ក្រុមអ្នក​តាក់តែងច្បាប់​អាមេរិក​បាន​ធ្វើ​ប្រតិកម្ម​ទៅលើ​អត្ថាធិប្បាយ​ដ៏​ចម្រូងចម្រាស​កាលពី​ថ្ងៃ​សៅរ៍​របស់​លោក Donald Trump បេក្ខជន​ប្រធានាធិបតី​ខាង​គណបក្ស​សាធារណរដ្ឋ។ ហើយ​ខណៈ​ដែល​លោក​ប្រធានាធិបតី Joe Biden មិនបាន​ចេញ​ធ្វើ​យុទ្ធនាការ​កាលពី​ចុងសប្តាហ៍​កន្លងទៅ ក៏មាន​សេចក្តីរាយការណ៍​ព័ត៌មាន​ធំៗ​នានា​ទាក់ទង​នឹង​កិច្ចប្រឹងប្រែង​របស់លោក​ដើម្បី​ជាប់ឆ្នោតជាថ្មី។ អ្នកស្រី Veronica Balderas Iglesias នៃ VOA ពន្យល់អំពី​រឿងនេះ។ អ្នកនាង ស្រេង លក្ខិណា ជូនសេចក្តី​ប្រែសម្រួល។