Los Angeles រដ្ឋ California៖ នៅក្នុងស្នាដៃចុងក្រោយបង្អស់ របស់លោក អោក ព្រហ្មសុដន្តអ្នករបាំខ្មែរប្រចាំនៅទីក្រុង Long Beach រដ្ឋកាលីហ្វញ៉ាបានសម្រិតសម្រាំងយកនូវសាច់រឿងចេញពីរឿងព្រេងនិទានព្រះសុធន នាងកែវមនោរាហ៍ ហើយបានប្រើសាច់រឿងនេះដើម្បីពណ៌នាពីជីវិតរបស់គាត់នៅសហរដ្ឋអាមេរិក។
អោក ព្រហ្ម ដែលជាអ្នកហាត់ របាំបុរាណខ្មែរ និយាយថា រឿងរ៉ាវស្នេហារវាងព្រះនាងនៅឋានលើនិងចៅមាណពកម្សត់នៅឋានកណ្តាល ជារឿងបុរាណ ប៉ុន្តែវាទាក់ទងទៅនឹងជីវិតសម័យបច្ចុប្បន្ន។ អោកព្រហ្មសុដន្តថ្លែងថា៖ «នៃដីនិងមេឃ»និទានឡើងវិញនូវរឿងនេះ ហើយកែសម្រួលថ្មីដោយបញ្ចូលនូវបុរសស្រឡាញ់ភេទដូចគ្នាដើម្បីបញ្ជាក់ថា ស្នេហារវាងមនុស្សប្រុសពីរនាក់ ឬមនុស្សស្រីពីរនាក់គឺពិតនិងបរិសុទ្ធ ដូចស្នេហាដទៃទៀតដែរ»។
«នៃដីនិងមេឃ»ត្រូវបានបង្ហាញនៅឯពិធីបុណ្យសិល្បៈ New Original WorksFestival នៅមជ្ឈមណ្ឌលសិល្បៈ REDCAT នៃទីក្រុង Los Angeles។
George Lugg នាយកមជ្ឈមណ្ឌលសិល្បៈREDCATឲ្យដឹងថា៖ «ខ្ញុំគិតថា ព្រហ្មគឺជាអ្នកសិល្បៈដែលគួរឲ្យចាប់អារម្មណ៍ដែលចេញមកពីប្រពៃណីមួយដែលគាត់បានហាត់រៀនយ៉ាងស្ទាត់និងមានការគោរពយ៉ាងខ្លាំង ហើយប្រើប្រាស់វាក្នុងការប្រាប់ពីរឿងដែលពាក់ព័ន្ធនឹងខ្លួនគាត់ផ្ទាល់ ពីបទពិសោធន៍របស់គាត់ក្នុងសម័យថ្មីនេះ ហើយយកវាមកដាក់ក្នុងបរិបទថ្មី ហើយជាមួយគ្នានេះ គោរពនូវប្រពៃណីនិងការហាត់។ គាត់ពិតជាធ្វើការនេះអស់ពីចិត្ត ធ្វើការស្វែងយល់ពីបញ្ហាស្នេហានិងកន្លែងរបស់គាត់នៅលើលោកនេះតាមរបៀបមួយដែលគេទាំងអស់គ្នាអាចផ្សាភ្ជាប់»។
អោកព្រហ្មសុដន្តពន្យល់ថា៖ «អ្វីដែលខ្ញុំធ្វើនៅលើឆាក គឺមិនមានទេនៅលើឆាករបស់ខ្មែរ។ ឧទាហរណ៍ ដូចជាការបង្ហាញភេទ និងអ្វីដែលទាក់ទងនឹងភេទគឺជាអ្វីដែលមិនកើតមានទាល់តែសោះនៅក្នុងវប្បធ៌មខ្មែរ។ នេះមិនទាន់ទាំងនិយាយពីផ្នែកប្រព័ន្ធផ្សព្វផ្សាយទេ។
ប៉ុន្តែសម្រាប់ខ្ញុំ ជាអ្នកស្រឡាញ់ភេទដូចគ្នានៅសហរដ្ឋអាមេរិក នៅក្នុងសង្គមមួយដែលពេលខ្លះអាចនឹងទទួលការកៀបសង្កត់ ការបង្ហាញនូវអ្វីដែលទាក់ទងនឹងភេទ ជាទីមួយកាយវិការនៃការរើបម្រះ និង ទីពីរកាយវិការនៃភាពអបអរ»។ អោក ព្រហ្ម និយាយថា គាត់បានជ្រើសឲ្យអ្នករបាំរបស់គាត់សម្តែងដោយមិនមានការបិទបាំងផ្នែកខាងលើ ឲ្យដូចជាសម័យអង្គរ។ នេះក៏ជាជម្រើសផ្ទាល់ខ្លួនរបស់គាត់។ អោក ព្រហ្មសុដន្តនិយាយថា៖
«ស្រ្តីទាំងនេះគឺជា ម្តាយ គ្រូ សាស្ត្រាចារ្យ មានចំណេះដឹង មានភាពឯករាជ្យ មានរូបសម្រស់ស្អាត មានក្តីស្រឡាញ់និងមិនខ្លាចអ្វីទាំងអស់។ ហើយនេះហើយជាប្រភេទស្រី្តដែលខ្ញុំចង់ឃើញ ហើយខ្ញុំចង់លើកដំកើងនូវតួនាទីរបស់អ្នករាំក្នុងសិល្បៈខ្មែរនិងសិល្បៈទាំងអស់នៅលើលោក ដើម្បីឡើងដល់កន្លែងដែលខ្ពស់ កន្លែងនៅកណ្តាលជាស្ពានរវាងឋានសួគ៌និងផែនដី»៕
អោក ព្រហ្ម ដែលជាអ្នកហាត់ របាំបុរាណខ្មែរ និយាយថា រឿងរ៉ាវស្នេហារវាងព្រះនាងនៅឋានលើនិងចៅមាណពកម្សត់នៅឋានកណ្តាល ជារឿងបុរាណ ប៉ុន្តែវាទាក់ទងទៅនឹងជីវិតសម័យបច្ចុប្បន្ន។ អោកព្រហ្មសុដន្តថ្លែងថា៖ «នៃដីនិងមេឃ»និទានឡើងវិញនូវរឿងនេះ ហើយកែសម្រួលថ្មីដោយបញ្ចូលនូវបុរសស្រឡាញ់ភេទដូចគ្នាដើម្បីបញ្ជាក់ថា ស្នេហារវាងមនុស្សប្រុសពីរនាក់ ឬមនុស្សស្រីពីរនាក់គឺពិតនិងបរិសុទ្ធ ដូចស្នេហាដទៃទៀតដែរ»។
«នៃដីនិងមេឃ»ត្រូវបានបង្ហាញនៅឯពិធីបុណ្យសិល្បៈ New Original WorksFestival នៅមជ្ឈមណ្ឌលសិល្បៈ REDCAT នៃទីក្រុង Los Angeles។
George Lugg នាយកមជ្ឈមណ្ឌលសិល្បៈREDCATឲ្យដឹងថា៖ «ខ្ញុំគិតថា ព្រហ្មគឺជាអ្នកសិល្បៈដែលគួរឲ្យចាប់អារម្មណ៍ដែលចេញមកពីប្រពៃណីមួយដែលគាត់បានហាត់រៀនយ៉ាងស្ទាត់និងមានការគោរពយ៉ាងខ្លាំង ហើយប្រើប្រាស់វាក្នុងការប្រាប់ពីរឿងដែលពាក់ព័ន្ធនឹងខ្លួនគាត់ផ្ទាល់ ពីបទពិសោធន៍របស់គាត់ក្នុងសម័យថ្មីនេះ ហើយយកវាមកដាក់ក្នុងបរិបទថ្មី ហើយជាមួយគ្នានេះ គោរពនូវប្រពៃណីនិងការហាត់។ គាត់ពិតជាធ្វើការនេះអស់ពីចិត្ត ធ្វើការស្វែងយល់ពីបញ្ហាស្នេហានិងកន្លែងរបស់គាត់នៅលើលោកនេះតាមរបៀបមួយដែលគេទាំងអស់គ្នាអាចផ្សាភ្ជាប់»។
អោកព្រហ្មសុដន្តពន្យល់ថា៖ «អ្វីដែលខ្ញុំធ្វើនៅលើឆាក គឺមិនមានទេនៅលើឆាករបស់ខ្មែរ។ ឧទាហរណ៍ ដូចជាការបង្ហាញភេទ និងអ្វីដែលទាក់ទងនឹងភេទគឺជាអ្វីដែលមិនកើតមានទាល់តែសោះនៅក្នុងវប្បធ៌មខ្មែរ។ នេះមិនទាន់ទាំងនិយាយពីផ្នែកប្រព័ន្ធផ្សព្វផ្សាយទេ។
ប៉ុន្តែសម្រាប់ខ្ញុំ ជាអ្នកស្រឡាញ់ភេទដូចគ្នានៅសហរដ្ឋអាមេរិក នៅក្នុងសង្គមមួយដែលពេលខ្លះអាចនឹងទទួលការកៀបសង្កត់ ការបង្ហាញនូវអ្វីដែលទាក់ទងនឹងភេទ ជាទីមួយកាយវិការនៃការរើបម្រះ និង ទីពីរកាយវិការនៃភាពអបអរ»។ អោក ព្រហ្ម និយាយថា គាត់បានជ្រើសឲ្យអ្នករបាំរបស់គាត់សម្តែងដោយមិនមានការបិទបាំងផ្នែកខាងលើ ឲ្យដូចជាសម័យអង្គរ។ នេះក៏ជាជម្រើសផ្ទាល់ខ្លួនរបស់គាត់។ អោក ព្រហ្មសុដន្តនិយាយថា៖
«ស្រ្តីទាំងនេះគឺជា ម្តាយ គ្រូ សាស្ត្រាចារ្យ មានចំណេះដឹង មានភាពឯករាជ្យ មានរូបសម្រស់ស្អាត មានក្តីស្រឡាញ់និងមិនខ្លាចអ្វីទាំងអស់។ ហើយនេះហើយជាប្រភេទស្រី្តដែលខ្ញុំចង់ឃើញ ហើយខ្ញុំចង់លើកដំកើងនូវតួនាទីរបស់អ្នករាំក្នុងសិល្បៈខ្មែរនិងសិល្បៈទាំងអស់នៅលើលោក ដើម្បីឡើងដល់កន្លែងដែលខ្ពស់ កន្លែងនៅកណ្តាលជាស្ពានរវាងឋានសួគ៌និងផែនដី»៕
