លោករដ្ឋមន្ត្រីការបរទេសឥណ្ឌូនេស៊ី ម៉ាទី ណាតាឡេហ្គាវ៉ានឹងមកប្រទេសកម្ពុជានៅថ្ងៃព្រហស្បតិ៍ដើម្បីបំពេញទស្សនកិច្ចការងារមួយថ្ងៃដែលជាដំណើរទស្សនកិច្ចបន្ទាន់មួយមានគោលបំណងស្តាឡើងវិញនូវកេរ្តិ៍ឈ្មោះរបស់សមាគមអាស៊ានក្រោយពីបរាជ័យនៃកិច្ចប្រជុំថ្នាក់រដ្ឋមន្ត្រីការបរទេសកាលពីសប្តាហ៍មុនដោយសារតែបញ្ហាសមុទ្រចិនខាងត្បូង។
ក្រសួងការបរទេសកម្ពុជាបានបញ្ជាក់ក្នុងសេចក្តីប្រកាសព័ត៌មាននៅថ្ងៃពុធថាលោកម៉ាទីនឹងជួបប្រជុំការងារជាមួយលោកហោ ណាំហុងរដ្ឋមន្ត្រីការបរទេសកម្ពុជាផងដែរ។
លោកណាតាឡេហ្គាវ៉ាបានចាប់ផ្តើមដំណើរទស្សនកិច្ចនេះនៅថ្ងៃពុធដោយទៅប្រទេសហ្វីលីពីនដែលជាប្រទេសមួយមានការតវ៉ាខ្លាំងក្នុងទំនាស់ក្នុងជម្លោះឈូងសមុទ្រចិនហើយឈានទៅដល់បរាជ័យក្នុងការចេញសេចក្តីប្រកាសរួមក្រោយពីកិច្ចប្រជុំអាស៊ានបានបញ្ចប់។
លោកណាតាឡេហ្គាវ៉ាបានជួបជាមួយនឹងរដ្ឋមន្ត្រី ការបរទេសហ្វីលីពីន អាល់ប៊ែរ ដែល រ៉ូសារីយ៉ូ (Albert del Rosario) ហើយបានបញ្ជាក់ប្រាប់ក្រុមអ្នកសារព័ត៌មានថាអាស៊ានត្រូវតែបន្តរក្សាភាពស្និទ្ធស្នាលជាមួយគ្នា និងឯកភាពគ្នាក្នុងការដោះស្រាយបញ្ហាសមុទ្រចិនខាងត្បូង។
ប្រទេសកម្ពុជាទទួលរងការរិះគន់ថាបានងាកទៅរកប្រទេសចិនខ្លាំងពេកហើយមិនបានការពារផលប្រយោជន៍សមាជិកអាស៊ានដែលកម្ពុជាជាប្រធានប្តូរវេននោះទេ។ វាជាការបាក់មុខមួយសម្រាប់ក្រុមប្រទេសនេះដែលនេះជាលើកទីមួយហើយក្នុងប្រវត្តិសាស្រ្ត៤៥ឆ្នាំរបស់ខ្លួនដែលមិនអាចចេញសេចក្តីប្រកាសរួមពីលទ្ធផលដែលបានជួបគ្នាក្នុងរយៈពេលមួយសប្តាហ៍៕
ក្រសួងការបរទេសកម្ពុជាបានបញ្ជាក់ក្នុងសេចក្តីប្រកាសព័ត៌មាននៅថ្ងៃពុធថាលោកម៉ាទីនឹងជួបប្រជុំការងារជាមួយលោកហោ ណាំហុងរដ្ឋមន្ត្រីការបរទេសកម្ពុជាផងដែរ។
លោកណាតាឡេហ្គាវ៉ាបានចាប់ផ្តើមដំណើរទស្សនកិច្ចនេះនៅថ្ងៃពុធដោយទៅប្រទេសហ្វីលីពីនដែលជាប្រទេសមួយមានការតវ៉ាខ្លាំងក្នុងទំនាស់ក្នុងជម្លោះឈូងសមុទ្រចិនហើយឈានទៅដល់បរាជ័យក្នុងការចេញសេចក្តីប្រកាសរួមក្រោយពីកិច្ចប្រជុំអាស៊ានបានបញ្ចប់។
លោកណាតាឡេហ្គាវ៉ាបានជួបជាមួយនឹងរដ្ឋមន្ត្រី ការបរទេសហ្វីលីពីន អាល់ប៊ែរ ដែល រ៉ូសារីយ៉ូ (Albert del Rosario) ហើយបានបញ្ជាក់ប្រាប់ក្រុមអ្នកសារព័ត៌មានថាអាស៊ានត្រូវតែបន្តរក្សាភាពស្និទ្ធស្នាលជាមួយគ្នា និងឯកភាពគ្នាក្នុងការដោះស្រាយបញ្ហាសមុទ្រចិនខាងត្បូង។
ប្រទេសកម្ពុជាទទួលរងការរិះគន់ថាបានងាកទៅរកប្រទេសចិនខ្លាំងពេកហើយមិនបានការពារផលប្រយោជន៍សមាជិកអាស៊ានដែលកម្ពុជាជាប្រធានប្តូរវេននោះទេ។ វាជាការបាក់មុខមួយសម្រាប់ក្រុមប្រទេសនេះដែលនេះជាលើកទីមួយហើយក្នុងប្រវត្តិសាស្រ្ត៤៥ឆ្នាំរបស់ខ្លួនដែលមិនអាចចេញសេចក្តីប្រកាសរួមពីលទ្ធផលដែលបានជួបគ្នាក្នុងរយៈពេលមួយសប្តាហ៍៕
