វ៉ាស៊ីនតោន៖ អ្នកវិភាគបានអះអាងថា ប្រទេសកម្ពុជាគួរបញ្ចប់មន្ទិលសង្ស័យចំពោះការចូលរួមយ៉ាងសកម្មរបស់ព្រះសង្ឃក្នុងកិច្ចការប្រទេសជាតិ ដោយថ្លែងថា ការធ្វើការបង្រ្កាបព្រះសង្ឃ ចាប់ខ្លួន ប្រើអំពើហិង្សាជាការធ្វើឲ្យប៉ះពាល់ដល់សាសនានិងមុខមាត់ប្រទេសកម្ពុជាដែលកាន់ព្រះពុទ្ធសាសនា។ នេះបើតាមការអះអាងរបស់លោកបណ្ឌិត ឡៅ ម៉ុងហៃ អ្នកវិភាគឯករាជ្យក្នុងប្រទេសកម្ពុជាដែលជាវាគ្មិន ក្នុងកម្មវិធីហេឡូវីអូអេ។
លោកថ្លែងថាប្រទេសកម្ពុជានិងប្រជាពលរដ្ឋទាំងមូលត្រូវសម្រេចចិត្តអំពីរឿងនេះ ទៅថ្ងៃអនាគត។ លោកថ្លែងយ៉ាងដូច្នេះចំពេលដែលមានការបង្ក្រាបដោយអំពើឃោរឃៅ ក្នុងរាជធានីភ្នំពេញកាលពីថ្ងៃព្រហស្បតិ៍ទៅលើក្រុមព្រះសង្ឃនិងកម្មកររោងចក្រ ដែលគ្រាន់តែទាមទារសុំឲ្យមានការតម្លើងប្រាក់ខែកម្មករដល់ ១៦០ដុល្លាសរអា៕
