ជំនួបកំពូលលើកទី២៥របស់សមាគមប្រជាជាតិអាស៊ីអាគ្នេយ៍កំពុងដំណើរការ។ ជំនួបកំពូលបានចាប់ផ្តើមដោយប្រទេសម្ចាស់ផ្ទះសម្តែងការព្រួយបារម្ភអំពីទិសដៅដែលនឹងមិនអាចសម្រេចបាន។
សន្និសីទកំពូលអាស៊ាន នេះបានបើកធ្វើឡើងដោយមានភ្លេងជាតិ ជាចម្រៀងមិនធ្លាប់ឮហើយមានមេដឹកនាំនិងអ្នកការទូតអាស៊ីអាគ្នេយ៍មួយចំនួនតូចប៉ុណ្ណោះអាចច្រៀងតាមបាន។
ការណ៍នេះឆ្លុះបញ្ចាំងពីបញ្ហាប្រឈមនៃសមាជិកអាស៊ានទាំង១០។ ៤៨ឆ្នាំក្រោយពីការបង្កើតអាស៊ាន អង្គការនេះ នៅកំពុងព្យាយាមកំណត់គោលដៅខ្លួនហើយព្រមព្រៀងលើគោលនយោបាយចុះសម្រុងសម្រាប់សហគមន៍មានពលរដ្ឋទីទៃពីគ្នាជាង៦រយលាននាក់។
ប្រធានាធិបតីភូមាជាម្ចាស់ផ្ទះសន្និសីទកំពូល បានធ្វើសុន្ទរកថាដោយប្រយ័ត្នប្រយែងនៅពេលបើកសន្និសីទមួយឆ្នាំមុនពេលចាប់ផ្តើមសហគមន៍សេដ្ឋកិច្ចអាស៊ានដែលបង្កើតទីផ្សារដ៏ធំមួយ។
«បញ្ហាប្រឈម នៅតែមានក្នុងការអនុវត្តតាមទិសដៅនៅសល់២០ភាគរយ ហើយការដោះស្រាយបញ្ហានានាដែលនឹងកើតមានក្នុងសហគមន៍អាស៊ានក្រោយឆ្នាំ២០១៥»។
លោក Thein Sein ក៏ធ្វើកំណត់សម្គាល់ដែលត្រូវបានបកស្រាយថាជាការឆ្លុះបញ្ចាំងពីការរកាំចិត្តក្នុងចំណោមរដ្ឋខ្លះពីការយឺតយ៉ាវនៃការបញ្ចប់ក្រមប្រតិបត្តិសមុទ្រចិនខាងត្បូង។
«អាស៊ាន ចាំបាច់ដើរតួនាទីកាន់តែធំឡើងនៅឆាកអន្តរជាតិដោយប្រកាន់ជំហររួបរួមគ្នាដើម្បីដោះស្រាយការព្រួយកង្វល់និងផលប្រយោជន៍រួមគ្នា»។
ជាពិសេស ហ្វីលីពីននិងវៀតណាម បានបង្កើនក្តីកង្វល់យ៉ាងខ្លាំងពីភាពមិនចាញ់មិនឈ្នះផ្លូវនាវាចរណ៍ក្នុងផ្ទៃទឹកមានជម្លោះដែលពាក់ព័ន្ធនឹងនាវាចិន។
ជំនួបអាស៊ាន នឹងត្រូវធ្វើឡើងបន្ទាប់ពីសន្និសីទកំពូលអាស៊ីខាងកើតលើកទី៩នៅថ្ងៃព្រហស្បត៍ ដែលត្រូវធ្វើនៅទីនោះដែរ។
ប្រធានាធិបតីអាមេរិក បារ៉ាក់ អូបាម៉ា នឹងចូលរួមសន្និសីទនេះ រួមជាមួយមេដឹកនាំផ្សេងទៀតដូចជា នាយករដ្ឋមន្រ្តីចិន ប្រធានាធិបតីកូរ៉េខាងត្បូង និងនាយករដ្ឋមន្រ្តីអូស្រ្តាលី ឥណ្ឌា ជប៉ុននិងរុស្ស៊ី៕
លោកជឹង ប៉ូជីនប្រែសម្រួល
