ក្រុងគៀវ —
បណ្តាញព័ត៌មានត្រួតត្រាដោយវិមានក្រឹមទ្បាំងបានបើកធ្វើសង្គ្រាមព័ត៌មានមួយដើម្បីបង្ហាញថា ការកាន់កាប់តំបន់គ្រីមាដោយប្រទសរុស្ស៊ីជាការត្រឹមត្រូវ។ ក៏ប៉ុន្តែដោយយឺតៗ ពលរដ្ឋអ៊ុយក្រែនបានរៀបចំឱ្យមានការទប់ទល់នឹងការបកស្រាយរបស់រដ្ឋាភិបាលក្រុងម៉ូស្គូអំពីព្រឹត្តិការណ៍ទាំងនេះ។
នៅពេលដែលក្រុមទាហានរុស្ស៊ីបានចូលកាន់កាប់ឧបទ្វីបគ្រីមានៃប្រទេសអ៊ុយក្រែនកាលពីសប្តាហ៍មុន រដ្ឋាភិបាលក្រុងម៉ូស្គូបានបើកធ្វើយុទ្ធនាការឃោសនាដ៏គឃ្លើនមួយដើម្បីបង្ហាញឱ្យឃើញថា អន្តរាគមន៍របស់ខ្លួនជាការត្រឹមត្រូវ។ រដ្ឋាភិបាលក្រុងម៉ូស្គូបាននិយាយអះអាងថា ក្រុមទាហានបានត្រូវបញ្ជូនទៅកាន់ទីនោះដើម្បីការពារពួកជនអំបូររុស្ស៊ីហើយរដ្ឋាភិបាលក្រុងម៉ូស្គូបានចោទប្រកាន់ពួក Nazis ថ្មី និងពួកជ្រុលនិយមអំពីការបណ្តេញចេញពីតំណែងកាលពីពេលមុននេះនៃប្រធានាធិបតីអ៊ុយក្រែនឈ្មោះ Viktor Yanukovych ដែលជាសម្ព័ន្ធមិត្តរបស់រុស្ស៊ី ហើយដែលការឆ្លាក់ពីតំណែងរបស់គាត់បាននាំឱ្យមានអន្តរាគមន៍យោធារបស់រុស្ស៊ី។
ដោយលៃលកដោះស្រាយនឹងបញ្ហានៅក្រោយបដិវត្តន៍មួយ រដ្ឋាភិបាលបណ្តោះអាសន្ននៃប្រទេសអ៊ុយក្រែនគ្មានប្រភពធនធានខាងបណ្តាញផ្សាយព័ត៌មានដើម្បីទប់ទល់នឹងអ្វីដែលខ្លួននិយាយថាជាការបកស្រាយបំភ្លៃព្រឹត្តិការណ៍ដោយរដ្ឋាភិបាលក្រុងម៉ូស្គូពីព្រោះរដ្ឋមន្ត្រីថ្មីៗភាគច្រើនគ្មានមន្ត្រីខាងកាសែតទេ។ ក៏ប៉ុន្តែពលរដ្ឋសាមញ្ញអ៊ុយក្រែនកំពុងខិតខំប្រឹងប្រែងទប់ទល់នឹងការរៀបរាប់ព្រឹត្តិការណ៍នេះដោយបណ្តាញផ្សាយព័ត៌មានត្រួតត្រាដោយវិមានក្រឹមទ្បាំង។
ផ្នែកមួយនៃការទប់ទល់នេះកំពុងប្រព្រឹត្តទៅនៅក្នុងសណ្ឋាគារអ៊ុយក្រែននៃក្រុង Kyiv ដែលនៅទីនោះពួកអ្នកជំនាញការមួយក្រុមខាងទំនាក់ទំនងសាធារណៈនៃវិស័យឯកជនអ៊ុយក្រែនបានបង្កើតមជ្ឈមណ្ឌលកាសែតមួយគ្រាមានវិបត្តិ។ អ្នកស្រី Frolova Alina ដែលជាប្រធានអ្នកចាត់ចែងកិច្ចការនៃទីភ្នាក់ងារទំនាក់ទំនងសាធារណៈមួយពន្យល់ថា៖
«នៅពេលដែលការលុកលុយនៃក្រុមទាហានរុស្ស៊ីបានចាប់ផ្តើម យើងទាំងអស់គ្នាមានការទង្គុកចិត្ត ហើយយើងយល់ថារដ្ឋាភិបាលយើងនៅក្មេងខ្ចី។ ពួកគេមានបញ្ហាជាច្រើនហើយពួកគេគ្មានពេលយកចិត្តទុកដាក់លើការការពារប្រទេសអ៊ុយក្រែនខាងព័ត៌មានទេ។ ហើយយើងបានចាប់ផ្តើមហៅទូរស័ព្ទទៅរកគ្នីគ្នាដោយនិយាយថា យើងត្រូវការធ្វើកិច្ចការដើម្បីការពារប្រទេសអ៊ុយក្រែននិងផ្តល់ព័ត៌មានឯករាជ្យ ព័ត៌មានដែលគួរឱ្យជឿទុកចិត្តបាននិងទស្សនរបស់យើង។»
អ្នកស្រី Frolova និយាយថា រដ្ឋាភិបាលមិនបានផ្តល់ប្រាក់កាសឱ្យមជ្ឈមណ្ឌលនេះទេ៖ «មនុស្សទាំងអស់ដែលធ្វើការនៅទីនេះជាអ្នកស្ម័គ្រចិត្ត ហើយជាពួកអ្នកមានអាជីពខាងការទាក់ទងសាធារណៈ ខាងការឃោសនាពាណិជ្ជកម្ម ខាងគមនាគមន៍និងខាងទំនាក់ទំនងអន្តរជាតិ។»
មជ្ឈមណ្ឌលគ្រាមានវិបត្តិនេះ មិនបានផ្តល់ការរៀបរាប់ព័ត៌មានផ្ទាល់ខ្លួនទេ ក៏ប៉ុន្តែបានបម្រើការជាវេទិកាមួយសម្រាប់ឱ្យពួកអ្នកនយោបាយ ពួកសកម្មជន ពួកអ្នកជំនួញអ៊ុយក្រែន ព្រមទាំងពួកមន្ត្រីអន្តរជាតិដែលទៅបំពេញទស្សនកិច្ចក្នុងប្រទេសអ៊ុយក្រែនធ្វើសន្និសីទកាសែត។ អ្វីៗដែលពួកគេនិយាយបានត្រូវរាយការណ៍នៅក្នុងសេចក្តីថ្លែងការណ៍ព័ត៌មាននិងតាម Facebook និង Twitter របស់មជ្ឈមណ្ឌលនេះ។
នៅក្នុងសប្តាហ៍នេះ ក្រសួងការបរទេសស.រ.អ.បានរិះគន់ខ្លាំងដល់កិច្ចខិតខំប្រឹងប្រែងឃោសនាដោយរដ្ឋាភិបាលក្រុងម៉ូស្គូដោយនិយាយបង្ហាញហេតុផលថា៖ «ពិភពលោកមិនបានឃើញរឿងប្រឌិតរបស់រុស្ស៊ីដែលនាំឱ្យភ្ញាក់ចាប់តាំងពីលោក Dostoyevsky បានសរសេររឿងប្រលោមលោករបស់លោកមកទេ។ រូបមន្តពីរគុណនឹងពីរឃើញប្រាំមិនមែនគ្មានការទាក់ចិត្តទេ។»
ប្រែសម្រួលដោយ ឈឹម សុមេធ
នៅពេលដែលក្រុមទាហានរុស្ស៊ីបានចូលកាន់កាប់ឧបទ្វីបគ្រីមានៃប្រទេសអ៊ុយក្រែនកាលពីសប្តាហ៍មុន រដ្ឋាភិបាលក្រុងម៉ូស្គូបានបើកធ្វើយុទ្ធនាការឃោសនាដ៏គឃ្លើនមួយដើម្បីបង្ហាញឱ្យឃើញថា អន្តរាគមន៍របស់ខ្លួនជាការត្រឹមត្រូវ។ រដ្ឋាភិបាលក្រុងម៉ូស្គូបាននិយាយអះអាងថា ក្រុមទាហានបានត្រូវបញ្ជូនទៅកាន់ទីនោះដើម្បីការពារពួកជនអំបូររុស្ស៊ីហើយរដ្ឋាភិបាលក្រុងម៉ូស្គូបានចោទប្រកាន់ពួក Nazis ថ្មី និងពួកជ្រុលនិយមអំពីការបណ្តេញចេញពីតំណែងកាលពីពេលមុននេះនៃប្រធានាធិបតីអ៊ុយក្រែនឈ្មោះ Viktor Yanukovych ដែលជាសម្ព័ន្ធមិត្តរបស់រុស្ស៊ី ហើយដែលការឆ្លាក់ពីតំណែងរបស់គាត់បាននាំឱ្យមានអន្តរាគមន៍យោធារបស់រុស្ស៊ី។
ដោយលៃលកដោះស្រាយនឹងបញ្ហានៅក្រោយបដិវត្តន៍មួយ រដ្ឋាភិបាលបណ្តោះអាសន្ននៃប្រទេសអ៊ុយក្រែនគ្មានប្រភពធនធានខាងបណ្តាញផ្សាយព័ត៌មានដើម្បីទប់ទល់នឹងអ្វីដែលខ្លួននិយាយថាជាការបកស្រាយបំភ្លៃព្រឹត្តិការណ៍ដោយរដ្ឋាភិបាលក្រុងម៉ូស្គូពីព្រោះរដ្ឋមន្ត្រីថ្មីៗភាគច្រើនគ្មានមន្ត្រីខាងកាសែតទេ។ ក៏ប៉ុន្តែពលរដ្ឋសាមញ្ញអ៊ុយក្រែនកំពុងខិតខំប្រឹងប្រែងទប់ទល់នឹងការរៀបរាប់ព្រឹត្តិការណ៍នេះដោយបណ្តាញផ្សាយព័ត៌មានត្រួតត្រាដោយវិមានក្រឹមទ្បាំង។
ផ្នែកមួយនៃការទប់ទល់នេះកំពុងប្រព្រឹត្តទៅនៅក្នុងសណ្ឋាគារអ៊ុយក្រែននៃក្រុង Kyiv ដែលនៅទីនោះពួកអ្នកជំនាញការមួយក្រុមខាងទំនាក់ទំនងសាធារណៈនៃវិស័យឯកជនអ៊ុយក្រែនបានបង្កើតមជ្ឈមណ្ឌលកាសែតមួយគ្រាមានវិបត្តិ។ អ្នកស្រី Frolova Alina ដែលជាប្រធានអ្នកចាត់ចែងកិច្ចការនៃទីភ្នាក់ងារទំនាក់ទំនងសាធារណៈមួយពន្យល់ថា៖
«នៅពេលដែលការលុកលុយនៃក្រុមទាហានរុស្ស៊ីបានចាប់ផ្តើម យើងទាំងអស់គ្នាមានការទង្គុកចិត្ត ហើយយើងយល់ថារដ្ឋាភិបាលយើងនៅក្មេងខ្ចី។ ពួកគេមានបញ្ហាជាច្រើនហើយពួកគេគ្មានពេលយកចិត្តទុកដាក់លើការការពារប្រទេសអ៊ុយក្រែនខាងព័ត៌មានទេ។ ហើយយើងបានចាប់ផ្តើមហៅទូរស័ព្ទទៅរកគ្នីគ្នាដោយនិយាយថា យើងត្រូវការធ្វើកិច្ចការដើម្បីការពារប្រទេសអ៊ុយក្រែននិងផ្តល់ព័ត៌មានឯករាជ្យ ព័ត៌មានដែលគួរឱ្យជឿទុកចិត្តបាននិងទស្សនរបស់យើង។»
អ្នកស្រី Frolova និយាយថា រដ្ឋាភិបាលមិនបានផ្តល់ប្រាក់កាសឱ្យមជ្ឈមណ្ឌលនេះទេ៖ «មនុស្សទាំងអស់ដែលធ្វើការនៅទីនេះជាអ្នកស្ម័គ្រចិត្ត ហើយជាពួកអ្នកមានអាជីពខាងការទាក់ទងសាធារណៈ ខាងការឃោសនាពាណិជ្ជកម្ម ខាងគមនាគមន៍និងខាងទំនាក់ទំនងអន្តរជាតិ។»
មជ្ឈមណ្ឌលគ្រាមានវិបត្តិនេះ មិនបានផ្តល់ការរៀបរាប់ព័ត៌មានផ្ទាល់ខ្លួនទេ ក៏ប៉ុន្តែបានបម្រើការជាវេទិកាមួយសម្រាប់ឱ្យពួកអ្នកនយោបាយ ពួកសកម្មជន ពួកអ្នកជំនួញអ៊ុយក្រែន ព្រមទាំងពួកមន្ត្រីអន្តរជាតិដែលទៅបំពេញទស្សនកិច្ចក្នុងប្រទេសអ៊ុយក្រែនធ្វើសន្និសីទកាសែត។ អ្វីៗដែលពួកគេនិយាយបានត្រូវរាយការណ៍នៅក្នុងសេចក្តីថ្លែងការណ៍ព័ត៌មាននិងតាម Facebook និង Twitter របស់មជ្ឈមណ្ឌលនេះ។
នៅក្នុងសប្តាហ៍នេះ ក្រសួងការបរទេសស.រ.អ.បានរិះគន់ខ្លាំងដល់កិច្ចខិតខំប្រឹងប្រែងឃោសនាដោយរដ្ឋាភិបាលក្រុងម៉ូស្គូដោយនិយាយបង្ហាញហេតុផលថា៖ «ពិភពលោកមិនបានឃើញរឿងប្រឌិតរបស់រុស្ស៊ីដែលនាំឱ្យភ្ញាក់ចាប់តាំងពីលោក Dostoyevsky បានសរសេររឿងប្រលោមលោករបស់លោកមកទេ។ រូបមន្តពីរគុណនឹងពីរឃើញប្រាំមិនមែនគ្មានការទាក់ចិត្តទេ។»
ប្រែសម្រួលដោយ ឈឹម សុមេធ
