ភ្នំពេញ —
មេដឹកនាំគណបក្សប្រឆាំងបានបញ្ជាក់ជំហរថា ការដឹកនាំធ្វើមហាបាតុកម្មគឺធ្វើឡើងដោយពិធីស្មិងស្មាធិ៍ និងបួងសួងសុំសន្តិភាពតែប៉ុណ្ណោះ មិនមានឆន្ទៈទៅធ្វើអំពើហិង្សាទេ។ចំណែកគណបក្សប្រជាជនកម្ពុជាក៏បានសម្តែងនូវការស្វាគមន៍ផងដែរចំពោះជំហររបស់គណបក្សប្រឆាំង។
ការបង្ហាញជំហររបស់គណបក្សប្រឆាំងបានធ្វើឡើងបន្ទាប់ពីព្រះមហាក្សត្របានចេញព្រះរាជសារលើកទីពីរកាលពីចុងសប្តាហ៍មុនដោយបានអំពាងនាវគណបក្សនយោបាយ និងប្រជាពលរដ្ឋរក្សាភាពស្ងប់ស្ងៀមដើម្បីដោះស្រាយនយោបាយក្រោយការបោះឆ្នោត។
គណបក្សសង្គ្រោះជាតិដែលដឹកនាំដោយលោកសម រង្ស៊ី និងលោកកឹម សុខាបានប្រកាសថា នឹងដឹកនាំធ្វើមហាបាតុកម្មអហិង្សានៅទូទាំងប្រទេសដើម្បីទាមទាររកយុត្តិធម៌ក្រោយពីការបោះឆ្នោត បន្ទាប់ពីគណបក្សប្រឆាំងបានលើកឡើងថា ខ្លួនបានទទួលជ័យជំនះក្នុងការបោះឆ្នោត ក៏ប៉ុន្តែលទ្ធផលបណ្តោះអាសន្នបង្ហាញឲ្យឃើញថា គណបក្សគ្រប់គ្រងអំណាចបានឈ្នះឆ្នោតទៅវិញ។
ភាពតានតឹងនយោបាយក្រោយពីការបោះឆ្នោតបានជំរុញឲ្យព្រះមហាក្សត្រសម្តេចព្រះនរោត្តមសីហមុន្នីបានចេញព្រះរាជសារចំនួនពីរលើកផ្ទួនៗគ្នា។ដោយជំរុញឲ្យគណបក្សប្រជាជនកម្ពុជា និងគណបក្សសង្គ្រោះជាតិដែលប្រជាពលរដ្ឋបានបោះឆ្នោតឲ្យនោះ បន្តដោះស្រាយដោយសន្តិវិធី។
នៅក្នុងព្រះរាជសារចុងក្រោយរបស់ព្រះមហាក្សត្រកាលពីសប្តាហ៍មុន ព្រះអង្គមានបន្ទូលថា៖«ប្រវត្តិសាស្ត្របានបង្ហាញយើងថា ប្រទេសជាតិរបស់យើងបានបែកបាក់គ្នា និងរងគ្រោះច្រើនណាស់។ ដូច្នេះខ្ញុំសូមអំពាវនាវឲ្យប្រជាជនទាំងអស់បន្តនៅភាពស្ងប់ស្ងៀម និងមានសេចក្តីថ្លៃថ្នូរ»។
លោកសម រង្ស៊ី ប្រធានគណបក្សសង្គ្រោះជាតិបានប្រាប់ក្នុងអង្គសន្និសីទការសែតនៅថ្ងៃច័ន្ទនេះថា គណបក្សសង្គ្រោះជាតិនិងដង្ហែតាមព្រះរាជតម្រិះរបស់ព្រះមហាក្សត្រ ដោយធ្វើយ៉ាងណាដើម្បីរក្សាបាននូវភាពស្ងប់ស្ងៀម និងថ្លៃថ្នូរ។
លោកបានបញ្ជាក់ថា គំរោងធ្វើមហាបាតុកម្មដោយអហិង្សាគឺនឹងធ្វើដដែលនៅវេលាម៉ោង៨ព្រឹកថ្ងៃទី៧ខែកញ្ញានេះ ក៏ប៉ុន្តែធ្វើដោយពិធីស្មិងស្មាធិ៍ និងបួងសួងសុំសន្តិភាពវិញ។
លោកនិយាយថា៖«យើងនឹងបង្វែរអារម្មណ៍ បង្វែរស្មារតី បង្វែរការរៀបចំអ្វីដែលយើងហៅថា មហាបាតុកម្មអហិង្សា និងសន្តិវិធីឲ្យទៅជាពិធីស្មិងស្មាធិ៍ បួងសួងទូទាំងប្រទេស ស្មិងស្មាធិ៍ និងបួងសួងដើម្បីសន្តិភាព»។
កាលពីថ្ងៃអាទិត្យម្សិលម៉ិញនេះ គណបក្សប្រឆាំងបានបង្ហាត់បង្រៀនប្រជាពលរដ្ឋអំពីរបៀបធ្វើបាតុកម្មដោយសន្តិវិធីនៅទីលានប្រជាធិបតេយ្យដោយមានមនុស្សចូលរួមប្រមាណរាប់ពាន់នាក់។ ការបង្រៀនប្រជាពលរដ្ឋឲ្យចូលរួមបាតុកម្មដោយសន្តិវិធីនេះបានធ្វើក្រោយពេលប៉ុន្មានម៉ោងប៉ុណ្ណោះ បន្ទាប់ពីកម្លាំងសមត្ថកិច្ចបានហ្វឹកហាត់អំពីរបៀបបង្រ្កាបបាតុកម្ម ដោយបំពាក់ដោយខែល ដំបងឆក់ គ្រាប់បែកផ្សែង និងរថយន្តបាញ់ទឹក។
លោកកឹម សុខា អនុប្រធានគណបក្សសង្គ្រោះជាតិ បានបញ្ជាក់ថា គណបក្សសង្គ្រោះជាតិមិនផ្លាស់ប្តូរជំហរទេគឺនៅតែបន្តដឹកនាំធ្វើមហាបាតុកម្មដោយសន្តិវិធីដដែល។
លោកមានប្រសាសន៍ថា៖ «ថ្ងៃនេះយើងចង់បញ្ជាក់អំពីបាតុកម្មរបស់យើងដែលនិងធ្វើនៅថ្ងៃទី៧នេះគឺជាបាតុកម្មតាមរបៀបអហិង្សា តាមរបៀបការប្រើប្រាស់នៅផ្លូវចិត្ត និងអារម្មណ៍ ចៀសវាងការប្រើនូវកាយវិការ ហើយនិងសម្តីសំដៅច្រើន»។
លោកជាម យៀប សមាជិកអចិន្ត្រៃយ៍នៃគណបក្សប្រជាជនកម្ពុជា បានស្វាគមន៍ជំហររបស់គណបក្សសង្គ្រោះជាតិទាក់ទិននឹងការស្វះស្វែងរកដំណោះស្រាយឲ្យមានភាពស្ងប់ស្ងាត់។
លោកបានបញ្ជាក់ថា៖«យល់ឃើញថា នេះក៏ជាសម្បទានមួយរបស់គណបក្សសង្គ្រោះជាតិ ចំពោះសភាពការណ៍នៃមាតុភូមិយើងនាពេលបច្ចុប្បន្ននេះដែរ»។
មេដឹកនាំគណបក្សសង្គ្រោះជាតិបានអះអាងថា ពិធីស្មិងស្មាធិ៍ដើម្បីបួងសួងសុំសន្តិភាពនឹងធ្វើឡើងនៅគ្រប់ទិសទី និងវត្តអារាមផង ហើយគ្រោងនឹងនិមន្តព្រះសង្ឃចូលរួម៕
ការបង្ហាញជំហររបស់គណបក្សប្រឆាំងបានធ្វើឡើងបន្ទាប់ពីព្រះមហាក្សត្របានចេញព្រះរាជសារលើកទីពីរកាលពីចុងសប្តាហ៍មុនដោយបានអំពាងនាវគណបក្សនយោបាយ និងប្រជាពលរដ្ឋរក្សាភាពស្ងប់ស្ងៀមដើម្បីដោះស្រាយនយោបាយក្រោយការបោះឆ្នោត។
គណបក្សសង្គ្រោះជាតិដែលដឹកនាំដោយលោកសម រង្ស៊ី និងលោកកឹម សុខាបានប្រកាសថា នឹងដឹកនាំធ្វើមហាបាតុកម្មអហិង្សានៅទូទាំងប្រទេសដើម្បីទាមទាររកយុត្តិធម៌ក្រោយពីការបោះឆ្នោត បន្ទាប់ពីគណបក្សប្រឆាំងបានលើកឡើងថា ខ្លួនបានទទួលជ័យជំនះក្នុងការបោះឆ្នោត ក៏ប៉ុន្តែលទ្ធផលបណ្តោះអាសន្នបង្ហាញឲ្យឃើញថា គណបក្សគ្រប់គ្រងអំណាចបានឈ្នះឆ្នោតទៅវិញ។
ភាពតានតឹងនយោបាយក្រោយពីការបោះឆ្នោតបានជំរុញឲ្យព្រះមហាក្សត្រសម្តេចព្រះនរោត្តមសីហមុន្នីបានចេញព្រះរាជសារចំនួនពីរលើកផ្ទួនៗគ្នា។ដោយជំរុញឲ្យគណបក្សប្រជាជនកម្ពុជា និងគណបក្សសង្គ្រោះជាតិដែលប្រជាពលរដ្ឋបានបោះឆ្នោតឲ្យនោះ បន្តដោះស្រាយដោយសន្តិវិធី។
នៅក្នុងព្រះរាជសារចុងក្រោយរបស់ព្រះមហាក្សត្រកាលពីសប្តាហ៍មុន ព្រះអង្គមានបន្ទូលថា៖«ប្រវត្តិសាស្ត្របានបង្ហាញយើងថា ប្រទេសជាតិរបស់យើងបានបែកបាក់គ្នា និងរងគ្រោះច្រើនណាស់។ ដូច្នេះខ្ញុំសូមអំពាវនាវឲ្យប្រជាជនទាំងអស់បន្តនៅភាពស្ងប់ស្ងៀម និងមានសេចក្តីថ្លៃថ្នូរ»។
លោកសម រង្ស៊ី ប្រធានគណបក្សសង្គ្រោះជាតិបានប្រាប់ក្នុងអង្គសន្និសីទការសែតនៅថ្ងៃច័ន្ទនេះថា គណបក្សសង្គ្រោះជាតិនិងដង្ហែតាមព្រះរាជតម្រិះរបស់ព្រះមហាក្សត្រ ដោយធ្វើយ៉ាងណាដើម្បីរក្សាបាននូវភាពស្ងប់ស្ងៀម និងថ្លៃថ្នូរ។
លោកបានបញ្ជាក់ថា គំរោងធ្វើមហាបាតុកម្មដោយអហិង្សាគឺនឹងធ្វើដដែលនៅវេលាម៉ោង៨ព្រឹកថ្ងៃទី៧ខែកញ្ញានេះ ក៏ប៉ុន្តែធ្វើដោយពិធីស្មិងស្មាធិ៍ និងបួងសួងសុំសន្តិភាពវិញ។
លោកនិយាយថា៖«យើងនឹងបង្វែរអារម្មណ៍ បង្វែរស្មារតី បង្វែរការរៀបចំអ្វីដែលយើងហៅថា មហាបាតុកម្មអហិង្សា និងសន្តិវិធីឲ្យទៅជាពិធីស្មិងស្មាធិ៍ បួងសួងទូទាំងប្រទេស ស្មិងស្មាធិ៍ និងបួងសួងដើម្បីសន្តិភាព»។
កាលពីថ្ងៃអាទិត្យម្សិលម៉ិញនេះ គណបក្សប្រឆាំងបានបង្ហាត់បង្រៀនប្រជាពលរដ្ឋអំពីរបៀបធ្វើបាតុកម្មដោយសន្តិវិធីនៅទីលានប្រជាធិបតេយ្យដោយមានមនុស្សចូលរួមប្រមាណរាប់ពាន់នាក់។ ការបង្រៀនប្រជាពលរដ្ឋឲ្យចូលរួមបាតុកម្មដោយសន្តិវិធីនេះបានធ្វើក្រោយពេលប៉ុន្មានម៉ោងប៉ុណ្ណោះ បន្ទាប់ពីកម្លាំងសមត្ថកិច្ចបានហ្វឹកហាត់អំពីរបៀបបង្រ្កាបបាតុកម្ម ដោយបំពាក់ដោយខែល ដំបងឆក់ គ្រាប់បែកផ្សែង និងរថយន្តបាញ់ទឹក។
លោកកឹម សុខា អនុប្រធានគណបក្សសង្គ្រោះជាតិ បានបញ្ជាក់ថា គណបក្សសង្គ្រោះជាតិមិនផ្លាស់ប្តូរជំហរទេគឺនៅតែបន្តដឹកនាំធ្វើមហាបាតុកម្មដោយសន្តិវិធីដដែល។
លោកមានប្រសាសន៍ថា៖ «ថ្ងៃនេះយើងចង់បញ្ជាក់អំពីបាតុកម្មរបស់យើងដែលនិងធ្វើនៅថ្ងៃទី៧នេះគឺជាបាតុកម្មតាមរបៀបអហិង្សា តាមរបៀបការប្រើប្រាស់នៅផ្លូវចិត្ត និងអារម្មណ៍ ចៀសវាងការប្រើនូវកាយវិការ ហើយនិងសម្តីសំដៅច្រើន»។
លោកជាម យៀប សមាជិកអចិន្ត្រៃយ៍នៃគណបក្សប្រជាជនកម្ពុជា បានស្វាគមន៍ជំហររបស់គណបក្សសង្គ្រោះជាតិទាក់ទិននឹងការស្វះស្វែងរកដំណោះស្រាយឲ្យមានភាពស្ងប់ស្ងាត់។
លោកបានបញ្ជាក់ថា៖«យល់ឃើញថា នេះក៏ជាសម្បទានមួយរបស់គណបក្សសង្គ្រោះជាតិ ចំពោះសភាពការណ៍នៃមាតុភូមិយើងនាពេលបច្ចុប្បន្ននេះដែរ»។
មេដឹកនាំគណបក្សសង្គ្រោះជាតិបានអះអាងថា ពិធីស្មិងស្មាធិ៍ដើម្បីបួងសួងសុំសន្តិភាពនឹងធ្វើឡើងនៅគ្រប់ទិសទី និងវត្តអារាមផង ហើយគ្រោងនឹងនិមន្តព្រះសង្ឃចូលរួម៕
