ភ្នំពេញ៖ បន្ទាប់ពីបានចុះទៅមើលឃើញទិដ្ឋភាពផ្ទាល់ភ្នែកក្នុងខេត្តកំពង់ធំកាលពីដើមសប្តាហ៍នេះមេដឹកនាំគណបក្សសង្គ្រោះជាតិបានជំរុញដល់រដ្ឋាភិបាលកម្ពុជាឱ្យបញ្ឈប់ជាបន្ទាន់នូវការផ្តល់ដីសម្បទានសេដ្ឋកិច្ចរយៈពេល៩៩ឆ្នាំនៅតំបន់ព្រៃឡង់ទៅឱ្យក្រុមហ៊ុនបរទេសប្រយោជន៍ដើម្បីទប់ស្កាត់ការកាប់បំផ្លាញព្រៃឈើពីក្រុមហ៊ុនមកពីបរទេស។
លោក កឹម សុខាអនុប្រធានគណបក្សសង្គ្រោះជាតិបានបញ្ជាក់ថាតំបន់ព្រៃឡង់មានព្រៃឈើធំៗត្រូវបានកាប់រំលំសម្រាប់នាំចេញចំណែកឯឈើតូចៗក្រុមហ៊ុនបានដុតបំផ្លាញចោល។ លោកបានបញ្ជាក់ថាបើមិនការទប់ស្កាត់ទេព្រៃឈើកម្ពុជានឹងត្រូវបាត់បង់តាមរយៈការផ្តល់ដីសម្បទានសេដ្ឋកិច្ចទៅឱ្យប្រទេសវៀតណាម។
លោកនិយាយថា៖«ពាក់ព័ន្ធព្រៃឡង់ ទីមួយយើងសុំបញ្ឈប់ឱ្យការកាប់ព្រៃឈើជាបន្ទាន់ពីព្រោះគេបំផ្លាញព្រៃឈើយើងចោល។ ទី២សុំឱ្យបញ្ឈប់ការផ្តល់ដីទៅឱ្យក្រុមហ៊ុនបរទេសជាពិសេសប្រទេសជិតខាងហ្នឹងយ៉ាងសន្ធឹកសន្ធាប់រយៈពេលវែងហើយនៅពេលដែលគណបក្សសង្គ្រោះជាតិឡើងកាន់អំណាចយើងនឹងសើរើកិច្ចសន្យាហ្នឹងឡើងវិញ»។
ព្រៃឡង់គឺជាព្រៃក្រមុំនៅតំបន់អាស៊ី។ ព្រៃនេះមានព្រំប្រទល់ជាប់នឹងបួនខេត្តក្នុងប្រទេសកម្ពុជាគឺខេត្តស្ទឹងត្រែង ក្រចេះ ព្រះវិហារ និង ខេត្តកំពង់ធំ។
លោកកឹម សុខាបានអះអាងទៀតថាបច្ចុប្បន្ននេះតាមរយៈការផ្តល់ដីសម្បទានសេដ្ឋកិច្ចរយៈពេល៩៩ទៅឱ្យក្រុមហ៊ុនវៀតណាមនៅតំបន់ព្រៃឡង់។វៀតណាមមិនត្រឹមតែកាប់បំផ្លាញព្រៃឈើនិងធនធានធម្មជាតិនៅទីនោះទេគឺថែមទាំងបាននាំពលរដ្ឋរបស់ខ្លួនមកតាំងទីលំនៅនិងបង្កើតកូន ពូនជាចៅនៅទីនោះទៀតផង។
មេដឹកនាំគណបក្សសង្គ្រោះជាតិទាំងពីរគឺ លោក សម រង្ស៊ី និង លោក កឹម សុខា បានដឹកនាំមន្ត្រីគណបក្សកាលពីថ្ងៃពុធចុះទៅតំបន់ព្រៃឡង់ដើម្បីលើកទឹកចិត្តប្រជាពលរដ្ឋឱ្យចេះការពារព្រៃឈើ។
យោងតាមរបាយការណ៍របស់អង្គការក្រុមការងារពិសេសសិទ្ធិមនុស្សកម្ពុជាដែលជាអង្គការមួយទើបបង្កើតថ្មីដើម្បីឃ្លាំមើលការកាប់បំផ្លាញព្រៃឈើកម្ពុជាបានរកឃើញថារដ្ឋាភិបាលកម្ពុជាបានផ្តល់ដីសម្បទានសេដ្ឋកិច្ច សម្បទានព្រៃឈើ និង សម្បទានរ៉ែ រយៈពេល៩៩យ៉ាងតិចដល់ក្រុមឯកជនចំនួន៣៤នៅតំបន់ព្រៃឡង់។ ភាគច្រើនក្រុមហ៊ុនទាំងនោះមកពីប្រទេសវៀតណាម។
ក្នុងចំណោមក្រុមហ៊ុនទាំង៣៤ ក្រុមហ៊ុន សម្បទានព្រៃឈើមានចំនួន៥ ដែលគ្របដណ្តប់ផ្ទៃដីប្រមាណជាង៧៤ម៉ឺនហិកតា ក្រុមហ៊ុនសម្បទានសេដ្ឋកិច្ចមានចំនួន១៥ គ្របដណ្តប់ផ្ទៃដីចំនួនជាង១៥ម៉ឺនហិកតា និងក្រុមហ៊ុនក្រុមហ៊ុន សម្បទានរ៉ែមានចំនួន១៤ដែលបានគ្របដណ្តប់ផ្ទៃដីចំនួនជាង២៨ម៉ឺនហិកតា។
ផ្ទៃដីសរុបទាំង៣៤ក្រុមហ៊ុនដែលរដ្ឋាភិបាលបានផ្តល់ដីសម្បទានសេដ្ឋកិច្ចរយៈពេល៩៩ឆ្នាំនៅតំបន់ព្រៃឡង់មានផ្ទៃដីសរុបចំនួនជាង១លាននិង៤ម៉ឺនហិកតា។
លោក អ៊ូច ឡេង ប្រធានអង្គការក្រុមការងារពិសេសសិទ្ធិមនុស្សកម្ពុជាបានឱ្យដឹងថាព្រៃឡង់ដែលនៅសល់សព្វថ្ងៃនេះមានតែជាង១៨ម៉ឺនហិចតាតែប៉ុណ្ណោះដែលជាចំនួនដ៏តិចតួចបំផុតនិងគួរឱ្យព្រួយបារម្ភ។
លោកបានបញ្ជាក់ថាក្នុងចំណោមក្រុមហ៊ុន សម្បទានសេដ្ឋកិច្ចទាំង៣៤ក្រុមហ៊ុនមានប្រមាណ៨០%ជាក្រុមហ៊ុនមកពីប្រទេសវៀតណាមហើយឥឡូវនេះតំបន់ព្រៃឡង់ប្រជាពលរដ្ឋនាំគ្នាថាជាទីក្រុងទី សៃហ្កនពីរ«ជាឈ្មោះទីក្រុងមួយក្នុងប្រទេសវៀតណាមបច្ចុប្បន្ន»។
លោកនិយាយថា៖«ប្រជាពលរដ្ឋគាត់យល់ថាជាទីក្រុងសៃ ហ្កន ២នៅប្រទេសវៀតណាមនិងនៅប្រទេសកម្ពុជាគេអាចអញ្ចឹងនេះគោលការណ៍គេប៉ុន្តែនយោបាយថ្ងៃមុខទៀតយ៉ាងម៉េចយើងមិនទាន់បានដឹងច្បាស់ទេ។ប៉ុន្តែនៅតំបន់នៅសុទ្ធតែក្រុមហ៊ុនរបស់វៀតណាមទាំងអស់។ ក្រុមហ៊ុនចំការកៅស៊ូនៅតំបន់ព្រៃឡង់ហ្នឹង»។
លោក Trang Van Thong អ្នកនាំពាក្យស្ថានទូតវៀតណាមប្រចាំកម្ពុជាដែលនិយាយភាសារខ្មែរយ៉ាងច្បាស់បានហៅការចោទប្រកាន់របស់គណបក្សសង្គ្រោះជាតិថា«ជាការមួលបង្កាច់»។
លោកបាននិយាយថាក្រុមហ៊ុនរបស់វៀតណាមដែលមកវិនិយោគនៅកម្ពុជាក្នុងគោលបំណងបង្កើនសេដ្ឋកិច្ចនៅប្រទេសដែលមានភូមិផងរបងជាមួយគ្នាតែប៉ុណ្ណោះ។
លោកនិយាយថា៖«វៀតណាមតាំងពីពេលមុនមកគ្មានគោលបំណងហ្នឹងទេ។ វៀតណាមគ្រាន់តែជាប្រទេសមានភូមិផងរបងជាមួយកម្ពុជា ជិតខាងជាមួយកម្ពុជាហើយការវិនិយោគទុនគឺជារឿងធម្មតាទេ។វៀតណាមក៏វិនិយោគទុនក្រៅពីនៅកម្ពុជាដែរនិងប្រទេសមួយចំនួនទៀត»។
លោក ផៃ ស៊ីផានអ្នកនាំពាក្យនិងជារដ្ឋលេខាធិការទីស្តីការគណៈរដ្ឋមន្ត្រីបានបញ្ជាក់ថារាល់ការវិនិយោគទុនទាំងឡាយរបស់ក្រុមហ៊ុនឯកជនគឺត្រូវគោរពច្បាប់របស់ប្រទេសកម្ពុជាហើយរដ្ឋាភិបាលតាមឃ្លាំមើលជានិច្ចនូវកិច្ចសន្យារបស់ក្រុមហ៊ុនឯកជនបន្ទាប់ពីទទួលដីសម្បទានសេដ្ឋកិច្ចពីរដ្ឋាភិបាល៕
លោក កឹម សុខាអនុប្រធានគណបក្សសង្គ្រោះជាតិបានបញ្ជាក់ថាតំបន់ព្រៃឡង់មានព្រៃឈើធំៗត្រូវបានកាប់រំលំសម្រាប់នាំចេញចំណែកឯឈើតូចៗក្រុមហ៊ុនបានដុតបំផ្លាញចោល។ លោកបានបញ្ជាក់ថាបើមិនការទប់ស្កាត់ទេព្រៃឈើកម្ពុជានឹងត្រូវបាត់បង់តាមរយៈការផ្តល់ដីសម្បទានសេដ្ឋកិច្ចទៅឱ្យប្រទេសវៀតណាម។
លោកនិយាយថា៖«ពាក់ព័ន្ធព្រៃឡង់ ទីមួយយើងសុំបញ្ឈប់ឱ្យការកាប់ព្រៃឈើជាបន្ទាន់ពីព្រោះគេបំផ្លាញព្រៃឈើយើងចោល។ ទី២សុំឱ្យបញ្ឈប់ការផ្តល់ដីទៅឱ្យក្រុមហ៊ុនបរទេសជាពិសេសប្រទេសជិតខាងហ្នឹងយ៉ាងសន្ធឹកសន្ធាប់រយៈពេលវែងហើយនៅពេលដែលគណបក្សសង្គ្រោះជាតិឡើងកាន់អំណាចយើងនឹងសើរើកិច្ចសន្យាហ្នឹងឡើងវិញ»។
ព្រៃឡង់គឺជាព្រៃក្រមុំនៅតំបន់អាស៊ី។ ព្រៃនេះមានព្រំប្រទល់ជាប់នឹងបួនខេត្តក្នុងប្រទេសកម្ពុជាគឺខេត្តស្ទឹងត្រែង ក្រចេះ ព្រះវិហារ និង ខេត្តកំពង់ធំ។
លោកកឹម សុខាបានអះអាងទៀតថាបច្ចុប្បន្ននេះតាមរយៈការផ្តល់ដីសម្បទានសេដ្ឋកិច្ចរយៈពេល៩៩ទៅឱ្យក្រុមហ៊ុនវៀតណាមនៅតំបន់ព្រៃឡង់។វៀតណាមមិនត្រឹមតែកាប់បំផ្លាញព្រៃឈើនិងធនធានធម្មជាតិនៅទីនោះទេគឺថែមទាំងបាននាំពលរដ្ឋរបស់ខ្លួនមកតាំងទីលំនៅនិងបង្កើតកូន ពូនជាចៅនៅទីនោះទៀតផង។
មេដឹកនាំគណបក្សសង្គ្រោះជាតិទាំងពីរគឺ លោក សម រង្ស៊ី និង លោក កឹម សុខា បានដឹកនាំមន្ត្រីគណបក្សកាលពីថ្ងៃពុធចុះទៅតំបន់ព្រៃឡង់ដើម្បីលើកទឹកចិត្តប្រជាពលរដ្ឋឱ្យចេះការពារព្រៃឈើ។
យោងតាមរបាយការណ៍របស់អង្គការក្រុមការងារពិសេសសិទ្ធិមនុស្សកម្ពុជាដែលជាអង្គការមួយទើបបង្កើតថ្មីដើម្បីឃ្លាំមើលការកាប់បំផ្លាញព្រៃឈើកម្ពុជាបានរកឃើញថារដ្ឋាភិបាលកម្ពុជាបានផ្តល់ដីសម្បទានសេដ្ឋកិច្ច សម្បទានព្រៃឈើ និង សម្បទានរ៉ែ រយៈពេល៩៩យ៉ាងតិចដល់ក្រុមឯកជនចំនួន៣៤នៅតំបន់ព្រៃឡង់។ ភាគច្រើនក្រុមហ៊ុនទាំងនោះមកពីប្រទេសវៀតណាម។
ក្នុងចំណោមក្រុមហ៊ុនទាំង៣៤ ក្រុមហ៊ុន សម្បទានព្រៃឈើមានចំនួន៥ ដែលគ្របដណ្តប់ផ្ទៃដីប្រមាណជាង៧៤ម៉ឺនហិកតា ក្រុមហ៊ុនសម្បទានសេដ្ឋកិច្ចមានចំនួន១៥ គ្របដណ្តប់ផ្ទៃដីចំនួនជាង១៥ម៉ឺនហិកតា និងក្រុមហ៊ុនក្រុមហ៊ុន សម្បទានរ៉ែមានចំនួន១៤ដែលបានគ្របដណ្តប់ផ្ទៃដីចំនួនជាង២៨ម៉ឺនហិកតា។
ផ្ទៃដីសរុបទាំង៣៤ក្រុមហ៊ុនដែលរដ្ឋាភិបាលបានផ្តល់ដីសម្បទានសេដ្ឋកិច្ចរយៈពេល៩៩ឆ្នាំនៅតំបន់ព្រៃឡង់មានផ្ទៃដីសរុបចំនួនជាង១លាននិង៤ម៉ឺនហិកតា។
លោក អ៊ូច ឡេង ប្រធានអង្គការក្រុមការងារពិសេសសិទ្ធិមនុស្សកម្ពុជាបានឱ្យដឹងថាព្រៃឡង់ដែលនៅសល់សព្វថ្ងៃនេះមានតែជាង១៨ម៉ឺនហិចតាតែប៉ុណ្ណោះដែលជាចំនួនដ៏តិចតួចបំផុតនិងគួរឱ្យព្រួយបារម្ភ។
លោកបានបញ្ជាក់ថាក្នុងចំណោមក្រុមហ៊ុន សម្បទានសេដ្ឋកិច្ចទាំង៣៤ក្រុមហ៊ុនមានប្រមាណ៨០%ជាក្រុមហ៊ុនមកពីប្រទេសវៀតណាមហើយឥឡូវនេះតំបន់ព្រៃឡង់ប្រជាពលរដ្ឋនាំគ្នាថាជាទីក្រុងទី សៃហ្កនពីរ«ជាឈ្មោះទីក្រុងមួយក្នុងប្រទេសវៀតណាមបច្ចុប្បន្ន»។
លោកនិយាយថា៖«ប្រជាពលរដ្ឋគាត់យល់ថាជាទីក្រុងសៃ ហ្កន ២នៅប្រទេសវៀតណាមនិងនៅប្រទេសកម្ពុជាគេអាចអញ្ចឹងនេះគោលការណ៍គេប៉ុន្តែនយោបាយថ្ងៃមុខទៀតយ៉ាងម៉េចយើងមិនទាន់បានដឹងច្បាស់ទេ។ប៉ុន្តែនៅតំបន់នៅសុទ្ធតែក្រុមហ៊ុនរបស់វៀតណាមទាំងអស់។ ក្រុមហ៊ុនចំការកៅស៊ូនៅតំបន់ព្រៃឡង់ហ្នឹង»។
លោក Trang Van Thong អ្នកនាំពាក្យស្ថានទូតវៀតណាមប្រចាំកម្ពុជាដែលនិយាយភាសារខ្មែរយ៉ាងច្បាស់បានហៅការចោទប្រកាន់របស់គណបក្សសង្គ្រោះជាតិថា«ជាការមួលបង្កាច់»។
លោកបាននិយាយថាក្រុមហ៊ុនរបស់វៀតណាមដែលមកវិនិយោគនៅកម្ពុជាក្នុងគោលបំណងបង្កើនសេដ្ឋកិច្ចនៅប្រទេសដែលមានភូមិផងរបងជាមួយគ្នាតែប៉ុណ្ណោះ។
លោកនិយាយថា៖«វៀតណាមតាំងពីពេលមុនមកគ្មានគោលបំណងហ្នឹងទេ។ វៀតណាមគ្រាន់តែជាប្រទេសមានភូមិផងរបងជាមួយកម្ពុជា ជិតខាងជាមួយកម្ពុជាហើយការវិនិយោគទុនគឺជារឿងធម្មតាទេ។វៀតណាមក៏វិនិយោគទុនក្រៅពីនៅកម្ពុជាដែរនិងប្រទេសមួយចំនួនទៀត»។
លោក ផៃ ស៊ីផានអ្នកនាំពាក្យនិងជារដ្ឋលេខាធិការទីស្តីការគណៈរដ្ឋមន្ត្រីបានបញ្ជាក់ថារាល់ការវិនិយោគទុនទាំងឡាយរបស់ក្រុមហ៊ុនឯកជនគឺត្រូវគោរពច្បាប់របស់ប្រទេសកម្ពុជាហើយរដ្ឋាភិបាលតាមឃ្លាំមើលជានិច្ចនូវកិច្ចសន្យារបស់ក្រុមហ៊ុនឯកជនបន្ទាប់ពីទទួលដីសម្បទានសេដ្ឋកិច្ចពីរដ្ឋាភិបាល៕
