ស្ថាប័នរដ្ឋរបស់ប្រទេសចិនបានព្រមានកាលពីចុងខែវិច្ឆិកានេះថា រដ្ឋាភិបាលក្រុងប៉េកាំងត្រៀមខ្លួន រួចរាល់ហើយក្នុងការដាក់តំបន់កំណត់ការពារដែនអាកាស (ADIZ) ចូលក្នុងតំបន់សមុទ្រចិនខាងត្បូងដែលមានជម្លោះ ក្នុងគោលដៅដើម្បីឲ្យពួកគេមានអំណាចតាមដានចរាចរណ៍យន្តហោះរបស់បរទេស។ ក៏ប៉ុន្តែក្រុមអ្នកវិភាគនិយាយថា ការធ្វើបែបនេះនឹងបង្កើនការខឹងសម្បាពីប្រទេសនានា ដោយមិនមានការខ្លាចរអាចំពោះការធ្វើចរាចរនោះឡើយ។
