កាលពីថ្ងៃអាទិត្យ លោកអនុប្រធានាធិបតីស.រ.អា Joe Biden បានអញ្ជើញទៅកាន់ព្រះវិហារគ្រឹស្តសាសនា Emanuel AME ក្នុងក្រុង Charleston រដ្ឋ South Carolina។
ដោយពាក់ក្រាវ៉ាត់កពណ៌ស្វាយ ដែលជាពណ៌ជានិមិត្តរូបនៃព្រះវិហារគ្រឹស្តសាសនា African Methodist Episcopal លោក Biden បានមានប្រសាសន៍ថា លោកអញ្ជើញទៅចូលរួមក្នុងពិធីសូត្រធម៌កាលពីថ្ងៃអាទិត្យនោះពីព្រោះលោក និងគ្រួសារលោកចង់បង្ហាញសាមគ្គីភាពជាមួយគ្រួសារជនរងគ្រោះ និងព្រះវិហារគ្រឹស្តសាសនានេះ។
លោក Biden បានអានផ្នែកត្រូវជ្រើសរើសមួយពីគម្ពីរគ្រឹស្តសាសនា ហើយក្រុមអ្នកចូលរួមក្នុងពីធីសូត្រធម៌នោះបានងើបឈេអបអរសាទរលោក។ មនុស្ស៩នាក់បានត្រូវបាញ់ស្លាប់នៅក្នុងព្រះវិហារគ្រឹស្តសាសនានោះ ដោយមានរួមបញ្ចូលទាំងអាចារ្យប្រចាំព្រះវិហារនោះផងដែរ។ ឃាតករជាជនប្រដាប់អាវុធតែម្នាក់គត់ ដែលបានបាញ់សម្លាប់ក្រុមអ្នកចូលរួមក្នុងការសិក្សាព្រះគម្ពីរប៊ីបកាលពីពេលមុននេះក្នុងខែនេះ។
កាលពីថ្ងៃសៅរ៍ ក្រុមអ្នកកាន់មរណទុក្ខមកពីក្រុង Charleston និងកន្លែងហួសពីនោះបានប្រមូលផ្តុំគ្នាធ្វើបុណ្យសពជូនជនរងគ្រោះបីនាក់ទៀតនៃការសម្លាប់រង្គាលនោះ។
ពិធីទីមួយបានត្រូវប្រារព្ធឡើងសម្រាប់សពអ្នកស្រី Cynthia Hurd។ ក្នុងបណ្តាអ្នកចូលរួមក្នុងពិធីបុណ្យសពកាលពីថ្ងៃសៅរ៍នោះមានរួមបញ្ចូលអភិបាលរដ្ឋ South Carolina លោកNikki Haley សមាជិកព្រឹទ្ធសភាស.រ.អាលោក Tim Scott និងលោក Joseph Riley អភិបាលក្រុង Charleston៕
