ថ្ងៃព្រហស្បតិ៍, 05 ឧសភា 2016

    វិទ្យុ / Hello VOA

    Hello VOA ​មាន​​ផ្សាយ​ពីរ​​ដង​​ក្នុង​​មួយ​​សប្តាហ៍​​គឺ​​ថ្ងៃ​​ច័ន្ទ ​និង​​ថ្ងៃ​​ព្រហស្បតិ៍​វេលា​ម៉ោង​៨:៥០​យប់​  ហើយ​​មាន​​រយៈ​ពេល​​៣០​នាទី។ សូម​ប្រិយមិត្ត​ទូរស័ព្ទ​ផ្ទាល់​មក​លេខ​ (៨៥៥) ១២ ៥១ ៥១ ៩៤ នៅ​ទី​ក្រុង​ភ្នំពេញ​ប្រទេស​កម្ពុជា។


    ឧសភា 03, 2016

    Hello VOA៖ លោកអ៊ូ វីរៈ​ថា គ្រប់​គ្នា​ខ្លាច​គុក​ តែ​ប្រទេស​ប្រេះឆា ​និង​ជូរចត់​ក៏​គួរ​ឱ្យ​ខ្លាច​ដែរ

    លោក អ៊ូ វីរៈ ​បាន​សម្តែង​ការ​សោកស្តាយ​ និង​ខក​ចិត្ត​ចំពោះ​កម្តៅ​នយោបាយ​ ដែល​ចេះ​តែ​កើនឡើង​នៅ​ក្នុង​ប្រទេស​កម្ពុជា។ ប៉ុន្តែ​ លោក​ថា មិនមាន​ការ​ភ្ញាក់ផ្អើល​ទាំងស្រុង​ទេ​ ដោយ​សារ​វា​ជា​យុទ្ធសាស្រ្ត​ដែល​គណបក្ស​នយោបាយ​ប្រើ​ប្រាស់​ដើម្បី​យក​ប្រៀបលើ​គ្នា ​នៅ​មុន​ពេល​ការ​បោះឆ្នោត​ជិត​មក​ដល់​ក្នុង​ពេល​ខាងមុខ​ប៉ុណ្ណោះ។ លោក​បាន​លើក​ឡើង​ដូច្នេះ នៅ​ក្នុង​កម្មវិធី Hello VOA ប្រចាំ​ខែ កាលពីថ្ងៃ​ច័ន្ទ ទី២ ខែឧសភា ឆ្នាំ២០១៦។ (ម៉ែន គឹមសេង, Hello VOA, វ៉ាស៊ីនតោន, ២ ឧសភា ២០១៦)


    មេសា 29, 2016

    Hello VOA៖ អ្នក​ជំនាញ​ថា ដើម្បី​បន្ថយ​ចំណាកស្រុក​ រដ្ឋាភិបាល​គួរ​​ជួយ​កសិករ​លើ​ផ្នែក​ដំណាំ​ឧស្សាហកម្ម

    លោក​ មឿន តុលា នាយក​ប្រតិបត្តិ​នៃ​មជ្ឈមណ្ឌល​សម្ព័ន្ធ​ការងារ​និង​សិទ្ធិ​មនុស្ស​ស្នើ​សុំ​ឱ្យ​រដ្ឋាភិបាល​ពិចារណា​ផ្តល់​ជំនាញ​ដល់​កសិករ​​ខាង​ផ្នែក​ដាំ​ដំណាំ​​ឧស្សាហកម្ម​សម្រាប់​ផ្គត់​ផ្គង់​ដល់​វិស័យ​ឧស្សាហកម្ម​កាត់​ដេរ​នៅ​កម្ពុជា ​ដើម្បី​ជា​ផ្នែក​មួយ​​ជួយ​ដល់​ការ​បង្កើត​ការងារ​និង​កាត់​បន្ថយ​ការ​ធ្វើ​ចំណាកស្រុក។ (ម៉ែន គឹមសេង, Hello VOA, វ៉ាស៊ីនតោន/ភ្នំពេញ, ២៨ មេសា ២០១៦)


    មេសា 26, 2016

    Hello VOA៖ លោក​ឱក សេរីសោភក្តិ៍​ថា ស្ថានការណ៍​បច្ចុប្បន្ន​រដ្ឋាភិបាល​ជា​អ្នក​ខាត

    អ្នក​វិភាគ លោក​ឱក សេរីសោភក្តិ៍​ បាន​ស្នើ​សុំ​ឱ្យ​រដ្ឋាភិបាល​មាន​ការ​ប្រយ័ត្ន​ប្រយែង​ចំពោះ​​ការ​បាត់​បង់​ការ​គាំទ្រ​ថែម​ទៀត​ដោយ​សារ​តែ​​ចង់​យក​ចាញ់​ឈ្នះ​លើ​អ្នក​ដែល​ហ៊ាន​រិះគន់​ដោយ​ប្តឹង​ទៅ​​​តុលាការ​ព្រោះ​ពលរដ្ឋ​មិន​មាន​ជំនឿ​ថា​​ប្រព័ន្ធ​នេះ​អាច​​ផ្តល់​យុត្តិធម៌​នោះ​ទេ។ (ម៉ែន គឹមសេង, Hello VOA, វ៉ាស៊ីនតោន/ភ្នំពេញ, ២៥ មេសា ២០១៦)


    មេសា 22, 2016

    Hello VOA៖ រដ្ឋាភិបាល​ត្រូវ​ទទួល​ខុសត្រូវ​ចំពោះ​ការ​កំណត់​ថ្ងៃ​បោះឆ្នោត​ឃុំ-សង្កាត់

    លោក គល់ បញ្ញា នាយក​ប្រតិបត្តិ​នៃ​អង្គការ​ឃ្លាំមើល​ការ​បោះឆ្នោត ខុមហ្វ្រែល បាន​ថ្លែង​ថា រដ្ឋាភិបាល​ចាំបាច់​ត្រូវ​កំណត់​កាល​បរិច្ឆេទ​ថ្ងៃ​បោះឆ្នោត​ជ្រើសរើស​ក្រុម​ប្រឹក្សា​ឃុំ សង្កាត់ ឲ្យ​បាន​ឆាប់​ដើម្បី​សម្រួល​ដល់​ការ​ចុះ​ឈ្មោះ​ដល់​អ្នក​បោះឆ្នោត និង​ការ​រៀបចំ​ផ្សេងៗ។ លោក​បាន​អះអាង​ថា នេះ​គឺជា​ការ​ទទួល​ខុសត្រូវ​របស់​រដ្ឋាភិបាល​ក្នុង​ការ​ធ្វើ​ឲ្យ​ការ​បោះឆ្នោត​មាន​ដំណើរការ​រលូន។ ក៏ប៉ុន្តែ លោក​បាន​បន្ថែម​ថា ក្នុង​ខណៈពេល​នេះ​គណបក្ស​ប្រឆាំង​ស្ថិត​នៅ​ក្រោម​សម្ពាធ​នយោបាយ​ខ្លាំង ដែល​លោក​មើល​ទៅ មិន​ទាន់​មាន​ការ​គិតគូរ​ខ្លាំង​ពី​ការ​បោះឆ្នោត​ទេ។ លោក​សង្កត់​ធ្ងន់​ថា ដូច្នេះ រដ្ឋាភិបាល​មាន​ភារកិច្ច​រៀបចំ​បរិយាកាស​នយោបាយ​ឲ្យ​មាន​ភាព​នឹងនរ ដើម្បី​ឲ្យ​គណបក្ស​នយោបាយ​នានា បាន​ចូលរួម​ប្រកួត​ប្រជែង​ក្នុង​ការ​បោះឆ្នោត​ដោយ​ត្រឹមត្រូវ និង​យុត្តិធម៌។ (សុខ ខេមរា, Hello VOA, វ៉ាស៊ីនតោន, ២១ មេសា ២០១៦)


    មេសា 19, 2016

    Hello VOA៖ យុវជន​ខ្មែរ​មាន​ឱកាស​ច្រើន​ជាង​មុន ដើម្បី​បង្កើត​ក្រុមហ៊ុន​បច្ចេកវិទ្យា startup

    លោក ខៀវ សុខមេសា អ្នក​ឯកទេស​ជាន់​ខ្ពស់​ផ្នែក​សរសេរ​កម្មវិធី software កុំព្យូទ័រ​នៅ​ក្រុមហ៊ុន​បច្ចេកវិទ្យា InSTEDD iLab នៅ​ភ្នំពេញ ថ្លែង​ថា ទោះ​បី​ក្នុង​ពេល​បច្ចុប្បន្ន​នេះ​នៅ​មាន​ការ​ប្រឈម​ខ្លះ​ខាង​ចំណេះ​បច្ចេកវិទ្យា ​និង​ទីផ្សារ​មាន​ការ​ប្រកួត​ប្រជែង​ក្តី ក៏​យុវជន​ខ្មែរ​មាន​ឱកាស​ច្រើន​ជាង​មុន​ក្នុង​ការ​បង្កើត​ក្រុមហ៊ុន​បច្ចេកវិទ្យា​ថ្មី (technology startups)។ លោក ខៀវ សុខមេសា ​ថ្លែង​ក្នុង​កម្មវិធី Hello VOA «សំឡេង​ជំនាន់​ថ្មី‍» កាល​ពី​ថ្ងៃ​ច័ន្ទ​ថា ​ការណ៍​នេះ​ដោយ​សារ​កត្តា​មួយ​ចំនួន ដូចជា​កំណើន​អ្នក​ប្រើប្រាស់​អ៊ីនធឺណិត ការ​ផ្លាស់ប្តូរ​ឥរិយាបទ​ចំពោះ​សហគ្រិនភាព ​និង​ជោគជ័យ​នៃ​ក្រុមហ៊ុន startup ​ក្នុង​ស្រុក​មួយ​ចំនួន។ (សឹង សុផាត, Hello VOA សំឡេង​ជំនាន់​ថ្មី, វ៉ាស៊ីនតោន/ភ្នំពេញ, ១៨ មេសា ២០១៥)


    មេសា 15, 2016

    Hello VOA៖ អង្គការ​ប្រឆាំង​អំពើ​ពុករលួយ ស្នើ​ឲ្យ​មាន​ការ​ស៊ើបអង្កេត​ករណី Panama Papers ពាក់ព័ន្ធ​រដ្ឋមន្ត្រី​យុត្តិធម៌

    ការ​បែក​ធ្លាយ​ឯកសារ​សម្ងាត់​ជាង​១១លាន​៥សែន​ឯកសារ​ពី​ក្រុមហ៊ុន​ Mossack Fonseca ​នៅ​ប្រទេស​ប៉ាណាម៉ា ដែល​គេ​ហៅ​ថា Panama Papers បាន​បង្ហាញ​ឈ្មោះ រដ្ឋមន្ត្រី​ក្រសួង​យុត្តិធម៌​កម្ពុជា​ គឺ​លោក អង្គ វង្ស វឌ្ឍា​នា។ លោក ព្រាប កុល នាយក​ប្រតិបត្តិ​នៃ​អង្គការ​តម្លាភាព​កម្ពុជា ស្នើ​ឲ្យ​អង្គភាព​ប្រឆាំង​អំពើ​ពុករលួយ ពិចារណា​បើក​ការ​ស៊ើប​អង្កេត​សំណុំរឿង​ចោទ​ប្រកាន់​អំពី​អំពើ​ពុករលួយ​ពាក់ព័ន្ធ​នឹង​អ្នក​នយោបាយ​ខ្មែរ ដោយ​ប្រើ​ស្តង់ដារ​តែ​មួយ។ លោក​ថ្លែង​ដូច្នេះ​ក្នុង​កម្ម​វិធី​ «Hello VOA» នៅ​ថ្ងៃ​ព្រហស្បតិ៍​ ទី​១៤ ខែ​មេសា​នេះ ដោយ​លោក​លើក​ឡើង​ថា ការ​ខកខាន​ មិន​បាន​គោរព​តាម​ស្តង់ដារ​ដូច​គ្នា​ក្នុង​ការ​ស៊ើបអង្កេត​នេះ អាច​ធ្វើ​ឲ្យ​ពលរដ្ឋ​បាត់បង់​ជំនឿ​ចិត្ត​ទៅលើ​ស្ថាប័ន​ទទួល​ខុសត្រូវ​ក្នុង​ការ​ប្រយុទ្ធ​ប្រឆាំង​អំពើ​ពុករលួយ​នៅ​កម្ពុជា។ (សាយ មុន្នី, Hello VOA, វ៉ាស៊ីនតោន, ១៤ មេសា ២០១៦)


    មេសា 12, 2016

    Hello VOA៖ ក្រុម​សកម្មជន​ថា​ឈ្មួញ​បង្កើន​សកម្មភាព​កាប់បំផ្លាញ​ព្រៃឈើ​នៅ​ព្រៃឡង់

    ក្រុម​បណ្តាញ​ការពារ​ព្រៃឡង់​បាន​និយាយ​ថា ទោះជា​ពួកគេ​ខិតខំ​ប្រឹងប្រែង​ទប់ស្កាត់​ការកាប់បំផ្លាញ​ព្រៃឈើ​យ៉ាងណាក្តី តែ​ឈ្មួញ​ឈើ​បាន​សំរុក​កាប់ព្រៃឈើ​ខុស​ច្បាប់​យ៉ាងខ្លាំង​នៅ​ពេល​នេះ ក្នុង​សហគមន៍​ព្រៃឡង់​ជាពិសេស​នៅ​ខេត្តកំពង់ធំ​និង​ខេត្ត​ព្រះវិហារ។ នេះ​បើ​តាម​ការអះអាង​របស់​លោក ហឿន សុភាព សកម្មជន​ការពារ​ព្រៃឡង់​ប្រចាំ​ខេត្តកំពង់ធំ និង​លោកស្រី ភោគ ហុង ​សកម្ម​ជន ការពារ​ព្រៃឡង់​ប្រចាំ​ខេត្ត ​ព្រះវិហារ។ (សុខ ខេមរា, Hello VOA, វ៉ាស៊ីនតោន, ១១ មេសា ២០១៦)


    មេសា 08, 2016

    Hello VOA៖ មេដឹកនាំ​សហជីព​ទទូច​ឲ្យ​អាស៊ាន​មាន​ច្បាប់​ដែល​ផ្តល់​សេរីភាព​ដល់​កម្មករ

    លោក ​អាត់ ធន់ មេដឹកនាំ​សហជីព​កម្ពុជា​មួយ​រូប បាន​អះអាង​ថា ​ច្បាប់​សហជីព​តំបន់​អាស៊ាន​មិន​ទាន់​ផ្តល់​សិទ្ធ​សេរីភាព​ពេញលេញ​ដល់​កម្មករ ​ពលករ ​ហើយ​មិន​អាច​ធ្វើឲ្យ​មាន​ផល​ប្រយោជន៍​ខ្លាំង​ដល់​សេដ្ឋកិច្ច និង​ពាណិជ្ជកម្ម​ក្នុង​តំបន់​អាស៊ាន​ទាំង​មូល​បាន​ទេ។ លោក​ថា​ ប្រទេស​ខ្លះ​មាន​ច្បាប់​ល្អ​ ប្រទេស​ខ្លះ​នៅ​មាន​ច្បាប់​តឹងរឹង​ ដែល​ពិបាក​ដល់​ក្រុម​កម្មករ ​និង​ពលករ។ លោក​បាន​បញ្ជាក់​ដូច្នេះ​ក្នុង​កម្មវិធី Hello VOA ​ នៅ​យប់​ថ្ងៃ​ព្រហស្បតិ៍ ទី៧ ​ខែមេសា​ ឆ្នាំ​២០១៦។ (សុខ ខេមរា, Hello VOA, វ៉ាស៊ីនតោន, ៧ មេសា ២០១៦)


    មេសា 04, 2016

    Hello VOA៖ ការ​រុះរើ​គណៈរដ្ឋ​មន្ត្រី​ជា​សញ្ញា​វិជ្ជមាន​ តែ​ក្រសួង​ត្រូវ​ដូរ​ខ្លះ​បែរ​ជា​រួច​ខ្លួន

    ការ​ផ្លាស់​ប្តូរ​គណៈរដ្ឋ​មន្ត្រី​ក្នុង​ទ្រង់​ទ្រាយ​តូច​មួយ​នៅ​ថ្ងៃ​ច័ន្ទនេះ​ជាលក្ខណៈ​«វិជ្ជមាន»​ខណៈពេល​ដែល​មាន​កិច្ចការ​ជាច្រើន ​ដែល​រដ្ឋមន្ត្រី​ថ្មី​ទាំងនោះ​ត្រូវ​ដោះស្រាយ​ ក្នុង​នោះ​រួមមាន​ទំនាស់​ដីធ្លី​ដ៏​ធ្ងន់​ធ្ងរ សេវាសាធារណៈ​មិនល្អ​ដែល​ស្ថានទូត​ក្រៅ​ប្រទេស​ផ្តល់​ឱ្យ​ពលករ​ចំណាកស្រុក និង​កិច្ចការ​ជាន់​គ្នា​នៃ​ក្រសួង​មួយ​ចំនួន។ នេះ​បើតាមការ​លើក​ឡើង​របស់លោក​ អ៊ូ វីរៈ ប្រធាន​វេទិការ​អនាគត បាន​បញ្ជាក់​ថា​ ក្រសួង​មួយ​ចំនួន​ដែល​ជាដើម​ចម​នៃ​បញ្ហា​ដែល​បង្ក​ការ​ថ្នាំងថ្នាក់​ដល់​ប្រជា​ពលរដ្ឋ​បែរ​ជា​មិន​មាន​ការ​រុះរើ​ទៅវិញ ​ដូច​ជា​ក្រសួង​សុខាភិបាល ក្រសួង​យុត្តិធម៌ ក្រសួង​មហាផ្ទៃ​និង​ក្រសួង​ការពារជាតិ​ជាដើម។ លោក អ៊ូ វីរៈ បាន​បញ្ជាក់​ដូច្នេះ​ក្នុង​កម្មវិធី Hello VOA ​ នៅ​យប់​ថ្ងៃ​ច័ន្ទ ទី១ ​ខែមេសា​ ឆ្នាំ​២០១៦។ (ម៉ែន គឹមសេង, Hello VOA, វ៉ាស៊ីនតោន, ១ មេសា ២០១៦)


    មេសា 01, 2016

    Hello VOA៖ ការ​ប្រើប្រាស់​​តួនាទី​រដ្ឋ​​ដើម្បី​ប្រយោជន៍​ផ្ទាល់ខ្លួន​បាន​ក្លាយ​ជា​ទម្លាប់​ទៅ​ហើយ​

    លោក ឡុង គឺម ឃន ស្ថាបនិក​និង​ជា​ប្រធាន​អង្គការ​សភា​យុវជន​ខ្មែរ បាន​ថ្លែង​​​ថា ការ​បំពាន​អំណាច​ពី​សំណាក់​មន្ត្រី​សាធារណៈ ដោយ​​យក​តួនាទី​រដ្ឋ​​ទៅ​បម្រើ​ប្រយោជន៍​ផ្ទាល់​ខ្លួន​ឬ​ប្រយោជន៍​ឯកជន កើត​មាន​ឡើង​នៅ​គ្រប់​ស្ថាប័ន​ទាំងអស់​របស់​កម្ពុជា។ (សាយ មុន្នី, Hello VOA, ​វ៉ាស៊ីនតោន/ភ្នំពេញ, ៣១ មីនា ២០១៦)


    មិនា 29, 2016

    Hello VOA៖ អ្នកវិភាគ​មើល​ឃើញ​ប្រសិទ្ធភាព​តិចតួច​ពី​ការ​រុះរើ​គណៈរដ្ឋ​មន្ត្រី

    ការ​រុះរើ​គណៈរដ្ឋ​មន្ត្រី ​ដែល​សភា​​ជាតិ​គ្រោង​នឹង​​យក​មក​ពិភាក្សា​​អនុម័ត​នៅ​ដើម​ខែ​មេសា​គឺ​មិន​​ទាន់​ដល់​ចំណុច​ដែល​ពលរដ្ឋ​ចង់​បាន​ពិត​ប្រាកដ​ទេ​ដោយ​សារ​តែ​ក្រសួង​មួយ​ចំនួន​ដែល​រង​ការរិះគន់​ខ្លាំង​បែរ​ជា​មិន​មាន​ការដោះដូរ​ថ្នាក់​ដឹកនាំ​ឡើយ។ នេះ​បើ​តាមការ​លើកឡើង​របស់​លោក​ ឱក សេរីសោភក្តិ៍ ​អ្នក​ឯកទេស​ខាងផ្នែក​អភិបាលកិច្ច​ល្អ​បាន​បញ្ជាក់​ក្នុង​កម្មវិធី​ Hello VOA ​ នៅ​យប់​ថ្ងៃ​ច័ន្ទ ទី២៨ ​ខែមីនា​ ឆ្នាំ​២០១៦។ (ម៉ែន គឹមសេង, Hello VOA, វ៉ាស៊ីនតោន, ២៨ មីនា ២០១៦)


    មិនា 26, 2016

    Hello VOA៖ លោកស្រី​ មូរ សុខហួរ ថ្លែងថា ស្ថានទូត​គួរ​ជួយ​ជនរងគ្រោះ​ច្រើន​ជាង​គិត​ពី​បក្ស

    លោកស្រី មូរ សុខហួរ អ្នក​តំណាងរាស្រ្ត​គណបក្ស​សង្គ្រោះជាតិ​បាន​ជំរុញ​ឱ្យ​ស្ថានទូត​​ខ្មែរ​នៅ​ក្រៅ​ប្រទេស​ជួយ​ដោះស្រាយ​បញ្ហា​ស្រ្តី​រងគ្រោះ​នានា​ដោយ​ការ​បោក​យក​ទៅ​រៀបការ​នៅ​ក្រៅ​ប្រទេស​ក្រោម​លេស​ថា ទៅ​រក​ការងារ​ធ្វើ​ឱ្យ​បាន​ត្រឹមត្រូវ​និង​ផ្តល់​ភាព​ថ្លៃថ្នូរ​ចំពោះ​ពួកគេ​ឱ្យ​បាន​ច្រើន​ជាង​ការ​គិតគូ​ពី​ការ​ពង្រឹង​គណបក្ស​នៅ​ក្រៅ​ស្រុក។ លោកស្រី​បាន​លើក​ឡើង​ក្នុង​ពេល​ដែល​ជន​រងគ្រោះ​ដោយសារ​ការជួញដូរ​ទៅ​ប្រទេស​ចិន​ម្នាក់​បាន​រាយការណ៍​ថា​ខ្លួន​ត្រូវ​បាន​ស្ថានកុងស៊ុល​ក្នុង​ទីក្រុង​សៀងហៃ​មិនសូវ​យក​ចិត្ត​ទុកដាក់​ហើយ​ទុក​​ឱ្យ​ដេកនៅលើ​ចឹញ្ចើមថ្នល់ជាមួយ​នឹង​ស្រ្តី​ចំនួន​៧នាក់​ផ្សេង​ទៀត​ក្នុង​ពេល​មក​រក​សេវា​ជួយ​សង្គ្រោះ​ចេញ​ពី​ក្រុម​គ្រួសារ​ខាង​​បុរស​ចិន​ដែល​បាន​បង្ខំ​ខ្លួន​ឱ្យ​រៀបការ​ជាមួយ។ (ម៉ែន គឹមសេង, Hello VOA, វ៉ាស៊ីនតោន ២៤ មីនា ២០១៦)


    មិនា 18, 2016

    Hello VOA៖ វិធី​ព្យាបាល​​អាការៈ​ភើជូរ

    លោក​វេជ្ជ​បណ្ឌិត តាំង តេកហុង នៅ​រដ្ឋ Florida សហរដ្ឋ​អាមេរិក ថ្លែង​ថា ​មាន​​វិធី​ព្យាបាលអាការៈ​​​ភើជូរ​​តាម​វិធី​ផ្សេងៗ ដែល​មាន​ចាប់​តាំង​ពី​ថ្នាំ​ដែល​មាន​លក់​នៅ​តាមឱសថស្ថាន​ ដូច​ជា​ថ្នាំ Maalox, Mylanta និង Rolaids ជា​ដើម រហូត​ដល់​ថ្នាំ​ដែល​ត្រូវ​មាន​សំបុត្រពេទ្យ ដូចជា Pantoprazole (Protonix), Rabeorazole (Prevacid) និង Dexlansoprazole (Dexilant)។ (ប៉ូច រាសី, Hello VOA, វ៉ាស៊ីនតោន/ផ្លរីដា, ១៧ មីនា ២០១៦)


    មិនា 18, 2016

    Hello VOA៖ តើធ្វើ​ណា​ធានា​ថា​ប្រជាជនខ្មែរទាំងមូល​ក៏ឈ្នះនៅក្នុងការបោះឆ្នោត​ខាង​មុខ?

    លោក ហេង ស្រ៊ាង អ្នកស្រាវជ្រាវខាងសង្គមនិងនយោបាយកម្ពុជា​ថ្លែង​ថា ​​ប្រជាពលរដ្ឋ​​កម្ពុជា​គួរ​ទាមទារ​ច្រើន​ជាង​មុន​ពី​អ្នក​ដឹកនាំ​ក្នុង​ការ​បោះឆ្នោត​ខាង​មុខ។ (សាយ មុន្នី, Hello VOA, វ៉ាស៊ីនតោន/ភ្នំពេញ, ១៤ មីនា ២០១៦)


    មិនា 12, 2016

    Hello VOA៖ អ្នក​ជំនាញ​ថា ការ​អប់រំ​ចំណេះ​តែ​មួយ​មុខ មិន​អាច​លុប​បំបាត់​អំពើ​ពុករលួយ​នៅ​កម្ពុជា​បាន​ទេ

    អ្នក​តស៊ូ​មតិ​ប្រឆាំង​អំពើ​ពុករលួយ​​នៅ​កម្ពុជា លើក​ឡើង​ថា ការ​អប់រំ​តែ​ចំណេះ​ដឹង​និង​ជំនាញ​វិជ្ជាជីវៈ​នៅ​តាម​គ្រឹះស្ថាន​អប់រំ​នៅ​មិន​ទាន់​គ្រប់គ្រាន់​ដើម្បី​លុបបំបាត់​អំពើ​ពុករលួយ​នៅ​ក្នុង​ប្រទេស​នេះ​បាន​ទេ។​ លោក ព្រាប កុល នាយក​ប្រតិបត្តិ​នៃ​អង្គការ​តម្លាភាព​កម្ពុជា បាន​ថ្លែង​នៅ​ក្នុង​កម្មវិធី​ Hello VOA នៅ​ថ្ងៃ​ព្រហស្បតិ៍ ទី​១០ ខែ​មីនា​នេះ​ថា គេ​ចាំ​បាច់​ត្រូវ​អប់រំ​អំពី​សីលធម៌​និង​គុណធម៌ ដើម្បី​បង្រៀន​មនុស្ស​ឲ្យ​ស្អប់ខ្ពើម​អំពើ​ពុករលួយ​តាំង​ពី​តូចៗ​ទៅ។ (សាយ មុន្នី, Hello VOA , វ៉ាស៊ីនតោន/ភ្នំពេញ, ១០ មីនា ២០១៦)


    មិនា 08, 2016

    Hello VOA៖ បក្ស​កាន់​អំណាច​អាច​ស្តារ​មុខមាត់​បាន​នៅ​២០១៧ តែ​បក្ស​ជំទាស់​ក៏​ចាក់​ឫសមាំ​ជាងមុន​នៅ​ថ្នាក់​មូលដ្ឋាន

    សម្រាប់​ការ​បោះឆ្នោត​ឃុំ​សង្កាត់​ក្នុង​ពេល​ខាងមុខ ​គណបក្ស​ប្រជាជន​កម្ពុជា​អាច​នឹង​មាន​ឱកាស​ស្តារ​មុខមាត់​ឡើងវិញ​បាន​ បន្ទាប់​ពី​បាក់​ស្រុត​យ៉ាងខ្លាំង​ក្នុង​ការ​បោះឆ្នោត​ជាតិ​ឆ្នាំ​២០១៣ ដោយ​សារ​តែ​គណបក្ស​នេះ​មាន​ធនធាន​មនុស្ស​ និង​ធនធាន​ហិរញ្ញវត្ថុ​ច្រើន។ នេះ​បើតាម​ការ​បញ្ជាក់​របស់​អ្នក​វិភាគ។ លោក ​អ៊ូ វីរៈ ប្រធាន​វេទិការ​អនាគត​បាន​បញ្ជាក់​ក្នុង​កម្មវិធី Hello VOA ថា​ទន្ទឹម​នឹង​ឱកាស​ដែល​មាន​នេះ​គណបក្ស​កាន់​អំណាច​នេះ​ក៏មានបញ្ហា​ប្រឈម​ដែរ​នោះគឺ​មាន​សារនយោបាយមិន​ជាក់​លាក់​។ លោក​បាន​ផ្តល់​ឧទាហរណ៍​ថា​ ដើម្បី​តទល់​នឹង​សារ​នយោបាយ​របស់​គណបក្ស​ប្រឆាំង​ដែល​ទាម​ទារ​ឱ្យ​មាន​ការ​ផ្លាស់ប្តូរ ​គណបក្ស​ប្រជាជន​កម្ពុជា​ត្រូវ​ប្រើ​សារនយោបាយ​ធ្វើការ​កែទម្រង់ ​ប៉ុន្តែ​ថា ការ​កែទម្រង់​កន្លង​មក​ហាក់​មិន​មាន​ភាព​ច្បាស់​លាស់​នៅ​ឡើយ​ទេ។ លោក​ អ៊ូ វីរៈ​ បាន​ប្រមើល​ឃើញ​ថា​ គណបក្ស​សង្គ្រោះ​ជាតិ​នឹង​បន្ត​ចាក់​ឫស​កាន់​តែ​រឹងមាំ​ទៀត​នៅ​ថ្នាក់​មូលដ្ឋាន ​នៅ​ក្រោយ​ពី​ការ​បោះឆ្នោត​ឃុំ​សង្កាត់​ក្នុង​ពេល​ខាង​មុខ​នេះ។ ការណ៍នេះ​ដោយសារ​តែ​មាន​មនុស្ស​កាន់​តែ​ច្រើន​មាន​ទឹក​ចិត្ត​ចូលរួម ហើយ​ថា​ការណ​ដែល​គណបក្ស​ប្រឆាំង​នៅ​បន្ត​រួមគ្នា ​គឺ​ផ្តល់​ជា​ប្រយោជន៍​ច្រើន។ (ម៉ែន គឹមសេង, Hello VOA, វ៉ាស៊ីនតោន/ភ្នំពេញ, ៧ មីនា ២០១៦)


    មិនា 04, 2016

    Hello VOA៖ អ្នក​វិភាគ​ថា​ទំនាក់ទនង​កម្ពុជា​ថៃ​​ចាស់ទុំ​ជាង​មុន

    លោក​បណ្ឌិត ដេត សុខឧត្តម ព្រឹទ្ធបុរសផ្នែកកិច្ចការសិក្សាធិការនៃសាកលវិទ្យាល័យហ្សាម៉ាន់ ថ្លែង​ថា ទំនាក់​ទំនង​កម្ពុជា​ថៃ​ក្នុង​ពេល​បច្ចុប្បន្ន​នេះ​មាន​លក្ខណៈ​ល្អ​ប្រសើរ​​ដោយ​សារ​ទំនាក់ទំនង​កាន់​តែ​​ចាស់​ទុំ​ជាង​មុន​ខាង​នយោបាយ និង​ពឹងផ្អែក​កាន់​តែ​ខ្លាំង​ខាង​សេដ្ឋកិច្ច។​​​ (សឹង សុផាត, Hello VOA វេទិកា​អាស៊ាន, វ៉ាស៊ីនតោន/ភ្នំពេញ, ៣ មីនា ២០១៦)


    មិនា 01, 2016

    Hello VOA៖ អ្នកវិភាគ​ថា កម្ពុជា​ល្មម​ដល់​ពេល​មាន​ថ្នាក់​ដឹកនាំ​ជំនាន់​ក្រោយ​ហើយ

    អ្នក​វិភាគ​​​និយាយ​ថា វា​ល្មម​ដល់​ពេល​ដែល​កម្ពុជា មាន​ថ្នាក់​ដឹកនាំ​នយោបាយ​ ជា​យុវជន​ជំនាន់​ក្រោយ​ ហើយ​បន្ទាប់​ពី​ប្រទេស​នេះ ត្រូវ​បាន​ដឹកនាំ​ដោយ​មនុស្ស​ជំនាន់​ចាស់​អស់​រយៈ​ពេល​ជាង​៣​ទសវត្សរ៍​កន្លង​មក​នេះ។ លោក យឿង សុធារ៉ា អ្នក​វិភាគ​ឯករាជ្យ​វ័យក្មេង​នៃ​ក្រុម​កាហ្វេ​នយោបាយ​ ឬ Politikoffee បាន​ថ្លែង​យ៉ាង​ដូច្នេះ នៅ​ក្នុង​កម្មវិធី​ Hello VOA កាល​ពី​ថ្ងៃ​ច័ន្ទ ទី២៩ ខែ​កុម្ភៈ ឆ្នាំ​២០១៦ នេះ។ (សាយ​ មុន្នី, Hello VOA, វ៉ាស៊ីនតោន/ភ្នំពេញ, ២៩ កុម្ភៈ ២០១៦)


    កុម្ភៈ 26, 2016

    Hello VOA៖ សង្កាត់​គោកចក​ប្រើ​វិធី​ពន្យល់​ពលរដ្ឋ ដើម្បី​បង្ការ​គ្រោះថ្នាក់​នៃ​ចំណាក​ស្រុក

    កត្តា​ជីវភាព​បាន​ជំរុញ​ឱ្យ​ប្រជាពលរដ្ឋ​ធ្វើ​ចំណាកស្រុក ប៉ុន្តែ​សម្រាប់​លោក​ស្រី​ យឹម ផល្លី ចៅសង្កាត់​រង​ទីមួយ​នៃ​សង្កាត់​គោកចក ក្នុង​ខេត្ត​សៀមរាប​ បាន​ខិតខំ​ពន្យល់​ដល់​ពលរដ្ឋ​ក្នុង​មូលដ្ឋាន​របស់​លោក​ស្រី​ឱ្យ​យល់​ដឹង​ពី​គ្រោះថ្នាក់​នៃ​ការ​ធ្វើ​ចំណាក​ស្រុក​ ឬ​បើ​ពួកគេ​ជៀសមិន​រួច​ត្រូវទៅ​ធ្វើការ​ក្រៅ​ប្រទេស​ គឺ​ត្រូវ​មាន​ព័ត៌មាន​គ្រប់​គ្រាន់។ រីឯ​លោកស្រី​ មូរ សុខហួរ​ អ្នក​តំណាងរាស្រ្ត​គណបក្ស​សង្គ្រោះជាតិ​យល់​ថា ​រដ្ឋាភិបាល​គួរ​តែ​ផ្តល់​ថវិកា​ច្រើន​ជាង​បច្ចុប្បន្ន​លើ​វិស័យ​សង្គម​ឱ្យ​បាន​ច្រើន​ជាង​វិស័យ​ការពារ​ជាតិ ដើម្បី​ដោះស្រាយ​គ្រោះថ្នាក់​នៃ​ចំណាក​ស្រុក។ (ម៉ែន គឹមសេង, Hello VOA, វ៉ាស៊ីនតោន/ភ្នំពេញ, ២៥ កុម្ភៈ ២០១៦)


    កុម្ភៈ 23, 2016

    Hello VOA៖ អ្នក​វិភាគ​ថា អាមេរិក​ទទួល​បាន​នូវ​អ្វី​ដែល​ខ្លួន​ចង់​បាន​ពី​កិច្ចប្រជុំ​ ​Sunnylands

    អ្នក​វិភាគ​មើល​ឃើញ​ថា​ កិច្ច​ប្រជុំ​កំពូល​ពិសេស​រវាង​មេដឹកនាំ​អាស៊ាន​និង​សហរដ្ឋ​អាមេរិក​នៅ​រមណីយដ្ឋាន​ Sunnylands ​​នៅ​​ក្នុង​រដ្ឋ​កាលីហ្វ័រញ៉ា គឺ​ជា​ជោគជ័យ​មួយ​សម្រាប់​សហរដ្ឋ​អាមេរិក​ព្រោះ​ប្រទេស​មហាអំណាច​នេះ​ទទួល​បាន​នូវ​អ្វី​ដែល​ខ្លួន​​ចង់​បាន ​ហើយ​ដែល​នឹង​កំណត់​គោល​នយោបាយ​ការ​បរទេស​របស់​ខ្លួន​​សម្រាប់​តំបន់​អាស៊ី​​ក្នុង​រយៈ​ពេល​ជា​ច្រើន​ឆ្នាំ​ទៅមុខ​ទៀត។ នេះ​បើ​តាម​ការ​លើក​ឡើង​របស់​លោក ឱក សេរីសោភក្តិ៍ ​អ្នកឯកទេស​ខាង​ផ្នែក​អភិបាល​កិច្ច​ល្អ​។ (ម៉ែន គឹមសេង, Hello VOA, វ៉ាស៊ីនតោន/ភ្នំពេញ, ២២​ កុម្ភៈ ២០១៦)

    «Hello VOA‍» ជា​កម្ម​វិធី​​ដែល​​ប្រិយ​​មិត្ត​​វីអូអេ​មាន​​​ឱកាស​សាក​​សួរ​ភ្ញៀវ​​របស់​​​យើង​ដែល​​ជា​​អ្នក​​ជំនាញ​​ លើ​​ប្រធាន​​បទ​​ផ្សេងៗ​​ ដូច​​ជា​​ នយោ​​បាយ​​ សុខ​ភាព​​ និង​ ​សិទ្ធិ​​មនុស្ស​​ ជា​ដើម។​

     
    ប្រិយមិត្ត​​​អាច​​ទូរស័ព្ទ​​ចូល​​រួម​ផ្ទាល់​​ក្នុង​​ការ​​ផ្សាយ​​របស់​​យើងខ្ញុំ។ Hello VOA ​មាន​​ផ្សាយ​ពីរ​​ដង​​ក្នុង​​មួយ​​សប្តាហ៍​​គឺ​​ថ្ងៃ​​ច័ន្ទ ​និង​​ថ្ងៃ​​ព្រហស្បតិ៍​វេលា​ម៉ោង​៨:៥០​យប់​  ហើយ​​មាន​​រយៈ​ពេល​​៣០​នាទី។
     
    សូម​ប្រិយមិត្ត​ទូរស័ព្ទ​ផ្ទាល់​មក​លេខ​ (៨៥៥) ១២ ៥១ ៥១ ៩៤ នៅ​ទី​ក្រុង​ភ្នំពេញ​ប្រទេស​កម្ពុជា។
     
    ប្រិយមិត្ត​ក៏​អាច​ផ្ញើ​ជា​សំណួរ​និង​យោបល់​មក​តាម​សារ​អេឡិចត្រូនិក (អ៊ីម៉េល) មក​កាន់​អាស័យដ្ឋាន hellovoa@voanews.com ឬ​តាម​បណ្ដាយ​សង្គម Facebook

    Your JavaScript is turned off or you have an old version of Adobe's Flash Player. Get the latest Flash player.
    ភ្លេង​បុរាណ​ខ្មែរ​ដ៏​កម្រ​បាន​ទទួល​​​ការស្វាគម​យ៉ាង​កក់​ក្តៅ​នៅ​ស.រ.អាi
    X
    04 ឧសភា 2016
    តន្ត្រីករ​ខ្មែរ​ឆ្នើម​បី​នាក់​ថ្មីៗ​នេះ​បាន​សម្តែង​ទេព​កោសល្យ​ភ្លេង​បុរាណ​ខ្មែរ​នៅ​តាម​​ទីក្រុង​មួយ​ចំនួន​​នៅ​ស.រ.អា ដើម្បី​បង្ហាញ​ទស្សនិកជន​អាមេរិក នូវ​ស្នា​ដៃ​របស់​ខ្មែរ។ អ្នក​ទាំង​បី គឺ​កញ្ញា យឹម ចន្ធី  ដែល​ជា​អ្នក​ផ្លុំ​ខ្លុយ លោក លន់ ជំនិត ដែល​ជា​អ្នក​កេះ​សាដៀវ និង​លោក ញ៉ុក ស៊ីណាត​ ដែល​ជា​អ្នក​កូតទ្រ។ អ្នក​ទាំង​បី បាន​មក​កាន់​បន្ទប់​ផ្សាយ​របស់​ VOA ​ដើម្បី​ចែក​រំលែក​បទ​ពិសោធន៏​របស់​ពួក​គាត់ ព្រម​ទាំង​បង្ហាញ​នូវ​ស្នា​ដៃដ៏​ឆ្នើម​ ក្នុង​ការ​ប្រគុំ​​ភ្លេង​បុរាណ​ខ្មែរ​ទៀត​ផង៕
    Your JavaScript is turned off or you have an old version of Adobe's Flash Player. Get the latest Flash player.
    បទសម្ភាសន៍​ VOA ជាមួយ​លោក ម៉េង គឹម​ឡុង៖ ការថតរូបនិងវីដេអូពីលើអាកាស ដោយយន្តហោះបញ្ជាដោយស្វ័យប្រវត្តិi
    X
    នូវ ពៅលក្ខិណា
    30 មេសា 2016
    ការថត​រូប​និង​វីដេអូ​ពី​លើ​អាកាស​ដោយ​យន្តហោះ​បញ្ជា​ drone (ដ្រូន) កំពុង​តែ​មាន​ការពេញ​និយម​នៅ​ទូទាំង​ពិភព​លោកដោយ​សារ​ drone នា​ពេល​បច្ចុប្បន្ន​មាន​តម្លៃ​សមរម្យ​ ។ ប៉ុន្តែ​ការប្រើប្រាស់ drone ក៏​មាន​ភាព​ចម្រូង​ចម្រាស​ផង​ដែរ​ ដោយ​សារ​វា​អាច​ប៉ះ​ពាល់​សិទ្ធិ​រស់នៅ​ជា​ឯកជន​របស់​ប្រជាពលរដ្ឋ​ទូទៅ​និង​សន្តិសុខ​សាធារណៈ​។

    អង់គ្លេស​ជាមួយ​ម៉ានី​និង​ម៉ូរី

    Your JavaScript is turned off or you have an old version of Adobe's Flash Player. Get the latest Flash player.
    Get Over It ឈប់​គិត​ពី​រឿង​នេះ​ទៅi
    X
    06 មេសា 2016
    ឃ្លា get over it ប្រើ​នៅ​ពេល​ណា​ដែល​យើង ចង់​ប្រាប់​នរណា​ម្នាក់ ឲ្យ​ឈប់​បារម្ភ ឈប់​ត្អូញត្អែរ ឈប់​វក់ ឬ​ក៏​ឈប់​ពិបាក​ចិត្ត​នឹង​អ្វី​មួយ។ ហើយ ឃ្លា​នេះ​ក៏​មាន​ន័យ​ថា ត្រូវតែ​ជម្នះ ពេល​ជួប​ការលំបាក​នោះ​ផងដែរ។ ដើម្បី​ឲ្យ​យល់​កាន់តែ​ច្បាស់​សូម​មើល​វីដេអូ​កម្មវិធី​រៀន​គ្រាម​ភាសា​អង់គ្លេស​ជាមួយ​ម៉ានី​និង​ម៉ូរី។ កម្មវិធី​នេះ ក៏​មាន​ដាក់​ផ្សាយ​ជូន​រាល់​ថ្ងៃសុក្រ​លើ​គេហទំព័រ Facebook https://www.facebook.com/voakhmer និង YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
    Your JavaScript is turned off or you have an old version of Adobe's Flash Player. Get the latest Flash player.
    ក្មេង​អនាថា​នៅ​ទីក្រុង​ញូឌេលី បោះពុម្ព​កាសែតi
    X
    04 ឧសភា 2016
    ជារឿយៗ នៅ​ក្នុង​កាសែត​តែងតែ​មាន​ការសរសេរ​អំពី​ស្ថានភាព​ដ៏លំបាក​របស់​កុមារ ដែល​រស់​នៅ​តាម​ចញ្ចើម​ផ្លូវ ប៉ុន្តែ​កុមារ​អនាថា​មួយ​ក្រុម​នៅ​រដ្ឋធានី​ញូឌេលី​ក្នុង​ប្រទេស​ឥណ្ឌា កំពុង​សរសេរ​អំពី​រឿងរ៉ាវ​តស៊ូ​និង​ក្តីបារម្ភ​របស់​ពួកគេ​ចងក្រង​ជា​កាសែត​ចេញ​ផ្សាយ​ជារៀងរាល់​ខែ។ កាសែត «Balaknama» ឬ​មាន​ន័យ​ថា​ «សំឡេង​កុមារ» ត្រូវ​បាន​សរសេរ កែសម្រួល និង​ចងក្រង​ដោយ​ក្រុម​កុមារ​ដែល​មាន​អាយុ​ក្រោម​១៩​ឆ្នាំ ហើយ​កាសែត​មាន​អ្នកអាន​ប្រមាណ​មួយ​ម៉ឺន​នាក់។ អ្នកស្រី Zlatica Hoke រាយការណ៍​ពី​រដ្ឋធានី​វ៉ាស៊ីនតោន។ នាង ស្រេង លក្ខិណា ជូន​សេចក្តី​ប្រែសម្រួល៕