ម៉ែន គឹមសេង, Hello VOA ពិសេស, វ៉ាស៊ីនតោន/ភ្នំពេញ, ១១ មីនា ២០១៥)


មិនា 09, 2015

ការ​ប្តេជ្ញា​ចិត្ត​របស់​យុវជន​ក្នុង​ការ​ការពារ​ព្រៃឈើ​ខ្មែរ​ដែល​នៅ​សេសសល់‍

លោក ឆឺយ ឧត្តមរស្មី នាយក​អង្គការ​ការពារ​ធនធាន​ធម្មជាតិ​ និង លោក ទឹម ម៉ាឡៃ ប្រធាន​បណ្តាញ​យុវជន​កម្ពុជា​ថ្លែង​ថា យុវជន​ចាំ​បាច់​ត្រូវ​ចូល​រួម​ការពារ​ព្រៃឈើ​ដែល​នៅ​សេស​សល់​ជា​ជាង​ពឹង​ផ្អែក​ទៅ​លើ​រដ្ឋាភិបាល​ក្នុង​ការ​ការពារ។​ (សាយ មុន្នី, សំឡេង​យុវជន/Hello VOA, ភ្នំពេញ, ៩ មីនា ២០១៥)


មិនា 06, 2015

បញ្ហា​នយោបាយ​ថៃ​និង​ផលប៉ះពាល់​ដល់​សមាហរណកម្ម​អាស៊ាន‍

លោក​បណ្ឌិត ដេត សុខឧត្តម ព្រឹទ្ធបុរស​ផ្នែក​កិច្ចការ​សិក្សាធិការ​នៃ​សាកលវិទ្យាល័យ​ហ្សាម៉ាន់​ និយាយ​ថា​ បើ​ប្រទេស​ថៃ​បន្ត​ត្រូវ​គ្រប់គ្រង​ដោយ​របប​យោធា​ក្នុង​ប៉ុន្មាន​ឆ្នាំ​ខាង​មុខ ការណ៍​នេះ​អាច​ផ្ញើ​សារ​មិន​ល្អ​ដល់​ប្រទេស​អាស៊ាន​ជិត​ខាង​ដែល​កំពុង​មាន​ដំណើរការ​ប្រជាធិបតេយ្យ។ (សឹង សុផាត, វេទិកា​អាស៊ាន/Hello VOA, វ៉ាស៊ីនតោន/ភ្នំពេញ, ០៥ មីនា ២០១៥)


មិនា 03, 2015

ផល​ប៉ះពាល់​នៃ​ចំណាក​ស្រុក​មក​លើ​នយោបាយ​និង​សេដ្ឋកិច្ច​កម្ពុជា‍

លោក អ៊ូ វីរៈ ប្រធាន​និង​ជា​ស្ថាបនិក​នៃ​វេទិកា​អនាគត (Future Forum) ​មើល​ឃើញ​ថា​បញ្ហា​ពលករ​ចំណាក​ស្រុក​កម្ពុជា​ដែល​មាន​ជាង​មួយ​លាន​នាក់​នា​ពេល​បច្ចុប្បន្ន​នេះ​អាច​នឹង​ជា​កត្តា​គំរាម​មួយ​ដល់​សេដ្ឋកិច្ច​និង​នយោបាយ​កម្ពុជា​ក្នុង​ពេល​ខាងមុខ។ (ម៉ែន គឹមសេង, Hello VOA, វ៉ាស៊ីនតោន/ភ្នំពេញ, ០២ មីនា ២០១៥)


កុម្ភៈ 27, 2015

អនាគត​តំបន់​អារ៉ែង​ក្រោយ​ពី​ឆ្នាំ​២០១៨‍

ប្រមុខ​រាជ​រដ្ឋាភិបាល​កម្ពុជា​​បាន​​​សន្យា​​ជា​​ឱឡារិក​ថា​នឹង​មិន​មាន​ការ​អភិវឌ្ឍ​ឬ​សាងសង់​​ទំនប់​​វារី​អគ្គិសនី​អ្វី​ទេ​នៅ​ក្នុង​​តំបន់​អារ៉ែង​​​រហូត​​ដល់​​​ឆ្នាំ​​២០១៨ ​ប៉ុន្តែ​​ក្រុម​សកម្មជន​​ការពារ​ធនធាន​ធម្មជាតិ​តំបន់​អារ៉ែង លោក សាន ម៉ាឡា និង​លោក​ Alex Gonzalez Davidson នៃ​ចលនា​មាតា​ធម្មជាតិ​សម្តែង​ទុទិដ្ឋិនិយម​ចំពោះ​ការ​សន្យា​នេះ​​ហើយ​​​ថា​​ពួក​គាត់​​​នៅ​រង់​ចាំ​មើល​និង​នៅ​តែ​​បន្ត​សកម្មភាព​ការពារ​តំបន់​នេះ​ដដែល។ (ម៉ែន គឹមសេង, Hello VOA, វ៉ាស៊ីនតោន/ភ្នំពេញ, ២៦ កុម្ភៈ ២០១៥)


កុម្ភៈ 24, 2015

សិទ្ធិ​និង​តួនាទី​របស់​អង្គការ​សង្គម​ស៊ីវិល​ក្នុង​ការ​ជំរុញ​អភិបាលកិច្ច​ល្អ‍

លោក ឱក សេរីសុភ័ក្រ អ្នក​ឯកទេស​ខាង​ផ្នែក​អភិបាលកិច្ច​មើល​ឃើញ​ថា​អង្គការ​ក្រៅ​រដ្ឋាភិបាល​និង​​សង្គម ​ស៊ីវិល​បាន​ចូលរួម​ចំណែក​ច្រើន​ដល់​ការ​អភិវឌ្ឍ​ជាតិ​កម្ពុជា​ក្នុង​រយៈ​ពេល​ជាង​២០​ឆ្នាំ​មក​នេះ​ក្នុង​នាម​ជា​ដៃគូ​របស់​រដ្ឋាភិបាល​ ប៉ុន្តែ​ក៏​បាន​លើក​ពី​ការ​លំបាក​ដែល​អង្គការ​​ក្រៅ​រដ្ឋាភិបាល​មួយ​ចំនួន​ជួប​ប្រទះ​ទាក់ទង​ការងារ​ផ្នែក​អភិបាល​កិច្ច​ល្អ អប់រំ​ផ្សព្វផ្សាយ​ច្បាប់។ (ម៉ែន គឹមសេង, Hello VOA, វ៉ាស៊ីនតោន/ភ្នំពេញ, ២៣ កុម្ភៈ ២០១៥)


កុម្ភៈ 20, 2015

សារៈសំខាន់​នៃ​ការ​ចាក់​ថ្នាំ​ការពារ​សម្រាប់​កូន​ក្មេង‍

លោក​វេជ្ជបណ្ឌិត​ តាំង តេកហុង វេជ្ជបណ្ឌិត​ខ្មែរ​នៅ​ក្រុង Jacksonville រដ្ឋ​ Florida សហរដ្ឋ​អាមេរិក​រៀបរាប់​អំពី​សារៈសំខាន់​នៃ​ការ​ចាក់​ថ្នាំ​ការពារ​ដើម្បី​បង្ការ​រោគ​ច្រើន​មុខ​ ដែល​នឹង​អាច​ប៉ះពាល់​ដល់​សុខភាព​កុមារ​ មាន​ដូច​ជា​ជំងឺអុតស្វាយ កញ្ជ្រិល ស្អូច សាលាទែន ​ខាន់ស្លាក់ ក្អក​ខ្លាំង​ជាដើម។​ (នុច សារីតា, ហេឡូវីអូអេ, វ៉ាស៊ីនតោន/ផ្លរីដា, ១៩ កុម្ភៈ ២០១៥)


កុម្ភៈ 16, 2015

គន្លឹះ​ទៅ​កាន់​ភាព​ជោគជ័យ​សម្រាប់​សហគ្រិន​វ័យ​ក្មេង​កម្ពុជា‍

លោក ចាង ប៊ុនលាង សហស្ថាបនិក​និង​ជា​ដៃគូ​គ្រប់គ្រង​នៃ​ក្រុមហ៊ុន​ហាង​កាហ្វេ​និង​នំ BROWN Coffee ថ្លែង​ថា សហគ្រិន​វ័យ​ក្មេង​កម្ពុជា​គិតគួរ​ឲ្យ​បាន​ច្បាស់​លាស់​អំពី​គោលដៅ​ ឱកាស ​និង​មូលធន​ត្រឹមត្រូវ​មុន​នឹង​ធ្វើ​ពាណិជ្ជកម្ម​ណា​មួយ។ (សឹង សុផាត, សំឡេង​ជំនាន់​ថ្មី, វ៉ាស៊ីនតោន/ភ្នំពេញ, ១៦ កុម្ភៈ ២០១៥)


កុម្ភៈ 13, 2015

អំពើ​ពុករលួយ​ក្នុង​ដំណើរការ​ដេញ​ថ្លៃ​សាធារណៈ‍

លោក ព្រាប កុល នាយក​ប្រតិបត្តិ​នៃ​អង្គការ​តម្លាភាព​កម្ពុជា​ថ្លែង​ថា អំពើ​ពុករលួយ​នៅ​ក្នុង​ដំណើរការ​ដេញ​ថ្លៃ​សាធារណៈ​នៅ​តែ​ជា​បញ្ហា​ចោទ​ដ៏​ចម្បង​មួយ​របស់​កម្ពុជា​ ហើយ​វា​កំពុង​តែ​ធ្វើ​ឲ្យ​ប៉ះពាល់​ធ្ងន់ធ្ងរ​ដល់​ជីវភាព​រស់​នៅ​និង​ក្នុង​ករណី​ខ្លះ​រហូត​ដល់​អាយុ​ជីវិត​របស់​ពលរដ្ឋ​ខ្មែរ​ថែម​ទៀត​ផង។ (សាយ មុន្នី, ហេឡូវីអូអេ, ភ្នំពេញ, ១២ កុម្ភៈ ២០១៥)


កុម្ភៈ 11, 2015

តើ​នឹង​មាន​ផល​ប៉ះពាល់​អ្វី​ខ្លះ​នៅ​ពេល​ព្រៃឈើ​នៅ​សល់​តិច​តួច?

លោក អ៊ូច ឡេង អ្នក​ឃ្លាំ​មើល​បញ្ហា​ធនធាន​ធម្មជាតិ​និង​បរិស្ថាន​ក្នុង​ប្រទេស​កម្ពុជា​ ថ្លែង​ថា​វិនាសកម្ម​ព្រៃឈើ​បច្ចុប្បន្ន​នឹង​នាំ​ឲ្យ​ប៉ះពាល់​ដល់​ជីវភាព​ប្រជាពលរដ្ឋ​និង​ការ​ប្រែប្រួល​អាកាសធាតុ ហើយ​សុំ​ឲ្យ​រដ្ឋាភិបាល​មាន​វិធានការ​ទប់ស្កាត់។ (សុខ ខេមរា, ហេឡូវ​វីអូអេ​«ពិសេស‍», វ៉ាស៊ីនតោន/ភ្នំពេញ, ១០ កុម្ភៈ ២០១៥)


កុម្ភៈ 10, 2015

ការ​ទាមទារ​របស់​យុវជន​ឲ្យ​មាន​ការ​ជជែក​ដេញដោល​គ្នា​អំពី​គោលនយោបាយ

លោក អ៊ូ រិទ្ធី សហស្ថាបនិក​ក្រុម​យុវជន​ «កាហ្វេ​នយោបាយ‍» (Politikoffee) ថ្លែង​ថា​ទោះ​បី​បច្ចុប្បន្ន​យុវជន​មាន​ចំណាប់​អារម្មណ៍​ខាង​ការ​ចូល​រួម​នយោបាយ​ក្តី ក៏​ការ​ពិភាក្សា​ខាង​នយោបាយ​មិន​ទាន់​មាន​គុណភាព។ (សាយ មុន្នី, សំឡេង​យុវជន/ហេឡូវីអូអេ, ភ្នំពេញ, ៩ កុម្ភៈ ២០១៥)


កុម្ភៈ 06, 2015

យុវជន​និង​ការងារ​នៅ​មុន​សមាហរណកម្ម​អាស៊ាន‍

លោក ប៉ែន សុមុនី នាយក​ប្រតិបត្តិ​អង្គការ​ស្ម័គ្រ​ចិត្ត​ដើម្បី​សង្គម​ ថ្លែង​ថា ជំនាញ​ទន់​ខ្សោយ​របស់​យុវជន​កម្ពុជា​និង​ផលិតកម្ម​តិច​តួច​របស់​កម្ពុជា​នឹង​ក្លាយ​ជា​ការ​ប្រឈម​ខ្លាំង​ក្នុង​ពេល​កម្ពុជា​ចូល​សមាហរណកម្ម​អាស៊ាន​នៅ​ចុង​ឆ្នាំ​២០១៥​នេះ។ (សុខ ខេមរា, ហេឡូវីអូអេ, វ៉ាស៊ីនតោន/ភ្នំពេញ, ០៥ កុម្ភៈ ២០១៥)


កុម្ភៈ 03, 2015

សារៈសំខាន់​នៃ​ការ​ស្រាវជ្រាវ​គោល​នយោបាយ​សម្រាប់​ប្រទេស​ក្រីក្រ

លោក​ អ៊ូ វីរៈ​ ដែល​បានបង្កើត​និង​ដឹកនាំ​ស្ថាប័ន​ស្រាវជ្រាវ​«វេទិការ​អនាគត‍»​ថ្លែង​ថា ការ​សិក្សា​ស្រាវជ្រាវ​អំពី​គោល​នយោបាយ​មាន​សារៈ​សំខាន់​​ដើម្បី​ឱ្យ​មាន​ការ​កែប្រែ​លើ​បញ្ហា​ធំៗ​ដែល​កើត​មាន​ឡើង​នៅ​ក្នុង​ប្រទេស​ជាតិ​ប៉ុន្តែ​ក្នុង​ពេល​កន្លង​មក​ការ​ចេញ​ផ្សាយ​គោល​នយោបាយ​មួយ​ចំនួន​ហាក់​ដូច​ខ្វះខាត​ឆន្ទៈ​ក្នុង​ការ​ជំរុញ​ឱ្យ​សម្រេច​បាន។ (ម៉ែន គឹមសេង, ហេឡូវីអូអេ, វ៉ាស៊ីនតោន/ភ្នំពេញ, ០២ កុម្ភៈ ២០១៥)


មករា 30, 2015

ក្តីក្តាំ​របស់​អ្នក​តំណាងរាស្ត្រ​កម្ពុជា​នៅ​តុលាការ​និង​អភ័យឯកសិទ្ធិ​សភា‍

ក្រុមអ្នក​តំណាងរាស្ត្រ​គណបក្ស​ជំទាស់​ លោក ហូរ វ៉ាន់ និង លោក ម៉ែន សុថាវរិន្ទ្រ បាន​តតាំង​នឹង​ការ​ប៉ុនប៉ង​ចោទ​ប្រកាន់​ទោស​ពួកគេ ​ដោយ​និយាយ​ថា​ តុលាការ​មិន​អាច​ចាត់​វិធានការ​ណា​មួយ​នោះ​ទេ​បើ​គ្មាន​សំឡេង​២​ភាគ៣​នៃ​រដ្ឋសភា​ព្យួរ​អភ័យ​ឯកសិទ្ធ​នោះ។ (សុខ ខេមរា, ហេឡូវីអូអេ, វ៉ាស៊ីតោន/ភ្នំពេញ, ២៩ មករា ២០១៥)


មករា 27, 2015

សេចក្តី​ព្រាង​ច្បាប់​ទូរគមនាគមន៍​កម្ពុជា​និង​ផលប៉ះពាល់​ដែល​អាច​មាន​មក​លើ​សិទ្ធិ​របស់​ពលរដ្ឋ

អ្នក​ឯកទេស​បាន​ស្នើ​ឡើង​ថា រដ្ឋាភិបាល​គួរ​តែ​បើក​ឱ្យ​មាន​ការ​ពិភាក្សា​ទូលំទូលាយ​លើ​សេចក្តី​ព្រាងច្បាប់​ស្តី​ពី​ទូរគមនាគមន៍​ដើម្បី​ធានា​ដល់​ការបម្រើ​សេវាកម្ម​ល្អ ដល់​អ្នកប្រើប្រាស់​និង​ជៀសវាង​ការបកស្រាយ​មិន​ត្រឹមត្រូវ​ដែល​អាច​មាន​អ្នក​យក​ច្បាប់​នេះ មក​គាប​សង្កត់​អ្នក​ប្រើប្រាស់​និង​ប្រតិបត្តិករ​ខាងផ្នែក​ទូរគមនាគមន៍​នៅ​កម្ពុជា។ (ម៉ែន គឹមសេង, ហេឡូ​វីអូអេ, វ៉ាស៊ីនតោន, ២៦ មករា ២០១៥)

 

«ហេឡូវីអូអេ» ជា​កម្ម​វិធី​​ដែល​​ប្រិយ​​មិត្ត​​វីអូអេ​មាន​​​ឱកាស​សាក​​សួរ​ភ្ញៀវ​​របស់​​​យើង​ដែល​​ជា​​អ្នក​​ជំនាញ​​ លើ​​ប្រធាន​​បទ​​ផ្សេងៗ​​ ដូច​​ជា​​ នយោ​​បាយ​​ សុខ​ភាព​​ និង​ ​សិទ្ធិ​​មនុស្ស​​ ជា​ដើម។​
 
ប្រិយមិត្ត​​​អាច​​ទូរស័ព្ទ​​ចូល​​រួម​ផ្ទាល់​​ក្នុង​​ការ​​ផ្សាយ​​របស់​​យើងខ្ញុំ។ ហេឡូ​​វីអូអេ​មាន​​ផ្សាយ​ពីរ​​ដង​​ក្នុង​​មួយ​​សប្តាហ៍​​គឺ​​ថ្ងៃ​​ច័ន្ទ ​និង​​ថ្ងៃ​​ព្រហស្បតិ៍​វេលា​ម៉ោង​៨:៥០​យប់​  ហើយ​​មាន​​រយៈ​ពេល​​៣០​នាទី។
 
សូម​ប្រិយមិត្ត​ទូរស័ព្ទ​ផ្ទាល់​មក​លេខ​ (៨៥៥) ១២ ៥១ ៥១ ៩៤ នៅ​ទី​ក្រុង​ភ្នំពេញ​ប្រទេស​កម្ពុជា។
 
ប្រិយមិត្ត​ក៏​អាច​ផ្ញើ​ជា​សំណួរ​និង​យោបល់​មក​តាម​សារ​អេឡិចត្រូនិក (អ៊ីម៉េល) មក​កាន់​អាស័យដ្ឋាន hellovoa@voanews.com ឬ​តាម​បណ្ដាយ​សង្គម Facebook

Your JavaScript is turned off or you have an old version of Adobe's Flash Player. Get the latest Flash player.
បូជនីយដ្ឋាន​រំឭក​​វិញ្ញាណ​ក្ខន្ធ​​ជន​រងគ្រោះ​​​នៅក្នុង​គុក​ទួលស្លែងi
X
26 មិនា 2015
នៅ​ថ្ងៃ​ព្រហស្បតិ៍ទី​២៦​ ខែមីនានេះ ​បូជនីយដ្ឋាន​រំឭក​​វិញ្ញាណ​ក្ខន្ធ​​ជន​រងគ្រោះ​​នៃ​របប​ខ្មែរក្រហម​នៅក្នុង​គុកទួលស្លែង​​បាន​ត្រូវ​សម្ពោធ​​ដើម្បី​ឧទ្ទិស​ដល់​បុរស ​ស្រ្តី​និង​កុមារ​​​ដែល​ត្រូវ​បាន​នាំ​យក​មក​កាន់​គុក​ដ៏​ព្រៃផ្សៃស-២១​នេះ​នៅចន្លោះ​ឆ្នាំ​១៩៧៥​ដល់​ឆ្នាំ​១៩៧៩។​ មនុស្ស​ជា​ច្រើន​បាន​​ស្វាគមន៍​​ ​តែ​បូជនីយដ្ឋាន​នេះ​ក៏​បាន​មាន​​ភាព​ចម្រូង​ចម្រាស់​ផង​ដែរ។ ​លោក Robert Carmichael  រាយការណ៍​ឲ្យ​ VOA ​ពីរាជ​ធានី​ភ្នំពេញ។​ ហើយ​លោក ​ជឹង ​ប៉ូជីន​ប្រែសម្រួល​សេចក្តី​រាយការណ៍​នេះ៕
Your JavaScript is turned off or you have an old version of Adobe's Flash Player. Get the latest Flash player.
កម្ពុជា​រំពឹងថា​ ទស្សន​កិច្ច​លោកស្រី​ Michelle ​នឹង​លើក​ស្ទួយ​ការ​សិក្សា​របស់​សិស្សស្រីi
X
22 មិនា 2015
ប្រជាពល​រដ្ឋកម្ពុជា​បង្ហាញក្តី​សង្ឃឹម​ចំពេាះ​ឥទ្ធិពល​នៃដំណើរ​ទស្សន​កិច្ច​របស់​លោកស្រី​ Michelle Obama​ ទៅ​កាន់ប្រទេស​កម្ពុជា​កាលពីចុង​សប្តាហ៍ ​ដោយ​លើកឡើង​ថា ​កម្មវិធី «ចូរឲ្យ​ក្មេងស្រី​ទៅរៀន​ »​ដែល​លោកស្រីនាំមក​ជាមួយ​នឹងជួយ​ឲ្យ​ក្មេងស្រី​នៅកម្ពុជា​កាន់តែ​ច្រើន​ឡើង​ បាន​ទទួល​ការអប់រំ​រហូតដល់​កម្រិតខ្ពស់។​ ​លោក​សាយ មុន្នី នៃ​វីអូអេ​រាយ​ការណ៍​អំពី​រឿង​នេះ​ពី​ខេត្ត​សៀមរាប៕

អង់គ្លេស​ជាមួយ​ម៉ានី​និង​ម៉ូរី

Your JavaScript is turned off or you have an old version of Adobe's Flash Player. Get the latest Flash player.
You've Got to Be Kidding Me និយាយ​លេងi
X
01 ធ្នូ 2014
យើង​និយាយ​ឃ្លា​ថា you've got to be kidding me គឺ​ពេល​ដែល​យើង​ស្ថិត​ក្នុង​ស្ថានភាព​មួយ ឬ ពេល​យើង​ឮ​អ្វី​មួយ​ហើយ យើង​នឹក​ស្មាន​មិន​ដល់ ធ្វើ​ឲ្យ​យើង​ភ្ញាក់ផ្អើល​ថា វា​មិន​អាច​ជា​ការពិត​បាន គឺ​មិន​គួរ​ឲ្យ​ជឿ​សោះ។ កម្មវិធី​នេះ ក៏​មាន​ដាក់​ផ្សាយ​ជូន​លើ​គេហទំព័រ YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
Your JavaScript is turned off or you have an old version of Adobe's Flash Player. Get the latest Flash player.
ជម្រក​អភិរក្ស​បរិស្ថាន Ol Pejeta នៃ​ប្រទេស​កេនយ៉ា​ ធ្វើ​ឲ្យ​សត្វ​នៅ​ឆ្ងាយ​ពី​មនុស្សi
X
25 មិនា 2015
នៅ​ក្នុង​សង្កាត់ Laikipia អ្នកល្បាត​ជនជាតិ​កេនយ៉ា បាន​បើក​រថយន្ត​ដឹក​សត្វព្រៃ​ចូល​កាន់តែ​ជ្រៅ​ទៅ​ក្នុង​តំបន់​អភិរក្ស​បរិស្ថាន​ដែល​មាន​ទំហំ ៣ម៉ឺន ៦ពាន់​ហិកតា ដើម្បី​ការពារ​សត្វទាំង​នោះ ពី​ជម្លោះ​ដែល​កើត​ឡើង​ដោយសារ​ការឈ្លានពាន​របស់​មនុស្ស។ លោក Lenny Ruvaga បាន​ធ្វើ​ដំណើរ​ទៅ​ជាមួយ​មន្រ្តី​អភិរក្ស​សត្វព្រៃ ដែល​បើក​រថយន្ត​ធុន​ធំ និង​ឧត្ថម្ភាគចក្រ​ទៅក្នុង​ជម្រក​អភិរក្ស​បរិស្ថាន Ol Pejeta ដើម្បី​ការពារ​កុំ​ឲ្យ​សត្វព្រៃ​ទាំងនេះ ត្រូវ​មនុស្ស​ក្នុង​តំបន់​សម្លាប់​ដើម្បី​ការពារ​ខ្លួន ឬ​ប្រម៉ាញ់​យក​សាច់​ធ្វើ​ជា​ម្ហូប​អាហារ។ លោក Lenny Ruvaga  រាយការណ៍​ឲ្យVOA ពី​សង្កាត់ Laikipia នៃ​ប្រទេស​កេនយ៉ា ហើយ​អ្នកស្រី នុច សារីតា ជូន​សេចក្តី​ប្រែសម្រួល​៕