ភ្នំពេញ៖ អ្នកតាក់តែងច្បាប់ពីគណបក្សប្រជាជនកម្ពុជា នៅថ្ងៃអង្គារនេះ បានតែងតាំងឡើងវិញឲ្យលោកនាយករដ្ឋមន្រ្តីហ៊ុន សែន ដែលបានកាន់អំណាចដ៏យូរមកហើយ ឲ្យកាន់អំណាចប្រាំឆ្នាំបន្តទៀត ខណៈដែលសមាជិកសភាពីគណបក្សប្រឆាំងបានធ្វើពហិការមិនចូលរូមប្រជុំសភាថ្ងៃដំបូង។ ពេលនេះគណបក្សប្រជាជននៅតែជាគណបក្សដែលមានសំឡេងភាគច្រើននៅក្នុងរដ្ឋសភាកម្ពុជា ខណៈដែលសមាជិកគណបក្សប្រឆាំងតវ៉ាប្រឆាំងនឹងលទ្ធផលនៃការបោះឆ្នោតថ្ងៃទី២៨ ខែកក្កដា។
ថ្លែងទៅកាន់អ្នកយកព័ត៌មានកាលពីថ្ងៃអង្គារកន្លងទៅនេះ លោកនាយករដ្ឋមន្ត្រី ហ៊ុន សែន មានប្រសាសន៍ថា លោកនៅតែបើកការចរចាជាមួយនឹងគណបក្សប្រឆាំងដែលអវត្តមាននៅក្នុងកិច្ចប្រជុំរដ្ឋសភា ប៉ុន្តែថា ការចរចានេះអាចប្រព្រឹត្តិទៅ បានលុះត្រាតែគណបក្សប្រឆាំងយល់ព្រមបញ្ចប់ពហិការនយោបាយរបស់ខ្លួន ហើយចូលរូមធ្វើការជាមួយសមាជិកសភាពីគណបក្សប្រជាជនកម្ពុជានៅក្នុងសភាជាតិ។
លោក ហ៊ុន សែន ថ្លែងថា៖ «ខ្ញុំគិតថា យើងមិនបានបិទទ្វារទេ។ ប៉ុន្តែដំបូងបំផុតខ្ញុំចង់និយាយថា បើចង់និយាយអីតទៅទៀត ត្រូវចូលស្បថសិន។ បើមិនទាន់ចូលស្បថទេ កុំអាលលើកបញ្ហាចរចាជាមួយគណបក្សប្រជាជន»។
វានៅតែមិនច្បាស់ថាតើគណបក្សប្រឆាំងនឹងចូលរួមក្នុងរដ្ឋសភានៅក្នុងអាណត្តិរបស់លោកនាយករដ្ឋមន្ត្រីនេះដែរ ឬយ៉ាងណា។
លោក សុន ឆៃ គឺជាសមាជិកម្នាក់នៃគណបក្សសង្គ្រោះជាតិ ដែលកាលពីចុងសប្តាហ៍នេះបានប្រារព្ធពិធីជានិមិត្តរូបនៃការស្បថចូលកាន់ដំណែងសម្រាប់សមាជិកសភារបស់ខ្លួននៅអង្គរវត្ត។
លោក សុន ឆៃ មានប្រសាសន៍ថា គណបក្សរបស់លោកត្រូវការការបញ្ជាក់ពីលោកនាយករដ្ឋមន្ត្រីថា លោកប្តេជ្ញាកែទម្រង់ប្រកបដោយអត្ថន័យ ប៉ុន្តែ អនុសាសន៍របស់លោកនាយករដ្ឋមន្ត្រីកាលពីថ្ងៃអង្គារមិនបានបង្ហាញការតាំងចិត្តណាមួយនោះទេ។
«លោក ហ៊ុន សែន ខ្លួនឯងត្រូវតែបង្ហាញការប្តេជ្ញាចិត្តរបស់ខ្លួនក្នុងការកែទម្រង់ប្រព័ន្ធរបស់ប្រទេស។ យើងមិនអាចលើកទឹកចិត្តឬអនុញ្ញាតឲ្យលោកហ៊ុន សែន បន្តការដឹកនាំប្រទេសតាមបែបផ្តាច់ការតទៅទៀតទេ។ យើងមិនអាចឱនក្បាលរបស់យើងចំពោះបុរសដែលលួចសន្លឹកឆ្នោតរបស់យើងទេ ដែលធ្វើបែបនេះគឺមានន័យថា អនុញ្ញាតឲ្យគាត់បន្តដឹកនាំប្រទេសតាមរបៀបចាស់ ដោយគ្មានការប្តេជ្ញាផ្លាស់ប្តូរពិតប្រាកដ»។
លោកនាយករដ្ឋមន្ត្រីនៅតែទទូចថា គណបក្សរបស់លោកឈ្នះក្នុងការបោះឆ្នោតថ្ងៃទី២៨ ខែកក្កដា ទោះបីជាបាត់បង់សំឡេងដ៏ច្រើនក៏ដោយ។ បើតាមលទ្ធផល គណបក្សប្រជាជនកម្ពុជាទទួលបាន៦៨អាសនៈទល់នឹងគណបក្សសង្គ្រោះជាតិទទួលបាន៥៥អាសនៈ។
គណបក្សប្រឆាំងប្រកាសថា ការបោះឆ្នោតពេញដោយការបន្លំសន្លឹកឆ្នោតដ៏រីករាលដាល។ ប៉ុន្តែ ការទាមទាររបស់គណបក្សប្រឆាំងឲ្យមានការស៊ើបអង្កេតឥតលម្អៀងលើលទ្ធផលនៃការបោះឆ្នោតមិនទទួលបានផលអ្វីឡើយ។
កាលពីសប្តាហ៍មុន មហាបាតុកម្មបីថ្ងៃនិងជំនួបរយៈពេលវែងពីរដងជាមួយនឹងគណបក្សប្រជាជនកម្ពុជាមិនបានដោះស្រាយភាពជាប់គាំងផ្នែកនយោបាយនេះទេ។
លោកសុន ឆៃ មានប្រសាសន៍ថា គណបក្សរបស់លោកទាមទារឲ្យមានកំណែទម្រង់ប្រកបដោយអត្ថន័យចំពោះប្រព័ន្ធនយោបាយដែលនៅក្រោមឥទ្ធិពលយ៉ាងយូររបស់លោកហ៊ុន សែន និងគណបក្សកាន់អំណាច។
«ក្នុងន័យនោះ ត្រូវមានការសម្របសម្រួលអំពីមធ្យោបាយក្នុងការគ្រប់គ្រងស្ថាប័នផ្សេងៗក្នុងរបៀបមួយដែលគណបក្សមួយ ជាពិសេសគណបក្សរបស់លោកហ៊ុន សែន មិនដឹកនាំប្រទេសតាមរបៀបដែលគាត់ចូលចិត្ត និងចង់បាននោះទេ។ គាត់ត្រូវតែទទួលខុសត្រូវចំពោះអ្វីដែលគាត់កំពុងធ្វើ»។
ទាំងគណបក្សប្រជាជនកម្ពុជានិងគណបក្សសង្គ្រោះជាតិឲ្យដឹងថា ពួកគេបើកទ្វារសម្រាប់ការចរចាបន្ត។ អ្វីដែលមិនទាន់ច្បាស់នោះគឺថាតើភាគីណាចាប់ផ្តើមមុន៕
ប្រែសម្រួលដោយ អ៊ឹម សុធារិទ្ធ
ថ្លែងទៅកាន់អ្នកយកព័ត៌មានកាលពីថ្ងៃអង្គារកន្លងទៅនេះ លោកនាយករដ្ឋមន្ត្រី ហ៊ុន សែន មានប្រសាសន៍ថា លោកនៅតែបើកការចរចាជាមួយនឹងគណបក្សប្រឆាំងដែលអវត្តមាននៅក្នុងកិច្ចប្រជុំរដ្ឋសភា ប៉ុន្តែថា ការចរចានេះអាចប្រព្រឹត្តិទៅ បានលុះត្រាតែគណបក្សប្រឆាំងយល់ព្រមបញ្ចប់ពហិការនយោបាយរបស់ខ្លួន ហើយចូលរូមធ្វើការជាមួយសមាជិកសភាពីគណបក្សប្រជាជនកម្ពុជានៅក្នុងសភាជាតិ។
លោក ហ៊ុន សែន ថ្លែងថា៖ «ខ្ញុំគិតថា យើងមិនបានបិទទ្វារទេ។ ប៉ុន្តែដំបូងបំផុតខ្ញុំចង់និយាយថា បើចង់និយាយអីតទៅទៀត ត្រូវចូលស្បថសិន។ បើមិនទាន់ចូលស្បថទេ កុំអាលលើកបញ្ហាចរចាជាមួយគណបក្សប្រជាជន»។
វានៅតែមិនច្បាស់ថាតើគណបក្សប្រឆាំងនឹងចូលរួមក្នុងរដ្ឋសភានៅក្នុងអាណត្តិរបស់លោកនាយករដ្ឋមន្ត្រីនេះដែរ ឬយ៉ាងណា។
លោក សុន ឆៃ គឺជាសមាជិកម្នាក់នៃគណបក្សសង្គ្រោះជាតិ ដែលកាលពីចុងសប្តាហ៍នេះបានប្រារព្ធពិធីជានិមិត្តរូបនៃការស្បថចូលកាន់ដំណែងសម្រាប់សមាជិកសភារបស់ខ្លួននៅអង្គរវត្ត។
លោក សុន ឆៃ មានប្រសាសន៍ថា គណបក្សរបស់លោកត្រូវការការបញ្ជាក់ពីលោកនាយករដ្ឋមន្ត្រីថា លោកប្តេជ្ញាកែទម្រង់ប្រកបដោយអត្ថន័យ ប៉ុន្តែ អនុសាសន៍របស់លោកនាយករដ្ឋមន្ត្រីកាលពីថ្ងៃអង្គារមិនបានបង្ហាញការតាំងចិត្តណាមួយនោះទេ។
«លោក ហ៊ុន សែន ខ្លួនឯងត្រូវតែបង្ហាញការប្តេជ្ញាចិត្តរបស់ខ្លួនក្នុងការកែទម្រង់ប្រព័ន្ធរបស់ប្រទេស។ យើងមិនអាចលើកទឹកចិត្តឬអនុញ្ញាតឲ្យលោកហ៊ុន សែន បន្តការដឹកនាំប្រទេសតាមបែបផ្តាច់ការតទៅទៀតទេ។ យើងមិនអាចឱនក្បាលរបស់យើងចំពោះបុរសដែលលួចសន្លឹកឆ្នោតរបស់យើងទេ ដែលធ្វើបែបនេះគឺមានន័យថា អនុញ្ញាតឲ្យគាត់បន្តដឹកនាំប្រទេសតាមរបៀបចាស់ ដោយគ្មានការប្តេជ្ញាផ្លាស់ប្តូរពិតប្រាកដ»។
លោកនាយករដ្ឋមន្ត្រីនៅតែទទូចថា គណបក្សរបស់លោកឈ្នះក្នុងការបោះឆ្នោតថ្ងៃទី២៨ ខែកក្កដា ទោះបីជាបាត់បង់សំឡេងដ៏ច្រើនក៏ដោយ។ បើតាមលទ្ធផល គណបក្សប្រជាជនកម្ពុជាទទួលបាន៦៨អាសនៈទល់នឹងគណបក្សសង្គ្រោះជាតិទទួលបាន៥៥អាសនៈ។
គណបក្សប្រឆាំងប្រកាសថា ការបោះឆ្នោតពេញដោយការបន្លំសន្លឹកឆ្នោតដ៏រីករាលដាល។ ប៉ុន្តែ ការទាមទាររបស់គណបក្សប្រឆាំងឲ្យមានការស៊ើបអង្កេតឥតលម្អៀងលើលទ្ធផលនៃការបោះឆ្នោតមិនទទួលបានផលអ្វីឡើយ។
កាលពីសប្តាហ៍មុន មហាបាតុកម្មបីថ្ងៃនិងជំនួបរយៈពេលវែងពីរដងជាមួយនឹងគណបក្សប្រជាជនកម្ពុជាមិនបានដោះស្រាយភាពជាប់គាំងផ្នែកនយោបាយនេះទេ។
លោកសុន ឆៃ មានប្រសាសន៍ថា គណបក្សរបស់លោកទាមទារឲ្យមានកំណែទម្រង់ប្រកបដោយអត្ថន័យចំពោះប្រព័ន្ធនយោបាយដែលនៅក្រោមឥទ្ធិពលយ៉ាងយូររបស់លោកហ៊ុន សែន និងគណបក្សកាន់អំណាច។
«ក្នុងន័យនោះ ត្រូវមានការសម្របសម្រួលអំពីមធ្យោបាយក្នុងការគ្រប់គ្រងស្ថាប័នផ្សេងៗក្នុងរបៀបមួយដែលគណបក្សមួយ ជាពិសេសគណបក្សរបស់លោកហ៊ុន សែន មិនដឹកនាំប្រទេសតាមរបៀបដែលគាត់ចូលចិត្ត និងចង់បាននោះទេ។ គាត់ត្រូវតែទទួលខុសត្រូវចំពោះអ្វីដែលគាត់កំពុងធ្វើ»។
ទាំងគណបក្សប្រជាជនកម្ពុជានិងគណបក្សសង្គ្រោះជាតិឲ្យដឹងថា ពួកគេបើកទ្វារសម្រាប់ការចរចាបន្ត។ អ្វីដែលមិនទាន់ច្បាស់នោះគឺថាតើភាគីណាចាប់ផ្តើមមុន៕
ប្រែសម្រួលដោយ អ៊ឹម សុធារិទ្ធ
