ភ្នំពេញ —
អង្គការឃ្លាំមើលដំណើរការបោះឆ្នោតមួយមានឈ្មោះថា ខុមហ្រែល បានរកឃើញថា មានការរំលោភច្បាប់ និងការជ្រៀតជ្រែកនយោបាយពីគណបក្សប្រជាជនកម្ពុជា នៅក្នុងដំណើរការឃោសនាបោះឆ្នោតអសកលនីតិកាលទីពីរនេះ។
នៅក្នុងសេចក្តីប្រកាសព័ត៌មានរបស់ខ្លួន គណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា ដែលហៅកាត់ថា«ខុមហ្រែល»នេះ សរសេរថា ក្នុងអំឡុងពេលនៃការហែរក្បួនឃោសនាបោះឆ្នោតរបស់គណបក្សសង្គ្រោះជាតិ ក្រុមអាជ្ញាធរ ក៏ដូចជារដ្ឋាភិបាលរបស់គណបក្សប្រជាជនកម្ពុជា កំពុងរិតបន្តឹងសេរីភាពនៃការជួបប្រជុំបញ្ចេញមតិតាមរយៈការប្រមូលផ្តុំ និងបាតុកម្មដោយសន្តិវិធី។
អង្គការខុមហ្រ្វែលបានលើកយកករណីមួយចំនួនពាក់ព័ន្ធនឹងការរំខានដល់គណបក្សសង្គ្រោះជាតិក្នុងយុទ្ធនាការឃោសនាបោះឆ្នោត រួមមាន៖ ក្រសួងមហាផ្ទៃ និងអាជ្ញាធរក្រុងភ្នំពេញបន្តហាមការប្រមូលផ្តុំនៅទីលានប្រជាធិបតេយ្យដោយគ្មានយោងតាមច្បាប់ និងមូលហេតុច្បាស់លាស់ហើយថែមទាំងប្រើប្រាស់កម្លាំងសន្តិសុខមិនផ្លូវការ មកប្រើប្រាស់អំពើហិង្សាទៅលើមន្ត្រីជាប់ឆ្នោត ប្រជាពលរដ្ឋ និងអ្នកសារព័ត៌មាន ដែលកំពុងបំពេញភារកិច្ចនៅទីនោះ។
បើពិនិត្យជារួម សកម្មភាពឃោសនាទាំងអស់ហាក់បីដូចជាដំណើរការទៅដោយគ្មានការរំខានច្រើនទេ តែលើកលែងតែនៅខេត្តកំពង់ចាមកាលពីថ្ងៃទី០៤ខែនេះ គេសង្កេតឃើញមានការដាក់ពង្រាយកងកម្លាំងប្រដាប់អាវុធនៅក្បែរកន្លែងទីតាំងដែលគណបក្សសង្គ្រោះជាតិឃោសនាក្នុងចេតនាគំរាមដល់ប្រជាពលរដ្ឋដែលចូលរួមក្នុងការឃោសនា។
អង្គការខុមហ្វ្រែលបានចាត់ទុកថា បើទោះបីជាបរិយាកាសមុនថ្ងៃឃោសនាបោះឆ្នោតអសកលមិនមានអំពើហិង្សា ឬការគំរាមកំហែងក៏ដោយ ក៏ប៉ុន្តែអាជ្ញាធរនៃគណបក្សប្រជាជនកម្ពុជាបានរំលោភអំណាច ហើយរាជរដ្ឋាភិបាលនៃគណបក្សប្រជាជនកម្ពុជាបានជ្រៀតជ្រែកក្នុងព្រំដែនកិច្ចការរបស់គ.ជ.ប. ដោយបំពានច្បាប់ និងបង្កការលំបាកដល់គណបក្សដែលចូលរួមប្រកួតប្រជែងសម្រាប់ការបោះឆ្នោតនេះ។
លោក សៀន ប៊ុនរិទ្ធ មន្ត្រីផ្នែកអង្កេតរបស់ខុមហ្វ្រែល មានប្រសាសន៍ថា ដោយឡែកក្រសួងមហាផ្ទៃកាលពីថ្ងៃទី២០ខែមិនា បានចេញលិខិតមួយឲ្យប្រធានក្រុមប្រឹក្សារាជធានីខេត្ត និងស្រុក ខណ្ឌ បង្កកប្រាក់ខែសមាជិកគណបក្សសម រង្ស៊ី ដែលពួកគេបានទៅឈរឈ្មោះឲ្យគេបោះឆ្នោតនៅក្នុងគណបក្សសង្គ្រោះជាតិ។
លោកនិយាយថា៖ «យើងយល់ថា ការធ្វើបែបហ្នឹងហាក់បីដូចជាការបិទសិទ្ធិនយោបាយ។ វាអាចមិនស្របនឹងរដ្ឋធម្មនុញ្ញដែលការពារប្រជាពលរដ្ឋទាំងពីរភេទ។ គាត់មានសិទ្ធិធ្វើនយោបាយ ពីព្រោះធម្មតាជនដែលធ្វើសកម្មភាពនយោបាយ គឺគាត់សកម្ម។ នៅពេលដែលមានការឈរឈ្មោះបោះឆ្នោត។ គាត់ទៅឈរនៅគណបក្សណាដែលមានគោលនយោបាយដែលគាត់ពេញចិត្ត»។
យុទ្ធនាការឃោសនារកសំឡេងឆ្នោតជ្រើសរើសក្រុងប្រឹក្សា រាជធានី ខេត្តក្រុង នីតិកាលទី២នេះ បានចាប់ផ្តើមពីថ្ងៃទី២និងបន្តរហូតដល់ថ្ងៃទី១៦ខែឧសភា។ ហើយមានគណបក្សនយោបាយយ៉ាងតិចចំនួន៥បានចូលរួមប្រកួតប្រជែង។ ក៏ប៉ុន្តែមានតែគណបក្សសង្គ្រោះជាតិតែមួយប៉ុណ្ណោះបានរៀបចំសកម្មភាពឃោសនាសកម្មជាងគណបក្សផ្សេងៗទៀត។
លោកជាម យៀប សមាជិកគណកម្មាធិការអចិន្ត្រៃយ៍នៃគណបក្សប្រជាជនកម្ពុជា បានទាត់ចោលការលើកឡើងរបស់អង្គការខុមហ្វ្រែល។ លោកបានបញ្ជាក់ថា គណបក្សប្រជាជនកម្ពុជាកំពុងគោរពតាមច្បាប់និងបទបញ្ជានៃគ.ជ.ប.។
លោកនិយាយថា៖ «កន្លែងត្រង់ណា? លោកលើកឡើងមកកន្លែងត្រង់ណាដែល[គណបក្សប្រជាជនកម្ពុជា]មិនគោរពច្បាប់ទម្លាប់?»
ការប្រកាសឲ្យដឹងរបស់គណៈកម្មាធិការជាតិរៀបចំការបោះឆ្នោត(គ.ជ.ប.) បានឲ្យដឹងថា ក្នុងការបោះឆ្នោតអសកល អាណត្តិទី២ឆ្នាំ២០១៤នេះ នឹងមានអ្នកបោះឆ្នោតសរុប១១.៤៥៩នាក់នៅទូទាំងប្រទេសកម្ពុជា៕
នៅក្នុងសេចក្តីប្រកាសព័ត៌មានរបស់ខ្លួន គណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា ដែលហៅកាត់ថា«ខុមហ្រែល»នេះ សរសេរថា ក្នុងអំឡុងពេលនៃការហែរក្បួនឃោសនាបោះឆ្នោតរបស់គណបក្សសង្គ្រោះជាតិ ក្រុមអាជ្ញាធរ ក៏ដូចជារដ្ឋាភិបាលរបស់គណបក្សប្រជាជនកម្ពុជា កំពុងរិតបន្តឹងសេរីភាពនៃការជួបប្រជុំបញ្ចេញមតិតាមរយៈការប្រមូលផ្តុំ និងបាតុកម្មដោយសន្តិវិធី។
អង្គការខុមហ្រ្វែលបានលើកយកករណីមួយចំនួនពាក់ព័ន្ធនឹងការរំខានដល់គណបក្សសង្គ្រោះជាតិក្នុងយុទ្ធនាការឃោសនាបោះឆ្នោត រួមមាន៖ ក្រសួងមហាផ្ទៃ និងអាជ្ញាធរក្រុងភ្នំពេញបន្តហាមការប្រមូលផ្តុំនៅទីលានប្រជាធិបតេយ្យដោយគ្មានយោងតាមច្បាប់ និងមូលហេតុច្បាស់លាស់ហើយថែមទាំងប្រើប្រាស់កម្លាំងសន្តិសុខមិនផ្លូវការ មកប្រើប្រាស់អំពើហិង្សាទៅលើមន្ត្រីជាប់ឆ្នោត ប្រជាពលរដ្ឋ និងអ្នកសារព័ត៌មាន ដែលកំពុងបំពេញភារកិច្ចនៅទីនោះ។
បើពិនិត្យជារួម សកម្មភាពឃោសនាទាំងអស់ហាក់បីដូចជាដំណើរការទៅដោយគ្មានការរំខានច្រើនទេ តែលើកលែងតែនៅខេត្តកំពង់ចាមកាលពីថ្ងៃទី០៤ខែនេះ គេសង្កេតឃើញមានការដាក់ពង្រាយកងកម្លាំងប្រដាប់អាវុធនៅក្បែរកន្លែងទីតាំងដែលគណបក្សសង្គ្រោះជាតិឃោសនាក្នុងចេតនាគំរាមដល់ប្រជាពលរដ្ឋដែលចូលរួមក្នុងការឃោសនា។
អង្គការខុមហ្វ្រែលបានចាត់ទុកថា បើទោះបីជាបរិយាកាសមុនថ្ងៃឃោសនាបោះឆ្នោតអសកលមិនមានអំពើហិង្សា ឬការគំរាមកំហែងក៏ដោយ ក៏ប៉ុន្តែអាជ្ញាធរនៃគណបក្សប្រជាជនកម្ពុជាបានរំលោភអំណាច ហើយរាជរដ្ឋាភិបាលនៃគណបក្សប្រជាជនកម្ពុជាបានជ្រៀតជ្រែកក្នុងព្រំដែនកិច្ចការរបស់គ.ជ.ប. ដោយបំពានច្បាប់ និងបង្កការលំបាកដល់គណបក្សដែលចូលរួមប្រកួតប្រជែងសម្រាប់ការបោះឆ្នោតនេះ។
លោក សៀន ប៊ុនរិទ្ធ មន្ត្រីផ្នែកអង្កេតរបស់ខុមហ្វ្រែល មានប្រសាសន៍ថា ដោយឡែកក្រសួងមហាផ្ទៃកាលពីថ្ងៃទី២០ខែមិនា បានចេញលិខិតមួយឲ្យប្រធានក្រុមប្រឹក្សារាជធានីខេត្ត និងស្រុក ខណ្ឌ បង្កកប្រាក់ខែសមាជិកគណបក្សសម រង្ស៊ី ដែលពួកគេបានទៅឈរឈ្មោះឲ្យគេបោះឆ្នោតនៅក្នុងគណបក្សសង្គ្រោះជាតិ។
លោកនិយាយថា៖ «យើងយល់ថា ការធ្វើបែបហ្នឹងហាក់បីដូចជាការបិទសិទ្ធិនយោបាយ។ វាអាចមិនស្របនឹងរដ្ឋធម្មនុញ្ញដែលការពារប្រជាពលរដ្ឋទាំងពីរភេទ។ គាត់មានសិទ្ធិធ្វើនយោបាយ ពីព្រោះធម្មតាជនដែលធ្វើសកម្មភាពនយោបាយ គឺគាត់សកម្ម។ នៅពេលដែលមានការឈរឈ្មោះបោះឆ្នោត។ គាត់ទៅឈរនៅគណបក្សណាដែលមានគោលនយោបាយដែលគាត់ពេញចិត្ត»។
យុទ្ធនាការឃោសនារកសំឡេងឆ្នោតជ្រើសរើសក្រុងប្រឹក្សា រាជធានី ខេត្តក្រុង នីតិកាលទី២នេះ បានចាប់ផ្តើមពីថ្ងៃទី២និងបន្តរហូតដល់ថ្ងៃទី១៦ខែឧសភា។ ហើយមានគណបក្សនយោបាយយ៉ាងតិចចំនួន៥បានចូលរួមប្រកួតប្រជែង។ ក៏ប៉ុន្តែមានតែគណបក្សសង្គ្រោះជាតិតែមួយប៉ុណ្ណោះបានរៀបចំសកម្មភាពឃោសនាសកម្មជាងគណបក្សផ្សេងៗទៀត។
លោកជាម យៀប សមាជិកគណកម្មាធិការអចិន្ត្រៃយ៍នៃគណបក្សប្រជាជនកម្ពុជា បានទាត់ចោលការលើកឡើងរបស់អង្គការខុមហ្វ្រែល។ លោកបានបញ្ជាក់ថា គណបក្សប្រជាជនកម្ពុជាកំពុងគោរពតាមច្បាប់និងបទបញ្ជានៃគ.ជ.ប.។
លោកនិយាយថា៖ «កន្លែងត្រង់ណា? លោកលើកឡើងមកកន្លែងត្រង់ណាដែល[គណបក្សប្រជាជនកម្ពុជា]មិនគោរពច្បាប់ទម្លាប់?»
ការប្រកាសឲ្យដឹងរបស់គណៈកម្មាធិការជាតិរៀបចំការបោះឆ្នោត(គ.ជ.ប.) បានឲ្យដឹងថា ក្នុងការបោះឆ្នោតអសកល អាណត្តិទី២ឆ្នាំ២០១៤នេះ នឹងមានអ្នកបោះឆ្នោតសរុប១១.៤៥៩នាក់នៅទូទាំងប្រទេសកម្ពុជា៕
