ភ្នំពេញ —
តំណាងតុលាការសាលាដំបូងរាជធានីភ្នំពេញបានសន្យាថា នឹងពន្លឿនការដោះស្រាយពាក្យបណ្តឹងរបស់ប្រជាពលរដ្ឋតំបន់បុរីកីឡាក្នុងរយៈពេលយ៉ាងយូរ៣សប្តាហ៍ទៀត។ ក៏ប៉ុន្តែតំណាងសហគមន៍បុរីកីឡាហាក់ដូចជាគ្មានជំនឿលើការសន្យានេះទេ ហើយគ្រោងនឹងធ្វើបាតុកម្មជាថ្មីម្តងទៀត។ (រូបភាពការតវ៉ា)
នៅព្រឹកថ្ងៃពុធនេះ ប្រជាពលរដ្ឋប្រមាណជាង១០០នាក់នៃសហគមន៍បុរីកីឡា និងប្រជាពលរដ្ឋសហគមន៍បឹងកក់ ដែលទទួលរងការបណ្តេញចេញដោយបង្ខំជាច្រើនឆ្នាំមកហើយនោះ បានធ្វើការតវ៉ានៅមុខសាលាដំបូងរាជធានីភ្នំពេញ ដោយបានទាមទារឲ្យតុលាការជួយផ្តល់យុត្តិធម៌ក្នុងជម្លោះដីធ្លីរបស់ពួកគេនិងទាមទារឲ្យមានការដាក់ទោសដល់ជនប្រព្រឹត្តអំពើហិង្សាលើពួកខ្លួនកាលពីថ្ងៃទី១៤ខែកុម្ភៈ។
ការសន្យារបស់សាលាដំបូងរាជធានីភ្នំពេញកើតមានឡើងក្រោយពីប្រជាពលរដ្ឋសហគមន៍បុរីកីឡាបានធ្វើការតវ៉ាអស់រយៈពេលជាងបីម៉ោង។ហើយតំណាងតុលាការជាន់ទាបមួយរូបបានជួបចរចាជាមួយតំណាងក្រុមអ្នកតវ៉ាចំនួនបួននាក់។
អ្នកស្រីឆាយ គឹមហ៊ន តំណាងអ្នកភូមិបុរីកីឡា ថ្លែងថា អ្នកស្រីនៅមិនទាន់ទុកចិត្តការសន្យាខាងលើនៅឡើយ។
«ទោះតែតុលាការនិយាយឲ្យពួកខ្ញុំមានភាពទុកចិត្តយ៉ាងណាក៏ដោយ ក៏ពួកខ្ញុំនៅតែអត់ជឿជាក់ដែរ។ យើងនឹងដាក់ពាក្យបណ្តឹងតាមស្ថានទូតជាបន្តបន្ទាប់ដើម្បីឲ្យស្ថានទូតអន្តរាគមន៍មកលើប្រព័ន្ធតុលាការ ឲ្យបានដោះស្រាយបញ្ហារបស់យើងឲ្យបានឆាប់»។
ការតវ៉ានៅថ្ងៃនេះធ្វើឡើង៩ថ្ងៃក្រោយពីក្រុមប្រជាពលរដ្ឋសហគមន៍បុរីកីឡាបានដាក់ពាក្យបណ្តឹងកាលពីថ្ងៃទី១១ខែមិនាប្រឆាំងនឹងការប្រើប្រាស់អំពើហិង្សាលើពួកខ្លួនពីសំណាក់កងសន្តិសុខខណ្ឌ៧មករាក្នុងអំឡុងពេលដែលពួកគេកំពុងធ្វើបាតុកម្មដោយសន្តិវិធី។
កាលពីឆ្នាំ២០១២ ក្រុមហ៊ុនផានអ៊ីម៉ិចរបស់អ្នកស្រីស៊ុយ សុផានបានយកដីនៃសហគមន៍ក្រីក្រនេះទៅអភិវឌ្ឍនិងបានបណ្តេញប្រជាពលរដ្ឋចេញដោយមិនមានសំណងសមរម្យ និងមិនមានការផ្តល់ជម្រកស្នាក់នៅគ្រប់គ្រាន់សម្រាប់ពួកគេ ដែលជាហេតុធ្វើឲ្យក្រុមប្រជាពលរដ្ឋមួយចំនួនបានបន្តរស់នៅក្នុងតំបន់ជម្លោះក្រោមសំពត់កៅស៊ូ និងផ្ទះខ្ទមតូចៗ។ ហើយពួកគេបានធ្វើការតវ៉ាជាបន្តបន្ទាប់ ប៉ុន្តែពុំទទួលមានដំណោះស្រាយនោះទេ។
ក្រឡាបញ្ជីមួយរូបដែលសុំមិនបញ្ចេញឈ្មោះ ហើយដែលកាន់សំណុំរឿងរបស់សហគមន៍បុរីកីឡា និយាយថា លោកបានទទួលពាក្យបណ្តឹងរបស់ប្រជាពលរដ្ឋសហគមន៍បុរីកីឡារួចហើយ ប៉ុន្តែលោកមិនអាចផ្តល់សេចក្តីលម្អិតបានទេ។
«ទើបទទួលបានកាលពីព្រឹកមិញ។ ខ្ញុំអត់អាចបំភ្លឺបានទេ ដោយហេតុថា ខ្ញុំទើបទទួលបានសំណុំរឿង»។
ដោយផ្តោតលើអំពើពុករលួយនៃប្រព័ន្ធតុលាការនៅកម្ពុជា លោកសៀ ភារម្យ ប្រធានក្រុមការងារពិសេសសិទ្ធិលំនៅដ្ឋាន ថ្លែងថា ប្រជាពលរដ្ឋនិងរងចាំមើលការសន្យាដែលថា នឹងធ្វើកំណែទម្រង់រដ្ឋាភិបាលកម្ពុជានោះ។
«ប្រសិនបើ៣សប្តាហ៍ក្រោយហ្នឹងគ្មានអ្វីប្រែប្រួលទេ មិនមានលទ្ធិផលទេបានន័យថា កំណែទម្រង់ស៊ីជម្រៅរបស់គាត់ហ្នឹងគ្មានប្រយោជន៍ទេ និយាយគ្រាន់តែជាការបោកបញ្ឆោតរាស្រ្ត។ លទ្ធិផលគឺប្រជាពលរដ្ឋអស់ជំនឿលើការដឹកនាំរបស់គាត់ទៅថ្ងៃក្រោយ»។
ក្រុមប្រជាពលរដ្ឋ អ្នកតវ៉ាបានដាក់គម្រោងដើរដង្ហែរក្បួនធ្វើបាតុកម្មនៅពេលខាងមុខ បើសិនមិនមានការដោះស្រាយតាមការសន្យារបស់តុលាការនោះទេ៕
នៅព្រឹកថ្ងៃពុធនេះ ប្រជាពលរដ្ឋប្រមាណជាង១០០នាក់នៃសហគមន៍បុរីកីឡា និងប្រជាពលរដ្ឋសហគមន៍បឹងកក់ ដែលទទួលរងការបណ្តេញចេញដោយបង្ខំជាច្រើនឆ្នាំមកហើយនោះ បានធ្វើការតវ៉ានៅមុខសាលាដំបូងរាជធានីភ្នំពេញ ដោយបានទាមទារឲ្យតុលាការជួយផ្តល់យុត្តិធម៌ក្នុងជម្លោះដីធ្លីរបស់ពួកគេនិងទាមទារឲ្យមានការដាក់ទោសដល់ជនប្រព្រឹត្តអំពើហិង្សាលើពួកខ្លួនកាលពីថ្ងៃទី១៤ខែកុម្ភៈ។
ការសន្យារបស់សាលាដំបូងរាជធានីភ្នំពេញកើតមានឡើងក្រោយពីប្រជាពលរដ្ឋសហគមន៍បុរីកីឡាបានធ្វើការតវ៉ាអស់រយៈពេលជាងបីម៉ោង។ហើយតំណាងតុលាការជាន់ទាបមួយរូបបានជួបចរចាជាមួយតំណាងក្រុមអ្នកតវ៉ាចំនួនបួននាក់។
អ្នកស្រីឆាយ គឹមហ៊ន តំណាងអ្នកភូមិបុរីកីឡា ថ្លែងថា អ្នកស្រីនៅមិនទាន់ទុកចិត្តការសន្យាខាងលើនៅឡើយ។
«ទោះតែតុលាការនិយាយឲ្យពួកខ្ញុំមានភាពទុកចិត្តយ៉ាងណាក៏ដោយ ក៏ពួកខ្ញុំនៅតែអត់ជឿជាក់ដែរ។ យើងនឹងដាក់ពាក្យបណ្តឹងតាមស្ថានទូតជាបន្តបន្ទាប់ដើម្បីឲ្យស្ថានទូតអន្តរាគមន៍មកលើប្រព័ន្ធតុលាការ ឲ្យបានដោះស្រាយបញ្ហារបស់យើងឲ្យបានឆាប់»។
ការតវ៉ានៅថ្ងៃនេះធ្វើឡើង៩ថ្ងៃក្រោយពីក្រុមប្រជាពលរដ្ឋសហគមន៍បុរីកីឡាបានដាក់ពាក្យបណ្តឹងកាលពីថ្ងៃទី១១ខែមិនាប្រឆាំងនឹងការប្រើប្រាស់អំពើហិង្សាលើពួកខ្លួនពីសំណាក់កងសន្តិសុខខណ្ឌ៧មករាក្នុងអំឡុងពេលដែលពួកគេកំពុងធ្វើបាតុកម្មដោយសន្តិវិធី។
កាលពីឆ្នាំ២០១២ ក្រុមហ៊ុនផានអ៊ីម៉ិចរបស់អ្នកស្រីស៊ុយ សុផានបានយកដីនៃសហគមន៍ក្រីក្រនេះទៅអភិវឌ្ឍនិងបានបណ្តេញប្រជាពលរដ្ឋចេញដោយមិនមានសំណងសមរម្យ និងមិនមានការផ្តល់ជម្រកស្នាក់នៅគ្រប់គ្រាន់សម្រាប់ពួកគេ ដែលជាហេតុធ្វើឲ្យក្រុមប្រជាពលរដ្ឋមួយចំនួនបានបន្តរស់នៅក្នុងតំបន់ជម្លោះក្រោមសំពត់កៅស៊ូ និងផ្ទះខ្ទមតូចៗ។ ហើយពួកគេបានធ្វើការតវ៉ាជាបន្តបន្ទាប់ ប៉ុន្តែពុំទទួលមានដំណោះស្រាយនោះទេ។
ក្រឡាបញ្ជីមួយរូបដែលសុំមិនបញ្ចេញឈ្មោះ ហើយដែលកាន់សំណុំរឿងរបស់សហគមន៍បុរីកីឡា និយាយថា លោកបានទទួលពាក្យបណ្តឹងរបស់ប្រជាពលរដ្ឋសហគមន៍បុរីកីឡារួចហើយ ប៉ុន្តែលោកមិនអាចផ្តល់សេចក្តីលម្អិតបានទេ។
«ទើបទទួលបានកាលពីព្រឹកមិញ។ ខ្ញុំអត់អាចបំភ្លឺបានទេ ដោយហេតុថា ខ្ញុំទើបទទួលបានសំណុំរឿង»។
ដោយផ្តោតលើអំពើពុករលួយនៃប្រព័ន្ធតុលាការនៅកម្ពុជា លោកសៀ ភារម្យ ប្រធានក្រុមការងារពិសេសសិទ្ធិលំនៅដ្ឋាន ថ្លែងថា ប្រជាពលរដ្ឋនិងរងចាំមើលការសន្យាដែលថា នឹងធ្វើកំណែទម្រង់រដ្ឋាភិបាលកម្ពុជានោះ។
«ប្រសិនបើ៣សប្តាហ៍ក្រោយហ្នឹងគ្មានអ្វីប្រែប្រួលទេ មិនមានលទ្ធិផលទេបានន័យថា កំណែទម្រង់ស៊ីជម្រៅរបស់គាត់ហ្នឹងគ្មានប្រយោជន៍ទេ និយាយគ្រាន់តែជាការបោកបញ្ឆោតរាស្រ្ត។ លទ្ធិផលគឺប្រជាពលរដ្ឋអស់ជំនឿលើការដឹកនាំរបស់គាត់ទៅថ្ងៃក្រោយ»។
ក្រុមប្រជាពលរដ្ឋ អ្នកតវ៉ាបានដាក់គម្រោងដើរដង្ហែរក្បួនធ្វើបាតុកម្មនៅពេលខាងមុខ បើសិនមិនមានការដោះស្រាយតាមការសន្យារបស់តុលាការនោះទេ៕
